德福閣

营业中

休息中

今日同媽媽去到旺角嘅呢間仕德福酒店度食自助餐 雖然係午餐 但食品一啲都唔馬虎 價錢埋單都係百幾蚊一位 好過食附近嘅放題上到去都幾多人食 幾乎全場爆滿 經理哥哥好好人咁俾咗較遠嘅位置 但當然比較清幽呢個價錢有生蠔食 性價比極高 不過每一輪大概只有20隻左右 排頭4-5位 已經可以清枱 好在都拎到兩隻試下 味道海水味十足 唔太腥 蠔肉飽滿 感覺都幾衞生除此之外仲有沙律吧 蔬菜種類繁多 睇落幾新鮮 而且醬汁仲有唔少選擇 仲有薯仔沙律等等熟食方面 種類唔多 當中豉油雞肉質肥美嫩滑 唔錯甜品都係另一戰場 芝士蛋糕味道濃沃 仲有桂花大菜糕夠曬特別 不過都偏甜

德福閣是位置旺角豉油街仕德福酒店閣樓的一間自助餐廳這次來到這裡吃自助晚餐是因為朋友跟我說雖然食物種類不多但是食物質素都十分好也好值得是吃比起有一些食物種類多但不好吃的我情願是食物少但好吃的這裡有生蠔、蟹腳、日式刺身都有而且刺身也是質素十分好的三文魚刺身油脂分怖比例較重吃下香口而且刺身吃下去不會有不新鮮的味道中式日式西式都應有盡有在這裡我推介巴東牛肉巴東牛肉十分入味軟嫩就算是老人家也可以品嘗這裡到8點還有特色甜品待應會先通知我們到8點可以出去拿甜品我們那天是火焰布丁十分有看頭還有即叫即做的班戟可以加上自己喜歡配料

突然心郁郁想食Buffet~記得之前行過見到呢間德福閣buffet好抵食於是就打電話睇吓仲有無位～咁好彩又有位喎～所以就衝咗去食喇～一開Lift門就見到甜品櫃～接著就見到待應～我哋book咗六點半，但六點十五分就到咗～待應都安排我哋入座等待六點半開始地方幾大幾乾淨～必食推介有美國生蠔、松葉蟹、藍青口、凍蝦、大蜆、日式刺身等等....呢啲都好快比人夾晒，但都好快refill生蠔幾大隻幾好味～松葉蟹雖然唔係好大隻，但都食到啖啖蟹肉～熱食都非常豐富～有米蘭芝士焗蠔、韓式煎豬腩肉、白咖喱比目魚、鮮奶焦糖燉蛋...我就特別鍾意食呢個素翅雲吞盅～呢個田螺莧菜撻都好好味～尤其個餅底脆脆哋，好有牛油味～夾田螺莧菜一齊食又幾好味喎～每位贈送蟹皇銀絲蒸帶子一客～燒牛肉味道不錯～焦糖燉蛋甜咗啲，焦糖有點厚...法式火焰麵包布甸味道不錯，仲有表演睇添～仲有各色各樣甜品糕點、生果、沙律等等仲免費任飲汽水、即磨咖啡、果汁同啤酒三百幾蚊buffet嚟講有生蠔、有蟹腳真係好抵食～食物質素唔差～大家不妨試試

今日朋友約我去旺角行街，係行街之前聽佢介紹一齊去咗旺角市中心附近嘅德福閣食自助餐。一入到去估唔到雖然收費只係二百蚊左右但係食到四星級酒店級數嘅嘢。前盤海鮮有刺身同埋唔係間間酒店有供應嘅生蠔。另外有十幾種熱食，仲有各種生果甜品同埋湯品同飲品添，真係應有盡有，另外仲有現煮粉面檔同埋即切羊架。難怪11點幾已經坐滿左大部份客人。食品質素方面生蠔新鮮大隻，可以比望到出邊大酒店。刺身新鮮美味，種類也不少的。值得一提嘅係佢不斷會添加供應，唔使驚遲到冇得食。羊桇有口感，粉麵熱辣辣即叫即製，仲可以自選配料添。湯品足料分中湯同埋西湯。生果同埋甜品種類多，樣樣試少少已經好飽了。最後仲試埋下午一點鐘開始供應嘅即叫即製既班戟添，味道也是不錯的。又抵食又滿足的一餐，下次帶埋家人一齊嚟食先。

