德美壽司

营业中

休息中

今晚無飯食，所以自己走左黎尖沙咀呢間唔算貴既日本野食埋飯先翻屋企～呢日落左成日雨，好彩我收工個下停一停，同埋食完飯個下雨勢收細左少少。上到去見到餐廳裝修都唔錯，簡單既木質餐桌椅，唔太迫既環境，令人感覺幾舒服。由於我一個人食，就只叫左一碗魚生飯，同一份沙律食。德美海膽魚生飯有帶子，三文魚子，熟蝦，蟹柳，蟹籽，三文魚，油甘魚，同甜蛋。最好食既係帶子同三文魚子～帶子新鮮美甜美，三文魚子大大粒，咬落去d液體爆出黎同飯融合既口感實在太美好～熟蝦有清理得好乾淨，幾細心。柚子醋煙三文魚西柚沙律純粹比煙三文魚同西柚呢兩樣野吸引左，佢份量都好多，好幾舊煙三文魚包住西柚，要一個人食哂有啲多～西柚中和左煙三文魚既油膩感，令到成件事變得清新左。但我覺得調味有啲過重，個汁太咸，如果調較翻淡啲應該唔錯。我見餐廳仲有好多唔同既鍋，串燒同壽司之類，一個人比較難試到唔同既野，下次可以約朋友再一齊黎食飯～

午市免加一。疫情期間外賣自取九折～款式超多，全部份量都很足夠，非常豐富#茶碗蒸蛋 像水蛋/雞蛋布丁🍮一樣，清清地，有少少菇和蟹柳#牛肉烏冬 #壽司定食配牛肉烏冬 #牛肉烏冬定食 $100 配沙律和茶碗蒸沙律是煙三文魚配健康的沙拉醋～有六件壽司，兩件甜甜的厚玉子，和一碗細烏冬。烏冬的魚片很入味，牛肉也不會太肥，還有好多玉米粒🌽旁邊有七味粉提供。#壽司 的刺身都非常厚切👍🏻👍🏻#三文魚子軍艦 濃味，好吃ᶘ ᵒᴥᵒᶅ個人口味評分：8/10

早兩日訂座六點半，限食一個半鐘，六半後入座只能walkin，booking好full，所以只hold位五分鐘。由於訂左位所以直入包廂😂有三張枱，因為有膠板隔住，私隱度更高。用QR code落單，上菜同收碟都好快👍👍三個人叫左十樣野+送甜品，超級滿足+飽😹帆立貝刺身⭐️⭐️⭐️⭐️（新鮮，好多件）左口魚邊壽司⭐️⭐️⭐️⭐️（好少地方有）洋風鰻魚班戟⭐️⭐️（好多人推介，但完全食唔出幾好食，所有食材都係同一種口感，浪費晒）日式海膽蒸蛋⭐️⭐️⭐️⭐️（海膽鮮，蛋滑）流心蛋天婦羅⭐️⭐️⭐️⭐️⭐️（好特別，個蛋整到岩岩好流心）牛油果軟殼蟹卷⭐️⭐️⭐️（又係見多人推介，正常發揮無特別）三文魚柚子沙律⭐️⭐️⭐️⭐️⭐️（好有驚喜三文魚包住柚子，好清新唔油膩酸酸甜甜！）魚子蔥拖羅茸飯⭐️⭐️⭐️⭐️（大碗，配搭得宜）鰻魚朴葉飯⭐️⭐️⭐️⭐️（好香嘅鰻魚）素湯麵⭐️⭐️⭐️⭐️（已經搵唔返叫咩名，但個湯好鮮味唔腥，好多蔬菜）黃豆粉蕨餅⭐️⭐️⭐️⭐️⭐️（送嘅甜品，同日本食嘅一樣）四粒⭐️既好好食，只係有兩款特別出色，推介三文魚柚子沙律同流心蛋天婦羅🌟

今日心情唔靚, 又要自己一個晚飯, 唔想食咁頹, 決定食D好野安慰下自己!!! 好想食魚生飯, 收工就衝左去尖沙咀H8, 6點幾去到一個人當然唔洗等位, 但過多幾個字已經變左滿座, 仲要等位添!海膽蒸蛋 $56想食魚生飯之餘都想食D熱野, 咁個胃先夠滿足, 就整番個海膽蒸蛋! 靚靚既茶碗蒸, 面頭大塊海膽, 蛋極滑溜又甜, 蛋連海膽一啖過, 奢侈又滿足! 除左面頭既菇外, 一路食落去原來有驚喜, 入面仲加左雞肉粒, 魚蛋片同蟹柳, 睇唔出咁多料~德美海膽魚生飯 $165主角到, 晚市丼飯配有沙律同味噌湯, 沙律有煙3文魚, 食落冇咁寡! 味噌湯冇乜特別, 正常發揮。海膽魚生飯就豐富啦! 有熟蝦, 海膽, 帶子, 三文魚 , 油甘魚, 蟹柳, 三文魚籽同埋德美玉子!  熟蝦口感彈牙又大隻, 但如果換成刺身蝦應該仲正!海膽鮮味, 三文魚同油甘魚都係厚切每樣3片, 足料又肥美! 帶子細粒左D但食得出都係新鮮既, 三文魚飽籽滿鮮味撈飯一流!最後仲有甜品, 係芒果牛奶布甸, 不錯~

