德美壽司

营业中

休息中

想食德美壽司已經一段日子，咁啱今日經過尖沙咀，又諗唔到食乜嘢，終於可以去食德美！下午六點先係萬晚市開始，我哋去到嘅時候，人不算多，但是師傅們已經在吧枱準備就緒。餐牌選擇很多，樣樣都想試。最後點了招牌的德美魚生丼，牛肉鍋、鰻魚卷。上菜好快，牛肉鍋份量好足，牛肉好多，仲有生雞蛋，再加上清甜湯底，天氣凍凍地食最好。魚生丼大大碗，有三文魚子、蟹子、海膽、油甘魚、三文魚、蟹柳、甜蝦、大蝦、帶子，每樣都好新鮮又厚切。一排無食刺身，這個丼飯，令人食指大動！而且不到200蚊的價錢，性價比真係好高！侍應姐姐推介的鰻魚pancake 好有驚喜！甜甜地餅皮包住鰻魚肉，入面仲有我最愛的牛油果同芒果，好好食，一定要食！！食完仲有甜品送，真係要加分！唔怪得咁多人推介德美，原來真係有原因。食物性價比高，環境又寬落。名符其實的大眾飯堂。

德美壽司係之前食過嘅日式餐廳數一數二，雖然而家要留係屋企，所以只可以睇返之前啲相打食評！呢度環境雖然唔係好大，但勝在有日本風味，感覺好似去咗日本嘅壽司店咁！厚燒玉子，上菜嘅時候微暖，玉子上印有德美兩個字，食落甜甜地！火炙左口魚邊，魚邊唔會話太林冇口感，食落仲有油脂香！海膽軍艦，海膽超鮮甜！蔥拖羅蓉 ，超多拖羅餡，加上蔥花，好香！蟹肉忌廉薯餅，滿滿嘅忌廉醬，滿足！南瓜天婦羅，熱辣辣，炸漿夠薄身，南瓜夠甜！總括嚟講，係同區嘅壽司店雖然唔係話好平，但係久唔久食一次獎勵吓自己都唔過份！

最近新冠肺炎越黎越嚴重～爆得好厲害～非不得已都盡量5好出街食～尤其食d 生ge食物例如壽司🍣😂雖然德美出名壽司～但今晚除左因為疫情關係我見到ge嘢亦令我驚驚～🤢（希望快d完啦好想食壽司啊😭）佢係H8入面～非常易搵～一入去staff就幫你量體溫～然後都隔一張檯坐～（當晚都有20人左右比我想像中多）！餐牌好多嘢食！！我冇影到壽司啊～因為壽司刺身冇100度高溫煮過～好易有菌～！大家都忍下口先！但我見到d相都好吸引！！疫情過左一定去食！！但當晚我留意到d嘢！🤯🌝🌝🌝🌝🌝🌝🌝🌝🌝🌝🌝🌝🌝🌝有3個客坐係壽司bar前面應該係熟客～同壽司師傅有講有笑～佢地飲住白酒～原來佢地都有請師傅們飲～冇所謂ge！開心share嘛但！！！師傅1號（男）同師傅2號（女）用手拉落口罩飲！然後係冇洗手再繼續整壽司！！！🤦🏻‍♀️☀️☀️☀️☀️☀️☀️☀️☀️☀️☀️☀️☀️☀️☀️（帶頭盔：我親眼目睹女師傅係冇洗手繼續搓飯，而且佢係掂到口罩外面⋯男師傅我就只係見到佢用手拉鐵線位但有冇洗手我見5到）我嚇到眼都突埋⋯真係完全5敢食⋯所以全部叫熟食🌟玉子燒（$38）正正常常不過不失🌟雜錦天婦羅（$78）有兩隻蝦！好味！5厚粉！蝦肉爽！茄子一件番薯一件冬菇

