德福閣

营业中

休息中

前幾天朋友的生日，他說很想吃自助餐，所以我就約了在旺角附近的自助餐，讓他一嘗心願。這裏的自助餐食物選擇有很多，除了魚生及沙律之外，還有不少熟食及甜品。而且這裏的魚生及生蠔補給得很快，而且也去得很快，所以很新鮮。這裏還有送每人一隻大炸蝦，賣相很美呢。這裏還有薯蓉帆立貝，薯蓉很奶油的感覺，而且味道很香，帆立貝味道鮮甜。聽人家說酒店裏的甜品多數是很好吃的，真的沒錯，這裏的甜品有各式各樣的種類，而且賣相也很美。這裏還有疏芙厘，而且是新鮮焗出來的，味道不會太甜，而且充滿蛋白香味。

踏入四月又到慶祝生日嘅時候☺️今年嘅第一餐係 食buffet!!! 朋友淨係約我喺地鐵站等所以我初頭都唔知食邊間跟住佢行咗陣終於到目的地原來係Stanford 嘅德福閣雖然食六半都已經有六七成人兜咗一個圈都算多熱嘅熟食 有牛有豬有雞有魚有菜有炒飯有意粉有中湯有西湯仲有焗蠔添！冷盤沙律賣相唔錯當然唔少得甜品環節有即制pancakes 同梳乎厘 最正係有玻璃樽裝汽水同啤酒橙汁任飲生蠔好新鮮魚生都好肥美最重要係refill 都好快就算比人拎晒下一round 唔使三分鐘就會有呢樣真係值得一讚而且service 好好收碟收得好快d waiters亦好有禮貌好helpful 其實帶我食自助餐係會蝕本嘅因為我乜都唔食😂不過都好多謝朋友一番好意❤️

好耐之前行過旺角呢度都已經打算試下呢間buffet最近見到openrice 有優惠，而且睇到食評嘅comment都唔錯，一於就book位試吓。坦白講， $300都唔使，仲要係旺角市區嘅酒店晚餐自助餐，都唔會期望佢有好多嘢食，諗住都係得啲基本野，點知今次試過之後，真係覺得有啲驚喜。最令我驚喜嘅就係海鮮冷盤，佢竟然有齊生蠔、長腳蟹、凍蝦、青口、蜆、刺身等等。而家有啲酒店比$500一位，都冇咁多款式嘅海鮮食。呢度嘅生蠔冇列明產地，但佢嘅生蠔係屬於大size嘅，海水味唔算好濃，口感偏爽，唔會好漏。當一隻生蠔要$20，我嗰晚食咗一打有多，其實都已經回晒本。沙律、前菜呢啲基本野佢都一應俱全。熱盆嘅選擇唔算好多，不過因為我食自助餐一向都係食海鮮為主，所以影響唔係好大。我呢一晚除咗有菜之外，仲有魚、有韓式牛肋肉、咖喱雞、炒意粉、炒飯等等另外又有一個corner係燒牛肉，個質素都唔錯。甜品嘅款式做都好多，有好多細細杯細細杯嘅選擇，又有朱古力噴泉，又有杯裝雪糕。另外仲有即焗疏乎厘同埋即整pancake。由於現場仲有飲品任飲，仲有即磨咖啡，所以我就用左杯裝雲呢拿雪糕加落去咖啡到，再加少少玉桂粉，變咗affo

又係匆忙lunch系列，一個鐘既lunch time都要食buffet，哈哈哈！預早一日訂位，訂左1:30，buffet time到2:30，剛好一個鐘！侍應叔叔好好人，因為我地好遲黎，D蠔得返兩隻細細隻，特登開左一碟蠔俾我地，仲要好大隻下，好人到呢，請睇相👇🏻一開始攞左沙律，跟住食熟食，再食甜品，再食水果，一個鐘食足哂同事特登幫我叫既Pancake，一人一份真係超飽，不過熱辣辣整起真係正，飽住個肚都成件食哂！甜品種類都算多，但味道就無一樣特別吸引，最大路又最多人鍾意既朱古力甜品一樣都無不過响樓下飲餐茶都係咁上下價錢，食下buffet都抵既

