德福閣

营业中

休息中

今次系第三次去食，最差系今次，D食物好唔新鮮食生蠔嘅屋企人個個都肚痛和肚呵，感覺係比錢買難受😣，怕怕喇！而且中湯西湯都好難飲，唔再系之前的質素，下次唔會再幫襯

自助式餐廳特色美點創新能讓客人享受各式派類含日/亞洲料理與西餐佳餚/甜點等…………( 冷盤 )( 刺身類 )( 生蠔 )( 美酒芝士焗蠔 )( 干燒伊麵 )( 蜆肉黃薑豬肉鬆炒飯 )( 燒牛肉 )大量優質道地食材滋味看似乎比較生活化一點能隨性地倍受各年齡層所喜愛如:家族或情侶們組合滿足盡情時光飽餐一頓！席位區域中央極富開放感取勝，內置摩登裝潢環境優雅沈穩時令佈局主題會隨著季節命名的確周全，食客品嚐即吃即製食材親自走一趟自行取餐一覽無遺應有盡有足夠讓人興奮無論前菜冷熱盤、海鮮、生蠔刺身、烤牛肉、長腳蟹主食受大家青睞，新鮮冷凍品亮色燦眼鮮美挺多的清爽，綜合無限添加refill晚市價格以個人覺得還算不錯，兩者划算服務都很讚

朋友話想吃酒店下午茶buffet,他網上看到這間好平，我們跟著就試這間！出乎意料之外，開頭唸住咁平，會無乜嘢食，比想像中多！壽司有蛋壽司，有太卷，有綠茶冷面不錯！沙律有我喜歡的蕃茄仔，紅腰豆👍🏻👍🏻紅菜頭健康排毒補血👍🏻沙律我都吃了幾碟，配千島醬，正呀😍😍有蜆湯一細碗幾好飲！順帶一提，pancake 四點半後有，大家可以試下！甜品種類都多，木糠蛋糕一般，芒果布甸ok,大菜糕不錯，仲有雀巢雪糕吃！

朋友生日，當然要食得好！食咩係最難諗嘅！食自助餐就咩都唔洗諗！想食咩都有喇！仲要呢度位於旺角，極度方便呀！最鍾意就係18：30開始食，早少少到仲有可影到啲嘢食整整齊齊嘅樣，仲可以睇定應該拎咩同食嘅次序😆睇到啲海鮮咁多種類咁新鮮又咁肥美！當然先食「返本之王」生蠔喇！沙律都有好多種類，仲見到有對身體非常好嘅紅菜頭同去核荔枝（對於懶食有核生果嘅我，當然係星級享受喇！😂）前菜都有好多種！Ham、木耳……正！燒牛肉有兩種汁選擇，一個係燒汁，一個係黑椒汁，辣唔辣，自己選擇！有菜有魚有肉有海鮮又有飯麵！我會highlight ……1.咕嚕雞，因為佢酸甜汁調較到剛剛好，而且用嘅肉係雞肉而唔係排骨！無骨又低脂一點！食多件都唔怕喇！😂2.炒菜，佢用咗豆豉、蝦米同豬肉碎嚟炒，既有海鮮鮮味又有肉香，加埋合適嘅調味料，我鯨吞咗唔少哩！😂當然仲有各式甜品！🍦🍩🍪🍰🧁🍨🥧！wow! 女士最愛！今晚夠哂happy! 「返本之王」好大隻呀！大過隻匙！食落肥美、鮮味、清爽、滿足！果然無選擇錯誤！用佢嚟開始！真係令到自己心情愉悅❤️一個非常好嘅開始！食到中途有呢個菜式由侍應奉上！蒸海鮮！加埋粉絲吸哂啲汁！加埋蟹籽提鮮！Yum