純粹比$129+1呢個超平下午茶自助餐吸引左來呢間酒店用餐。餐廳係旺角，交通幾方便，地方唔算特別大，但係座位都好乾淨同埋闊落，下午時間入去仲好光猛，可以休閒咁食個下午茶。一餐的開始當然係食冷盤。除咗青口凍蝦蜆等海鮮，仲有日式冷麵壽司沙律等等。海鮮唔算大粒，但係都幾新鮮，食落口都唔差。幾款沙律都新鮮好食，醬汁調味適中，火腿同高級酒店質素都係一樣，茄子就比較特別，無咩油，仲幾入味，值得一試。熱食方面中西食都有，熱辣辣又脆口的莫過於螺肉菠菜批，新鮮出爐即刻有得食，食咗兩個都唔過份。天婦羅有番薯魚肉等，墨西哥卷入邊有肉醬，長條形幾方便食用。芝麻雞肉串係後期加上去的，係瘦肉啖啖肉串。熱食仲有車仔麵，自己喺紙上剔配料，幾分鐘後拎號碼牌攞嘢食，配料同面種類都唔算多，但勝在即叫即整，大碗湯麵熱辣辣地食，暖入心。個人口味食車仔麵一定會叫油面，湯底夠熱麵質厚實，配料唔叫都會有生菜。食完一輪熱食就可以到甜品，基本款蛋糕泡芙木糠布丁都有，都唔會過甜，而且一口一啖，唔怪食太多。朱古力噴泉好吸睛，餅條棉花糖水果都可以用來點朱古力。隔離就係甜品雪櫃，有更多款啫喱布丁等甜品。再行遠少少的雪糕櫃入邊係雀巢雪糕，芒果朱古

呢間酒店餐廳在酒店嘅自助餐界應該都係「享負盛名」。 因為價錢夠平、食物質素差、 同埋環境差而出名。 對上一次幫襯都要數返七年前起碼！ 今次因為有約會在呢間酒店附近， 有呢個午餐空檔時間不如再冒險「搏」一次！ 自助午餐正價140蚊有找，應該係全港九新界最平， 而且抱住根本唔係食酒店自助餐嘅心態咁你會有意外驚喜😂就如上載相片一樣， 有生蠔、有自選麵檔、熱食、沙律、甜品、飲品均有， 好歹都算叫做酒店嘅自助餐，百鬆啲蚊價錢已經係絕對物超所值！👍 生蠔就如我在照片中形容，有些微蠔殼碎及沙，但係肉夠多夠大隻， 如果唔啱食有焗蠔，同樣都係大大隻， 是但一款食十隻都值一百蚊。 燒肉枱冇燒牛肉已經預咗， 但係估唔到連火腿都唔係，係燒金沙骨！😓 小弟主觀感覺其實同快餐店食嗰啲冇分別，其他嘢食都係一般貨色，但係有自選麵檔呢度加返少少分！ 另外特別一提有懷舊小食:牛耳、 蛋散、 雞仔餅，覺得係自助餐嚟講幾驚喜！ 飲品有自己攞嘅鮮橙汁同埋美式天然維他命水， 維他命水味淡之中帶甘甜， 我自己就好buy啦 仲有按掣式機啡， 鮮奶咖啡或泡沫咖啡 都好正。 各式各樣甜品之中， 我試咗特別啲嘅班蘭蛋糕同楊枝金露， 蛋糕正

好耐都冇食個buffet啦，依家食啲好質素小小嘅buffet都要$6-700，有啲更加要限時實在係貴🙈經朋友介紹，位於旺角豉油街仕德福酒店，星期日都係三百蚊左右，價錢非常吸引，難怪全場爆滿。本來對三百蚊既自助餐冇咩要求，竟然有生蠔同長腳松葉蟹🦀。生蠔隻隻都好肥美，正👍！仲有藍青口、凍蝦🦐刺身有基本既三文魚、鱲魚、八爪魚等等...選擇很多。基本有各種各樣既野食，自助沙律吧🥗、雜錦壽司🍣等等...湯類都不錯，熱辣辣有忌廉湯，同中湯。熱食也有蠔，洋蔥煙肉芝士焗蠔，唔食生蠔都可以食熟，一樣好好味。當晚有炒意粉同臘味糯米飯，一定夠晒飽肚😻 點少得即切燒牛肉🐂，有七成熟，好味道👍🏼焗田螺撻：田螺分量多，啖啖肉👍🏼剛好我個撻邊比較過火了🙈朋友的冇甘既情況 當日每位客人送一客蒜蓉粉絲蒸扇貝，蒸嘅時間啱啱好，唔銀帶鮮味，再大隻啲就正🤤🤤食飽飽係時候食甜品，選擇不少🍩🍮🍰，入到門口已經見到朱古力噴泉，7:30有即製鮮果班戟等等...而全晚焦點，8:00全間餐廳熄晒燈，有法式火熖麵包布甸，氣氛非常好👍🏼連飲品都任飲，有即磨咖啡☕、茶、支裝汽水等等...仲有啤酒🍻依個價錢來講超值，任飲任食，有生蠔長腳蟹必回本

