德國廚房 (已結業)

大埔區內的德國菜寥寥無幾試過另一家，今次就試試這家德國廚房！店面小小的，幾乎滿座，幸好有提早致電訂座～同行人數共8人點了兩款手工pizza，西班牙狂牛pizza及千島醬海鮮pizza 慢煮牛柳薯角沙律﹑香脆咸豬手配德國腸﹑黑松露什菌意粉﹑醬汁烤豬仔骨(8件)﹑特式腸拼盤及單骨雞翼另外點了兩款德國啤～～手工pizza，餐牌上列明有4~5件但上桌時，仍然覺得份量偏細千島醬海鮮pizza，由於size太細，不覺得吃到什麼海鮮千島醬的味道尚算ok西班牙狂牛pizza，份量同樣細，牛肉不多味道普通～兩款pizza都是薄批底，夠香脆黑松露什菌意粉，份量適中黑松露味幾香，意粉爽滑彈牙～加蒜蓉雜菌炒，松露味亦沒被掩蓋～單骨雞翼，配啤酒的最佳小食～香口得來又不會失去肉汁！味道醃得剛剛好！醬汁烤豬仔骨(8件)，跟平日的有點不同平時吃的會有很多bbq sauce但這款相對的乾身，味道雖然ok，但個人偏好充滿醬汁的多些！香脆咸豬手配德國腸，豬手的份量都多豬手皮超香脆而肉嫩，稔滑易咬配酸菜可消解膩滯感伴碟的洋蔥圈也很好吃～～洋蔥香甜完整，脆漿不會厚身～～特式腸拼盤不熟悉德國腸的種類，每款腸只有一條，大家分少少來

喺德國住過幾年，最懷念就係佢嘅啤酒，因為真係好飲d。市場上面雖然有好多德國啤酒俾我揀，不過最多地方見到嘅E字頭同埋P字頭德國啤酒絕對唔係我嘅至愛，喺尖沙咀河內道有間德國酒吧，個德國Bartender介紹我飲呢一隻B字頭Lager，我都覺得麻麻地，反而佢介紹我一隻S字頭同埋B字頭嘅德國麥啤味道唔錯，可惜都係喺香港飲唔到我係德國最鍾意嘅福斯坦堡小麥啤，不過今日好好彩，竟然喺大埔呢一間山旮旯德國餐廳發現有福斯坦堡，一口氣飲咗三杯。福斯坦寶係德國皇家御用啤酒，我自己覺得佢嘅味道比其他牌子嘅德國麥啤高幾班，清爽得黎麥味又夠香，如果鍾意飲啤酒嘅朋友一定要試吓，不過可惜香港未見過有得飲，所以似乎我之後都要成日入大埔嘞。

今日同朋友食飯，黎到附近見有日本菜同德國菜揀，突然想食豬手，最後就揀左呢間德國菜啦。小店好受歡迎，好彩仲有一張枱冇人book可以坐，遲我哋5分鐘左右黎既食客就要喺外面等。Menu既選擇唔少，飲品就主要係酒類。我同朋友諗左陣就決定叫炆燉豬手配黑椒燒汁醬、香煎煙鴨胸配櫻桃醬。MenuMenu炆燉豬手配黑椒燒汁醬。豬手好腍，皮好滑，本身已經有黑椒味。黑椒汁香濃，但係唔會好咸。炸洋蔥圈脆身，唔多油，粉唔厚。香煎煙鴨胸配櫻桃醬。鴨胸腍，有少少煙燻既香味，皮好脆。略嫌多油。配合酸酸地既醬汁可以消膩。野食非常高質，份量又唔會太多食到好滯。環境唔錯，位與位之間既距離唔算好闊。但係佢有道側門可以上菜比坐最入既客人，設計得幾好。店員好有禮貌，所有野食即叫即整，大概等10-15分鐘左右。唔錯既小店，好受歡迎所以會建議想黎既各位book左位先。

又同老公拍拖食好嘢，想食德國菜，去左大埔呢間幾有heart嘅德國餐廳。餐廳位置喺內街，比較少人發現～～老闆對每一個客人都好細心，對餸菜有任何意見或者問題都會慢慢解釋同埋介紹裏面裝修好有德國小餐廳feel。兩個人又好想試吓多啲款式，老闆就介紹咗呢個Hot Deal（火焰鹹豬手、脆薯餅、幾種德國腸）。火呀！火焰鹹豬手，個皮好脆，有少少酒味，一啲都唔油膩，份量啱啱好。叫多個西班牙狂牛Pizza，個Pizza真係好好食，完全同出面連鎖店嗰啲Pizza冇得比。青蘋果椰果特飲，個樣好吸引，味道同呢餐Pizza同豬手簡直Perfect match。好鍾意呢支旗仔今次幫襯用咗OpenRice嘅八八折優惠，賣單只係$300左右，CP值超高啦