一直經過呢間酒店都見到呢度晚餐自助餐做緊優惠，所以琴日終於下定決心去試一試啦🤤🤤以呢個價錢黎講其實食物都算唔錯海鮮吧分別有生蠔、長腳蟹、蝦、青口、同埋蜆，生蠔都算大隻新鮮，而且都見職員狂refill，而刺身方面三文魚亦都大大舊，好厚肉😋😋沙律吧款式亦都好多，仲有少見嘅荔枝，幾有心思🥰🥰頭盤嘅種類亦都好夠多，而且亦都擺放得好靚，特別推介麻辣雲耳，好開胃熟食方面雖然種類唔算多，但質素都算唔錯，焗帶子裏面嘅薯蓉焗到好香，推介大家！甜品方面種類好多， 仲有師傅現場即整pancake,顧客可以根據自己嘅口味同師傅講，去製作一個最適合自己口味嘅甜品飲品方面汽水啤酒咖啡茶都係任飲，啱晒三五知己嚟啤一啤😂😂

放假的腳步, 想來個抵食又多選擇既 BRUNCH, 一定要來呢度, 今次都係我第4次來了!行左一圈影下靚相, 經已覺得好吸引! 有刺身有燒牛肉又有生蠔, 二百令蚊就食到! 燒牛肉有趙口, 不過放在一個細碟內就略嫌吾夠大體!刺身厚切亦算新鮮!粉面喇沙, 湯底有點咸熱盤豬手都算林身, 入面一齊煮既蘿白非常入味!忌廉湯好 CREAMY, 夠濃!最意外係竟然有黑豆腐花, 味道比白豆腐花更實在, 我第一次食到左1點後有專人製作 pancake, 新鮮熱辣, 我食左兩件!

今晚有朋友請食buffet，揀左「仕德福酒店」平時經過就多，入黎食野都係第一次。自助餐嘅空間唔算大，座位唔多，但都算好舒適，唔會太嘈雜。主要有兩行食物，選擇唔係太多，每樣有啲咁都ok啦～一入座每人送吉列炸蝦一隻，好大隻蝦，但食落無乜特別😅場內嘅海鮮類質素唔錯，食落幾鮮甜，特別係生蠔🤤🤤🤤熱食之選有即切嘅牛扒，牛扒肉味濃，肉質軟硬適中，最貼心係兩款醬汁一直係旁邊座熱緊，到食嘅時候令塊肉都熱熱地，整體感覺好好，加分👍🏼甜品質素中規中矩，驚喜係有坊間少有嘅「楊枝甘露」甜度適中，而且好足料😋

估唔到平日lunch buffet加埋一都唔洗$150 就可以食到大大隻嘅生蠔, 生蠔迷又要出動喇! 我講緊嘅係旺角仕德福酒店德福閣嘅 lunch buffet呀~ 平日午市很旺場, 好彩我地早已訂定枱~ 部份位置靠窗, 可以眺望街景~ 以lunch嚟講, 呢度嘅食物種類都不少~ 冷盤, 熱盤, 烤肉, pizza, 沙律, 冷麪, 生蠔, 壽司, 甜品, 糖水, 生果, 果汁, 雪糕等應有盡有~ 第一時間當然係食我最喜歡的生蠔啦！ 大大隻好厚肉又新鮮, 而且幾creamy! 每次都會出近廿多隻, 想食就要快手喇! 余媽媽食左半打, 抵番晒! 芝士焗蠔也不錯, 芝士味很香濃~ 生滾粥有蠔仔, 魚腩和豬潤等多款配料可選, D粥入口都幾鮮甜~ 甜品方面, 芒果布丁大愛! 還有朱古力噴泉, 很吸睛! 小朋友見到一定勁開心~ 即製鮮果Pancake很美味, 唔會太厚粉~ 還有各式蛋糕, 賣相都唔錯, 可以一試! 食埋楊枝金露糖水就圓滿了！ 呢餐很超值呢！