難得的悠閒, 難得的tea buffet! 同好友到德福閣一聚, 難得多食物種類的下午茶! 食物整體有心思, 味道不錯! 冷盤新鮮, 熱食多款, 甜品中西合壁。當中要推介的有冷麵, 自己控制冷汁量, 又可配上蔥花, 蛋絲等配料。 辣汁凍蝦豆腐及蝦配菠蘿也很特別, 味道新穎, 還有香濃凍鴨。包點有三文治, 熱狗跟馬拉盞。熱食有肉醬墨西哥卷, 炸魚, 關東煮等世界美食, 最令我歡心是海鮮蒸蛋。甜品亦不弱, 最正是朱古力慕絲蛋糕, 朱古力皮厚, 慕絲滑, 甜中帶點濃。另外, 有粒哈蜜瓜糯米滋是的驚喜推介, 它有如哈蜜瓜味朱古力溶在煙韌彈牙的外皮中, 好食! 又想食個tea, 又想多選擇, 這兒是值得試試的地方。

現在的酒店自助餐，很多都沒有生蠔供應，就算有，都會晚餐時段才有。想不到會發現一間連午餐時段都有供應生蠔的自助餐，而且價錢還很實惠。跟據網上吃自助餐攻略，先吃點沙律水果墊胃，戰鬥力會更高呢XD沙律菜選擇不算多，只有基本的粟米青瓜蕃茄等，旁邊還有幾款凍肉，和不同的醬汁，可自行組合。還有幾款日式涼菜，汁煮茄子味道不錯。吃完沙律，就到冷盤了！ 刺身種類不多，主要還是吃三文魚。 重點是生蠔，生蠔很巨型，很肥美，而且還會不停補充，不用擔心不夠吃！ 除了生蠔，還有芝士焗蠔，愛蠔人士很易回本。熟食連海鮮蒸蛋都有，味道還不錯，但就太老了。韓式五花腩味道帶點甜，豬皮入味帶點煙韌，不俗。熟食連炸饅頭都有，真少見，而且還是脆的。還有即煮生滾粥。甜品方面，有大路的芝士蛋糕，朱古力蛋糕，芒果布丁等。我覺得比較好吃的反而是黑豆豆腐花和窝夫，其實味道只屬一般。我想，這裏主打是生蠔，其他食物質素還可以，整體性價比還是不錯的。

今晚朋友介紹德福閣出咗個食海鮮buffet 有生蠔松葉蟹，正！好似又平又抵咁 就同朋友去食餐飽飽先🤤酒店晚市自助餐每位不用300蚊，真係好抵食buffet六點半開始，我哋早咗嚟，六點三可以先入座，等到六點半就可以出去拎野食喇!! 時間由六點半食到九點半，唔使好似有d自助餐咁分兩節時間，要趕住食完就走，可以多d時間慢慢食吹下水~~食物種類好多....黎個非常吸引嘅凍盤先啦~呢個價錢竟然有生蠔供應，而且大大隻，非常有誠意，真係超值!!生蠔超肥美仲有長腳蟹、青口、大蝦...等等長腳蟹好新鮮，大大隻，肉質夠結實刺身就有三文魚、八爪魚等燒蠔味道不錯，推介熟食有不同嘅選擇雲吞碗仔翅好特別，味道都得喎重有海鮮燉蛋食🤤🤤🤤每人一隻蟹皇銀絲蒸扇貝，幾大隻呀!味道唔錯🤤🤤🤤燒牛扒肉質軟腍，有牛肉嘅甘香!本人唔喜歡太生生果方面就有新鮮嘅菠蘿、哈密瓜、西瓜好甜甜品方面有梳乎厘，仲有賣相精美嘅甜點另外有專人炮製pancake!!裏面可以夾水果、干果、忌廉等餡料...醬汁就有士多啤梨汁、芒果汁同埋煉奶選擇~pancake好香蛋味丫!!!全晚嘅焦點就係呢個火焰布甸，八點準時開show，全場關燈，好有氣氛，好大火啊精

3點3當然要嘆番個下午茶，呢間酒店下午茶自助餐$130有找，超級抵食！估唔到酒店級享受，都有平民嘅價錢，so good!其實咁平嘅價錢我都冇預期太多，想不到去到非常有驚喜！自助餐有超話十款熱葷、甜品、壽司、海鮮冷盤、沙律、自助飲料吧、雪糕....款式非常多元化！熱葷當中有我最愛既港式碗仔翅，濃稠度剛剛好，加埋酸醋，味道一流呀！呢個細細盎既滑雞鳳鴨髀香菇蒸飯賣相不俗呢！細細盎份量品會太多，唔會食完一盎飯之後飽哂食唔到其他0野食！👍🏻日式海鮮日式蒸蛋非常好味，熱辣辣，蛋香嫩滑。加埋海鮮令平凡既蒸蛋添加了一份矜貴！回本區必定係冷盤海鮮及壽司喇！海鮮有鮮蝦及青口兩款，雖然選擇唔係太多，但勝在海鮮夠新鮮好味。沙律吧非常多選擇，即是係素食者黎食都岩食啊！甜品全部都非常精緻小巧，可以每個款都能食晒喔！除左一件件小蛋糕之外，仲有朱古力噴泉，岩哂朱古力控呀！但講到食得最多既甜品一定係芝士撻了！芝士撻現場即焗，香噴噴，真係難以抵抗佢誘惑呀！自助飲料區有冷熱品一應俱全！

