德美壽司

营业中

休息中

難得的出街同朋友食個午餐(平日🙆🏻‍♀️都為左健康為左慳錢都會帶飯🤭)Blue Monday因為呢餐豐盛嘅lunch而變得Happy💙.📍德美壽司.🍣壽司定食配牛肉烏冬($99)-大大件壽司有6舊😍有三文魚、油甘魚、熟蝦、帆立貝、葱吞拿魚同魚子🤤🤤全部都新鮮好好味!!烏冬好有咬口湯底又清~牛肉份量都好足👍最鍾意有好多粟米🥗每個午餐都會有一個茶碗蒸同沙律做前菜~茶碗蒸好滑好juicy有雞肉蟹柳等等嘅材料一齊蒸😋沙律就普通啦都係啲沙律菜加沙律醬🤣不過有粒帆立貝刺身點綴下~🍱和食便當($96)-朋友揀左一個好豐富嘅便當盒子~有刺身、蘿蔔泡菜、豬軟骨、天婦羅同飯🤣真係好多選擇!🍮餐後仲有甜品送~三層嘅糕點一層係紅豆糕一層係原味奶凍一層係抹茶奶凍🤩本身都怕會好甜點知完全係相反!!佢嘅甜係靠面頭淋嘅芒果汁😋又幾好食喎

話說今日又要去尖咀返工，於是就搵啲特價外賣，得一個人就食好啲食日本野。德美都開左好耐，係尖咀厚福街都有啲名氣，決定食佢。我就食返個壽司併盤，啲飯就普通啦，但啲刺身就好好食。啲魚切得好厚，幾抵食。我特別中意隻蝦，因為唔鞋口，又有啲甜味。另外個吞拿魚蓉都好食，啲肉打得好滑。味噌汁就普普通通野，叫做有啲海帶咁。呢個茶碗就真係幾好食，估唔到外賣都可以咁滑，而且啲蛋都幾好味，有蝦有雞肉好抵食。舊玉子燒都好好食，甜甜地，好厚肉。正。

呢間日本野超多人，一出𨋢排滿晒人，睇黎好受歡迎😍之前已經食過，覺得好認真做壽司，今次再黎幫襯。要食飯既記得預早排隊，我就買外賣保平安🤣.三文魚親子卷 $664大舊好足料😍有三文魚、三文魚籽同牛油果，一啖食哂好滿足🥰.三色魚生飯 $129三色魚生係三文魚、油甘魚同帶子，刺身又新鮮又肥美😍飯唔係一般白飯，係有調味過既飯，撈埋飛魚子一齊食已經好好食🤤.套餐跟煙三文魚沙律同麵豉湯，沙律個汁酸酸地好開胃

今日係尖沙咀放工後路過厚福街，見到德美壽司外賣有九折（但外賣盒要加$7），於是就試下這裏的晚餐。咁我就係買埋俾嫲嫲食的，佢的食量唔大，所以我就點左魚子蒽吞拿魚腩茸飯（包沙律同湯）、牛油包軟殼蟹手卷、火灸帆立貝壽司。拎到返屋企之後我覺得食物質素唔錯，保暖亦做得唔錯，雖然啲食物本身唔係好熱。軟殻蟹係仍然香脆的，飯粒唔會好癡住，而吞拿魚腩茸食落都覺得好新鮮，配合Wasabi撈埋啲飯一齊食，食落好fresh。而帆立貝火灸後都幾好味，但係就食唔出帆立貝本身的鮮味。

Staff was really friendly and alert to customer's needs or request. Several times they helped me clear the table and provided me a plate before I had to ask them too. The food was great and well portioned, good price too. Sushi rice was nice and soft and seafood was fresh. The rice set and udon was hot and delicious.

