德福閣

营业中

休息中

其實這個餐廳都係我平常食慣,因我甚喜歡食Buffet/放題,平均一個月都食六至八次,但都是食午餐,因緣際會於今晚可以食到晚餐,而預早訂位所以唔駛等,價錢只是中午價錢的一倍,中午約120,宜家约242,(兩個人或以上八折,已經折實),食物味道及質數均屬中上,可能地方不大擺放的食物種類較少,但補給很快及隔一段時間便換款式,呢個價生蠔(我都食了十隻)燒牛肉任吃,亦有三文魚及蟹腳,連平時很少酒店供應的:罐裝啤酒任飲,又有自動咖啡機(不只一款,有Latte,Cappuccino,普通咖啡及熱鮮奶)都有,算係咁啦!而今晚都全場爆滿,証明物有所值甚至抵食!

今日約咗個舊公司嘅同事敍舊, 揀咗呢間酒店食lunch buffet, 呢度好耐之前嚟過, 就係貪佢夠靜, 又坐得舒服, 可以一路傾計一路食嘢hea足兩個半鐘. 我哋11:50上到去, 酒店裝修過靚咗, 由於早一日book咗位, 所以安排我哋坐近食物bar嘅窗口位. 非常休閑. 一坐低就比張廁所卡我哋, 因為個廁所係要插卡先入得. 等到12:00, 可以攞嘢食喇.冷盤: 生蠔, 三文魚壽司, 凍肉, 沙律, 冷麵......生蠔雖然較細隻, 但尚算新鮮. 三文魚壽司都幾好, 其他都唔算太差.熱食: 生滾粥, 燒牛肉, 雲吞麵, 牛仔腸, 雞肉, 魚柳, 麒麟豆腐, 炒麵, 排骨飯, 炸三文魚骨腩..... 生滾粥有成十款生料任配, 我揀咗魚腩, 魚滑, 瘦肉, 鮮牛四款生料, 勁鮮甜. 燒牛肉嫌太過生, 中間太紅嘅位唔敢食. 其他熱食都唔錯甜品: 朱古力噴泉, 美式芝士蛋糕, tiramisu, 大菜糕, 布甸, 豆腐花, 雪糕, 即製pancake,...... 美式芝士蛋糕係我嘅摯愛. 美式芝士蛋糕係硬身果隻, 配上面頭嘅酸忌廉, 味道一流. tiramisu 入口香滑, 咖

現在出外吃自助餐，閒閒地起碼人均三、四百蚊落樓；如要選三百蚊樓下，食物又要多元化的，大家可參考以下的「Stanford Café 」，晚上的海鮮自助餐收人均 $268+10%，價錢的確相宜。「海鮮冷盤類」有生蠔、凍蝦、青口、長腳蟹、魚生、黑椒呑拿、煙三文魚等，選擇頗多，現場眼見以蠔及長腳蟹最受食客歡迎。當然，以廿百多元如此超值價錢也很難要求海鮮是頂尖質素的貨色，但這裡勝在選擇多，海鮮迷應感滿足。「海鮮熱盤」自助餐的另一賣點是有各類熟的海鮮熱盤供應，如「茄汁焗蠔」、「白汁焗扇貝」、「葡式沙甸魚」、「豉汁蒸靑口」等，不吃生海鮮的朋友都可大快朵頤。是日試菜另點了一份主菜「龍蝦米多」(原價 $318)，用波士頓開邊龍蝦，加上白汁，洋蔥、磨菇等焗七分鐘上桌，蝦肉爽實，調味亦不錯。「熱盤類」亮點絕對是鐵板燒，現燒現吃，有燒大蝦、魷魚、各類串燒肉類及蔬菜等。是日眼見這 counter 是大排長龍，幸好廚師努力地不停燒，食物 refill 得快，這點頗抵讚。除此之外，還有燒牛肉，各類中西小炒等，一般的都齊備。甜品方面則以「即焗梳乎里」最受歡迎，它是在場堂焗的，熱辣辣再加上雲呢拿味，不可錯過。另外即煎的

