德美壽司

营业中

休息中

🤎德美壽司🤎德美壽司一直都係保持高水準，我哋一直都好鍾意去將軍澳分店食。今次就同屋企人放飯時間嚟到位於尖沙咀嘅分店，可能因為係放飯時間，所以出邊叫位嘅姐姐都幾燥底🥲我地被安排到坐喺最入邊嗰間「房」，睇落似係搭出來的，不過都幾有feel。平時都係食開佢嘅三色刺身飯，今日就試吓佢嘅定食🤍日替定食：生薑豬肉定食 $54呢一個係日選定食，冇得揀食咩款，每日都唔同嘅，但係超級抵食。本身全部餐都會跟一個沙律、茶碗蒸、麵豉湯同甜品。佢個生薑豬肉超大碟，雖然肉嘅質地係一般，但個味係幾好食嘅🙈最後佢上左個三色糕甜品：紅豆、椰汁同抹茶味。呢個好好食，同平時係將軍澳食嘅奶凍都係咁好食😋

壽司盛合 美 $218有十款壽司三文魚、池魚、鰻魚、熟花竹蝦、拖羅茸卷、玉子燒，油甘魚肉質肥嫩，油滑有彈性，三文魚子粒粒晶瑩飽滿，帆立貝味道鮮甜，質地柔軟，吞拿魚唔算肥美，食落冇筋，整體質素高，刺身新鮮。德美海膽魚生飯 $165一睇見都好豐富，有海膽、三文魚、油甘魚、帆立貝、三文魚子、蟹子、熟蝦，魚生厚切king size，夠肥美足料新鮮，海膽冇腥臭味，飯量都唔少，夠哂飽。套餐配有味噌湯、沙律配柚子醋好fresh，有芒果醬奶凍作完美完結。溫泉蛋天婦羅 $49估唔到溫泉蛋都可以天婦羅，炸漿薄身，溫泉蛋流心，要趁熱食，加上蘿蔔蓉及天婦羅汁，都幾特別。洋風鰻魚班戟 $61餐廳創意卷物，黃金色班戟皮厚度適中，口感柔軟，包住牛油果、好大塊鰻魚、芝士、蟹子，加上沙律醬，捲得好紮實，味道甜甜地，原來好夾。食完走時仲好多人等位，有啲人等緊外賣，原來有外賣自取有9折。

終於兌現承諾 回頭食德美‼️😆 性價比真係好高 平日夜晚去又唔算多人( •̀∀︎•́ )✧︎分店越開越多 幾時開近我⁽⁽٩(๑˃̶͈̀ ᗨ ˂̶͈́)۶⁾⁾可惜胃口有限 如果唔係可以叫多幾樣🥲❣️溫泉蛋天婦羅 $49呢個真係睇到都開心🥳 個蛋黃勁流心🍳 一唔小心就倒瀉😂口感真係好特別 但本身冇乜調味記住要點天婦羅汁😚❣️燒牛舌 $42食親日本嘢都會嗌😂 都係厚切 調味夠( ˙༥˙ )❣️壽司盛合 美 $218呢個高質‼️ 配搭唔錯又新鮮 依家真係食唔番cheap cheap壽司😋手握嘅飯好完美 刺身厚切大大塊有口感🍣油甘魚池魚爽彈 吞拿魚唔會有鐵鏽味好新鮮🐟帆立貝鮮甜 拖羅蓉卷is all time fav ( ˘͈ ᵕ ˘͈ )呢度嘅鰻魚飯好出名 鰻魚壽司一定好食😆❣️牛油果軟殼蟹卷 $79好多人嗌 有炸軟殼蟹伴碟 牛油果好creamy🥑 每樣都咁好食好滿足🥳外賣自取原來有九折 買埋鰻魚飯返去食~

