德美壽司

营业中

休息中

好掛住日本東京呀，好想即刻飛去飲飲食食，食個夠本，可惜疫情咩地方都去唔到，惟有食返日本野，頂下個癮啦! 講起日本野，就諗起尖沙咀的德美壽司，這家真心是愛玩小生的Favorite List 之一！最近，因為疫情，所以我就買外賣返公司食啦！今次點了海膽魚生飯，同堂食一樣足料，只不過外賣要加錢買外賣盒。海膽依然保留水準，既香甜，亦有海水味，至愛！同時，大大塊的刺身，好有咬口，食得出是新鮮切的魚香味，帶一點魚油，香滑口感，正呀！值得一提，左口魚壽司必定要試，一來因為好少壽司店有提供，二來餐廳先火炙，把左口表面燒至半熟，再令左口的魚油迫出來，入口細滑和爽口呀！雖然外賣令沙律變得微熱，不太好吃，但附送的面豉湯則好有日本古早味，不太濃之餘，飲得出好有蜆殼味，正！

炎熱的日子最愛吃日本魚生飯，今天途經尖沙咀，想起位於厚福街H8的德美日本餐廳，便買了外賣魚生飯定食回家慢慢嘆。疫情關係德美推出外賣自取九折優惠！午市定食款式非常多，有壽司定食、魚生飯及多款熱食套餐，我點了海膽雜錦魚生飯定食，有海膽、熟蝦、三文魚、帶子、飛魚子及鰤魚，魚生新鮮美味，份量剛好。套餐還包括什菜沙律、麵豉湯、茶碗蒸旦，相當豐富。雖然午市有不少食客，但外賣製作也很快，不用久等。服務員也非常有禮貌。

喺尖沙咀食完tea，突然興起想食日本野，上網見到呢間日本野睇落唔太貴又好似幾好食喎，所以去決定去試下～上到去已經見到好多人排緊隊，但係我哋算好彩半個鐘已經入得喇。入到去店員好細心叫我地掃QR code落單，我哋一口氣叫咗五樣嘢食，今舖真係飽死荷蘭豆xd雞泡魚乾🐡：無諗過咁好食！雞泡魚乾淋得來有咬口，煙煙韌韌，仲有一陣炭燒味，配上沙律醬食一流🥰牛油果軟殼蟹卷🦀🥑:友人鍾意食軟殻蟹，我鍾意食牛油果～所以呢個非點莫屬！卷物十分足料，仲有兩舊軟殼蟹係側邊就咁食。牛油果嘅清新去咗軟殼蟹嘅膩，口感豐富，必食！活鰻魚朴葉飯☘️:份量十足，燒鰻魚幾好食；可惜飯底一般，鰻魚同飯嘅比例不相符。德美海膽魚生飯🐠🐟：呢個真心推介，性價比好高!!!!魚生有好多款，有我最愛嘅海膽、三文魚腩、油金魚、帶子、三文魚子、甜蛋、蟹柳同埋熟蝦^_^ 刺身質素好新鮮鮮甜，三文魚肥美，海膽不錯，帶子同油甘魚有喺口溶化嘅感覺，真係好正！！魚生飯底亦不錯，煙煙韌韌幾好食。海膽茶碗蒸🥚：呢個可以唔使叫🤦🏻‍♀️海膽熱食甘甘地，唔係個個接受到。材料好足，但蛋食落唔算太滑，試一次就夠了～

好多年前食過佢既。Lunch係。好底死個胃想食壽司。搵來搵去。發現宜家壽司舖唔多。德美算係咁上下。老老實實。佢其他野食。好過壽司好多今次叫左個牛扒。雜錦天婦羅。幾十件壽司鐵板牛扒～熟左D。不過都可以。黎到好香。個汁都好好味雜錦天婦羅～整得好好。炸醬岩岩好。夠熱。最底食係佢壽司～真係唔算太新鮮。性價比黎講好低牛油果軟殼蟹卷～好好味。卷野既炸野最緊要熱整體環境都可以。不過都多人等位。可以用美味不用等囉籌環境:枱唔算多。不過都算乾淨。坐得都舒服食物:份量係可以既。料理小食更出色。壽司就真係冇乜特別都較貴總括:如果真的要等太耐。就唔好啦。不過佢食物係有水準既。可惜價錢唔算親民。有更好既選擇