聽好多身邊嘅人講呢間德美壽司好出名，好好食，早排就去咗試呢間餐廳，位於尖沙咀厚福街，地點方便！食物選擇都好多，普通嘅刺身、壽司、軍艦、熟食、甜品應有盡有！火炙左口魚邊，食落好香嘅油脂味，左口魚唔會太肥膩。再encore！厚燒玉子，印上德美兩個字嘅玉子，入口甜甜地，食得出一層一層疊起嘅蛋片，正！安鱇魚肝，唔係好多地方有安鱇魚肝選擇，食落真係好滿足！海膽軍艦同蔥拖羅蓉 ，超鮮甜。蟹肉忌廉薯餅，食埋呢個真係好飽！熱辣辣，配埋沙律醬，邪惡！

德美開業多年，但今晚竟是第一次光顧。𨋢門一開，首先看到消毒啫喱，然後就是滿座的環境，很受歡迎。今日想食點簡單的，不想太複雜，最後點了兩個主菜和一個加州卷。《鰻魚朴葉飯 $99》用木盒呈上的，十分精緻，打開後，鰻魚被朴葉包住，更添一份葉香，鰻魚軟滑腍軟，鰻魚汁香，珍珠米飯全掛汁，整體不錯。《野菜牛肉鍋 $76》牛肉鍋牛肉份量足，湯底清甜味香，還有最愛的煙韌薯粉，還有青菜、金菇菜等，把生雞蛋拌勻更美味。內還有我喜愛的粗粉絲，煙韌彈牙又掛湯。《加州卷 $48》卷中的配菜十分新鮮爽口，外層鋪滿鮮脆多汁的魚子，富飽足感。最後附送甜品，滿足。

呢排大家專心抗疫，好難先約齊朋友仔出街，想搵啲出色嘅餐廳聚一聚。於是上網搵一搵，見到呢間德美壽司Sushi Tokumi評分高，就決定試試佢。間餐廳位置喺尖沙咀美食街- 厚福街8號5樓, 要搭LIFT上去嘅。如果你想望到師父表演刀功，呢間日本料理餐廳好適合你，因為入面會有吧枱。入座之後我地先叫左個三文魚腩壽司同埋帆立貝壽司醒一醒胃先, 三文魚腩真係極厚切, 帆立貝亦都好新鮮！最令我地意想不到嘅係，呢到有鵝肝食, 仲要配帶子，口感一流，一定要叫！鵝肝同帶子都唔算細件，食完有滿意嘅感覺。跟手嚟多個蟹肉忌廉薯餅同埋溫泉蛋天婦羅, 都唔錯呀，香口炸物，都是推介要點的! 最後點多個活鰻魚朴葉飯，鰻魚同朴葉非常夾，令人一試難忘！德美壽司五星推介！

呢間已經係我不斷食既一間日本餐廳，水準一路都有維持！👍🏻 有啲食物係每次黎都必叫的🙈牛油果沙律 $44*位於尖沙咀既日本餐廳 呢個沙律價錢好平，而且好大碗 兩個人食既份量 而牛油果比既都係熟左 再加酸酸地汁 係十分開胃既前菜🥰牛油果軟殼蟹卷 $79餐面既牛油果都係熟既唔會比唔熟既牛油果🤔 軟殼蟹炸粉唔會厚👍🏻魚子蔥拖羅茸飯 $139*第一次食魚子係覺得鮮甜 發現原來之前食開有腥味個啲全部都唔新鮮 🙈食完呢間發現原來魚子係鮮甜的 😌所有食材撈埋一齊再食 真係好滿足🥰燒牛舌 $42*呢間既燒牛舌真係好好食 牛舌厚薄適中 😚食落非常爽口再嫰 好cheap既牛舌會食完覺得好想嘔。🤮洋風鰻魚班戟 $61*呢個係估唔到鰻魚同班戟竟然會咁夾咁好味 介紹親比朋友佢地都中意食 😍三文魚 $28正常味道 但食得出新鮮☺️三文魚腩 $40魚腩食得出油脂更加多 更加滿足🥰左口魚邊$48因為佢炙燒過 所以食落左右魚係爽口而又帶小小軟淋淋既質地😚*為每次黎都會必叫的食物