有親戚從加拿大回來, 要搵晚食飯, 要靠近屋企, 要坐得耐, 甘就緊係食自助餐最好, 唔使煩點菜 ... 人多, 價錢就一定唔可以太貴, 見德福閣大人都無使$300, 就試下大小長者共9位, 早一天訂枱都有位.6:30pm開始, 6:15pm到, 都要等到6:30pm先可以攞野食.冷盤有蝦(彈牙), 生蠔(OK), 青口(OK), 長腳蟹蟹腳(偏瘦)熱盤就真係太少, 十隻手指都夠用唔使20分鐘, 就試均所有熱盤. 一般.當晚有黃姜飯, 味道不錯, 有驚喜 ... 轉攻燒牛肉 ... 有D乾, 味道一般.甜品, 水果+朱古力噴泉, 有鳳梨, 士多啤梨(好甜)當晚, 每人送一隻瀨尿蝦 ... (有瘦有無肉)用甘嘅價錢, 算OK啦!!!另一提, 服務算中上.

$268海鮮自助餐真係好吸引,不過上到去就知驚了!野食少得可憐,熱食10樣都無! D甜品無一樣好食!楊枝甘露稀到水咁,無芒果味。豆腐花有一陣怪味，我係街市買＄３一碗都好食過距。唯一吸引的就是有生蠔，長腳蟹。生蠔會都不斷refill，長腳蟹就好久先有！不過距地１個鐘之後就無出現過，超級過份！最離譜係間野有烏英，我拎左個蟹子沙律有蚊之，同個女captain講,點知距收左之後擺番出去!食完我男朋友都炆到不得了，俾咁貴都無野食！寧願食放題，打邊爐！全晚最好食就係菠蘿，螺片蒸蛋！除左食物，餐廳環境不會錯，飲杯野相聚下不錯

星期六見有報紙coupon同auntie一行4人試下午茶buffet,裝修過環境不錯,加食物速度快,整體service ok楊枝金露甜左d,雪糕硬左d,pancake玩自製好好玩,至於壽司真係未掂過肉醬寬條面,good

與友人來此吃了頓廉價午市自助餐。其實這裡的午市自助餐不太多東西吃，之所以會來此，其實只是貪它人流不多，環境尚佳，可以坐得舒舒服服，而且價錢又不貴而已。特別是假如用匯豐信用卡簽帳，更可以有九折，埋單每人才不過一百元左右，便可以在此 hea 上兩小時，與友人吃點東西聊聊天。冷盤方面，這裡的午市自助餐是沒有魚生供應的，只有一些不大吸引的壽司。沙律、凍肉、鹵水鴨、冷麵等也只是普通之作，最大的賣點是有生蠔可吃，不過這裡的生蠔全部都只是迷你版，質素平平，只是聊勝於無而已。熱盤方面，其實自己沒有怎麼吃，主要只是試了燒牛肉。這裡的燒牛肉質素不夠平均，有些燒得較佳，但有些卻燒得過生，嫩就嫩了，卻似乎太生了點呢！除此之外，也吃了小籠包和燒賣等點心，燒賣無甚特別，小籠包還算可以。友人也試了這兒的生滾粥，我雖沒試，但據他們所言，評價不一，有的說味道尚可，有的卻說味道太淡，也許每個人的口味始終也有些分別吧！甜品和水果方面，較突出的有朱古力噴泉和忌廉水果班戟，不過我可兩款都沒有吃呢！只嚐了點蛋糕和西瓜、蜜瓜、菠蘿等水果，水準平平而已。說真的，來此幫襯主要不是因為它的食物，只是因為它都算是個環境寧靜舒適，好 hea

報紙飲食版介紹 (應該係廣告), 裝修過, 有 coupon, 而又係咁岩係阿媽生日, 順便試下. Coupon 價: 成人 $214.4, 老人 $166.4, 我們三個成人, 兩個老人, 所以平均是不用 $200.地方是剛裝修過, 座位還算舒服. 飲品只有咖啡, 茶, 啤酒 和橙汁 (應該是橙粉沖的), 選擇少要扣點分數.食物種類是足夠: 有蠔 (珍珠蠔), 魚生, 翡翠螺 (自助餐比較少有), 法式焗螺, roast beef (我覺得太生所以沒試), 煎大蝦, 冷麵等. 甜品選擇也算多. 有架自動 pancake 機, 我們幾個都 "玩" 得很高興.服務是滿意的, 加水, 收碟速度也算快. 服務員也態度良好.如果是正價 ($268) 我未必會來. 但平均價是每位 $200, 那就算抵食了.

