影片
更多
2021-05-20
188 浏览
幾年前朋友介紹食過一次呢間德美壽司，琴日再encore！晚市開六點，岩岩好六點到唔使等位。我地食完出面窄窄既走廊已經塞滿人啦。. 帆立貝刺身&厚燒玉子雖然鐘意食日本菜，不過我係唔食刺身。根據朋友既食評: 帆立貝好食，不過自己一個食好chur。每次一齊食日本菜嗌刺身都要自己食，我諗佢食完呢碟又多又大粒既帆立貝，已經飽左一半。厚燒玉子係必叫既小食！好高質！上次食淨兩舊，有人問我”要德定要美？”真係笑死。又凍又甜既玉子好開胃。. 牛油果軟殼蟹卷牛油果同軟殼蟹真係絕配，正如鰻魚配芝士咁。我食壽司都會揀呢兩款黎嗌。鋪係壽司面既蟹籽同牛油果都比得好多。軟殼蟹最緊要唔好炸到油淋淋，呢到食落唔覺得油，收貨。typical既菜式，好難整得難食。. 汁燒魷筒大大條魷魚，唔韌易咬得黎係有口感既，食得舒服。不過略嫌魷魚味唔夠濃，只食出燒汁味。. 野菜牛肉鍋賣相可能差d，不過味道一流，未上枱遠遠已經聞到個鍋既香味。鍋入面有牛肉，雜菜，豆腐，冬菇，金菇，蘿蔔，温泉蛋同埋粉絲，唔使額外加烏冬都夠食。牛肉肉味濃而且份量多。湯底吸收左肉味仲有甜味，粉絲配埋呢個湯真係好好食啊。IG please follow: my.m
晚市開六點，岩岩好六點到唔使等位。我地食完出面窄窄既走廊已經塞滿人啦。
. 帆立貝刺身&厚燒玉子
雖然鐘意食日本菜，不過我係唔食刺身。根據朋友既食評: 帆立貝好食，不過自己一個食好chur。每次一齊食日本菜嗌刺身都要自己食，我諗佢食完呢碟又多又大粒既帆立貝，已經飽左一半。
厚燒玉子係必叫既小食！好高質！上次食淨兩舊，有人問我”要德定要美？”真係笑死。又凍又甜既玉子好開胃。
. 牛油果軟殼蟹卷
牛油果同軟殼蟹真係絕配，正如鰻魚配芝士咁。我食壽司都會揀呢兩款黎嗌。鋪係壽司面既蟹籽同牛油果都比得好多。軟殼蟹最緊要唔好炸到油淋淋，呢到食落唔覺得油，收貨。typical既菜式，好難整得難食。
. 汁燒魷筒
大大條魷魚，唔韌易咬得黎係有口感既，食得舒服。不過略嫌魷魚味唔夠濃，只食出燒汁味。
. 野菜牛肉鍋
賣相可能差d，不過味道一流，未上枱遠遠已經聞到個鍋既香味。鍋入面有牛肉，雜菜，豆腐，冬菇，金菇，蘿蔔，温泉蛋同埋粉絲，唔使額外加烏冬都夠食。牛肉肉味濃而且份量多。湯底吸收左肉味仲有甜味，粉絲配埋呢個湯真係好好食啊。
IG please follow: my.me.mo_
Memo for food. travel. photo
一齊交流飲飲食食😋
张贴
