影片
更多
2019-03-31
441 浏览
好耐之前行過旺角呢度都已經打算試下呢間buffet最近見到openrice 有優惠，而且睇到食評嘅comment都唔錯，一於就book位試吓。坦白講， $300都唔使，仲要係旺角市區嘅酒店晚餐自助餐，都唔會期望佢有好多嘢食，諗住都係得啲基本野，點知今次試過之後，真係覺得有啲驚喜。最令我驚喜嘅就係海鮮冷盤，佢竟然有齊生蠔、長腳蟹、凍蝦、青口、蜆、刺身等等。而家有啲酒店比$500一位，都冇咁多款式嘅海鮮食。呢度嘅生蠔冇列明產地，但佢嘅生蠔係屬於大size嘅，海水味唔算好濃，口感偏爽，唔會好漏。當一隻生蠔要$20，我嗰晚食咗一打有多，其實都已經回晒本。沙律、前菜呢啲基本野佢都一應俱全。熱盆嘅選擇唔算好多，不過因為我食自助餐一向都係食海鮮為主，所以影響唔係好大。我呢一晚除咗有菜之外，仲有魚、有韓式牛肋肉、咖喱雞、炒意粉、炒飯等等另外又有一個corner係燒牛肉，個質素都唔錯。甜品嘅款式做都好多，有好多細細杯細細杯嘅選擇，又有朱古力噴泉，又有杯裝雪糕。另外仲有即焗疏乎厘同埋即整pancake。由於現場仲有飲品任飲，仲有即磨咖啡，所以我就用左杯裝雲呢拿雪糕加落去咖啡到，再加少少玉桂粉，變咗affo
最近見到openrice 有優惠，而且睇到食評嘅comment都唔錯，一於就book位試吓。
坦白講， $300都唔使，仲要係旺角市區嘅酒店晚餐自助餐，都唔會期望佢有好多嘢食，諗住都係得啲基本野，點知今次試過之後，真係覺得有啲驚喜。
最令我驚喜嘅就係海鮮冷盤，佢竟然有齊生蠔、長腳蟹、凍蝦、青口、蜆、刺身等等。而家有啲酒店比$500一位，都冇咁多款式嘅海鮮食。
呢度嘅生蠔冇列明產地，但佢嘅生蠔係屬於大size嘅，海水味唔算好濃，口感偏爽，唔會好漏。
當一隻生蠔要$20，我嗰晚食咗一打有多，其實都已經回晒本。
沙律、前菜呢啲基本野佢都一應俱全。
熱盆嘅選擇唔算好多，不過因為我食自助餐一向都係食海鮮為主，所以影響唔係好大。我呢一晚除咗有菜之外，仲有魚、有韓式牛肋肉、咖喱雞、炒意粉、炒飯等等
另外又有一個corner係燒牛肉，個質素都唔錯。
甜品嘅款式做都好多，有好多細細杯細細杯嘅選擇，又有朱古力噴泉，又有杯裝雪糕。另外仲有即焗疏乎厘同埋即整pancake。
由於現場仲有飲品任飲，仲有即磨咖啡，所以我就用左杯裝雲呢拿雪糕加落去咖啡到，再加少少玉桂粉，變咗affogato出去飲都要$40-50一杯㗎
總括來講，呢個buffet當然唔可以同五星級酒店相比，始終一分錢一分貨，但係呢個價錢我就絕對收貨，輕鬆回本。只要你唔介意冇海景，食物種類唔算超多，呢度都算超抵食。
*每位都會送一隻吉列炸蝦，不過對我來講就唔係好吸引啦，我寧願食多幾隻凍蝦仲正。
张贴