突然男友同我想食buffet..之後上網睇下有咩食...上網見到用信用卡有95折..姐係一個人230左右..前1日打去book..有位約6點半..佢地5點左右打泥問係咪會去..第一印象唔錯去到..之後話book左邊..企左5分鐘都無人理我地...之後我地走去問d職員..d人先叫我地等一陣..會叫人帶位..我同佢講book左位...之後佢先去睇"妖"嚷左10幾分鐘先有位左..坐係海鮮隔離超開心環境：十分逼...枱同枱之間大動作小小都撞到隔離枱食物：熱食得6樣左右..海鮮：生蠔.凍蝦.青口.螺服務：收碟速度可以接受，但一入泥無人理真係要改善下~一開始就食海鮮，我見佢得青口同幾粒螺+蝦，以為無蠔食..之後問佢地..佢地話有..一陣出..一出..嘩..d人多到..一出只係得20隻左右..一人拎3.4隻已經無哂..重點係..由6點半-8點半只出過3~4次..我坐係隔離都差d拎唔到蠔..最尾搶到4隻返泥..但入口帶苦..而且又瘦又細粒..仲勁多水而且有小小腥味之後算啦..去拎魚生...點知魚生又係咁..d人又"尖"隊..又狂夾..我係第3個已經無得拎..而且唔新鮮..D肉係瘀紅色..唔係平時d橙橙

因為想食dessert, 又有buffet club 買一送一coupon, 所以去食...「烤肉蠔情」自助午餐蠔: refill得唔算快, 好多時一出就無(O的人一攞就7-8隻, 太自私啦) 不過好鮮好好味, 連唔鍾意食蠔既我都食O左4隻 烤肉: 得燒牛肉一款, 麻麻地, 好硬冷麵: 麻麻地, 無咩味salad bar: 選擇不多, 不過都幾好味熱點: 有點心(一般), 炒菜, 炒麵, 炒飯...etc 得8-10款, 唔多選擇...生滾粥: 又好OK wor...cream brulee: 我覺得ok worcake:有5-6款, 我淨係試O左2款cheesecake, 其中一款cheesecake好好味...wraffle & pancake: 即製, 好新鮮, 又唔會太厚..我揀O左糖+椰絲花生一齊食, 好好味有個好似木槺布甸O既杯裝甜品, 係一層好似柯華田粉一層cream, 又一層柯華田粉一層cream...連唔鍾詫食cream既我都食晒...好甜人任必食推介, 好好味 (如果唔好甜就好試, 好覺得漏)豆腐花: 話1點開始有, 但係我見唔到雪糕: 應該係牛奶公司, 有4個味揀

不用等侯時間，我6﹕30PM入坐‧21DEC2010入坐人數約40人，做冬開咗支紅酒。收費不貴‧ 主題﹕籠仔飯‧串燒全晚都無人當值，無生過火＇相片約時上八的拍 ，生蠔每次出約１５隻‧5分鈡不足就無晒‧要再WAITINGｌ５MIN出共前后約20MIN才有‧7:15PM 同個高級煮師講‧他回答出過你自已不來取‧ 不用叫自助歺不是由開始起不停出歺要個客叫？魚生出過 少少 Octopus FULL NIGHT 只是 出過 二條鬚. 9:15PM 就有工人收自助歺食物. 9:25PM 到我位 LAST CALL ？2 ADT 2 長者 （我有比錢） 不貴 １仟幾佰元 吃咗壹 肚氣 .全晚位當值位置無人‧無人加食物 極差地方

覆完診唔知去邊度食lunch好,見附近就有問酒店,突然又好想食buffet,所以就打電話去問吓個價錢,$90.3已包加一服務費,心諗咁抵, 會唔會有咩食呢?等我去試試先,一去到真係意想不倒的驚喜,竟然有生蠔,雖然只係BB蠔, 好細隻, 但都好新鮮呀,甜品加埋都有成十幾款, 又OK喎,仲有其他美食, 例如燒牛肉, 煙三文魚, 壽司, 生滾粥等等,以咁抵既價錢, 可以食咁多美食,值得一試呀, 但千萬唔好諗住係超多款式既BUFFET,要抱住$90就有咁多野食既BUFFET先會覺得值GA.