好朋友生日,她建議想食日本壽司慶祝,下班後在尖沙咀附近,打開APP尋找後就來到了H8的德美壽司,等了30分鐘才能入座,沒想到星期四晚都這麼滿,應該很好吃吧? 值得一提門口有好多人叩外賣,原來外賣自取有9折,難怪。入座後自助落單等上菜就可以。壽司盛合 美應該是性價比之鬼吧!散叫十件壽司的價錢應該最少要貴1.5倍,倒不如直接選壽司盛合 美~整體壽司都很出色,反而令我印象深刻的是甘甜的卷蛋,最平凡的食物卻做得出色也不容易吧? 一定要叫的壽司組合!海膽魚生DON 味增湯&沙律異常大碗的DON飯, 海膽我覺得沒有海水味,未至於上品但不會難入口,畢竟香港有質素的海膽都難見。帶子是神來之筆,非常大粒甜美,是我最喜歡的海鮮!洋風鰻魚班戟應該是我在香港或日本或台灣壽司店都未見過的配菜?! 等得最耐的食物,班戟都幾軟身,包著鰻魚件和醬汁,都幾好食,就是價錢略貴啦,只有4件~流心蛋天婦羅同樣是我未見過的流心蛋天婦羅, 其實純粹為滿足新奇有趣而點,味道我覺得難以形容,但可以接受,暖暖的流心蛋與卜卜脆天婦羅都可以成為朋友,也許帶著愛吧? 價錢綜合來說中等,味道上等,環境略少但乾淨,是一間頗有水準、慶祝生日的好去

為壽司而來，市面一係平價壽司，一係就貴到離地既廚司發版，想食合雪埋價但高質壽司選擇好似唔多午市黎到，選擇好多，有齋壽司有壽司拼烏冬、刺身等等既為壽司而來，揀左全部壽司既餐，坐吧枱睇住師傅準備，口水直流壽司件件份量十足，飯既醋味剛好唔會散，刺身厚身，好豐富海膽膽平時既質地有少少唔同三文煞同吞拿魚鮮味冇得輸套餐喂茶碗蒸、麵豉湯同湯律，蒸蛋好滑，又多料，沙律配柚子醬好清新另外有甜品，似奶凍，味道賣相都好一般

德美海膽魚生飯🥢魚生飯嘅賣相不俗，玉子上有德美二字嘅烙印，三文魚厚切而且肥美，幾鍾意三文魚籽嘅醬油味中帶一點甜😋平時喺壽司店好少會叫熟蝦，但係依度係用咗花竹蝦，大隻之餘肉質結實，唔會好似平時嘅壽司熟蝦咁一陣雪藏味👍活赤貝🥢除咗片狀嘅赤貝刺身，紫菜捲起赤貝邊同埋青瓜絲，非常清新爽脆，一隻赤貝食到兩種滋味✌️魚生飯附上沙律同埋味噌湯仲有京都直送嘅蕨餅！依次係平日大約6點嚟到啱啱好有位，食完大約7點就已經要等位喇，趕時間可以考慮下外賣自取，有9折優惠

聽唔少人推介德美又平又好味。可能期望太高，試過覺得無咩驚喜。一黎價錢唔算特別平，二黎味道係普通日本野的水準，唔算好食到要返轉頭。我哋叫左刺身、天婦羅、魷魚仔、卷物同餃子。刺身新鮮，天婦羅熱辣辣，卷物都好味，但唔識欣賞個魷魚仔。最驚喜估唔到係個餃子，煎得好脆多汁，好食到唔記得影相。本身想叫多一轉壽司，但食完已經好飽。總括嚟講，不過不失，下次可以試第二間。

其實之前已經食過德美好多次，有時去開尖沙咀諗唔到食咩，就會自動波去咗德美😛 佢地嘢食嘅水準一路都keep 得好好，魚生壽司都算幾新鮮，炸物串燒鍋物味道都唔錯，所以變咗我同朋友嘅飯堂😂🔺蔥花吞拿魚蓉卷好鍾意佢地係連個卷入面都卷住吞拿魚，唔係淨係得上面嗰啲，蔥花好成功咁帶出咗吞拿魚嘅鮮味。🔺牛油果軟殼蟹卷唔駛講咁多，正。🔺饅魚班戟之前未試過，入面其實係飯，唔用紫菜反而用班戟卷住，好特別🤣🔺自家製腐皮餃子鍾意佢嘅腐皮剪到好脆，入面啲涵好多肉汁同埋好夠味👍🏻毎次嚟啲食物都保持到水準，值得一去再去👍🏻😛

