德美壽司

营业中

休息中

今日左尖沙咀做完野，六點鐘要好好惠勞自己！德美壽司係我喜愛嘅壽司店之一！由於剛剛六點剛開鋪，快落單先，之前嚟過七點後開始超多人！加州卷雖然用料同其他壽司店差唔多，但可見其用心，係青瓜，所有青瓜係切成好幼嘅絲，令加州卷的口感很豐富，每款配料食感層次很分明黃金汁焗蠔好大隻有成個手掌心咁大，面層鋪上麵包糠，黃金汁係似千島醬，與豐滿嘅蠔十分夾！串燒：全部都燒得香口有炭燒焦香牛舌用料上乘係牛脷芯，厚度適中，燒得鮮嫰！雞翼竟然將中間嘅骨切開，好細心，可以有儀態地食！青椒仔有木魚絲配青椒仔，令鮮味提升！仲有三色糕甜品送，為美好嘅一餐作結！

今日星期四咁啱個靚女朋友又得閒食個飯🤪咁就一齊嚟咗尖沙咀食嘢，咁佢又鍾意食日本嘢喎咁聽講德美壽司幾出名就不如試吓😛咁啱星期四又唔算好多人我哋好快就入到去坐我哋叫咗四樣嘢食啦第一樣就係蟹子沙律🤪唔好睇張相好似好細份咁其實係超級大份，佢亦都俾咗好多蟹子我哋，沙律就清新不過不失，令我哋好開胃準備迎接主菜第二樣就係我個朋友好鍾意食嘅大蝦天婦羅，佢亦都冇令我哋失望啦個炸皮好薄好香脆完全唔會有好油膩嘅感覺，而佢用嚟炸嘅蝦都非常新鮮，簡直係完美搭配第三樣就係佢都幾出名嘅野菜牛肉鍋，一嚟到嚇親因為真係非常大份，入邊有10分多嘅牛肉，而佢嘅湯底都非常入味，再加埋溫泉蛋同埋冬菇野菜，係食到停唔到口差啲連湯都飲埋最後就係日本嘢一定會叫嘅壽司，我哋叫咗三文魚甜蝦鰻魚左口魚等等，全部都非常新鮮同高質，最令我深刻印象嘅係左口魚，因為佢嘅口感非常有彈性但係有入口即溶😳另外一試難忘總括而言德美壽司係美味之外價錢就算合理同埋佢份量真係幾多所以都推薦大家嚟食

一個人既浪漫，獨自黎到尖沙咀厚福街呢頭搵食，呢邊有好多選擇，咁我今晚就搵左間食日本菜😋餐牌選擇都幾多，就算唔食生嘢都有定食，烏冬，鍋物可以揀，同埋呢度係需要用qr code 自助落單，我唔想諗就點了個壽司拼盤 壽司盛合 美 $218呢個拼盤賣相唔錯，醋飯唔會太酸，細細舊，緊實唔鬆散，入面有吞拿魚，油甘魚，三文魚，池魚，魚類壽司都好新鮮，帆立貝大大粒鮮甜，熟花竹蝦好大隻，肉質厚實，入面仲有膏，三文魚子飽滿，鰻魚肥美結實，拖羅茸卷都有3舊，鮮甜冇筋，加埋刻左德美字眼既甜玉子。 餐廳上菜好快手，侍應亦會主動斟水，服務唔錯，外賣自取仲有9折優惠👍

一個人既浪漫，獨自黎到尖沙咀厚福街呢頭搵食，呢邊有好多選擇，咁我今晚就搵左間食日本菜😋餐牌選擇都幾多，就算唔食生嘢都有定食，烏冬，鍋物可以揀，同埋呢度係需要用qr code 自助落單，我唔想諗就點了個壽司拼盤 壽司盛合 美 $218呢個拼盤賣相唔錯，醋飯唔會太酸，細細舊，緊實唔鬆散，入面有吞拿魚，油甘魚，三文魚，池魚，魚類壽司都好新鮮，帆立貝大大粒鮮甜，熟花竹蝦好大隻，肉質厚實，入面仲有膏，三文魚子飽滿，鰻魚肥美結實，拖羅茸卷都有3舊，鮮甜冇筋，加埋刻左德美字眼既甜玉子。 餐廳上菜好快手，侍應亦會主動斟水，服務唔錯👍

