德美壽司

营业中

休息中

❤️螢光魷魚飽滿，鮮甜，前菜一流！❤️鵝肝壽司呢個價位，兩大舊鵝肝已經無得輸，鵝肝煎炸得好香脆配埋d 脆脆，有雙重口感，正！❤️火炙左口魚邊壽司火炙過嘅左口魚係晤同d ,好滑，好香，必食！❤️廣島蠔石頭鍋飯必食中嘅必食，石頭鍋飯好多地方都有，但係呢個石頭鍋飯淨係講配料已經有日本甜番薯，南瓜，加埋個日式醬油，都食到兩碗飯，仲要有埋新鮮廣島蠔，真係啱啱好，蠔身多飽滿，creamy ,爆汁，正！埋單仲有甜品送添。正呀德美壽司 (尖沙咀)尖沙咀厚福街8號H8 5樓

同事介紹話呢間餐廳唔錯，就諗住平日去試試，點知啱啱又撞正lunch time, 原來都幾多人，要等位，大概等左15分鐘左右。叫左個壽司set配牛肉烏冬，男朋友叫左軟殼蟹定食。有配沙律同麵豉湯，每個沙律都有粒帶子刺身，好新鮮，值得加分。同6件壽司加玉子，壽司都幾生鮮反而牛肉烏冬冇乜特別，牛肉一舊痴實同好’鞋’軟殼蟹定食，除咗軟殼蟹其他都好味，軟殼蟹好唔新鮮，仲炸到有啲苦，下次如果要食，就食壽司刺身好了！

難得星期四早放工，來到尖沙嘴厚福街覓食，來到呢一間出名性價比高的日式料理店。大概排左10分鐘就有得入座啦，餐廳有種日本小店的感覺呢。雖然壽司係招牌，還有各式各樣的日式料理任君選擇，串燒、刺身、一品料理、鍋物、炸物等等，望見餐牌真係樣樣都點。壽司拼盤（美）招牌壽司盛盒必點啦！有齊吞拿魚，池魚，油甘魚，三文魚，熟花竹蝦，帆立貝，三文魚子，鯛魚，燒玉子及拖羅茸卷。盛盒的好處就係每樣都可以試下，我最鍾意係三文魚，夠肥美；鯛魚口感正。串燒燒牛舌鹽燒牛舌重牛味，鍾意食爽啲既朋友就啱曬，口感豐富。雞肉棒汁燒免治雞肉棒應該係我每次食串燒都會點既，喜歡啖啖肉既感覺，滋味level up。細蜆麵豉湯識飲麵豉湯一定係飲有蜆肉的版本。增加鮮甜味，還有海帶和豆腐。野菜牛肉鍋鍋物方面點了野菜牛肉鍋，十分豐富，除了主角牛肉，配菜更有娃娃菜、大蔥、日本粉絲、雞蛋，還特意加了滑豆腐。湯底方面鹹度適中，唔夠飽仲有得額外加烏冬添。餐廳仲好貼心地送上甜品，糕點上面撒了一點芒果醬，作為總結。食完日本料理總會感到滿足，下次可以試下其他刺身和炸物。呀！食完先知呢度原來外賣自助有9折優惠添呀

火炙鵝肝 $63 （兩件）大大件既鵝肝仲大過壽司飯！因為火炙過所以更加香口，成件放入口，鵝肝既油香就會係口中爆開，必食推介👍🏻-火炙左口魚群邊 $50 （兩件）同樣又係火炙過既左口魚群邊，燒得岩岩好，唔會一夾就碎，而且師傅有係表面切花刀，所以燒到金黃色微焦，都得別吸引咁☺️-三文魚壽司 $29 （兩件）平時食咁多三文魚，新唔新鮮一食就知，因為當日三文魚腩賣哂，所以就叫左普通三文魚，但都幾唔錯，食得出係好新鮮既三文魚，而且係厚切，切得一啲都唔手軟。-黃金汁焗蠔 $41 （一件）差唔多一部手機長既焗蠔，真係超大件，呢個有別於一般既焗蠔，芝士味冇咁重，但入面係有滿滿既蟹柳碎、青椒同少少洋蔥，味道都岩岩好，單食都唔怕好咸，蠔🦪都新鮮大隻冇沙，真係成個清空咁食🤣-巨峰乳酸梳打 $29果日去超級熱，想飲啲冰涼爽口既野飲，於是就叫左巨峰乳酸梳打，唔會太甜，飲到最後仲有氣，推介👍🏻👍🏻