🥢今日lunch得自己一個人食，諗住外賣番公司算，記得德美壽司做緊外賣9折，咁就食下日本野啦既然咁耐冇得去日本😆😆🥢我叫左lunch set 三文魚彩之飯，好新鮮既三文魚🔥佢有4片厚切，仲有兩粒帆立貝，同埋有d熟既三文魚碎，好足料，飯入面加左d紫菜同芝麻，整體好好食，set lunch 入面仲有蒸蛋，沙律同麵豉湯，真係十分之滿足🥳🥳🥢仲叫左串燒雞翼做小食，燒到乾身脆脆地，個鹽燒味道好日本風，值得推薦👍🏻🥢一個人簡簡單單食個lunch 好滿足🥰☺️☺️

疫情下🦠，各大餐廳紛紛推出救市宣傳📣，除咗「一蚊雞」🐔、「醫護人員」👨🏻‍⚕️優惠外，差唔多8成嘅餐廳都有做外賣優惠，阿叔一向都幾鍾意嚟呢間位於尖沙咀厚福街嘅壽司店，貪佢CP值夠高，估唔到呢期佢哋都加入埋外賣9折優惠，咁啱今次阿叔👨🏾趕時間，就即管幫襯吓先，睇吓有無分別！😄.#壽司定食配牛肉烏冬 (外賣價：$94)，外賣一啲都唔交行貨，非常豐富嘅定食👍🏽，有蟹子青瓜絲沙律🥒、蒸蛋🥚、牛肉烏冬同6件壽司🍣。牛肉烏冬份量唔少，海帶、日式魚片🍥、粟米粒🌽同肥牛塞滿全碗。壽司就有三文魚、熟蝦、帆立貝、蔥吞拿魚、油甘魚、豆腐同玉子，魚生尚算新鮮厚切，而且件件都幾大件添！食晒全份定食，唔好話唔飽肚！😆.阿叔👨🏾今次第一次一個人坐喺海旁，靜靜地望住個海🌊食飯，一邊食，一邊吹吓海風🌬，享受吓陽光☀️，原來可以咁爽！☺️

場內有4位壽司師傅即叫即整壽司，場都幾大幾空曠，價錢略貴，一分錢一分貨，同份量都幾多！✨外賣收外賣盒錢✨外賣9折-🤍三文魚$28🤍蔥拖羅茸 $48🤍牛油果軟殼蟹卷 $79🤍炸雞軟骨 $42-🤍蔥拖羅茸［滿星］⭐️⭐️⭐️⭐️⭐️‼️入口即溶，拖羅份量爆滿，蔥有令到整個口感更清新，必食！/🤍牛油果軟殼蟹卷［滿星］⭐️⭐️⭐️⭐️⭐️‼️都好大件，份量唔少！牛油果每件都有4塊，軟殼蟹仲另外會比2件，軟殼蟹有汁，同炸得香脆，蟹籽加沙律醬加牛油果既配搭好夾！/🤍炸雞軟骨［滿星］⭐️⭐️⭐️⭐️⭐️‼️一樣份量多！炸得香口😍👍🏻-環境：9/10服務：4/10好味指數：10/10回頭率：7/10

餐廳：德美壽司 (尖沙咀)地址：尖沙咀厚福街8號H8 5樓厚福街一向都多野食😋，返教會溫書之前去左H8 5樓嘅德美壽司買個lunch返去一邊食一邊溫德美幕之內便當($96)呢個便當有鯛魚刺身同三文魚刺身各兩件，仲有印有餐廳名「德美」嘅厚燒玉子、沙律🥗、麵豉湯🍲、茶碗蒸蛋、白飯🍚同甜品，另外燒物可以係天婦羅、吉列蠔🦪、炸雞或海鮮雜菜餅入面四揀一，我揀左炸雞；同埋秋刀魚、一夜干(花魚)、豬軟骨同炸大蝦🍤入面揀一個，我就揀左一夜干(花魚)，不過外賣就無甜品送喇炸雞香脆，入面嘅肉多汁幼嫩🤤，不過皮就有少少厚，煎香嘅花魚惹味唔腥，拎到返去都仲係熱辣辣，中午食呢個份量就係好豐富有餘👍🏼，算係幾抵食外賣可以享有9折，不過要另外加$5外賣盒費，因為都分開左好多兜🙈，雖然有少少唔環保，但因為依家疫情嘅關係就減少啲堂食啦，保障自己又保障到其他人

最近外賣自取優惠特別多，幾乎每天都會買點東西回家吃。德美上次買過9折，來到尖沙咀想起又上去買了個沙律。下午午飯時間過後不用等太久，也可以直接在外面坐著等，也算方便。和風三文魚沙律（$85）份量不算少，三文魚精美地排成玫瑰花似的，再放上芒果（+$10）、三文魚籽及番茄，顏色豐富！整體材料都新鮮，份量足，這樣子晚飯跟家人分享個魚生沙拉，打折後80多塊，也是不錯喔！感覺午市及晚市套餐更划算，下次可以買來直接當午餐/晚餐！