德美系列吃了很多間分店，其中最多的一定是TST, 因為地點方便，朋友聚會的好選擇。疫情緩和，馬上約埋三五知己聚一聚，畢竟大家之前都沒怎麼外出吃食晚飯。於是提早訂座這間每次都要排很長隊的德美壽司和隨緣地要求坐在房間。花多眼亂，最終選了壽司拼盤3-4人前，第一次試吃，這個壽司的盤子真的好漂亮，壽司、刺身和海膽都很新鮮，很美味。野菜牛肉鍋，壽喜燒湯底非常惹味，牛肉不會太肥，口感很好，份量很足料。鹽燒牛舌非常香口夠味，配上檸檬汁恰恰好，更加能夠帶出牛舌的香味，口感不會太韌。

大家都知尖沙咀就好多唔同種類既野食，而且都唔少既平又高質，今次黎到呢間德美，估唔到咁早黎都差唔多全院滿座咁滯，真係疫市下香港人要食好西既精神，完完全全章顯曬出黎，真係「死了也要吃~~~」環境方面，好有日本木系裝修既感覺，咁防疫方面，每張枱都有張格板，員工又有帶口罩，所以食得都幾安心同放心既。出餐速度都幾快，平均十分鐘都就出曬咁滯。綠茶方面，都唔錯，幾有茶香，同埋有保温瓶裝住，所以倒出黎都好暖。今次就主力食壽司同井飯，仲叫左個三文魚刺身，食落都幾新鮮，望落去色澤唔錯，肉質又夠彈牙，香港人黎講就必點一碟嫁喇。井飯方面，刺身份量都算幾多，海膽夠曬鮮甜juicy，油甘魚又夠大份，望落都好水潤，唔會好乾咁。

終於有想會可以食下日本野... 真係好想去日本！呢日收工即刻仆黎德美，好彩因為好早到唔駛等位，但遲多半個鐘都已經排哂長龍，仲要只係平日... 想食真係要早d到～ 入座限時90分鐘～都好夠時間食！我地叫左個德美海膽刺身丼，呢個丼包湯同沙律，沙律我就覺得佢重手左放得太多醬，麵豉湯就水準之作！一飲就有日本既味道～真係好想去旅行.... 而個刺身丼真係冇得挑剔，份量夠哂大份，差唔多每樣刺身都有兩件或以上，除左隻蝦，刺身夠哂鮮味，配埋飯好正！又夠肥美...食完齒頰留香！我地都叫左好多款壽司，有帶子、左口魚邊、海膽魷魚、芥辣八爪魚膽埋鰻魚！我最中意係鰻魚.... 夠哂肥美... 食到我lamlam 脷！因為中意食三文魚既關係，另外再叫左三文魚刺身，好食到唔知講咩好～滿足我既日本慾！仲有叫左串雞心～ 正正常常咁～ 叫完埋單仲送左個甜品～係布甸黎既～估佢唔到！大滿足呀！

1️⃣⭐️極上すし定食⭐️ $148 (7/10)(精選壽司八件、葱茸拖羅卷兩件、厚燒玉子)🔹跟餐連沙律、蒸蛋、甜品、味增湯壽司有帶子、熟蝦、油甘魚、海膽、三文魚、吞那魚、三文魚籽、火焰左口魚🤤帶子好鮮甜，海膽唔會好腥，左口魚入口即溶😋不過olaf覺得三文魚籽唔夠彈🤭整體黎講呢個價錢有呢個質素真係好抵👍🏻食埋配菜真係好飽🤤2️⃣ 吉列豬扒烏冬 $65 (6/10)🔹跟餐連沙律、蒸蛋、甜品、卷物兩件豬扒好大塊，啖啖肉唔會好多炸粉，仲要新鮮炸完好脆🤤佢個豬扒汁酸酸地，好解膩😗卷物就跟咗加洲卷，不過不失，而碗烏冬仲好多粟米🌽3️⃣ 配菜大部分餐嘅配菜都差不多。跟餐沙律係泡菜味蘿蔔，感覺同日本嘢有啲唔夾，但係食落都開胃🤪蒸蛋入面有蝦，個蛋好滑👍🏻甜品方面就有黑糖蕨餅，細細件，一啖食曬😂不過唔會太甜，幾煙韌，好食😋📌叫咁多人均都只係100左右，壽司黎講真係幾抵食👍🏻📌星期六午市人有點多，不過有限時六十分鐘，所以都唔係等好耐😝📍 德美壽司 尖沙咀：厚福街8號H8 5樓