已經唔記得左上次幾時黎尖沙咀厚福街呢間德美壽司食飯，今日收工黎食返餐先。六點十五分到唔駛等位，正。呢度係掃QR code 手機落單既。魚生癮起叫左原條池魚刺身。原條池魚刺身 $208 另加一職員話空運直送池魚靚，我就點咗原條試吓。池魚大翻身，姿勢滿分，柚子醬油配香葱花。薄切刀功都唔錯，一條魚切出15塊魚生片，其他肉碎就用薑蓉和醬油調味，用小碗置中。魚油足夠，薄切口感亦很好，飛機魚原條呢啲價錢，值得推介。燒冬菇 $19 另加一食完魚生食返串串燒冬菇，有鰹魚碎片添風味，少少盪口，香味十足，真係大滿足！臨走先見到，原來外賣自取有9折。

星期六/日是沒有供應幾款最佳壽司套餐(比較可惜)，唯有叫其他選擇，叫咗一份炸三文魚皮，賣相靚，又簿又脆，可惜油益味很重，放咗入口都想吐出來😵。大蜆清湯，足料好味，等唔切已經飲曬，忘記拍照。洋風三文魚和壽司盛合，也是招牌出品，不單止賣相一流，味道出色👍。最後加單，叫咗份加州卷，問題出現了，等咗很耐，大約廿至廿五分鐘，壽司Bar枱的師傅不停地與前面幾個熟客又傾又飲，影響做壽司的出品，眼見得左邊一位學師仔無傾談不停做，辛苦曬，出來的加州卷又鬆又散冇賣相，用快子一夾即散曬😵幾年前幫襯過，當時也是大排長龍，貴少少但非常好食，好想再來回味，但又怕等位等太耐，所以一別數年，今次預早安排定實冇衰，其實可以選擇其他分店的，但是始終覺得尖沙咀店會比較有保証。

🍽 德美壽司 (尖沙咀)尖沙咀厚福街8號H8 5樓🐽今次又來到「口福街」嘅H8，德美壽司係一間門庭若市嘅中價壽司店。除咗壽司之外佢嘅串燒、鍋物、丼等食物質素都幾有水準，人均$300已經可以食到好滿足了。芝士鰻魚卷 $64 (🧡🧡🧡🤍)​ 師傅將壽司卷切成四小件方便食用，芝士是微酸帶有奶香嘅忌廉芝士，鰻魚表面有咸咸甜甜的燒汁，略帶油香，屬正常水準。特別值得稱讚嘅係佢嘅青瓜絲，青瓜切成一條條幼絲，食落不會好硬身又有濃濃嘅青瓜清香，以中和濃稠的忌廉芝士。壽司盛盒 德 $398（🧡🧡🧡🤍）壽司盛盒入面有大拖羅、吞拿魚、油甘魚、赤背、池魚、牡丹蝦、帆立貝、三文魚子、海膽、星海鰻、拖羅茸卷。 如果唔係每樣壽司都鍾意食，🐽不建議叫這個set。因為某些食材比較味道較普通，例如星海鰻比較乾，大拖羅則不夠香口肥美。 而其他壽司都係香甜味鮮，幾有水準👍🏼特別嘅係牡丹蝦頭有兩種食法，師傅會問你要「唐揚」定係生食，唐揚蝦頭炸得香脆，連帶蝦殼都可以食清光～燒牛舌 $42（🧡🧡🧡🧡）牛舌厚薄適中，爽口得嚟又唔會韌。燒得好香口，加埋啲檸檬汁，簡直就係絕配，食完就好似同牛牛舌吻咁🌝野菜牛肉鍋 加烏冬 $106 （🧡🧡🧡