呢排疫情好似有好轉，但都唔可以鬆懈！所以今日我就決定買外賣番屋企食😙呢個午市定食好抵！有sushi、烏冬、前菜、茶碗蒸蛋😍好滿足啊！前菜係泡菜蘿蔔，好開胃😊牛肉烏冬睇落細細碗但份量都好夠！有海帶、日式魚片、粟米粒同肥牛😆個肥牛好掂！肉香又唔硬😎烏冬真係好好食，係讚歧烏冬，好彈牙！壽司既賣相好好有六款唔同既壽司，仲有寫住德英既玉子燒，雖然佢唔係主角，但係都幾好味😋 至於啲壽司，每件都好大舊，每件都有唔同特色！我個人比較鍾意既係帆立貝壽司同蔥吞拿魚壽司。塊帆立貝好厚好新鮮同埋吞拿魚加蔥既味道好好！👍🏻茶碗蒸蛋雖然係前菜，但係一啲都唔遜色，蒸蛋非常滑，比一般既蒸水蛋仲要滑，入埋仲有雞肉同蟹柳，非常好食😋

德美壽司在厚福街屹立多年，算是在這裏的老牌日本餐廳之一質素很優質，今日經過見到外賣自取九折，就親友優惠買東西回家吃.黃金汁焗蠔 - 一大隻蠔，賣相已經十分吸引，一打開個蓋香味已經撲鼻而來。焗蠔十分肥美，加上黃金醬汁焗汁，超級惹味！.蒲燒鰻魚 - 值得一讚即使是外賣，不過包裝得好靚，即使回家吃都有在日本餐廳的感覺。鰻魚厚身鮮美，加上燒汁是Perfect match！.牛油果軟殼蟹卷 - 一次過滿足我兩個願望，牛油果加軟殼蟹，真的有原隻軟殼蟹！材料很多，壽司卷味道口感層次豐富！.疫情期間也是有很多客人光顧，的確有實力什麼都不怕。

2人量之又嗌多左🙈——————————————————.🔶單點壽司推薦👉🏻三文魚腩壽司，帆立貝壽司，油金魚壽司三款魚生同樣都係厚切😍肥美新鮮👉🏻海膽軍艦海膽仲多過飯，同樣鮮甜😘———————————————.🔶真蠔 $58隻(8/10)又大又肥美，新鮮帶有少許金屬味———————————————.🔶辛櫻花天婦羅卷 $80 (7.5/10)經過調味嘅魚生鋪滿壽司面少少辛辣味，配經過炸香的壽司飯，幾特別———————————————.🔶蟹肉忌廉薯餅 $56 (7.5/10)實物其實唔止一口size，非常飽肚外皮炸至金黃鬆脆，忌廉薯蓉滑溜，熱辣辣，好邪惡———————————————.🔶燒腐皮餃子 $49 (7/10)本以為係壽司個款甜腐皮😂嚟到先驚覺原來係薄身脆腐皮味道正正常常，幾香口———————————————.🔶 溫泉蛋天婦羅 $49 (6/10)非常鍾意食溫泉蛋，重見到食評有推薦立即點！結果嚟到，溫泉蛋生到比較似蛋液，缺乏蛋香，而且完全無味———————————————(By C)

尖沙咀德美壽司向來都係城中其中一間好受歡迎而且人氣爆燈既日式料理壽司店，莉莉子好多朋友都大讚呢間壽司店唔貴之餘，食物仲要非常高質素😎😎今日收工經過厚福街，二話不說當然要同朋友走上去德美壽司試試，可惜一出門口大排長龍，本身莉莉子打算離開之際，就俾佢地最近推出既「9折外賣優惠」吸引😎😎😎😎 唔通連個天都想莉莉子食，甘莉莉子唯有大叫特叫啦😂😂😂1. 牛油果🥑軟殼蟹卷平時出面食到既連鎖壽司店，好多時都已經整定好哂，一式一樣，德美最吸引既地方就係即叫即整。軟殼蟹即叫即炸，仲要原隻上，絕不馬虎😊牛油果入口軟腍配埋香脆既軟殼蟹真係好夾，外賣都仲熱辣辣😊😊2. 大蝦天婦羅🍤吞拿魚茸卷德美餐牌可見到，吞拿魚係佢地另一主打產品🤘🤘所以佢地既特色壽司、手卷等等都加左吞拿魚元素入去。呢一款大蝦天婦羅同樣即叫即炸，特別之處在於卷物上加上吞拿魚茸及爆多蟹籽，就算外賣，蟹籽都爆到出，吞拿魚茸香濃，加埋一粒粒超有口應既蟹籽，正🥰🥰3. 洋風鰻魚班戟🥞🥞班戟相信大家都食得多，呢款只有德美制作既鰻魚班戟，加入芒果及沙律醬，感覺更似甜品，非常吸引😆4. 紫蘇沙追魚海膽天婦羅同樣係德美先有既產品，將紫蘇葉加入沙追魚及海膽，絕