情人節當日仲未有翻晚市，咁就揾間餐廳食個午餐講到日本野有番小小質素，我就會諗起德美😋由讀書時代就開始食 午餐價廉物美😋😋當日去到大約等6.7張枱20分鐘就入到去今次我地2個人試咗三款午餐當中包括壽司十件餐，壽司六件配牛肉烏冬餐同埋壽喜燒配飯餐包一個帶子沙律，湯，茶碗蒸同埋甜品壽司十件餐冇海膽轉咗帶子壽司 有小小遺憾但係壽司非常新鮮 同甜壽司六件加牛肉烏冬餐 係我一直以來嘅超值選$100真係好高質！壽喜燒質素其實都唔錯 甜甜的 不過認為可以喺出邊都搵到差唔多既質素只可以選一樣的話都會揀返壽司餐哈哈

疫情稍為緩和， 趁著餐廳晚市時段重開， 本來約了媽媽頗為喜歡的，尖沙咀德美壽司， 但臨時有要事， 不能外出 。唯有買外賣回家給她品嚐， 不過就唔可以order她最鍾意食嘅牛肉雜菜鍋， 路途遙遠 怕在中途會打翻😂😂。 唔緊要可以揀佢最鍾意嘅卷物。 外賣自取還有九折優惠， 超開心。加州卷每次必點的食物， 最鍾意大量清新爽口的青瓜絲，還有絕不吝嗇的分量 ，口感脆脆的橙紅鮮豔的飛魚籽。芝士鰻魚卷奇妙嘅配搭， 從沒想像芝士和鰻魚的味道 會這麼match， 芝士香滑味濃， 鰻魚肥美鬆軟， 還有我最喜歡的飛魚蟹子。太卷外貌看起來非常普通， 但材料非常豐富， 鰻魚、蟹柳 、醃漬黃瓜、 玉子、青瓜絲....... 超過十種的配料。 簡單又實在的配搭。櫻花蝦帶子蔬菜餅天婦羅鬆脆不油膩的天婦羅， 夾雜著番薯絲+蘿蔔絲 🥕南瓜絲， 香甜鬆脆 滿滿營養。 櫻花蝦分量不少而且 鮮味十足， 是不錯的小吃。

經不同朋友推薦呢間日式餐廳，話好抵食，因為當日週末，所以都排左半個鐘以上，雖不算太耐，但疫症期間甘多人同時係一個空間都是有少少驚，哈哈價錢很合理！就算平日都午市免加一不過叫左set壽司食，價錢不貴，自然期望不高，不過不失。賣相則不錯。除非手緊，如果不是應該不會再排隊食

夜晚6點幾去到已經超多人排隊，等左大約1小時，去到後來簡直係逼爆出面嘅lift位呀，入座後位置都稍逼!😂《壽司》壽司款式多，仲見到有師傅即場手握。分別單叫左三文魚、鰻魚、玉子、芥末八爪魚。味道都唔錯，新鮮得黎，鰻魚嘅醬汁味都幾濃郁!《天婦羅拼盤》一次過滿足到食曬幾款嘅天婦羅，有茄子、炸蝦、冬菇等。脆卜卜而且外皮唔會係千年老油嘅味道，唔錯唔錯!《溏心蛋天婦羅》另外仲叫左個溏心蛋天婦羅，相對係出面比較少見。每個溏心蛋都有流心蛋漿，香脆得黎帶點濕潤，好得意🙂環境：⭐⭐味道：⭐⭐⭐打卡：⭐⭐服務：⭐⭐⭐回頭率：⭐⭐⭐