一排冇食buffet 但又不想花費太多, 朋友推介係旺角呢間酒店的自助餐, 話性價比幾高.週末提供早午合併自助餐, 可以由11:30食到2:30, 享受一個悠閒的下午,而且呢期優惠價$200有找.一般午市自助餐好少有供應生蠔, 更何況係呢個價錢, 我都好好奇係咩質數.餐廳係閣樓, 地方不大, 食物枱主要係中間位置.大約12點去到由於時間尚早, 人不太多, 1點後開始多人.沙律主要係基本款式和醬汁, 蔬菜水果都新鮮.飲品有維他命水, 橙汁和即磨咖啡刺身和壽司種類不多, 主要都食三文魚為主至於重點的生蠔真係有驚喜, 隻隻都很肥美, 每次refill 都好快無晒, 要食就要手快啦!熱食大約有六七款, 有豬手, 咖喱, 焗蠔, 炸三文魚骨, 蒸, 燒牛肉等. 推介豬手和三文魚!生滾粥可以自選材料, 包括雞, 魚片, 蠔仔 和生菜等. 1點後有即制pancake , 可以自選配料. 甜品方面款式不多, 賣相普通, 但以呢個價錢不能要求更多吧!

現在的酒店自助餐，很多都沒有生蠔供應，就算有，都會晚餐時段才有。想不到會發現一間連午餐時段都有供應生蠔的自助餐，而且價錢還很實惠。跟據網上吃自助餐攻略，先吃點沙律水果墊胃，戰鬥力會更高呢 沙律菜選擇不算多，只有基本的粟米青瓜蕃茄等，旁邊還有幾款凍肉，和不同的醬汁，可自行組合。還有幾款日式涼菜，汁煮茄子味道不錯吃完沙律，就到冷盤了！刺身種類不多，主要還是吃三文魚。重點是生蠔，生蠔很巨型，很肥美，而且還會不停補充，不用擔心不夠吃！ 除了生蠔，還有芝士焗蠔，愛蠔人士很易回本。熟食連海鮮蒸蛋都有，味道還不錯，但就太老了。韓式五花腩味道帶點甜，豬皮入味帶點煙韌，不俗。熟食連炸饅頭都有，真少見，而且還是脆的。甜品方面，有大路的芝士蛋糕，朱古力蛋糕，芒果布丁等。我覺得比較好吃的反而是黑豆豆腐花和窩夫，其實味道只屬一般。我想，這裡主打是生蠔，其他食物質素還可以，整體性價比還是不錯的。

經朋友介紹 黎呢間位於旺角區既平民Buffet ，價格平之餘 仲有大量海鮮 生蠔 任食㗎 。嘻嘻 係咪好吸引呢！！ 海鮮 一到6:30海鮮區已經人頭湧湧 等緊 生蠔岀黎啦 👏🏻👏🏻 一出瞬間冇晒 等多兩轉到手啦 生蠔勁肥美 大大隻 鮮味十足又creamy ，蝦🦐 長腳蟹 肉質厚實五鬆散 蝦仲好新鮮彈牙架 。 每枱一入黎都會送一隻炸蝦 🍤 ，五好睇小送既 呢隻大到有枝叉甘長架 😋😋 原條都系蝦肉 又熱又脆 。熱食 - 即切燒牛肉 大約6成熟左右啦 ，帶小小紅 甘先五會乾同柴架 醬汁有兩種可以揀，仲有 老火中湯同西湯 冇味噌 飲完五口渴 ， 除咗冷盤熱食既海鮮 燒生蠔 蜆 等...都多元化又好味喎 。飯後甜品🍮 一啲都五小架 生果🍉🍈 ， 蛋糕🍰 雪糕🍦 糯米糍 朱古力噴泉 等... 20幾款架 最後仲有火焰表演睇添架 。

旺角酒店唔算多所以要搵 酒店自助餐選 嘅選擇更少， 但係估唔到竟然有一間三百蚊有找嘅自助晚餐， 見平平哋所以膽粗粗試一試。自助餐嘅食物包括海鮮，沙律，中西熱食，甜品係一張十米長嘅吧檯見曬。不過食物係貴精不貴多， 佢啲生蠔又肥美又大隻， 蟹腳，青口，三文魚魚生質素都唔錯。 熱盤 有韓式豬腳，照燒五花腩，咖哩雞，味道都幾好㗎。中西湯味道就一般。不過啲糕點同埋中西式甜品味道就真係唔得啦。 飲品嘅亮點就係有支裝汽水供應，夠氣好飲。整體嚟講 食物質素中上，好抵食 。