今日好鬼忙！忙到冇時間坐低慢慢食，咁就咋咋臨去買外賣返嚟再繼續做！醒起附近德美壽司呢期做「外賣自取有九折」！正合我意❤️呢度出名食材新鮮抵食又大件🤫🤩🤩🍣 加州卷：卷物好大舊👍🏽一啖食唔晒😲青瓜咬落係索索聲㗎！好新鮮😋🍣芝士鰻魚卷：芝士佔1/4，鰻魚比例係1/2，份量十足！舊鰻魚食落口仲係暖暖地，加埋勁多蟹籽卜卜聲...識食一定要叫兩個卷物🤭抵食夾大件💯🍱活鰻魚朴葉飯：鰻魚大條又厚肉，肉汁豐富肉質軟滑，配埋鰻魚汁餸飯一流，推介🙌🏼等咗15分鐘就有得拎，芥辣豉油麵豉湯乜都齊！我冇食午餐連晚餐宵夜一次過😬食完飽到上心口🤤🤤🤤

上個月先食完依間，今晚又心思思和朋友過來食。可惜疫情嚴峻下餐廳食客需隔枱坐，座位有限等位需時，所以我地轉左外賣食。原本打算去K11空中花園用餐，可惜花園無開，好彩朋友諗到去附近的訊號山公園食。對住維港夜景戶外用餐都係第一次，公園無人我地好似包場咁，感覺又幾正喎。外賣有9折優惠，賣相和堂食差別不大，份量亦唔少，叫左沙律和壽司戶外食比較方便。蟹子沙律 $50粒粒的蟹子和美味的沙律醬，撈埋爽口的青瓜絲和軟綿的蟹柳絲，清新美味的前菜，最愛大大啖當麵咁食。厚燒玉子 $38得三件價錢不便宜，但又幾好味喎。口感細密味道甜美，凍食好似食甜品，一啖一享受，唔錯。自家製燒腐皮餃子 $49薄薄的腐皮作餃子皮包住軟彈的肉餡，口感味道唔錯，醮埋餃子汁食落無咁油膩，幾好食。活鰻魚朴葉飯 $99鰻魚肉肥美軟腍，肉質嫩滑無碎骨，飯粒粒分明，可惜美味的鰻魚汁不多，飯未能粒粒掛汁，總覺得不夠滿足。牛油果軟殼蟹卷 $79外層牛油果入口即溶，果肉薄欠點果香，卷裡包住炸軟殻蟹都幾足料的，炸蟹炸得香脆美味，大大件份量唔少，不過要小心夾以免散晒。加州卷 $48配料又係蟹子沙律啲 friend，口感味道唔錯，四件抵食夾大件，食唔飽打

今日同同事喺尖沙咀食午餐，肺炎疫情期間，好耐冇食日本嘢，但又唔想坐喺餐廳度食。就喺OpenRice search一下有咩日本菜好食，然後就見到呢間好受歡迎嘅德美日本料理。呢間餐廳最近仲可以外賣自取有九折優惠，我哋就一人嗌一個定食啦。上到去大概2:00pm，都有好多人食緊。望落餐牌都好吸引，因為一個定食都有好多好多款前菜小食。我叫咗和風便當，個餐入邊仲包埋沙律或者蒸蛋，仲有湯添。同事就叫咗魚子蔥吞拿魚腩茸飯。好抵食呀！雖然係外賣，但拎到返公司食嘅時候，啲嘢食仲係熱辣辣，個天婦羅餅仲係好香脆。成個套餐好豐富。九折後為返每人都唔使$100就食到一個定食。同事嘅吞拿魚腩茸都話好新鮮，因為吞拿魚出面好多時候都食到有啲血腥味，但係同事話好新鮮！10分推介！我一定會再上嚟食午餐，下次仲想試埋晚餐添～係好有誠意嘅餐廳呀！推介推介！