德美壽司呢間尖咀分店我幫襯過外賣同堂食，次次都幾滿意。今日係尖咀食左一餐好正既日式午餐，夜晚收工後又心思思想食埋餐日式晚餐先返屋企，所以就黎呢間德美。晚上七點左右上到去，餐廳已經八成滿，好彩未需要等位。一坐低熱茶已奉上，仲有成個茶壺擺咗係度等你慢慢嘆茶。掃QR code 手機落單，方便容易。因爲今晚覺得幾凍，所以叫左個鱈場蟹鍋。鱈場蟹鍋＄200+10%大約十分鐘之後熱騰騰的鱈場蟹鍋端到桌上，營養豐富，色香味俱全。總共有五件鱈場蟹，其中四件是由一大隻鱈場蟹腳切出來，另加一隻蟹鉗。鱈場蟹頗新鮮，蟹胶丶蟹腳上半部和蟹鉗多肉部分的蟹肉味在烹製湯後仍然得以保存，肉質飽滿。鍋面上有一堆已拆了出來的蟹肉，撈入清湯中增加蟹味。湯越飲越清甜，唔覺有味精。另外，配料有蟹柳，蟹肉獅子狗，蟹肉片各一；配菜有京蔥，娃娃菜，小棠菜和紅蘿蔔。食完全身暖笠笠，可以食啲凍野，叫咗芝麻味日式雪糕 。芝麻味日式雪糕 $29+10%滑溜溜的牛奶撞上濃郁的芝麻，係一個很完美的finishing。座位雖然唔算寬敞，但係都隔左塊板，都坐得ok。實有下次。

最好食係手羽先，即香港人口中的雞翼，其他壽司，我食了鰻魚、蟹柳、腐皮，還可以吧！朋友們說這兒性價比高，老經理有送三客日本厥餅給我們吃。但是，那位老人家極滋擾朋友，在我們桌子大獻殷勤，瘋狂搭訕、主動要求拍照，使人食落極不安。

一直想黎呢間人氣食店！今日經開通利琴行一於黎試下果然係好滿足我哋2:00到唔使排隊店內有自然採光都幾靚！坐位就比較迫d～冇計啦香港要翻桌率高明既餐牌好多選擇有平有貴我哋都揀咗好耐前菜有沙律，麵豉湯同埋茶碗蒸沙律有三文魚一塊沙律醋落得夠好好食！麵豉湯飲得出係自己煲唔係用粉沖好有誠意啊仲好好味添茶碗蒸都好好味入面好足料直情係出面要俾錢20幾蚊一個嘅質素！！但呢度係個餐都包埋淨係前菜已經感到滿足！！我叫咗極上壽司定食十貫（$150）好豐富都算新鮮嘅！但略嫌有啲雪得太凍但老實講呢個價錢我覺得收貨最好食嘅海膽 好甜又唔腥吞拿魚都唔腥油甘魚好甜！爭少少既反而係三文魚同帶子唔夠甜同埋太凍男朋友叫咗德美幕之內便當（$98）勁大盤前菜係螺頭 哈哈都OK嘅 哈哈豬軟骨就正常好食但係冇乜特別天婦羅好好味呀又脆又熱不過睇顏色只係唔係咁新鮮既油三文魚超厚切但都係雪得太勁不過都係果句啦咁既價錢我收貨竟然仲有甜品食係芒果奶凍呢個就普普通通啦食唔食都得我食到好飽好飽好飽好飽整體來講環境尚算舒適但未至於好好坐食物性價比高絕對可以捧住個肚好滿足咁走唯一差啲嘅係服務侍應普遍都冇乜禮貌我都明白好忙既如果呢方面可以改善下就Pe

幾抵食既一間壽司, weekend都仲有lunch set嗌~一路都keep住好full幾多人排隊🤣-ㅤㅤㅤㅤㅤㅤㅤㅤㅤ極上壽司定食 10貫 $150佢d壽司每舊都唔差性價比幾高, 但就無話邊款特別出色~不過值得一讚係佢既服務👍🏻本身我同朋友諗住嗌一個呢個lunch set, 另一個就嗌佢main menu既sushi set諗住食好d~跟住佢個staff勁好勁有良心咁提我地lunch set既壽司差唔多嗌返呢個會抵好多👍🏻👍🏻我地食拖羅佢仲提我地今日唔算返貨好新鮮叫我地嗌其他🤣