女友出差，獨自到德美品嘗海膽宴。先來一客暖胃的日式海膽蒸蛋，裡面當然有份量很多而且鮮甜的海膽，更有蟹柳、鮮冬菇、銀杏及魚片。蒸蛋盡吸新鮮材料的精華。說蒸蛋才是主角都不過份。前菜為螺肉沙律及海帶豆腐味噌湯。先來一客德美海膽魚生飯，有帶子、蟹柳、玉子、深海池魚、三文魚，熟蝦及三文魚籽。可以一次過吃到多種刺身實在太豐富! 每件都肥美肉厚，就像剛剛新鮮空運，飯的酸到剛剛好，聽不住一口接一口吃掉。甜品為鮮芒果汁布甸，入口不算太甜而且很香滑。戶外吸煙區充滿東瀛風情都是打卡點之一。 更可以選擇吧檯邊吃邊欣賞多位師傅即席準備食物。

就黎過年，本身約好同閨蜜食團年飯，點知比人放飛機，決定唔理自己一個人都要黎食。6點鐘係一個好時間，黎到位都唔駛得就可以直入。叫左少少壽司set同一個牛肉鍋，睇落一人前好似幾過份，但其實實際都唔係真係好多野。壽司睇得出佢用料係新鮮，唔係一般元氣嗰隻求求祈祈嘅款色。至於牛肉鍋，一人前黎講份量算適用，可惜油左少少，其實都知係牛肉嘅油脂避唔到，其他食材都幾入味。最後口痕叫多串串燒，perfect finish

好我同朋友最鐘意就係食日本菜，我地今日就去左尖沙咀食呢間平靚正既壽司。喺餐廳入面可以見到師傅喺度處理食材。打開餐牌，見到有好多選擇，而且價錢亦都唔係好貴。我地點左芝士鰻魚卷，濃香既芝士同埋惹味既鰻魚估唔到都幾夾，再加埋卷物上面新鮮既蟹子，層次豐富！另外，亦都點左碗三色魚生飯，魚生飯上面有三文魚、吞拿魚同埋帶子，三文魚同吞拿魚都好肥美，帶子就好鮮甜，正！仲點多左一個魷魚鬚做小食，幾惹味。食咁多野，但埋單都唔係好貴。估唔到會送甜品，幾驚喜！

今日同朋友係尖沙咀行完街去左厚福街搵下有無d咩好野食,見到依間德美壽司好似有好多間分店而且評語吾錯就入左去食,食物除左壽司之外有丼飯,串燒,鍋物同炸物,選擇都幾多而且質素吾錯🤤溫泉蛋天婦羅($49)第一次見到有溫泉蛋既天婦羅所以即刻叫黎試😝金黃色既天婦羅入口酥脆香口,咬落去熱騰騰既蛋汁係入面滿溢而出,有別於平時食既天婦羅口感好特別🥰野菜牛肉鍋($76)湯底好入味,味道濃郁鮮甜,牛肉既份量好多,仲有溫泉蛋,金菇,粉絲,冬菇,依個價錢黎講好足料好抵食壽司盛盒 美($218)壽司有吞拿魚,油甘魚,三文魚,池魚,熟花竹蝦,帆立貝,三文魚子,鰻魚同拖羅茸卷,盛盒有招牌印上德美字樣既玉子,味道帶甜口感滑溜,個人最鍾意食油甘魚同帶子🥰油甘魚油脂豐富,味道甘甜,而帶子厚肉鮮甜好正😛蟹肉忌廉薯餅($56)薯餅外脆內軟,配埋蟹肉忌廉口感creamy💕

