德福閣

营业中

休息中

今天我到了這裡食自助午餐, 食物不錯, 環境同服務都不俗生蠔: 尚算新鮮, 但咯嫌出得比較慢同每次出的數目不算太多, 但同了待應講後, 佢地都即刻通知廚房, 跟住出生蠔的次數明顯多左壽司: 只是普通貨色, 未能滿足我既需要, 希望佢地可以多加入一些款式, 例如: 蟹子壽司, 成本不高郤能使客人更開心同滿意燒牛肉: 因為我唔食牛肉...但原來餐廰係會供應燒羊肉, 但只係出左一次, 個人認為餐廰應該一次出牛一次出羊, 皆因都有幾多人好似我咁唔食牛冷盤: 有煙文魚食...但一出就係一個啊叔攞晒黎食, 得番D煙鴨胸..之後又唔係太REFILL…扣分!熱盤: 不俗, 但無驚喜, 大路貨色甜品: 味道都可以, 但嫌款式少了一些, 出黎出去都係果幾款. 而且見不到我最喜歡的TIRAMISU 有點美中不足 希望酒店可以係呢方面作出改善, 加入綿花糖也不錯~飲品: 熱飲可以係出面自己整, 但天氣咁熱…想飲凍飲, 但細問下, 只包一杯凍飲….安排欠妥善價錢: 80 蚊, 抵就抵既, 但始終將貨就價…不過都會有下次

呢間餐廰食過午餐, 今日黎試晚餐冷盤:食左幾隻生蠔同青口,但個人認為, 做得海鮮主題, 起碼都應該有蟹食,因為我對蟹情有獨終.壽司: 壽司飯硬過頭, 同埋溫度有點兒太冷, 我估計應該放過落雪櫃保鮮甜品: 味道可以接受, 但款式真係少左啲. 反而令我好有驚喜係果個阿拉斯加焗雪山, 出到去攞時, 真係會點火整著個蛋糕俾你睇, 視覺享受很好, 味道都ok. 希望下次黎可以有另外一樣特式甜品, 始終有驚喜會開心好多, 而且有soufflé, pancake 都不錯, 但同一問題, 配料款式唔夠. 但我唔明白點解本身有鮮果拼盤, 仲要放d 鮮果粒…有點兒那個…最後, 生果得三種, 無辦法滿足主攻甜品的我野飲: 有啤酒任飲, 同埋所謂既台式特飲, 但得2 款…大路野如果汁都唔見有, 要改善.環境:呢方面真係要作出改善, 因為個串燒係即場整, 但由於抽風設備不足, 間餐廰充滿油煙味, 初頭因為肚餓, 所以聞落都幾香, 但食飽之後, 仲係聞到呢陣味, 反而會有少少想嘔的感覺, 希望酒店可以作出呢方面既改善, 起碼都開大少少個冷氣, 等空氣流通啲用左coupon, 200蚊有找, 過得去

身為消費者我覺得吾好味係要講, 好味既就要開口讚 呢間德福閣比我既印象就係細得黎譜 , 冷氣吾夠 , 位與位之間迫之餘..仲要比人夾囉 , 唉...都算喇 , 第二D酒店BUFFET都無話一定SET死6點半就6點半先可以拎野食 , 但呢間真係好例外 , 真係等到佢6點半先叫人出去拎野食 , 由我坐個個位行20步..已經可以行完整個野食區, 剌身係切定再REFILL既 , 都OK既開頭 , 但多左人之後 , 就得返好少可以夾喇 , 熱盤我更加吾想講 , 唉..得個5-6樣 , LUNCH BUFFET都吾會得咁少野食掛 , 菜心 , 西蘭花炒菇 , 有咖喱 , 有炒飯 , 有咕嚕魚..印象好似得咁多 , 重出都係出返個D野 , 豬腳薑吾好食 , 生蠔好細隻 , 連甜品區更加吾想講 , 得個焦糖布丁OK , 但係好甜 , 仲話以生果做主題 , 得西瓜同哈蜜瓜咋喎 , 咁都得 , 係咪有D呃人呀 , 以$200咁既價錢 , 我覺得吾值囉 , 真係寧願食其他野好過食呢到 不過如果講服務 , 就可以接受既 , 如果怕熱既人真係吾好去 , 因為我同隔離枱都要一路食 一路撥風