其實我自己真係好鍾意食日本嘢但係最近因為疫情嘅關係少咗好多機會今晚行開厚福街見到我之前一路都好想去嘅日本餐廳不過上到去要等位有見到佢而家做緊外賣自取有九折所以毫不猶豫就選擇左外賣啦💕💕見到佢嘅食材都好新鮮所以我自己就要咗個佢哋招牌嘅魚生飯😛勁驚喜呀 !! 就算打開外賣都仲見到佢哋嘅魚生係勁新鮮同勁靚😘又大碗 有新鮮帶子三文魚大蝦蟹柳魚子油甘魚玉子👍💕份量我真係好滿意👍👍同埋冇雪味💕自己男朋友就要左一個鰻魚飯🥺佢哋呢度嘅鰻魚飯真係好抵食 100蚊都唔使而且佢鰻魚嘅份量係大到可以cover晒成碗飯啊👍😍食落去佢嘅鰻魚燒汁甜甜地得來又好香🤗樓下佢仲鋪左一啲玉子絲去做襯托😁跟埋佢仲有啲珍珠米真係好香依家九折左之後其實兩個人都係$200多啲👍真係幾抵食又唔使等位😘

本來約咗朋友去食日本嘢嘅, 但係朋友就基於疫情, work from home, 留喺屋企, 我就唯有轉左由堂食變左買外賣食啦, 上到去餐廳就點咗個壽司拼盤, 再拎返屋企食話咁快入返到屋企個壽司鋪滿曬成個外賣盒, 壽司size都非常之大, 壽司飯​其顆粒大而飽滿，​口 感​Q彈有勁，煮熟後冷掉也不會太乾, ​口感香甜, 又唔會覺得滯 , 最重要嘅壽司嘅刺身非常之硬 砌, 最鍾意嘅就係三文魚壽司, 油脂非常之豐富佢嘅玉子 味道非常的香甜 , 有微微嘅焦香, 入口即溶, 滲出豐富嘅蛋香 赤身個味道都非常之濃郁, 又冇筋, 不錯不錯, 蒲燒鰻魚, 醬汁非常之濃郁, 鋪咗芝麻, 豐富咗個味道同埋個咬口, 肉質嫩滑個蝦壽司, 切開咗一半, 每一口都感受到彈牙既蝦,

復活節當然想出街， 疫情嚴重 冇得去旅行，好多活動有取消曬， 真係悶到人都癲呀。 唯有夜晚，快閃出去買外賣返屋企。 復活節當然 想食好少少， 就算買外賣都唔可以求其。冇得去日本，唯有去咗尖沙咀， 買日本菜外賣😍😍😍 揀咗我哋一向都好鍾意嘅德美壽司， 超驚喜😍😍原來外賣自取有9折， 仲唔使加一服務費， 計起嚟抵食過堂食好多😋😋牛油果軟殼蟹卷軟殼蟹份量甚多， 鬆脆嘅軟殼蟹天婦羅， 軟綿綿嘅日本壽司珍珠米， 面層有新鮮香滑牛油果， 加埋脆卜卜嘅飛魚子， 多重口感集於一身😎😎加州卷有別於一般嘅加州卷， 裏面有大量嘅新鮮青瓜絲 爽脆清新， 再加埋我最鍾意嘅牛油果 ， 健康又美味。活鰻魚朴葉飯有大塊厚身肥美的鰻魚，配上醒胃酸蘿蔔，透出一陣朴葉清香，吃起來油香十足，卻不會膩。

今日難得唔使OT,可以早返屋企食飯,老公叫我買壽司加料,諗都唔使諗又黎德美壽司😂因為平時食lunch日本野次次都係擇德美，質素一定有保證，今次除左叫壽司仲叫左兩個小食，原來而家外賣仲有9折😍🥢蟹子沙律$50去親食日本野都好中意食，特別覺得呢間蟹子沙律好足料，蟹子同蟹柳條都夠多，另外配埋新鮮青瓜條 好滋味😋🥢炸雞軟骨$42雞軟骨炸粉薄身，有點點鹽味得黎又唔會勁咸，店員仲俾多盒沙律醬我點雞軟骨好正🙈🥢火炙帆立貝壽司$42🥢火炙左口魚邊壽司$48🥢三文魚壽司$28三文魚壽司就算唔叫腩位都又肥美又厚，真係CP值好高，另外火炙係我一直最中意叫既，因為壽司件刺身要夠厚身再燒先真正好味，左口魚邊唔會好似出面壽司店咁薄，睇側邊都見到好厚身又新鮮。