［德美壽司］想食日本菜又唔想去大型連鎖店，通常我都會選擇德美壽司，餐牌選擇夠豐富，除咗壽司都有好多選擇，最重要係質素取勝😋#鰻魚朴葉飯 $100想食德美嘅鰻魚飯好耐，今次一試果然無令我失望，單係造型已經加晒分啦，用竹盒裝住特別有風味，真係有一塊朴葉墊住咁上枱㗎🍂主角鰻魚超肥美，有入口即融嘅感覺，散發陣陣鰻魚香氣又帶點朴葉香氣，I like it🥰加上鰻魚汁同蛋絲，感覺一啲都唔單調，呢個飯值得推介！#煙三文魚西柚沙律 $58沙律同想像中嘅賣相好唔同，估唔到咁豪氣將西柚切件上，見到西柚即刻refresh 晒，不過中間會有西柚‘衣’，食落有啲苦🤪好在有大大片嘅煙三文魚，食完滿足晒🥳#雞軟骨 $20雞軟骨唔止香口，仲好脆口㗎！可以燒到脆口而口感依然juicy，果然有水準🌟本身都覺得德美嘅CP值高，原來外賣自取仲有9️⃣折優惠，下次都可以考慮吓買外賣🍱➖➖➖➖➖➖➖➖➖➖➖➖德美壽司尖沙咀厚福街8號H8 5樓➖➖➖➖➖➖➖➖➖➖➖➖

今晚同朋友慶祝生日 朋友指明想食日本嘢 而尖沙咀比較就腳所以就鎖定左喺尖沙咀搵一間性價比比較高嘅日本嘢 搵嚟搵去最後決定食德美壽司 呢間野唔接受Booking 只能walk in 所以特登神咁早去拎位 因為我哋想食黃金時段嘅七點半 所以我6點半到就去定排隊 準時七點入到去 點左個壽司拼盤 上枱嘅時候大家都嘩一聲 好大盆好有氣勢～！每件壽司都大概有三件 我哋啱啱三個女仔好易分 啲壽司係用師傅手掐的 魚生好新鮮！另外叫咗啲天婦羅小食 同埋牛肉鍋烏冬👍🏾 全部都好食！性價比好高 為返大概$280一個人 由於餐廳實在太受歡迎所以每台客只能夠用是一個半鐘 個侍應亦都會好準時咁提醒

德美壽司一直出名性價比高，以前讀大學已經成日食。今日一早去完尖沙咀做野，知道附近有分店，決定12:00準時上去食個人正lunch 。好彩我地早左到咋，因為12:30打後餐廳外面已經開始有好多人排隊等枱啦。德美既Lunch set 性價比真係好高， around $80-120 到就食到好好味既日本餐！我哋叫咗一個野菜牛肉鍋定食同埋一個壽司定食配牛肉烏冬。野菜牛肉鍋定食超級足料，男友人話啲牛肉食極都仲有，同埋覺得個湯底有D似壽喜燒嘅湯底配飯食一流。雖然壽司定食配牛肉烏冬只係得六舊壽司，但成個set（包埋蟹子沙律同埋茶碗蒸）食起上嚟都超級飽肚，偏向細食嘅我直情差啲食唔晒。牛肉烏冬湯底比較淡，味道較為一般，但係壽司就冇得彈啦！6舊壽司都好新鮮，好好食！最後成個lunch set有包埋一個小甜品包括呢一個三色糕同埋日式蕨餅，食完真係大滿足啊！

星期日，因為約咗屋企人晚上喺屋企韓燒，所以晏晝要出donki買肉，屋企人提議先去食德美壽司lunch，話說前年喺沙田分店食過晚飯，覺得超水準而且好抵食，一直念念不忘去之前打過電話去問，店員表示午市不設訂坐，所以都預早咗15分鐘去等位。一開𨋢門估唔到晏晝都幾多人，眼見起碼要等5,6張枱好在等候區有櫈可以坐。不過等候時間算快，大約15-20分鐘已經到年地喇，太好了！店員指示我地去左邊門入，以為係坐房，一開門原來係室外坐位都幾好，冇室内咁侷促！喺等住時已經急不及待睇定menu揀野食，所以一坐低即刻order，我叫咗牛肉烏冬+6件壽司set，lunch set有跟埋沙律同茶碗蒸沙律醬唔孤寒，夠撈哂每一條青瓜絲茶碗蒸都幾香，不過就唔太滑三文魚子壽司十分新鮮，就連平時麻麻三文魚子嘅我，都要大讚佢好咸香又唔腥油甘魚都好夠甘香，吞拿魚蓉入口即溶唯一美中不足係帆立貝有小小沙。牛肉烏冬嘅牛肉很一般，凍肉舖平㗎貨色，有點失望店員有禮貌，亦有笑容，仲有問我地冷氣會否唔夠但係我同屋人都一致覺得，沙田分店嘅驚喜度比較大