網上好似幾多人讚呢間德美壽司 手握壽司既價錢 但材料同味道都令人刮目相看今晚就試真啲佢啲壽司先！😼😼帆立貝壽司$38兩件 帆立貝相當鮮甜 質感軟稔 配埋微溫嘅壽司 唔錯😻 左口魚邊超肥美 入口嫩滑 炙過後滲出嘅魚油充斥口腔😽😽 令人回味無窮鰻魚壽司都係$38 其實整體嘅壽司價錢真係唔貴 不過個人覺得飯可以落多少少壽司醋😿先講鰻魚汁唔會過甜 融入左鰻魚度令味道更加突😻 鰻魚一啲細骨都無 入口即化 海膽壽司都好吸引阿😻雖然唔係北海道馬糞海膽😹但海膽味道仍然甘甜 唔算好重嘅腥味 呢個價錢係值回票價嘅 下次我一定會試埋個海膽魷魚壽司😸食咗咁多壽司 想食返少少熱食😹 就order一隻黃金汁焗蠔 好juicy😼 黃金汁入邊仲有鮮甜既洋蔥紅蘿蔔碎 幾有口感 唯一係蠔就唔夠大隻啦😹最後餐廳送上甜品 係三色糕 抹茶紅豆味道鮮明 好過送糯米糍😽

Dinner after work，星期二都滿座。疫症下都無減弱大家喜歡日本菜熱度！北寄貝壽司 $30Surf clam紙飛機樣子，切斷左大過平時見既原件北寄貝。飯量偏小巧，凸顯北寄貝既大件爽口。三色魚生飯 $129Triplet sashimi on rice三文魚、油甘魚、帶子、蟹子和玉子，三子整全！三文魚同油甘魚大件上枱！蟹子平均散落係每件刺身到。油甘魚比三文魚厚身！但三文魚味濃過佢，不過不失比賽！帶子痴到溫泉蛋同軟香飯好食呀！帶子鮮中帶蛋香！包味噌湯同小食 - 酸辣蓮藕，開胃小食。有蜆肉昆布喔！鍋燒烏冬 $69Tempura udon in mini hot pot白魚蛋片、獅子狗、金菇、溫泉蛋、蟹柳和大量蔬菜等等。。。。。估唔到佢菜量多，烏冬又唔少，性價比高！天婦羅大蝦另上會更好，會成條都脆。不過點到d湯就好似少熱氣味覺d，哈哈！飯後一點甜。

今晚一支公去德美壽司食飯 近近地 去尖沙咀分店食啦🧞‍♂️好彩時間尚早 餐廳仲未full唔使排隊 一個人食 吧枱或者卡位都無所謂啦🧝‍♂️本來想叫客三文魚腩刺身 但賣晒了唯有叫客三文魚刺身$65🧚‍♂️一客有五片 一如以往厚切 雖然油脂無魚腩位咁多 但新鮮鮮甜 CP值算高🧚‍♂️再叫五客手握壽司 賣相精緻好豐盛 食慾大增🧞‍♂️帆立貝壽司好大粒 一啲急凍雪藏味都冇🧛‍♂️ 一啖放落口鮮甜美味 肉質彈牙食唔到三文魚腩 唯有叫客油甘魚腩壽司 白色脂肪色澤紋路分佈均勻 白雪雪🧚‍♂️ 魚腩入口好細緻滑嫩 肉厚重膠質 油花均勻 直程融化係舌尖🧛‍♂️左口魚邊係我近期最愛🧞‍♂️ 微微燒過既魚邊 魚油香更突出 暖暖的放入口 魚肉同飯融合一齊 天衣無縫 要encore!最濃味既蟹肉蟹膏壽司當然要壓軸登場🧞‍♂️ 蟹膏配蟹肉係幾rich既 加埋少少蟹籽 增加口感同鮮味🧚‍♂️ 不過紫菜略嫌濃味搶咗啲蟹肉既風頭整體今晚都係抵食有水準既🧞‍♂️

本身有食開紅磡分店，評價幾好，食物服務都好好！過開黎tst就試下尖沙咀分店，待應態度好差，對客人的要求亦不願意配合 我知道餐廳唔憂無客 不過都唔洗呢種態度係宜家經濟下 難得出街消費 都咁差既服務態度以後唔會再有下一次