德福閣-性價比高自助晚餐很久沒食自助餐了，今天和朋友去了一間位於酒店的自助餐，地方光線充足，食物種類繁多，最重要是有生蠔供應，性價比超值的一間！ 沙律吧海量多沙律配菜的沙律吧，應有盡有，亦有涼菜提供。海鮮類有新鮮的長腳蟹、海蝦、蜆和青口，還有大大隻生蠔，海水味夠而且有重重的忌廉感。壽司刺身類日式方面也照顧到，有數款壽司卷物，刺身厚切三文魚、油甘魚和八爪魚。熟食類熟食的比例是最多的，首先有西式的燒牛肉、魚柳酥、芝士燒蠔；中式有咕嚕雞球、薑汁牛肋骨、炸墨魚餅、香烤雞；更提供黃姜豬肉鬆炒飯、干燒伊麵；還有素翅雲吞中和黃姜忌廉湯。甜品類蛋糕款有芝士餅、慕絲蛋糕、朱古力布朗尼、木糠布甸、鮮果撻、杯裝雪糕配梳乎厘，還有玩味十足的朱古力噴泉、自動化的熱香餅機和即叫即製的班戟，可以配上喜愛的材料。水果類時令水果，甜度十足的菠蘿、西瓜和哈密瓜。飲品類各式樽裝汽水夠哂氣，又有啤酒、蘋果汁，更有自助咖啡機。

朋友網上看到旺角的仕德福酒店有生蠔、長腳蟹Buffet食，每位$308，如果用OR訂位還有85折，今晚就去試試，酒店在豉油街，地點尚算方便。來到酒店，上一層就是德福閣，佔地都幾大，坐得舒適，急不及待出去逛一圈。湯有西洋菜南北杏煲陳腎、芹菜蜆肉忌廉湯。凍食有雜錦刺身、壽司、長腳凍蟹、凍蝦、青口，數款沙律如日式菜絲沙律、中華沙律、日式茄子、涼拌手撕雞拌青瓜、煙鴨胸、日式雜錦魚卷片、雜凍肉和日式冷麵等等。重點的生蠔隻隻肥美，不知道是否晏到，可惜只食到一輪，已沒有添加。即切的牛肉，有3成、5成、7成和全熟選擇。炸物、燒物有、日式吉列墨魚餅、日式網燒原條鯖魚、紫蘇烤雞腿伴香草芥末籽乳酪、薄腩片伴西京麵豉醬汁。熱菜有：素菜雲吞盅、煙豬柳伴西班牙番茄汁、豆豉蝦米肉碎炒油麥菜、咕嚕雞球、巴黎牛油焗青口、咖哩牛肉和日式薑汁清酒牛肋片等。主食有：蜆肉黃薑豬肉鬆炒飯和干燒伊麵甜品款式十分多樣：最吸引有即製的鮮果班戟、朱古力噴泉，還有梳乎厘。另外還有楊枝甘露、蛋花紅糖大菜糕、皇室麥卡邦芝士餅、水晶和果子、德國芝士蛋糕、木糠布丁、丹尼士馬卡龍山和鹹蛋散伴雞仔餅。飲品有經典的樽裝汽水、蘋果汁和天然維他命水。食物質

親戚咁岩係外國返嚟， 住係呢間野度幾日！咁就當然要去試吓佢哋最出名嘅酒店buffet啦呢度款式都算多，我哋大家鍾意食嘅長腳蟹~生蠔~刺身等等都應有盡有熟食區🤚🏻款色都真係唔少下我自己就最鍾意食焗蠔 當然要拎返幾隻試一試啦焗蠔好鮮甜 粉絲扇貝呢個係每個人一粒！！ 扇貝真係大大粒㗎加埋d粉絲舖喺面👍🏻👍🏻真係好想再食多幾隻啊食完呢啲之後~見啲staff 加咗啲長腳蟹同生 蠔！ 呢啲真係好搶手~見到就要即刻去拎啦！長腳蟹同生蠔超級鮮甜真係要不斷encore 刺身方面， 我最喜歡三文魚刺身而且最重要佢係厚切架 食完真係超滿足食飽飽之後要食甜品啦呢度嘅甜品都算高質而且八點仲有火焰pancake 🔥 影相呃like