今日同埋朋友仔出旺角食飯午餐, 之前見到openrice 有優惠卷, 自己突然想食自助餐, 但學生哥又無咩錢, 求其搵間平平地, 就搵左呢間. 本身今個月優惠, 有85 折,盛惠$83.6 但用埋張openrice 果張野, 額外多5 % discount, 最後連加一 $79.2~ 80蚊有找, 啱晒我呢啲貧苦學生. 早左10 分鐘上黎, 11 點10 到, 順利成為第一枱客, 跟住陸續有客黎到, 12 點侍應通知開始, 即刻衝左去攞生蠔....因為我對青口麻麻地, 唯有食多幾隻生蠔補番數. 又的而且幾新鮮. 可能今日客人唔多,細路又多, 所以buffet枱上d生蠔總唔會清晒, 算得上自助餐難得一見. 沙律:夾左d 生菜, 仲加左其他配料好似栗米, 青瓜, 最後加埋個千島汁同落埋芝士粉, 白芝麻, 咁整法又真係幾好食, 我總共食左兩次. 冷盤: 没有什麼睇頭, 食了幾塊煙三文魚同鴨胸就收手, 始終對冷盤興趣唔係太大.壽司: 都係普通野, 蛋壽司之類, 問左侍應, 佢地話夜晚先有刺身, 有啲失望熱盤: 又係普通野, 炒飯, 炒面, 菜, 炸野之類, 係咁易食左少少頂下肚就算甜品:

原本係為左平先來食buffet，但原來都有幾多野食架bor首先大人有啤酒任飲，小朋友就可以選擇飲台式飲品，有d五星級酒店食buffet任飲都要加$啦另外有即燒既BBQ燒烤，例如雞翼、多春魚、蝦等等，真係燒得又香又脆生蠔賣相都ok同幾大隻，又夠新鮮，青口、凍蝦同翡翠螺又好好味，d翡翠螺幾彈牙刺身就有三文魚、八爪魚同吞拿魚，食落都ok既，不過如果有多d款會更好甜品最正既就係即製梳乎里同pancake，豆腐花又夠滑，木糠布甸又夠地道， 另外仲有黑森林蛋糕，New York Cheese Cake，雪糕…全部都ok熱盤就普通d啦，不過森巴醬焗青口同紅酒燴牛腩就好好味 我覺得今次絕對值回票價，因為用了coupon有八折所以非常抵食，有咁多野食下次一定會再去

上星期同家人去呢間餐廳食buffet，以下係我少少既分享：先講環境，比一般酒店餐廳細左少少，檯與檯既距離不太闊，令人感覺講大聲小小都會俾隔離聽到咁服務方面，雖然服務員唔多，但招呼好好同收碟好快，亦好有笑容 食物方面，值得一提生蠔幾新鮮，生蠔醬好開胃！另外海鮮仲有青口、凍蝦同翡翠螺；刺身有三文魚，八爪魚同吞拿魚，全部都新鮮無雪味；燒烤有多春魚、中蝦、羊扒、雞中翼等等，我覺得最好食係多春魚，又香又脆；熱盤選擇都ok，印象中有8至10款；甜品方面，一定要食呍呢拿味梳乎厘, 好味到不得了呀！！另外班戟都唔錯；豆腐花非常軟滑，不過雪糕得牛奶公司就有d遜色啦…職員話而家做緊promotion，每位客人都送帶子蝦仁酥盒，原本以為送既野唔方好食，但原來係好好味架！而且賣相都好靚呢~~ 整體來講，以$200咁平既價錢係值得去架！下次一定會再去^^

各位朋友,今日我同老婆睇咗雜誌介紹就去試下,點知就撞板因為都要成173元,Ｄ蠔唔新鮮話有燒烤食品但只得５樣重要係冇味同燒乾添,其它食物只是叫做是但有好過冇,全場我覺得最好食是八瓜鱼同三文鱼知唔知點解因為唔駛煑,總之唔會再去.