東方有優惠就去試下啦~點之就甘中伏了首先地方唔大~所以食物唔多~只要走幾次就會覺得甘細+:其次食物中下~蠔幾鮮甜但不夠肥美有売張優惠劵總要話歐陸蠔情~原黎得個名~~D蠔差唔多30分鐘出一次生蠔，不過建議大家唔用食佢D汁~好難食啊~青口冇味~日本酸薑佢都當菜，D日本冷麵好似隔夜甘，勁難食。D煙三文魚出得一次~得個十幾片，無左之後就變左鴨空。燒牛肉完全唔得啊面包燉蛋口感好差飲品就更加唔好提了，橙汁用既杯細到好似幼稚園用甘，總要唔系漏壺，系用渣壺。連多士爐都無啊~用焗爐自己搞點~點心就更加恐怖，粉果用碟仔裝住~勁細只~稔之之。果D日式蒸蛋就總好笑~用酒樓既茶杯黎裝啊~~總之唔會再去咯~當系趺錢~

到這裡食buffet，只因為有coupon，晚餐原價HK$208一位，現只雖HK$250兩位埋單。非常抵！先講食物，總類確實唔多，其實二百蚊一位都唔預有好多選擇，不過食物質素其實OK嘅 (除非要求特別高)。生蠔 : 食得出鮮甜味，最抵讚嘅係會不停refill。薑醋 : (竟然有薑醋!!!) 雖然啲豬腳碎濕濕，但係啲醋味好正。原味梳孚厘 : 好香蛋味，比朱古叻味好食，不過等得比較耐。凍螺 : 冇味同太硬。串燒 : 最差係呢個，同廚師落完order等佢整好攞埋嚟，一般都會expect佢係即燒熱辣辣同脆卜卜，因為都等咗一段時間。但係送嚟見到嘅，係凍冰冰同油淋淋嘅 (強調並冇燒過嘅痕跡)。 : 地方細細都有啲gimmick嘢搞下，有現場表現火焰雪山，不過只係維持幾秒，要睇嘅就要快啲出去，我就係慢所以睇唔到！內層係3色雪糕舖一層薄蛋糕片，外皮係一層蛋白，ok啦。我唔鍾酒味所以唔食層蛋白。引發我寫食評嘅，係員工嘅質素。無論係侍應，經理定廚師都好有禮貌。侍應同你講嘢都會面帶笑容。西裝經理仲提醒我小心手袋，因為係路口位。呢啲溫馨提示真係令人好舒服！HK$125/person，都有咁嘅服務，值得比個笑佢

上星期因為我生日,所以男友就陪我一齊去這間有生蠔任食的自助餐,首先踏入酒店就覺得幾好,之後侍應安排我和男友坐的地方行近buffet桌,每逢D侍應拿食物盤我都看到.所以先感謝那個侍應生^^講下食物啦!首先講我最喜歡的生蠔 , 味道一般般啦 , size方面就一d幾大一d幾細 , 但後尾我吃了一隻好似唔太新鮮有d怪味就吐了!! 不過我一個人吃了一打左右.佢這樣的價錢我已經覺得幾滿意了^^之後魚生方面 , 有三文魚,吞拿魚和八爪魚 , 不過我覺得麻麻地..唔太新鮮 , 所以唔係吃好多 . 還有少量款的沙律 , 煙三文魚 , 八爪魚 , 螺肉 , 之於熱軍方面真係唔多款..所以我都無咩揀來吃..因為賣相不好看所以都估麻麻地好食 , 甜品方面 , 有2款蛋糕 , 豆腐花 , 梳乎厘 , 珍多冰 , 拿破侖 . 雪糕 , 火焰雪糕 . 總結 : 以咁樣的價錢有得任食生蠔已經好開心 ^^