由於疫情關係,差唔多成個月都home office。即使現在正式返工,午餐都不太敢外在進餐。可以的話盡量都外賣返公司食,真係太耐無食過店舖壽司,於是今日就黎咗德美壽司。由於樣樣都想食,就揀咗德美刺身定食。外賣個樣一D都唔輸蝕有壽司3件,卷物2件,刺身3款,玉子燒,味噌湯,前菜,炸雞!!壽司有我最鍾意ge 帶子& 吞拿魚腩蓉刺身有甜蝦,三文魚,北寄貝。 全部都好新鮮食完咁多野仲有4件大大炸雞。但相比起壽司,德美的熟食就較為遜色。炸雞的粉漿略厚,感覺時間亦過長肉質較乾身。

今日收工行過厚福街，見到德美壽司外賣有九折！之前食過覺得佢哋嘅壽司幾高質，見有九折咁抵就決定買啲嘢返屋企食晚飯。牛油果軟殻蟹卷🥑牛油果加軟殻蟹絕對係我最鐘意嘅combination！軟殻蟹嘅份量好多，炸到脆卜卜，再加上青新嘅青瓜絲同完全成熟嘅牛油果，簡直係perfect match！加州卷🍣加州卷同樣地內餡好豐富！有好好食嘅玉子，蟹柳，青瓜同勁多勁多蟹籽，再加上沙律醬嘅點綴，係細路大人都鐘意食嘅卷物👍🏻地雞大蔥串🐔依到都有幾多串燒選擇，今次就試吓雞串。四大舊嫩滑嘅雞脾肉調味調得岩岩好，雖然係串燒加外賣，但係絕對唔會乾淨淨，再加埋好多大蔥係上面，蔥控必叫！黃金汁焗蠔🦪手掌咁大隻嘅焗蠔✋🏻蠔肉鮮甜多汁，大大舊肉，加埋上面creamy嘅黃金汁同紅蘿蔔粒，真係好好食😍

今日無帶飯又無腳食飯，又唔想一個人出街食，最後嚟咗呢度買外賣返公司自己一個食，外賣有九折，款式選擇都好多，10分鐘左右就可以拎啦。一個人食外賣梗係對自己好啲，好耐都冇食銀雪魚西京燒，因為價錢都幾貴，好在外賣九折，外賣包裝很精美，分隔得10分好。有齊前菜、麵豉湯、茶碗蒸及銀雪魚。由餐廳行返公司10分鐘左右，返到去唔使放入微波爐返叮，仍然保持溫度。銀雪魚質素好，嫩滑，配合日式沙律醬，好似食魚雪糕一樣，魚喺口入邊好快融化左，啲日本米亦好出色。

疫情關係，但又好想食日本菜，所以响朋友介紹下去左好多野食既厚福街H8既5樓叫德美壽司鋪叫左一客壽司外賣打算自私食下，餐廳環境都幾靚嫁，而且等位既人都幾多，門外坐滿左等位既客人，而餐廳入面就分左可以睇住壽司師傅制作壽司既bar枱位同其他坐位，打開壽司叫左壽司盛合美，壽司好抵食因為外賣有九折，壽司有九款，包括吞拿魚好新鮮肉質較實有咬口，油甘魚，三文魚好鮮味，池魚，帆立貝好厚肉好大粒，熟花竹蝦好彈牙新鮮，三文魚子好大粒好多，鰻魚口感嫩滑，拖羅茸卷細細舊易入口，仲有印有德美兩個字既厚燒玉子。

I had been eating lunch around TST 厚福街 recently. This time I had no time to eat out so decided to get takeaways. It was so hot that I craved something cold like sushi. I came to this quite popular sushi restaurant to give it a try. There were quite a lot of choices of lunch sets varying from sushi, sashimi, shabushabu to grilled dishes etc. Prices were quite economical with no service charge over lunch.It was so considerate of them to pack cold and hot food items separately.壽司定食配牛肉烏冬 at $99The s