德美壽司

营业中

休息中

去尖沙咀食日本菜，又要唔貴，又要好食同有厚切既刺身，當然係要去商場既外圍，先搵到平野食啦！今日去左厚福街果邊間德美壽司店，之前都知呢到冇得book 位，只可以walk in, 所以我地都早半個鐘去到，1點鐘就可以入座啦，果然不出我們所料！入到去，當然order 刺身啦，三文魚彩色丼係我必食既定食，當然最正係厚切又大大件既三文魚，吞拿魚，帶子啦⋯食落去好有口感，十分鮮甜......刺身多到可以完全遮蓋住d 飯，同埋呢到既日本珍珠米都好好味！當然成個餐包埋miso + 沙津+ 滑蛋啦！埋單$79 咋，真係冇得輸！

今日OT完好想食餐好嘅慰勞吓自己，但係因為太攰都唔想出外食飯，於是我選擇咗去德美買個壽司外賣，可以帶返屋企一邊休息一邊欣賞美食！看過餐牌後我選了這個壽司盛盒（美）裏面壽司有吞拿魚、油金魚、三文魚、池魚、帆立貝、熟花竹蝦、三文魚子、鰻魚、拖羅茸卷，每樣一件可以試試不同款式嘅壽司，分量足夠價錢合理，而最緊要嘅就係壽司非常高質，就算外賣都不會影響佢嘅質素！魚生十分新鮮而且厚切！大大塊的蓋過壽司飯，魚生非常之甘香味美！我特別喜歡那個帆立貝壽司，帆立貝好似砧板咁厚！食落非常之有口感而且鮮味，而拖羅茸卷都非常有驚喜，拖羅嘅油甘香非常突出，而吞拿魚、油金魚與及池魚充滿魚嘅鮮味！食落去啖啖肉，非常滋味！在家配上綠茶簡直一流，這個外賣晚餐非常高質滿意！而家德美做緊外賣九折，真係非常抵食！下次再會來幫襯呢！

今日唔係尖沙咀厚福街呢幢商廈，想食日本野，發現原來呢度都有德美餐廳嘅分店，眾多之中挑選左呢一間餐廳，因為lunch好抵食，外賣原來仲有九折。套餐 跟埋餐湯．沙律．茶碗蒸，連埋主菜都只係幾十蚊。外賣拎到返公司仲係熱辣辣，吉列豬扒依然脆卜卜。烏冬好多料，滿佈我最喜愛嘅海苔，烏東口感煙靭，蒸蛋滑嘟嘟。吉列雞扒飯，個汁溶入哂飯裡面，超正。見到環境都舒適，下次要嚟dinner, 可以慢慢嘆...仲可以叫日本酒添😋

呢間「德美壽司」係妹妹極力推介的食店之一，妹妹之前幫襯過佢哋將軍澳店舖，話係一間價錢平，質素高的壽司店今日嚟到尖沙咀探朋友，見「德美」有分店係厚褔街，就買啲美食去朋友家一齊分享「德美」壽司位於厚福街H8 5樓全層，「德美」除壽司外，仲有好多日式熟食煙三文魚柚子沙律～煙三魚魚油豐富，加上柚子的青甜，再配上柚子醋的酸味，三文魚中間卷上柚子一齊食，入口清爽，非常醒胃蒲燒鰻魚鰻魚肥美，燒烤後加上醬汁，口感軟彈，非常美味牛油果軟殼蟹卷牛油果軟滑，飛魚子粒粒脆口，配上香脆軟殼蟹，加上日本米飯的軟糯，入口層次分明，口感一流

夏天行到熱辣辣想隨便食啲嘢食，第一時間當然諗起壽司其實好耐之前泥過一次，當時仲係好有人氣要等位亦有限時，可能隔左一兩年人潮無左亦唔使等位。 嗌左148既壽司set, 包前菜煙三文魚沙律，味噌湯同茶碗蒸。十件壽司如圖，上面魚生大大件都算厚身，食到第六七件真係已經好飽。 新鮮度都係中規中矩啦⋯⋯只可以話真係幾抵食。我見好多人都嗌丼同熟食，大部份100有找份量都唔少家。其實仲有個三色糕配芒果醬做甜品，不過賣相麻麻，味道都係，有待改善。

尖沙咀有好多好嘢食，我最鍾意嘅日本料理都有好多，其中德美壽司亦都係我最喜愛日式餐廳之一，因為佢無論拖羅定卷物都咁好食，從來冇令我失望。今晚想留係屋企，叫外賣返去食。我叫咗太卷、芝士鰻魚卷同蟹籽壽司，兩款卷物都係各自有四件，蟹子壽司叫咗兩份所以都有四件，total 12件壽司，200蚊有找～一個女仔晚餐食都夠飽😍芝士同鰻魚好夾呀，仲有清新嘅青瓜絲，面頭仲有好多蟹子添😍太卷入面嘅牛蒡絲，醃蘿蔔，青瓜絲，蟹柳，鰻魚，每一樣都好好味😋係滿滿嘅蟹籽呀！