前日夜晚同班中學同學gathering，原本都諗唔到去邊度食，不過咁o岩o向雜誌見到呢間酒店既dinner buffet有8折coupon，每人埋單加埋一都唔駛$200，同埋佢地今個月做緊韓日台promotion，心諗都ok呀o岩晒我地呢班人既唔同口味，所以就過去試下。間酒店都有d難搵，由旺角地鐵站要行一段路先到。上到去發現地方唔係太闊落，但坐落去都算舒服，燈光有d暗，放食物既buffet counter唔算好大，不過就勝在一目了然，一望就知道d食物放邊。講返d野食，我最鍾意既就係佢地既海鮮燒烤，未食已經聞到好香，其中燒扇貝同多春魚好好味呀！另外有個叫台灣麵線既野食落好似碗仔翅"杰撻撻"都幾得意，值得一讚就係佢地既燒羊脾原全無"蘇"味，因為我唔受得呢陣味架。佢地有個自助沙律吧，可以自己配答d沙律，不過我係唔食沙律既印象中好似有車厘茄、粟米、青瓜、白菌，珍珠筍...等，仲有幾樣唔記得o左，另外鹵水拼盤，煙三文、煙鴨胸、日式併盤都幾好味。講到呢度又點小得我既至愛三文魚刺身同生蠔呀？d生蠔超大隻，有成2/3隻手掌咁大，食2隻已經好滿足，另外仲有青口同八爪魚刺生，一樣yummy yummy熱盤

二零零六年最後一天的晚上，和朋友來這裡迎接新的一年，來到才知這裡宵夜自助餐提供的食物款是離奇咁少，仔細一想不用二百元的價錢在今日這個特別日子有得吃有得玩算是這樣的了，而且店方中途殺出一個大大火焰蛋糕供各人分享(玩埋熄燈+點火)…最終我們與其他人不認識的食客們，渡過了快樂的’一年’。在二零零八年的同一天同一時段，再度’翻炒’。由於有第一次的經驗，所以食物款是如何的少也有了心理準備。頭盤：壽司-全場提供是熟料壽司來的。下得過多醋的壽司飯，變得軟弱無力，而且雪到凍冰冰，攤了一陣還是很難吃得入口。蟹柳絲蕎麥冷麵：麵條都算有些彈力，冷麵汁調得剛剛好。芒果蟹柳沙律：熟透又甜的半件芒果，中間挖開一個洞然後填入蟹柳，而粒芒果肉則放在最頂。沒有那劈沙律醬就會更完美。麵包類：蛋沙律法包件﹑凍火腿法包件(還有吞拿魚法包件及花生醬三文治，不過沒有吃)。我最喜歡吃蛋沙律，他們做得很好味，沙律醬和蛋黃份量夾得剛好，凍火腿味道較外面吃到的為淡，但我又喜歡，不過法包件就好淋，能烘脆烘熱返更好。熱盤：蛇羹：食入口就不難發現其實是碗仔翅而已。羹的質地不傑又不稀，剛剛好，而肉絲﹑粉絲等等都非常之多，個人習慣下會加超多紅醋陪

有老師請食自助餐 一大班人一齊去啦點知去到入面 就發現真係細得可憐食物種類好少飲品竟然連橙汁都無 只係得咖啡, 奶茶, 水, 檸檬茶味道普通 唯獨d甜品味道唔錯(豬肉千祈唔好食 好似人地煲完湯剩低既咁)但服務生態度ok 所以都係比個ok佢

晚上一行人黎到呢度食Buffet , 入到去比個咁"大"既環境同自助餐區嚇親 , 冇諗到係會細到好似食緊K buffet , 行哂成個範圍都唔需要一分鐘既時間 , 好彩d食物既質素都不詔不失 , 總算係食得入口又唔會肚瀉先啦 , 人地比幾百蚊咪又係食到又柯又嘔 , 宜家我地比百幾蚊食完反而冇事 , 侍應生服務態度勁好 , 而且Refill又快有效率 , 可惜真係食物款式太少丫 , 如果唔係都可能會考慮再黎。其中一個冷盤係茄子整得好好食 ; 另外見到人地話疏乎厘好食 , 所以就order左每人一個 , 呍喱拿同朱古力味道揀 , 即叫即焗熱辣辣送到黎 , 份量唔大岩哂飽飽地既我地 , 好濃蛋香而且食落口好creamy 的確唔錯。