復活節假期一連幾日, 梗係要食返餐勁先係happy holiday.之前聽朋友話呢度D生蠔係幾正, 所以就黎左呢間酒店食buffet喇!6:15去到, 可能係假期啦, 已經有好多人到左等緊, 好快都坐滿人~6:30準時開始. 一開始大隊就去左冷盤O個邊, 因為主打海鮮, 生蠔同長腳蟹十分搶手! 好快已經俾人拎哂. 不過refill既速度都好快~生蠔好大隻, 好鮮味仲帶有D回甘! D凍蝦都十分新鮮爽口~整返個日式拼盤先~三文魚刺身非常肥美! 油花豐富~口感一流! 另外個鯖魚都好好食, 唔會鞋! 冷律同冷盤都有好多選擇~之後就轉攻熱食~今次整個中式拼盤~榨菜肉絲伴脆脆麵唔錯呀! 脆麵好香口, 而且個榨菜肉絲芡汁唔會太咸~咕嚕雞球夠哂酸甜~涼拌雲耳夠麻夠辣! 正~!!素翅雲吞盅, 粒雲吞好足料~粒帶子好大粒, D粉絲又索到D鮮味~生蠔出色, 焗蠔一樣好食!吉列咖哩薯餅都好特別~凍飲方面有支裝汽水~仲有蘋果汁同美式天然維他命水~食到咁上下, 個甜品胃就開始呼喚我喇~甜品有好多選擇~睇到我心心眼~仲有師傅即場整班戟, 深受大人同細路仔歡迎~同場加映: 火焰班戟班戟配雪糕~冇得輸~仲有配料可以加.

自助餐不嬲係港人至愛，有埋生蠔、刺身既更加吸引！今晚就同朋友近近地出左旺角食自助餐。呢度唔算好大，大部分都係香港人，有幾枱人仲慶祝生日添，都幾熱鬧！海鮮有生蠔、凍蝦、長腳蟹、青口等，刺身就有三文魚、吞拿魚同魷魚等。生蠔好大只！好肥美！新鮮，唔腥，啖啖肉！一出就無晒甘濟，但勝左refill得快熟食種類都唔少，有青口、炆三文魚骨、焗蠔、雞、咕嚕肉同炒青菜等。我最中意係咕嚕肉，外脆肉稔，酸酸地，夠開胃！牛扒好稔，有熟啲有生啲，加燒汁食唔錯！左下既牛仔骨煎得好香口，好夠味！到甜品啦呢度既甜品好多，任均選擇！一大個朱古力噴泉慕絲同泡夫等。唔同味道既蛋糕！左上既芝士蛋糕好味！濃芝士味！呢度有即整既pancakes ！本身覺得佢太厚皮，但食落又幾好味，加球雪糕係面食，無得頂呀！楊枝甘露都係好欣賞！重芒果味又夠甜，好食！飲品有咖啡機同支裝汽水，夠晒氣！雖然唔係好大，但地方方便，價錢實惠，值得一來！

見到介紹話呢度既lunch buffet好抵，就相約左朋友去食～食物一眼睇晒，有熱食、小食、甜品等等，款式還可☺️☺️有咕嚕雞球、上海粗炒，咕嚕雞球酸酸甜甜幾開胃😊有番茄豬扒、炸三文魚腩、同焗蠔，炸三文魚腩香脆都幾惹味，但焗蠔就一般，因為已經凍左，但入面原來係有幾粒蠔仔🤣冷盤方面有一啲沙律、螺肉，幾好食～煙鴨胸、豬肉片都幾好～仲有自製沙律吧、壽司同刺身等等最估唔到竟然有生蠔食，不過當日有少少唔舒服，所以就冇食到，不過見到佢啲生蠔都好大隻好吸引咁😁可以點粥食，都唔錯～甜品同水果都有好多款，佢嘅豆腐花我都食咗兩碗，都幾香豆味😊有朱古力火鍋🤣🤣總括而言，質素尚可，因為呢個價錢都唔可以要求得太多☺️☺️

落雨天、跟同事收左工一齊去左德福閣食晚餐buffet, 店員安排左卡位位置比我地，坐得很舒服，當然去左最受歡迎既海鮮區，分別有生蠔，凍蝦同長腳蟹，第一輪好快就被人搶晒😅😅好彩店員都好迅速咁refill 番！生蠔都好生鮮甜美，都幾大隻，蠔肉都唔會太重海水味！除左生食，仲有美酒芝士焗蠔都唔錯！長腳蟹肉都好鮮甜，仲提供專用剪刀比客人起肉，好窩心! 每檯店員仲送上蟹籽粉絲元貝（每人一隻），好juicy好鮮甜！仲有沙律🥗各款配菜比客人選擇，螺肉同海帶味道很均勻。熱食都有幾款，有菠蘿🍍咕嚕肉、什菌炒伊麵都唔錯！仲有素翅雲吞盅，熱辣辣好滋味！食到咁上下就輪到食甜品🍮，有brownie,即整梳乎厘和果子同朱古力噴泉等等，岩晒小朋友食！😋😋😋 仲有生果西瓜🍉、哈蜜瓜同菠蘿都好香甜，另外還有可以任食牛奶公司既紅豆雪糕同糯米滋，到8點幾仲有專人開設既pancake,有香蕉同提子味，再加上落埋唔同既醬汁，口感都唔錯！喜歡💕食pancake既朋友一定唔可以錯過！😋😋每位$308用埋openrice訂位仲有85折，抵食！👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好