繼續食日本野當去左旅行🇯🇵最愛日本美食 不斷發掘香港平靚正好西比大家🥳相信好多人都聽過 德美 壽司🍣🍣 今次一去 試下係米真係咁多好評🤓- 洋風鰻魚班戟 🪱初頭都有啲怕驚呢個組合會唔match 😂 感覺上好似又咸又甜咁 點知食落口又好match😮 兩方面都恰到好處👍- 溫泉蛋天婦羅🥚🥚🥚睇啲食評話一定要叫呢個 😂 點知真係冇令人失望🥳 脆卜卜嘅外殼 入面係暖粒粒嘅溫泉蛋😍😍 溫馨提示大家一定要趁熱食😬😬- 三文魚親子卷🐟🐟叫親子卷個名真係好殘忍呀😂😂 - 鱈場蟹鍋 🥘🥘呢個蟹鍋真係好抵食！🤓🤓 勁足料！ 凍冰冰叫個鍋 真係好正👍👍 蟹腳鮮甜 足料 除咗海鮮之外 仲有雜菜 同埋粉絲係底 🥰🥰🥰抵食指數 爆燈💡💡💡不過建議大家要book 位 或者早啲去食 因為真係好多人等喔❤️

星期日想食個weekend brunch，食cafe又食到悶悶地，所以決定同男朋友嚟試下朋友極推薦嘅德美壽司😍。我地分別點咗壽司定食配牛肉烏冬、牛柳石鍋飯定食，午餐仲包咗麵豉湯、沙律、茶碗蒸同甜品。麵豉湯係我飲過之中算係中上既，個湯真材實料，唔似係用粉沖果啲😂；而茶碗蒸真係好得！入面搵到鮮蝦同雞肉，夠曬足料；至於沙律甜品就不過不失啦。到主菜啦，牛柳拌飯熱辣辣好好味，鍋底仲有外脆內軟嘅飯焦😍，牛柳亦醃得好入味好琳，而且冇咩肥肉，很好。壽司定真就大滿足，食完前菜同牛肉烏冬都已經半飽，再食多6件壽司就真係捧住個肚走😂，壽司推薦三文魚籽同吞拿魚腩蓉，兩款都做得好出色，最後飽到蝦壽司冇食舊飯，但就食到蝦既鮮甜。 不得不讚，經理既服務態度好好呀！

🇭🇰德美壽司·我哋本身以為佢星期六日唔會有午市定食 點知原來都有㗎 超級抵食😍😍所以如果大家有興趣嘅話記住早啲去排隊 我哋嗰日差唔多12點3去到就唔使排隊而且啲質素唔錯😌·極上壽司定食$150我覺得佢呢個定食都真係幾好食 佢每舊壽司水準都唔錯 魚味同質感都唔錯 雖然冇話特別超級出色 但係呢個價錢黎講性價比真係超高😍而且佢呢度嘅服務超好 我哋本身諗住散嗌兩間中拖羅 但係廚師勁好咁同我哋講今日質素麻麻地 叫我地嗌其他嘢食😭🥰·銀鱈魚西京燒定食$92呢一個超級驚喜 因為我完全冇諗過佢會咁好食 所以我冇影相🤭😂但係都一定要推介呢個俾大家佢個魚係滑到不得了 燒得勁好 而且個汁都做得超好 成個都好好食 我絕對會翻去encore呢一個😋·📍尖沙咀厚福街8號H8 5樓📍紅磡黃埔新村德民街31號地下1B號舖📍將軍澳貿業路8號新都城中心1期地下99-100號舖📍沙田沙田圍路9-11號田園閣地下E舗📍大埔翠和里1號永發樓地下1A舖