之前在將軍澳食過德美，覺得食物質素不錯，原來尖沙咀都有分店，等我約埋同事一齊黎食dinner先。Menu印刷非常精美，選擇亦十分豐富，有刺身，壽司，小卷，卷物，丼物， 手卷，沙律，前菜，漬物，揚物，串燒，燒物，一品料理，鍋物，麵類，碗物和御飯。德美海膽魚生飯$165~跟味噌湯和沙律~味噌湯有海帶，豆腐和紅蘿蔔粒，唔算太濃味。沙律有紫椰菜，生菜，粟米和三文魚，酸酸的十分開胃。魚生丼食材相當豐富，有玉子，帶子，熟蝦，油甘魚，蟹籽，三文魚籽，蟹柳和海膽，刺身質素不錯，這個魚生丼飯性價比相當高。熟蝦肉質爽脆，很大隻。油甘，三文魚和帶子肥美嫩滑，美味。海膽，三文魚籽和，蟹籽和醋飯混和一起，鮮甜滋味，口感層次豐富，好好味呀。野菜牛肉鍋(跟飯)$93~牛肉鍋有冬菇，紅蘿蔔，豆腐，金菇，洋蔥，大蔥，紹菜，粗粉絲和一隻生蛋，份量相當大，相當抵吃。牛肉有十多塊，份量很多，牛的肉質軟腍，牛味濃郁，很不錯。湯汁用來拌飯也很美味。煎餃子(自家製)$52~表面煎得金黄香脆， 裏面以豚肉作餡料， 鮮甜多汁，正呀!甜品~三色糕作為飯後贈送的甜品頗有驚喜，以芋頭，椰汁和綠茶混和一起，少甜，冰冰涼涼，好正。

今日同friend去尖沙咀H8德美食粉絲鍋，因為我們都鐘意粉絲，德美啲粉絲鍋又好大份，所以又再次幫襯。今日我friend點左野菜牛肉鍋，牛肉好多，牛肉味重又嫩滑。好抵食。湯底好入味，好好飲。配料有溫泉蛋同埋香菇野菜，friend吃得停唔到口。我就叫左韓式泡菜豬肉鍋，豬肉好大片，切得薄薄的，肉好嫩，唔會柴，分量又多。泡菜俾得量也多，湯底酸酸辣辣，好好食。一人一鍋粉絲，都吃得好飽。所以只點一份小食，什錦天婦羅，分量都不少，有秋葵南瓜番薯茄子魚和蝦。我就鐘意南瓜啲質感，甜甜哋。蝦都好大條，外面卜卜脆，蝦肉又QQ哋，都不錯哦！

每次來到尖沙咀厚福街想食日本野的時候，德美根本上是街知巷聞的大熱首選，除左高性價比的Lunch set係假期的午餐首選，晚餐時間坐無虛席刺身壽司新鮮呈獻，今次一反傳統來一餐德美熟食推介😋。=̶ 黄金汁焗蠔 =̶ $40推介:⭐️⭐️⭐️⭐️⭐️巨型蠔身裝滿千島醬汁沙律調味，面層麵包糠焗出香口層次，蠔身Juicy帶點油份，作為前菜一流。=̶ 自家製燒腐皮餃子 =̶ $49推介:⭐️⭐️⭐️⭐️自家製腐皮餃子十分抵食，香脆咬落去察察聲，實淨豬肉口感，點上醬汁先加一點飽肚感，是第二份值得加點的小食。=̶ 野菜牛肉鍋 =̶ $76推介:⭐️⭐️⭐️⭐️⭐️極推介，CP爆哂燈，牛肉份量超標😆上檯賣相已極之吸引，再打散埋隻溫泉蛋，整份係日本食嘅原型牛肉鍋出返哂來👍冬菇娃娃菜粉絲做底，加埋個飯就兩人夠哂飽。=̶ 洋風鰻魚班戟 =̶ $61推介:⭐️⭐️⭐️⭐️幾特別的咸香甜品款式，軟熟班戟包裹著鰻魚、牛油果、芒果及蟹籽，配埋蛋黄沙律醬四散配搭，美味吸引。整體用餐滿足，但要提一提晚餐電聯先訂位，平日walkin都滿哂座，兩人進餐會較快捷方便。 👅美味: 8/10 😮驚喜: 8/10✨環境: 8/10 💆‍♂️服務: 8/10💡性價: 7/10 🐽