🐻每次諗唔到食咩，第一時間就會諗刺身壽司 🍣 好彩番工附近多好西食，如果唔係真係諗爆頭啊 😏 今次介紹尼間都好多朋友喜愛，有時中午黎食都真係要爭位坐，剛問過佢地，而家暫時只做午市，而且外賣仲做緊9折 🤩今次剛好去堂食，揀左🍱「德美刺身便當」午市黎講價錢唔算好平，但當你收到便當一刻，你會覺得係值啊 🥰推介/意見‼️✨ 「德美刺身便當」都唔少野啊！便當有有3款刺身、壽司3件、厚燒玉子、卷物同埋炸物（可揀炸雞/海鮮雜菜餅），仲有附送沙律、味噌湯、茶碗蒸蛋同埋甜品 🤣 包你一定飽❗️✨🐻特別欣賞刺身壽司🍣，因為真係超新鮮又大件，仲有炸雞🐔都好正，4大件炸得香脆肉嫩，茶碗蒸蛋都係大推，又滑又足料，超鮮味 🥰價錢‼️「德美刺身便當」$100 午市免加一，外賣有9折❗️

德美嘅午市套餐真係十分超值，有沙律、茶碗蒸、湯同甜品，一應俱全，保證飽腹感滿滿😋之前都有食過呢度嘅刺身丼，魚生新鮮，價錢大概有80到100不等，如果想簡單啲嘅我會叫返呢度嘅熟食例如咖喱飯、滑蛋雞扒等，一樣出色👍🏻😋滑蛋雞扒飯定食 親子丼 $65連沙律、茶碗蒸、麵豉湯及甜品呢度嘅茶碗蒸都係賣點之一，細細碗但材料好足，有冬菇有蝦有蟹柳，蛋蒸得又滑又香👍🏻🥚滑蛋雞扒飯份量巨型，女孩子通常都會食唔晒啲飯😂蛋香好滑，連埋啲汁撈飯一流；雞肉厚得黎都好嫩；洋蔥又淋又甜，為成個飯帶嚟鮮味🤤👍🏻呢個價錢已經係成個套餐，午市仲要免加一，真係超值👍🏻👍🏻👍🏻🤩

因為疫情關係，已經好耐冇去過日本喇。 我同朋友都好掛住日本嘅美食， 所以我哋決定喺尖沙咀搵餐好食嘅日本嘢。 朋友提議話食德美壽司，因為佢話食過黃埔嗰間覺得好正，雖然我未試過但係就聽過佢個名，都係我嘅心水餐廳之一嚟㗎。 個地點喺厚福街H8，好易搵。上到去覺得環境企理，座位都算舒適，店員仲會畀個籃你擺嘢。 仲有樣嘢加分，就係呢度個洗手間好乾淨寬敞㗎，估佢唔到。一打開menu，哇! 想食嘅嘢真係太多啦，又想食壽司， 又想食天婦羅，又想食各種小食… 真係太多選擇。 我哋得兩個人可以揀嘅款式唔可以太多， 於是揀咗好耐之下， 我叫咗德美海膽魚生飯（HKD165），朋友叫咗魚子蔥吞拿魚腩蓉飯 （HKD139） 同埋一個雜錦天婦羅（HKD78) share 食。落咗單冇耐，侍應就為我哋送上前菜 －沙律同埋麵豉湯。個沙律絕對唔馬虎，啲菜都幾新鮮，加埋麵包碎同埋粒帶子一齊食，口感好豐富。 而個麵豉湯熱辣辣味道都唔錯。 好快我哋期待好耐嘅魚生飯嚟到喇! 估唔到有咁大碗! 送上嚟時我哋都嘩咗一聲， 我個德美海膽魚生飯唔單止啲魚生款式多，數量仲要唔少又大件到遮住曬啲飯，真係超級豐盛! 每一款魚生都非常之鮮甜，蝦