臨近聖誕佳日啲朋友出嚟食飯， 但係大家都因為聖誕節要洗好多錢， 所以決定搵啲又平又正嘅自助餐黎食， 最後見到德福嗰嘅tea合哂我哋嘅要求， 所以就去試下食。入到去感覺唔錯， 啲食物同擺位都好整齊， 坐嘅空間都好寬, 唔會有壓迫嘅感覺。食物方面因為都價錢大眾化, 所以大家本來都冇諗住有啲咩嘢特別嘢食， 估唔到原來都有青口,蝦, 蠔仔粥食. 碗仔翅亦做得好好! 最驚喜嘅居然係有新鮮熱辣嘅葡撻， 拍得住出面出名嘅名店。甜品，選擇唔多，但夠好味，而且有最愛的 格仔餅同pancake！平民價錢自助餐，佢絕對係首選擇。

聖誕節期間惠顧，價錢適中，不昂貴。 食物款式2-30款。冷盤有長腳蟹，生蠔，蝦，青口……熱食山楂炆豬腳，臘肉臘腸炒西蘭花…幾好食。 牛油飯就麻麻，冬天轉臘味飯or荷葉飯更好。 甜品不錯，最愛梳乎厘＆朱古力噴泉。凍飲稍為少款，有啤酒，汽水，蘋果汁。如可增加橙汁，綠茶更好。 下次會再光顧。

今日同同事約左呢度食buffet，年尾gathering 一番😚價錢唔貴，只係$298+10% 。地點又超級方便，服務員收碟速度快，性價比唔錯架👏😍呢期仲要係海鮮做主題，回本率100%😂生蠔❤️Size有成隻手掌咁大隻😍海水味濃郁，非常creamy.. 重點係唔使排好耐隊就拎到了🙂炸虎蝦❤️又係大大隻，炸皮唔會太厚太粉，蝦身彈牙。沙律❤️種類繁多新鮮，自製出好味salad無難度！ 焗蠔田螺❤️蠔有大量芝士，好惹味，同樣食到海水味。田螺入味，一口田螺一口薯蓉，配搭得天衣無縫😊刺身及冷盤❤️新鮮，壽司種類多，三文魚肥美有油香。 飲品❤️咖啡檸茶應有盡有，最驚喜嘅係運汽水啤酒都任飲😍甜品❤️亦有唔少選擇，非常精緻。pancake即叫即整，加入自己鐘意嘅配料。 今晚同同事由6點半一邊傾一邊食到10點半，仲只係需要呢個價錢，真係覺得好滿足👍👍

Buffet幾時都係我的最愛，booked 了6:30分dinner，早左到場，提早15分鐘入坐。看見同場客人都蓄勢待發。我就出去行一round，望一下今晚的食物。由於聖誕節將近，餐廳都佈置得充滿聖誕氣氛。食物種類都幾多....冷盆區都系最受歡迎。有生蠔, 長腳蟹啦, 青口, 大蝦...還有刺身和壽司等~直奔冷盆區整碟長腳蟹先，有長腳蟹食的buffet先叫buffet。對長腳蟹的喜愛程度簡直去到極點。大大隻長腳蟹夠新鮮,肉質夠結實，食玩一疊再黎一疊。見到滿滿一碟又一碟的蟹殼，十分滿足，值回票價。眼見長腳蟹都應該最受歡迎，手快有手慢無。中意食的人手腳要快哦！另外總有生蠔，蝦和大蜆。平時唔多食生蠔的我，今日見到生蠔好似唔錯就夾幾隻試下，撒上小小檸檬汁，唔錯新鮮。蝦蜆鮮甜又厚肉，吃了幾轉。熟食品種都多。我試左糯米飯加鹵水鴨，咕嚕雞球和雙花雲耳炒臘肉。鴨肉厚切, 味道唔錯。咕嚕肉甜甜酸酸十分開胃。雙花即西藍花和野菜花炒得入味又唔會太老。雲吞碗仔翅，細細地分量，小盅裡面有一隻雲吞 湯汁濃郁。滿足了我的口欲，又可以保留qouta食其他野。每人一隻吉列大蝦,大大隻。炸粉薄薄的, 蝦肉爽口彈牙。香脆可