評分：🐷🐷🐷🐷（5🐷滿分）餐餐食Omakase就真係冇錢了😢有時又想食下壽司食下熟食再食下串燒咁，有冇可能一餐滿足我三個願望呢🤔估唔到又真係有喎！今次同兩個寶寶一行三個女人去食，每人都係一百頭就食到飽一飽❗️有壽司有鍋有串燒❗️ 首先講下壽司拼盤先，拿當然你唔會期望佢係omakase廚師發板既質素，但質素都ok，價錢大概二百，咁既份量我覺得平時食飯都已經好可以接受喎！串燒我地試左三串，除左牛舌咸左少少（可能粉落得唔平均）之外，其他都唔差！雞軟骨串又平又正，可以一試喔～至於個鍋都好足料，又係烏冬底一定夠飽飽😋

一個人響尖沙咀想食好西，諗起呢間出名高質嘅日本菜～ 發現而家有外賣自取優惠9折🥰 諗都唔洗諗即刻走上去Order外賣帶返屋企食😆最近疫情開始放緩，等待入坐嘅食客依然爆滿，但係餐廳依然無鬆懈，見倒食客入座需要測量體溫，餐廳內嘅吧枱不安排入座，檯與檯之間都有隔板隔開👍🏻👍🏻睇一睇餐牌，除咗壽司之外，仲有好多小食、一品料理、鍋物、丼飯類等等。 外賣返去嘅路程唔係太近，所以我決定叫唔怕凍嘅壽司加一兩個小食。Order好食物之後，大約等15分鐘左右就有得攞走，唔使等好耐。三文魚腩壽司 $40一客兩件，厚切三文魚，好肥美、好鮮甜😋火灸帆立貝壽司 $42一客兩件，帆立貝都幾大粒，火灸咗表層令帆立貝嘅鮮味更加突出。火灸左口魚邊壽司 $48同樣係一客兩件，左口魚邊有入口即溶嘅口感，好正。自家玉子 $38玉子燒切成一口size，食落口好方便。夠滑而且唔會好甜😋豚角煮 $82好邪惡嘅豚角煮，佢係用五花腩嘅部份燜煮，肉質入口鬆軟化開，每一粒豚角上面都有一小點芥末，感覺令到豚角無咁油膩。 配菜有西蘭花薯蓉，好好味。襯而家外賣有特價，要再食多幾次先得🥰

尖沙咀呢間日本壽司店外賣有9折🤩🍱德美海膽魚生飯🍣 $165玉子蓋上店名德美兩字，蛋味濃郁👍🏻材料都幾豐富：三文魚和吞拿魚鮮味十足，魚子和海膽爽甜，帶子和蝦都唔錯，魚生飯會附上沙律味噌湯😁🥚溫泉蛋天婦羅🍤$49第一嚐到溫泉蛋天婦羅！是一個大驚喜！平常吃到的都是蝦或是蔬菜天婦羅！沒想到蛋也可以製作成天婦羅耶～💁🏼‍♀️外層超級脆脆！內裡是流心半熟蛋，蛋黃更是可以倒出來的喔！一共有2隻

今天心血來潮想吃壽司，中午來了這店買午餐吃。噢，現在外賣更有9折！那乾脆買回家吃好了。最後點了德美刺身便當，有沙律、茶碗蒸、味增湯及炸物（炸雞/海鮮蔬菜餅）便當的食物很豐富，刺身新鮮，甜蝦啖啖肉、三文魚厚切更有兩大塊、玉子卷煎得剛剛好，卷物壽司是三文魚餡，海鮮蔬菜炸餅炸得酥脆。茶碗蒸的蛋滑溜，味噌湯裡頭更有一隻硯呢！即使是外賣，亦做得不馬虎，有其水準。原本肚餓得很，還以為份量會不夠吃，想不到還剩下了一大份海鮮蔬菜炸餅呢。下次要帶媽媽來吃高質壽司呢～

今日lunch自己一個黎到尖沙咀，想食壽司，於是黎到德美壽司。原來做緊外賣自取九折優惠，我得一個人就梗係外賣啦，平啲喎。係眾多午市定食入面我揀左壽司定食配牛肉烏冬，附有沙律、茶碗蒸蛋，好豐富。盛惠$99，九折後$94，留意要收取外賣盒錢，外賣亦都冇甜品。沙律主要係青瓜絲，有少量蟹籽。茶碗蒸蛋入面有雞肉同蟹柳，口感滑溜。牛肉烏冬既肥牛唔韌，數量仲唔少，即使係外賣都冇偷工減料。六件壽司有熟蝦、三文魚、油甘魚、帆立貝、蔥吞拿魚。全部都幾肥美，最愛帆立貝。仲有印住德美既厚燒玉子，好味。Lunch都可以食到甘豐富既壽司定食，真係好滿足。