工作忙到無停手月頭總是埋數時間，做到8點都要去揾下野食，一個人最簡單緊係去食壽司，知道公司附近德美都有omakase 食，比起其他既omakase 平宜多就去左食啦！辛苦揾黎自在食，真係講得無錯。一去得見到咁多人，咁我要等到幾點先有位呢？我見到佢呢度都做外賣自取有9折優惠，外賣定堂食好?諗左一陣都係堂食比較好就等一陣。呢度晚市都有限時90分鐘，都唔駛等好耐就有位啦。入座前都有為客人探熱，呢個都有做足防疫工作，叫我可以放心用餐。我見個餐牌都好多款唔同既食物，有刺身、壽司、手卷、丼物、鍋物、串燒。omakase 都係食十件壽司姐，於是我叫左三款三色壽司，分別係一款大拖羅、三文魚腩、油甘魚腩 $145，主打肥美見稱完全食到果種油脂香停留係個口度唔散，令到我想再叫多一客。第二款三色壽司，分別係牡丹蝦、甜蝦、花竹蝦(配返個炸蝦頭) $103，蝦都出名爽滑彈牙。而由最鮮甜既甜蝦食先，完全食到出鮮甜既味道，之後就食最爽肉既花竹蝦大隻而且厚身爽彈，炸左個蝦頭基本上可以成個食，蝦頭既膏都好味。最後食當然係牡丹蝦係蝦中極品，食落鮮甜而且彈牙係前兩種蝦既結合。第三款三色壽司，分別係海膽、三文魚子、蔥拖羅茸$

逛完街突然又想吃鰻魚剛好在附近 便上來買外賣回家和家人吃原來外賣有9折呢晚上6時多 已陸續有客人入座了想不到此店平日的晚上也頗熱鬧呢大概等了10分鐘 食物便準備好了回家一打開 有驚喜外賣的擺盤也很美呢.1) 玉子燒 $38三件玉子燒打斜擺放 下面還鋪了片綠葉相當講究玉子上燒了個顯眼的德美 有點可愛夾下去發現原來每件已細心地切開了一半可以一口吃下去 很方便呢玉子夠結實 不會像吃空氣 甜度適中.2) 鰻魚班戟 $61想不到鰻魚和班戟這個組合的味道挺夾的班戟相當軟熟份量十分充足如果有更多其他餡料選擇便好了.3) 鰻魚飯 $99除了鰻魚 蛋絲都好好吃記得要拌飯吃$99 一大碗 性價比很高.堂食還未試過但外賣真的可以推薦大家試一試

係尖沙咀食壽司嘅話價錢都唔平，而德美壽司嘅價錢都算合理，加上質素幾好，食物種類有好多選擇，所以整體黎講都好推薦嫁！**********<壽司盛合 美> $218個壽司盛合好豐富，有呑拿魚、油甘魚、三文魚、赤貝、池魚、牧丹蝦、帆立貝、三文魚子、海膽、星海鰻同埋拖羅茸卷！壽司上嘅刺身好厚切，每舊都脹卜卜，一啖過食一舊好滿足😂最有驚喜嘅竟然係三文魚子壽司，平時都唔會特登叫黎食，但依度嘅三文魚子好鮮甜，唔會有腥味！**********<燒腐皮餃子(自家製)> $49見佢寫住自家製所以就叫黎試下，原來係用左腐皮代替平時嘅餃子皮，所以食落更加脆口，裏面包左墨魚膠嘅內餡，口感好彈牙，面層掃左一層甜醬油，味道好夾！**********<明太子茶漬飯> $72依個茶漬飯就有少少失望，個茶比較濃味，所以泡飯食嘅話有啲難入口，會有少少苦澀味，係要撈埋明太子食先至無重茶味！同埋仲加左好多脆米，個人覺得個口感有啲奇怪，滑溜溜咁唔係太夾！🙈

久仰大名嘅德美( •̀ .̫ •́ )✧我都係第一次食咋😹喺尖沙咀就預左要等耐啲啦😭 禮拜五晚七點去到攞飛等半個鐘左右🤨 午市好抵食但夜晚散嗌都唔貴 (๑˃̵ᴗ˂̵)و 推薦✨👍🏻❣️三文魚刺身 $65 👉🏻 新鮮肥美厚切🤤❣️炸雞軟骨 $42 👉🏻 分量多唔油唔硬🥳❣️溫泉蛋天婦羅 $49 👉🏻 炸蛋 技術滿分🤪❣️牛油果軟殼蟹卷 $79 👉🏻 每枱都嗌 幾抵食！仲有兩舊大軟殼蟹 食得好滿足🥳❣️海膽&三文魚子&蔥拖羅茸壽司$88 👉🏻 for選擇困難患者😂 ❣️吞拿魚茸鵪鶉蛋軍艦 $48 👉🏻 我都係第一次生食鵪鶉蛋 蛋黃味幾出配搭幾得意😆咁樣食法已經好飽 一大班人嚟仲可以嗌下串燒同鍋物🤤 水準中上 性價比高可以encore🥰👍🏻