飛唔到日本，唯有同朋友搵間口碑出眾嘅日本餐廳「德美」止下癮先。首選叫了德美很出名嘅海膽魚生飯(跟餐包沙律和味噌湯)， 海膽三文魚帶子大蝦魚子蟹子，十分足料， 厚厚的刺身， 甘甜鮮美， 味道真係一流 。另外，叫了野菜牛肉鍋， 食肉獸必選，鍋內不是寥寥可數的牛肉片，而是十分多的牛肉片，加了溫泉蛋冬菇野菜一起，熱騰騰湯底變得濃郁鮮甜， 差點兒湯底都給我喝光了。最後點了蟹肉忌廉薯餅， 外表酥脆內有醬爆的忌廉， 口感層次豐富。最後餐廳送上日本直送嘅甜品「抹茶蕨餅」高質的食材，價錢合理，我必會encore再光顧。

太耐無番鄉下，只可以食左扮去左啦！呢度係電話落單嘅，好方便易用。🤩自家玉子呢個德美壽司最signature嘅玉子，甜甜地嘅厚厚玉子蛋，印咗德美兩個字，作為前菜黎講，口感清淡又唔會太飽，夠曬日式風味。🤩三色壽司：海膽 三文魚子 吞拿魚茸壽司（推介）呢個三色壽司簡直係不得了，海膽、吞拿魚茸同三文魚子都係好fresh勁鮮味，而且壽司飯加少少醋，同魚生嘅味道好夾。 🤩三文魚腩壽司三文魚腩夠曬厚身，勝在夠新鮮，一咬落去個口感充滿住三文魚果種油香，大滿足！ 🤩火灸左口魚邊壽司（推介） 呢個係廚師當日推介嘅一款，果然無介紹錯！燒左嘅左口魚充滿住魚油香味，加埋少少鹽，帶起成舊左口魚嘅鮮味。🤩牛油果軟殼蟹卷（推介）師傅好細心，見我bar枱位比較窄，幫我將個餸用細碟上。呢個牛油果軟殼蟹卷都好正，軟淋淋嘅牛油果口感軟滑，再加埋爽脆嘅軟殼蟹同配料，口感夠曬balance。以德美壽司嘅性價比同人氣，要等位真係有啲難度！好彩宜家佢仲有外賣9折，take care番等唔倒位嘅朋友仔。

The reviews online seemed promising but the food was quite disappointing. I personally wouldn't come again and I wouldn't recommend this to anyone. Staff were friendly and the toilet is clean but the food is very mediocre. It's not horrible but also not memorable. It's not worth the price tag.

心血來潮想食日本嘢，因為真係好掛住日本嘅美食。跟住去IG 睇下d 美食家有冇好介紹，睇左幾個都話呢間唔錯，價錢合理，於是就去試下。上到去一望，星期一夜晚都座左8成客，應該都可以，跟住就座低叫嘢食。同朋友order左兩樣嘢，一個係壽司併盤，一個係什錦魚生飯。先講個壽司併盤，價錢$218，有10款左右，味道係唔錯，新鮮。另外一樣係什錦魚生飯，價錢$165，魚生，海膽，魚子都新鮮，魚子都算大粒，味道唔錯。另外仲有頭盤嘢沙律同麵士湯，同甜品送。兩個人黎講係夠食。最後，埋單都係4百幾，呢個價錢在尖沙咀食到新鮮嘅日本嘢都算抵食。唯一係要限時90分鐘。不過都算可以止下癮先。