德福閣

营业中

休息中

睇報紙話有蠔食,$85.9 BUFFET,就去試下啦,點知行緊樓梯上去,就見有一男一女行緊樓梯落黎,話無野好食~但一場黎到就入去試下啦,入到去諗住睇下有咩食先算,但一入去個部長就問幾多位呀,都未睇有咩食...一望去D野食度,個生蠔位無蠔既....旁邊既青口就有一大堆sushi得D CHEAP既,什麼青瓜,玉子,蟹柳,仲要遲D都比人拎哂因為真是無啖好食~有生滾粥,炒飯,包,羅宋湯,西洋菜湯,牛腩,燒賣....都係D普通的菜甜品:西瓜,哈密瓜,豆腐花,番薯糖水,平價雪糕...$85.9唔抵食,但如果搶到生蠔都算回到本既~

除咗生蠔其他就真係痳痳地,不過90蚊都預咗唔係好好食架啦!第1生蠔好新鮮呀!!緊係啦出親都係比10隻出嚟,d人就係度等一出就冇晒lu><第2有咩理由冇魚生架~~唉第3我都未食過咁少野食既自肋餐既第4甜品都唔錯但係真係夠孤寒食咗一件都冇晒lu第5d雪糕點解用最cheap果種(即係supermarket30蚊大大盒果種)不過就係環境唔錯就係啦!!

先講這個buffet賣點係平 同埋"豪"食生蠔好心想搞啅頭就要落本 去到個生蠔位係空既等左成10分鐘先fill 但fill得十隻以內 睇到既時侯已經比班師奶搶哂!!!如果fill得十隻 但全場有around 70位客人 咁不如唔好fill咯 到後期 我學醒左 到差唔多15分鐘度就企附近等生蠔黎但都唔夠班用手"乸"既師奶 但個大廚好過份我親眼見到佢企係人群後 應該比班人圍住入唔到去fill蠔佢黑哂面 之後扔左碟around 十隻既蠔落去個冰盤度係扔 唔係擺!!! 佢一扔搞到d冰仲飛左幾粒出黎!!!!痴線架!!! 咩態度呀 如果不滿d客圍住哂就要檢討下點解d客要圍住好似搶既咁!!!! fill多d fill密d咪得囉仲要扔出黎 衰d講句 我地比錢食野 雖然係少 都係你客人呀!! 不過又唔係每人都咁衰 其實呢度其他人都好好 執野執得好快 又nice係寧寧舍舍得果個生蠔佬咁衰講番野食 生蠔 燒牛肉係主打生蠔好難搶 講真如果冇心比客食既 唔好用佢做主題 有d被騙咁..燒牛肉 第一round好硬 唔好食 但到第2round就好好多了!!!不錯不錯細佬

同男朋友第1次正式食酒店BUFFET;見呢間又OK;又有優惠劵就黎左啦!生蠔好大陣海水味;我完全吾OK!冇魚生,不過食到SMOKED SALMAN補數;食左個ROAST BEEF;太熟!!我諗有8成~GRAVY好正;補番數 =)有燒賣,牛肉球;1般貨色;我好愛雞翼;男朋友拎左好多俾我食;真係幾正後尾仲食多隻先走甜品試晒XD*好正!特別係朱古力味O既木糠蛋糕!!不過有件白色有少少CHEESE味O既CAKE係不知明味道~BLACK FOREST都好正!!有PANCAKE食;得蕉味姐`吾記得加雪糕牙!!{大前題,雪糕就O係PANCAKE格離!!!!!}之後食左男朋友整俾我O既甜筒;雪糕得3隻味;士多啤梨;MANGO同埋雲尼拿;食晒;都OK~有豆腐花涼粉;兩溝;正!野飲得水,COFFEE,TEA,LEMON TEA;連果汁都冇!要改善!坐左O係後欄門口;成日有WAITER WAITRESS行過比較嘈;BUT次次都有人收野!服務吾錯~不過隻裝水O既杯就..

見到雜誌介紹話幾好,價錢又抵,咁咪去試吓囉!一入到去已經覺得唔對路,點解攞野食既地方咁細既?! d野食既款式仲少過食宵野buffet, 加上又唔係不斷refill,真無癮!!! 生蠔 - 唔使10秒就唔見哂,refill 得好慢,又fill得少.. 三文魚 - 又係refill得少, 慢一步都無得食 翡翠螺 - 唔錯,幾好食 梳乎厘 - 一般啦意大利芝士餅 - 未試過d芝士餅係咁無味~~~~~ 無乜熱葷食.....想食吓d湯粉都無.....總之就係食宵夜buffet仲多野食過佢呀!!!! 價錢都係差唔多