一百元的外賣可以吃甚麼？我發現了一間性價比高的外賣自取壽司店，一個定食已包括味噌湯、青瓜沙律、主菜和茶碗蒸。海膽什錦魚生飯吃壽司最重要是甚麼？魚生一定要新鮮好吃，當然這不能少，但如果飯做得出色，一樣可以增添色彩。我從未試過有壽司店不是只給你珍珠米，而是經過調味，很有心思！米飯有芝麻粒和蘑菇片，吃起來有淡淡香味，可惜外賣到公司飯已經涼了，我想如果可以堂食，飯味會更突出。至於魚生就一般，有三文魚、熟蝦、海膽和帶子等海鮮，海膽有兩大塊，是新鮮帶有少許甜味。整體來講，定食份量充足，絕對可以吃飽，而且質素在中上水平，性價比高，是外賣午餐的好選擇！

德美相信好多人都知呢間日式料理店係好受歡迎,成日都大排長龍.最近因疫情關係仲推左lunch set外賣9折,今日lunch就決定食佢試試外賣質素係點.德美幕の內牟便當係人氣推介便當之一,配菜有2款時令刺身配厚燒玉子,前菜,麵豉湯,茶碗蒸同沙律.而主菜方面一共2款,每款有4個選擇,第一項主要係以炸物為主,而第二項就以燒物/煮物為主.印住德美既厚燒玉子軟綿濕潤,味道帶甜重蛋香味.時令刺身係三文魚同鯛魚刺身,刺身色澤光鮮入口富有彈性,就算外賣拎返公司一段時間亦無變質,十分新鮮.茶碗蒸雖然外賣後賣相無咁靚但質感仍然保持香滑感,蛋味配上配料及高湯令味道香甜帶鮮味.麵豉湯都唔會馬虎,睇得出店內既認真,麵豉湯內帶滿滿海帶,蘿蔔令湯底更清甜.前菜係醃製泡菜,入口爽脆酸酸辣辣幾開胃.同樣作為開胃菜既沙律新鮮爽脆,內裏但有甘甜既帶子.主菜揀左天婦羅同燒一夜干.天婦羅雖然因為運送過程令炸漿變得無咁脆但入口唔會出晒油,入口仍然保持乾身.天婦羅蝦肉彈牙夠大隻,入口蝦味夠晒香.日式蕃薯粉綿香甜.燒一夜干外層燒得夠乾身而內裏肉質仍然保持嫩滑,入口帶住濃濃既鹹香味.

放工好攰打算翻屋企煮頹麵食，諗住外賣小食加啲餸。落落地雨唔想四圍行，就係翻屋企既途中係呢間德美壽司買左啲串燒食。 即叫即燒！翻到屋企都仲係熱架~不得不讚，佢啲食材好新鮮。只係用鹽同黑胡椒提味，而經好香好好食。燒得黎熟到啱啱好，唔會過熟唔會靭。最好食、最好食、最好食(重要既野要講3次)既係雞腎！好耐冇食過啲爽口既腎，可惜我係外賣，冇得encore😩餐廳有心思咁用少少菜墊底，索咁啲油，仲有檸檬，食落去冇咁油膩！

厚福街最近成為左我喜愛去的地方，今日就去食咗呢間壽司店，輕量淺嘗。呢間壽司店價格其實絕對唔平，但用料就幾好，所以係一分錢一分貨。我只係叫咗六件壽司，包括左佢嘅三色壽司🍣，有海膽、三文魚子、蔥拖羅茸壽司，蟹柳壽司，同埋池魚壽司。海膽壽司嘅海膽非常新鮮，並唔會有一種腥味，亦都唔會有一層黑色係海膽上，鮮黃的海膽，只有甜味，而且非常厚，一啖食嘅話需要啲時間去咀嚼。三文魚子令我比較意外，因為平時食開嘅三文魚子，放入口嘅時候，通常一咬就會全部爆開晒，但呢度嘅三文魚子，我一咬嘅時候，唔會全部爆開晒，反而要逐粒逐粒咁樣去咬，啲魚鮮味湧入去我個口到，非常香。蔥拖羅茸壽司，鮮甜得來帶點鹹，有一種吞拿魚香味，幾好食。蟹柳壽司不過不失，蟹柳幾大條，需要分開兩啖食。