50幾蚊一位,大家不會想像有許多新鮮刺身,海鮮吧?_?放食物的地區一眼可睇晒,頭盤可選日式料理,包括2-3款壽司及沙律及後可食冷面或三文治等小食.好有印象係咖哩牛腩頗出色,不比專做牛腩面ge鋪頭遜色.有個類似老水鴨定乜野的東西......非常差勁,堅硬無比..........豬扒好似幾UN,不過點番D沙律醬都還OK.........青口好似係唯一ge熟食海鮮?_?(丫...好似有時有鮮魷.....)平時在較高級的自助餐見到廚師即煮的意粉等東西,變成車仔面,對於中午食左車仔面GE我...當然無吸引力.甜品款式算唔少,但冇邊款特別,而但雪糕正如有食家講過,好軟身,食1,2球就夠了.總言,食物冇咩特別可言,勝在叫係自助餐,環境普通但乾淨,部份地區過密,但服務員有禮貌,一試平價自助餐也好.不過再食機會較低.

拆實左之後$180左右的Buffet Dinner...其實真係無咩野食...但考慮埋價錢之後...也不能要求太高啦...綜合整頓Dinner...意見如下Good：1.侍應執碟效率其高2.疏乎里...尤其朱古力味好好食3.地方雖少...但坐得尚算舒服4.有橙汁/蘋果果汁提供外...還提供每人一杯飲品Bad：1.日式食物種類超超超少而且較求其2.凍蟹只出過一次...其後也是在向侍應 Request才多出一Round...還要只得2隻蟹的份量3.食物的種類普遍地少改善：1.要多增加冷盤和甜品的種類才能多吸引客人啊...

睇到介紹話有好多野食,有蠔,有蝦,有蟹~~~其實係好少野ga.我同d friends 7點左右去到,蠍同蟹已經俾人lo晒,坐低等左好耐,都未見有refill.惟有食住其他野先啦,~~但其實都冇咩特別野食.Sushi,魚生唔新鮮,飯好多~~D熟食都唔好食,有蜆,但隻隻有沙,唔怪之得,剩好多,冇人食啦~~~~終於等到有蠔啦,竟然好多沙,要用d水去洗先可以入口~~D蟹呢,成晚都唔見有~~而d水果一d味都冇,唔甜,又唔凍.好差~~成晚都唔知食左d野~~係我地食咁多buffet中,最差ge一間~~D服務就一般啦,好搞笑GE.我地用晒D紙巾,就同個waitress話要d紙巾.佢竟然答我地,每張台都有紙巾ga啦.呆左,每個人得一張,用完先同佢lo ga啦.唔駛佢講我地都知每張台有啦~~都唔知佢係唔肯俾啊,定鈍啦~~真係好搞野~~埋單每人$188, 仲送左張coupon俾我地.冇人想再來,為左表示我ge不滿,我即場撕左張野,扔係檯度~~

上星期約左朋友嚟食buffet，講真，$198的buffet都不抱有太大的期望﹗餐廳不算太大，但食物種類都算多：冷盤的有生蠔、青口、凍蝦、魚生、沙律、醉雞熱盤的有燒牛肉、蒸魚、排骨、粉麵飯等等 甜品有多款蛋糕、豆腐花、生菓，最特別係有即製的梳乎厘整體食物都幾好味，首推燒牛肉，好juicy，生蠔同魚生都好新鮮，佢唔會一次過放好多係度，見無晒就即時refill，果然好注重衛生﹗梳乎厘其實都幾好味，不過，我唔係一個啫甜的人，所以只能夠食到一半﹗全場仲有果汁供應，仲有金威啤酒任飲添﹗埋單時用滙豐信用咭有8折優惠，抵過用coupon﹗