星期日去旺角士德褔酒店食自助早午合併自助餐，因為十一點就有得食都幾好。今次巳是第三次光顧，不過今次加價、餐廳的環境不算大但也舒適，檯就密。食物方面：冷盤有：生蠔、青口、什錦壽司、火腿、煙鴨胸、日式冷麵、 熱食有：炸薯餅、炸三文魚、炒飯、炒麵、燒牛肉、芝士焗薯。 豬頸肉炒什菜、啤酒牛肉、多款中式點心、叉燒包、糯米雞。 甜品有：豆腐花、涼粉、蕃薯糖水、格仔餅、香蕉班戟、多款蛋糕、雪糕。 即煮有：煎蛋、煎鶉烈、自選生滾粥。 其他有：中湯、什菜湯、沙律。 食物味道： 燒牛肉過得去、青口有鮮味、炸薯餅。 其他食物味道都是一般，無什麼特別好味的菜式，熱食款式不多但補充很快，生蠔也不段補充。 當日全場九成滿，作為中西合碧的早午合併自

熱葷款式奇少，無味又淡，炒瓜炒肉片似醫院伙食餐單，若有得揀，送佢十個彈。 食到眼坦坦！誓死一定不會再復返！自問要求一向簡單，但此間的惡哽法叫人喊。 上述用辭稍見尖刻，衰在不信前人食評，試完後悔難翻！假期的興緻大減。 同區來說，不如去太子的「維景酒店」「雅敍閣餐廳」，價錢相約，人家各方面的質素高很多很多班！

今日去了食這裡的自助餐因為以酒店的自助餐來說這裡實在是幾平以下是我的少少分享海鮮燒烤：很惹味，有多春魚、蝦、青口、豬頸肉、金菇煙肉卷，我吃了很多的多春魚，因為燒得很脆很好吃海鮮/刺身：雖然生蠔不是太大隻，但勝在夠新鮮；刺生有三文魚、吞拿魚、八爪魚，我個人不喜歡吞拿魚，所以只吃了三文魚及八爪魚，都蠻好吃的，另外翡翠螺非常有咬口，但青口就不是太好吃鹵水拼盤：鴨腎非常好吃，牛展也不錯，另外好像有豬肚及蛋之類，其他忘記了沙律吧：有多款材料，是自助的形式，我選了車厘茄、粟米粒、珍珠筍、紅腰豆、白菌，配以沙律醬，很好吃呀熱盤：有辣辣雞扒、白酒花甲蜆、保雲蘇羊扒、蕃茄芝士魚柳、啤酒牛腩、沙拉骨、炒飯、薯仔等等，味道其實不錯，但款式太少，如果可以每次出不同食物就實在太好了甜品：有意大利芝士餅、非常滑的豆腐花、法式燉蛋、黑森林蛋糕、木糠布甸，連冷門的涼粉也有；不可不提梳乎厘，真是超絕好吃，但略甜；另外還有亞拉斯加焗雪山，大廚會即席燒的，內裡的是三色雲糕這間餐廳每位客人送一份芝士海鮮焗扇貝內裡好像有蝦肉、青口肉及扇貝肉上面有一層厚厚的芝士味道不錯

本來是去帝京食因無位, 路過先入這間. 首先本身環境一般, 食物完全唔掂選擇又少, 見到熱盤沒有一樣是我想吃的.生菜發黃, 薑腊唔香, 扇貝冇乜味, 梳乎里好水.....生蠔盤從未見過有生蠔, 要我們投訢後才慢慢refill, 好多食物refill速度慢得可怕, 從未試過食Buffet沒有飽肚我感覺.如果要每位$180食這樣的Buffet, 我寧願加$100去其他酒店食好過.p.s. 有位仕應叫我們俾意見改善質素, 希望佢好好改善一下.

之前去過呢間餐廳食過幾次，咁岩gathering又諗唔到去邊好所以就再去試下，見openrice有coupon所以拿拿臨印臨去用先！去到都未夠6:30pm所以周圍睇下有乜食，見到佢地張buffet table同之前我去既時侯setting唔同，而家可以放既野食更多，great！終於開始食啦，我首先食冷盤，食左sashimi、鮮蝦香芒杯、自選salad、煙魚批、蜜瓜火腿、鹵水拼盤、煙三文同鴨胸，仲有中華沙律、八爪魚同螺肉；之後食熱野，食左波菜海鮮千層麵、薯茸龍利柳、牛仔腸、釀茄子、茄汁牛利、芝士焗扇貝、蘿蔔牛腩；甜品就食左tiramisu、黑森林、木糠布甸、豆腐花、pancake、梳乎厘；佢地有個攤檔係有個chef即製燒烤，我食左多春魚、蝦、八爪魚，仲有即切羊脾，另外仲有即製香草茄汁青口煮花甲蜆，不過我無食；最後一提佢地每人會送個酥皮海鮮湯，雖則係送，不過唔媽夫架，湯好濃同酥皮好香好脆，正！