午餐食好D，所以食「蠔」D，同老公去旺角撐枱腳食lunch buffet，位於新寶戲院附近，與旺角兩街之格，但已經別有洞天，計埋加一都係$145，仲以蠔為主題，確實好低場內環境清幽，裝修簡潔舒服。我地坐窗口位，可望街影，空間大，坐得舒服熱食款式不算多，但款款有特色，而且味道不錯，豬手夠淋，咖哩做得香濃嫩滑，米粉炒得入味可口，而蝦米浸芥菜做得淋甜，一點苦澀味也沒有～較特別的有瑞士牛清湯波蛋盅和馬拉炒羅白糕除熱食外，仲有Pizza丶盅飯丶冷盤小食丶涼伴小菜及生滾粥品，而粥品亦有蠔的元素在內沙律和冷盤涼拌款式夠多，不時添加，壽司款式較小，但有新鮮生蠔提供，雖然補給快，但遠遠不及客人手快，我排了好幾轉也夾不到～只能看見空碟，如欲嚐蠔，要好好把握時機~除生蠔外，亦有白汁芝士焗蠔提供，焗得嫩滑又唔腥，配埋白汁同芝士，另一番風味除蠔外，亦有燒牛脷和燒羊肉提供，配以燒汁和黑椒汁大大一只羊腿切片供應，羊味較濃，配薄荷醬剛剛好，好羊人仕不能錯過~甜品款式亦不小，黑豆豆腐花丶楊枝甘露丶蛋糕、糕餅一應俱全，滿足甜品控下午一時開始，會提供即製鮮果班戟，配料豐富，除鮮果外，仲有香蕉丶忌廉，花生醬，提子乾和椰絲等供

9/3/2019 德福閣今晚諗住平平哋食個自助餐，於是就揀左德福閣。首先冷盤都唔差， 有大大隻嘅生蠔同埋生蝦青口同埋攞仲有啲魚生同壽司， 但係就冇我最想食嘅長腳蟹 明明見到隔離枱有人食，但係我坐咗成晚都冇再見到有長腳蟹…唔知係咪淨係出咗一round就冇再出又上嗰款叫做 麻醬日式燒肉 ，唔好食， 味道好怪， 其他火腿嗰啲前菜都ok熟食選擇都豐富，雖然唔係好吸引但係乜嘢肉類都有啲烤牛肉幾好食甜品都幾多，賣相唔算特別靚，味道都普通 有即製嘅鮮果pancake，估唔到反而幾好食！ 個皮煎得好薄而且好煙韌， 配料係自選的 ，入面加啲椰絲會更加香口， 煎pancake嗰個姐姐好犀利而且好好人！仲有果汁汽水任飲， 還有雀巢雪糕。一個人大約三百蚊，星期六夜晚的自助餐來說，算係咁啦。

一個月總會食返餐自助餐獎勵下自己，但依家閒閒地都要六七百落樓唔講唔知原來旺角近火車站果邊都有間有供應自助餐既酒店。主菜都有七八款，以肉類為主，有燒牛肉、豬扒、燒雞脾肉、焗蠔等等。開餐先食個冷盤，雞肉、火腿、蔬菜、螺絲粉、烚蛋、龍眼應有盡有，除常見既沙律醬汁之外仲有芝士粉自由添加，正呀芝士焗蠔有姆指咁大隻，味道唔腥，仲好香芝士味，配埋忌廉汁入口好滑燒牛肉粉嫩易咬，仲可以一次攞幾塊用料一啲都唔馬虎，雞脾大大隻好厚肉；咖哩好濃郁，混入花生粒煮成，食落更香口，配飯配薄脆都好岩。值得一讚係甜品選擇幾多Cheesecake味道雖然未算濃郁，但係口感好紮實，係我最中意既口感仲有豬耳餅同雞仔餅，出面好少見即叫即製既班戟，餅皮薄得黎好重蛋香，仲有得揀配料選擇自己喜歡既口味我揀左提子、椰絲同花生醬，食起黎有啲似格仔餅，忍唔住encore左兩份，大滿足呀