點樣食推介✨⭐️尖沙嘴日本菜⭐️⭐️尖沙嘴燒肉⭐️德美壽司 地址：尖沙咀厚福街8號H8 5樓🍖野菜牛肉鍋 $76 (7.7/10) 🌟好抵食🌟鍋物控當然見到壽喜燒鍋就會即刻狗衝😬，果然都冇令我失望，壽喜燒湯底鹹甜適中，配料都勁豐富，例牌有菇、溫泉蛋、娃娃/旺菜、冬粉、大蔥、豆腐、紅蘿蔔、同埋睇圖都見到有超多牛肉🙈🙈，食極都食唔曬咁，兩個人食完暖笠笠超級滿足😂，黎德美真係必嗌佢個鍋😂，真係食完佢就會飽👻🍖温泉蛋天婦羅 $49 (7.8/10)男朋友勁鍾意食蛋，見到炸蛋就話要嗌，我就覺得蛋天婦羅會唔會特別左d😂，好似好易伏，好彩上碟之後又覺得幾靚仔喎，d蛋係呈現半生熟狀態，同溫泉蛋差唔多🤤，只不過外層有脆脆嘅天婦羅皮，脆嘅溫泉蛋唔知大家食過未呢🤣🤣🍖牛油果軟殼蟹卷 $79 (7.3/10)其實今次係我第一次黎食德美🤣，見到枱枱都有嗌依個卷，決定跟風嗌👻，上碟見到咁大舊真係有d嚇親，個口要mak到勁大先可以食曬成舊(定其實大家係分開幾啖黎食？😂)，食落口覺得飯嘅份量有d太多，包住d青瓜絲都勁多😂，不過都好夠味嘅，但我下次黎食就應該唔會再嗌🤣回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍

已經食過幾次🤗每次去到尖沙咀想食平靚正日本嘢多數都會嚟☺️午餐同晚餐都食過，上午餐有一個10件嘅壽司其實性價比都好高，不過我最鍾意食都係佢嘅海鮮丼😋😋😋😋佢個吞拿魚腩係我嘅最愛❤️佢午餐會跟埋茶碗蒸同埋沙律仲有麵豉湯，其實都好抵而且刺身都幾新鮮，冇雪味：p我哋仲有嗌埋佢歌牛肉粉絲喎，呢個超大鍋，而且都幾好食，不過唔知點解冇咁熱嗰陣就覺得佢偏甜咗少少但係都可以接受配埋烏冬一齊食非常滿足🥳🥳已經變咗尖沙咀其中一個飯堂🙂☺️

海膽控一定要睇好想食生蠔。好想食omakase 🤪咁岩朋友訂位一早安排可以坐bar枱真係爭好遠嫁，可以直接問師傅最新鮮最好味既刺身or 壽司🍣送到你眼前有機會一定要試下，徳美性價比非常非常高生蠔🦪非常新鮮，師傅真係無介紹錯Are you Oyster or Sushi or Sashimi lovers?!?!?Gogogo

今晚同友人睇完戲話想食壽司，我諗都唔諗就話德美，因為好耐冇出城食野。還好等差唔多半個鐘就有位（感恩）今次俾左個唔係太多人嘅位置我地🥰，可以撐吓枱腳。。。環境又唔會感覺擠迫。。舒適指數不斷提升。非常暢所欲言又滿足嘅一個晚上每次都必叫的壽司盛合 ～德，超級新鮮。大讚喔非常考師傅仔刀工的薄切，厚薄剛好，有口感得泥而入口 即溶，加上點埋個非常醒胃嘅酸汁，簡直配搭得非常有水準岩蠔不嬲都係我最愛，見佢漲卜卜都已經覺得冇叫錯，唧少少青檸，帶出份清香，口感豐富，濃濃嘅海水味，但又唔會搶左蠔嘅鮮味。。。大讚點都要叫番啲熱食中和下，灑上鮮炸嘅米通，撞上清清嘅茶湯，米茶香味已經飄晒出泥，加上明太子嘅鮮味，簡直冇得頂呀！每次最後都會叫嘅熱食，保持水準，蛋身超軟滑，足料，食到冇停口，呢個絕對要自私食