其實今次係我第二次去架la, 第一次去印象嘛嘛, 生蠔大隻但refill速度慢, d甜品又唔多wor..得個梳乎厘好食。今次見仲係咁平咪去多次囉, 點知原來多左幾多野bor, 又有火燄雪山,唔知乜野拉麵(有少少炸雞既),荷葉飯同冬瓜盅等等啦。 今次去到覺得個服務好左, 生蠔refill速度快左, 甜品多左個雪山同d中式糕點如桂花糕or馬豆糕。最值得推介既係魚柳卷同埋三文魚刺身!仲有呀!就係送個個焗大蝦,外脆內軟,有少少芒果汁,正爆!但係環境同之前一樣,迫左少少同埋冷氣唔夠(尤其係窗邊位)。

睇過openrice呢到d comment, 於是就同家人決定去試下呢間酒店既自助餐啦! 一睇八月份個主題係水果海鮮國際美食自助餐都覺得幾特別,於是打去問下咩黎既,原來係d熱盤以水果配製。咁岩又見到有coupon喎, download埋就去左食la! 六點半開始食, 我地即刻去拎生蠔,三文魚刺身呢d貴野啦....仲以為呢間野同其他地方一樣..refill唔快,但生蠔都refill幾快wo,但refill數量唔多lo!我見到大排檔好似有d野食wo…咩脆炸雞球拉麵超正…好有日本拉麵風格。仲有海鮮BBQ勁香,當然整番幾件啦..但可惜個粟米條冇牛油..唔係都幾好味既!燒羊脾唔知係我同家人唔like啦…見到入面仲係紅紅地既,係佢地既特色定真係未熟呢? 如果全熟就好了!!哈!! 熱盤方面,我最鐘意個魚柳卷..食到我唔停咁拎…個汁好特別,唔知點形容呢!仲有士多啤梨骨,士多啤梨就食過,士多啤梨骨就未啦。咁我試下啦,原來有d甜甜酸酸既感覺,食落有少少士多啤梨味, ok既! 到左七點半, 有個服務員同我地講會有火焰雪山…聽到我o哂嘴,咁既價錢都有呢d野既!到左

好耐冇去過,見咁扺咪同兩個仔去囉! 環境一般食物種類也不算多,竟然有生蠔食,重上咗好多次,我都攞到幾隻食!不過d蠔就瘦咗d,咁平都ok喇!有燒牛肉,青口,熱盤8款,生滾粥,(無魚生)只有蛋壽司n冷麪,豆腐花幾好食,dessert 麻麻,生果得兩款西瓜n哈密瓜! 總括嚟講味道一般,服務好好,但係我細仔冇嘜嘢啱食!不過大熱天時入去hei 返兩粒鐘都好.

見到介紹午餐咁平, 今日一於試下:燒牛肉: 唔係好腍.....麻麻哋生蠔: 咁OK LA, 又出得幾密煙三文魚: 見過一次....比啲人攞哂....之后冇出甜品: 都幾好食....豆花食物唔算好多款, 但係都OK LA, 80蚊一位, 會再去食...

見到酒店樓下有COUPON派, 攞左張, 發覺有額外5% DISCOUNT, 200蚊一個人唔駛, 又見到話有生蠔, 刺身食, 咪膽粗粗試下佢地個夜晚囉~ 點知又唔錯WOR六點半開始食, 同朋友仔六點九去到, 都幾多人WOR. 一坐低, 專攻生蠔, 青口, 翡翠螺 同埋刺身, 又OK WOR, 當然, 唔係話最靚最靚LA, 但起碼新鮮, $200 蚊唔駛有咁既貨色, 都收貨LA~ 雖然每次出得10 幾隻, 但REFILL 得夠快.跟住再食冷盤, 都OK, 有個沙律BAR, 不過D 料唔係話好名貴…有少少DISAPPOINTED…. 不過都有煙鴨胸補番數食到咁上下, 再食下熱盤, 大概8 款到LA, 有牛腩, 有D炒飯, 相信都係用黎飽肚之用, 不過不失跟住就試左果個即場海鮮燒烤, 食左燒蝦, 幾好味, 跟住試埋果個煙肉青口卷 同菠蘿串, 幾好食食到一半, 餐廰送左個焗扇貝, 話係用荔枝白酒汁整, 扇貝幾新鮮, 不過又好似有咩白酒味WOR~ 算LA, 既然係送既, 當係人地既誠意最後食埋佢地既甜品, 當然, 有芝士餅, 黑森林蛋糕, 都唔錯, 不過比起文華既CHEESE CAKE 仲有一