前幾日又同另一個四月之星食生日飯，佢話想去食buffet, 咁我地就揀左一間係旺角近近地又平平地嘅去食buffet. 呢度嘅地方唔算好大，但係就勝在方便就腳。而且食物嘅選擇大致上都有，而且補給得又好快，所以食物都熱辣辣同新鮮。而且呢度d蠔好新鮮，所以每次一出就有好多人拎。魚生好厚生，而且肥美同鮮甜。另外，到左8點仲有表演可以睇，係火焰橙味班cake，班cake味道好香,而且充滿酒香，味道酸甜。如果唔鍾意橙味，除咗呢個之外，出面仲可以自製班cake。呢個可以自己揀材料，佢即刻幫你整。

我舖頭在仕德福酒店附近, 成日經過但未有機會入去. 今日朋友黎搵我食lunch, 見到仕德福lunch buffet咁抵, 百零蚊, 決定入去試吓!餐廳係酒店閣樓, 上咗去後經理安排我地坐低, 餐廳有一半滿人, 都算多. 坐低後就出去攞嘢食了!以百零蚊黎計, 居然有生蠔! 真心估唔到, 而且隻隻肥美, 睇落去好新鮮! 好, 一陣先食, 食其他嘢先!冷盤相當豐富, 有ham鴨胸等等, 睇落都好新鮮. 有芝士焗蠔, 隻隻大隻肥美, 有圖為證. 壽司區以依個價錢黎講, 真係唔錯, 有三文魚, 魷魚, 卷物, 玉子等等.我喜歡甜品, 佢地有即場pancake, 有香蕉, 椰絲, 忌廉等等, 好好味, 好正!最奇係有黑豆豆腐花, 唔好話未食過, 直情未見過, 嚐了一口, 人間美味!仲有朱古力噴泉, 憑良心講, 我未見過百零蚊自助餐有朱古力噴泉, 那個噴泉噴得很高, 很好看, 朱古力也很多, 加分!食肉獸可以試試這裡的燒牛肉, 因為我不吃牛, 但看落去都好新鮮, 好Juicy!有橙汁, 咖啡等等供應, 朋友和我在那裡消磨了一個相當唔錯的lunch! 依間餐廳食嘢傾嘢都好適合, 一定會再黎!

嘩嘩嘩!想帶媽媽食下蠔 於是搵自助餐開心下~見到呢間好平又有蠔食 D好評又多~於是就book左6:30PM~~$300都唔使 性價比非常高呢度甜品好多好多 鍾意食甜品嘅人就有口福 食物種類唔算好多  但係都一定夠你食~主角黎啦~呢到除左有美國生蠔 仲有松葉蟹  凍蝦 蜆 藍青口日式刺身就有3款~呢度啲三文魚非常厚肉 而且味道好肥香真係幾好食啲生蠔大大隻 真係大大隻 唔呃人仲有微微既海水味 食左10隻已經回晒本如果鍾意食生蠔同三文刺身 呢度都幾高質燒牛肉都要試下 幾好~我食咗好多碟中華沙律~哈哈~是沙律吧的至愛~極度推薦即整pancake 皮薄 而且蛋香味好濃厚可以自己配上 生果/花生醬/炒椰絲/雜果 /cream 再自己落醬~!!!!!!!!!!!~~~~大家一定要食花生醬椰絲之後落啲練奶好好食~~~!!!!!!!!!!!!!芝士Cake都好好食~即焗梳乎厘都要食!!!!好Souffle~~好Soft~~八點鐘會有 火燒pancake表演食落去好香橙味同埋 酒味不過我都係鍾意薄薄嘅混醬pancake飲品有啤酒同樽裝汽水好少自助餐有㗎食完自助餐仲可以飲番杯咖啡添呢到同朋友屋企人吹水一流~