見到fb話呢度德國啤買一送一咪去試吓，佢啲黑啤不太濃，幾好飲，不過就唔記得個牌子名，另外生啤都係$60，買一送一即$30一杯，平！！叫咗個火熖咸豬手，有啲rum酒味，幾特別，隻豬手都幾好食，佢啲自家製酸菜都好味，咁食吓豬手又食吓酸菜，無咁”漏”，另外再叫咗個青蘋果沙律，芝士煙肉焗薯條，個薯條用嚟送酒都唔錯呢個地方雖然唔係大街大巷，但都唔太難搵，啱啱係停車場隔離，佢裡面暗暗地、靜靜啲，一個傾計好地方，會再去

上星期五同男朋友黎左大埔呢間德國廚房食野飲野HappyFriday，原來星期一至四經openrice訂座有85折，等我下次再黎先。呢度有幾款不同的德國啤酒選擇，有生啤口感爽d，又有德國麥啤口味就濃d，任君選擇。價錢都幾吸引，咁大杯只係$48無食到咸豬手，叫左個豬仔脾配洋蔥圈。洋蔥圈不是新鮮炸起有d凍左，焗豬仔脾有三舊，份量okay，個人覺得味道有點過咸但有個茄醬配番可中和個咸味，整體味道也不錯。三文魚巴馬ham簿餅，簿餅焗得好香好鬆脆，材料份量十足，配德國啤一流

想食西餐除咗典型美式或者意式外 德國菜都係個唔錯嘅選擇德國菜澱粉質比較少 相對更多肉類菜式 今次就食德國最著名嘅兩款食物秘製蜜糖黑啤豬手 同埋德國腸拼盤 豬手好巨型 厚切都分到七件小插曲係本身豬手上碟係無切開 正當我同老公苦苦鑽研可以點分嘅時候老闆二話不說就幫我地拎入廚房切好細心 值得加分👍🏻至於豬手味道 黑啤入饌 每啖豬手肉都食到黑啤嘅麥香味豬手外皮經過焗後 非常脆口 但肉質仍然保持嫩滑 有水準再點埋秘製蜜糖 中和番麥味 去除黑啤輕微嘅苦澀味配菜有薯角同埋酸菜 大愛❤️德國腸拼盤包括慕尼黑白腸 法蘭克福腸香烤過嘅腸肉味更加突出加上肉醬同埋薯角份量兩個人食啱啱好難得有機會試懷舊飲品 我就揀咗黑牛可樂加雪糕 無論大人細路都一樣咁鍾意 下次再去一定要試埋德國啤酒咁就完美啦

係大埔想食德國野選擇唔多，我個人就鐘意伊間多過d 字頭個，主要係價錢同服務因素。伊度豬手既味道唔駛再多講，亦食過幾次，所以今次無嗌，反而叫佐豬仔脾配洋葱圈同火腿煙三文魚pizza。豬仔脾偏鹹，但配埋個醬算唔錯。pizza有一定水準，但係有啲邊位烤過火佐，影響口感。加埋兩杯啤，推介。

<<生在美食天堂，點可以唔識食>> <<I born in Paradise of Food，but what Food do we have?>> 在平民住宅區的一間德國餐廳，燈光略暗，座位一般。不過唔好失望住，食物熱噴噴的上場普通~香辣牛肉PIZZA，味道配合不錯，肉既比例再多少少會比軷好正~堅係脆既豬手，入味又大份，個人喜好:如果酸菜煮過，淋少少會更好，同份量!好味~香草烤雞~店主聲稱即叫即整，的確肉嫩多汁，香草又入味，雖然配菜不突出，好味係比隻雞既。總結:適合不追求賣相同配菜既各位食家，價錢與份量相稱配菜和裝修可以再修飾，店主有心有禮，感謝

好友誠意拳拳地邀請下，早前一起到 Lacker's Kitchen品嚐德國菜。提到德國食品，不能不提的便是香腸。這裡的德國腸拼盤由香草豬肉腸、紐堡倫腸、法蘭克福腸等組成，配上炸薯皮及特別調配的微辣肉醬汁，色香味俱全。今次我們不吃德國咸豬手，反而選擇香港餐廳不常見的，秘製蜜糖黑啤豬手。據店長所說，他們在煮豬手之前，先用黑啤把豬手浸一天一夜，所以豬手特別入味。第一次嚐試吃黑啤豬手，微帶苦澀的黑啤味道，配上略帶油膩的豬手，還有香脆的豬手皮，感覺清新可口。黑啤的苦澀，加上甜甜的蜜糖，正好是美好的配搭。我們都是薯條控，即使今晚每道菜都有炸薯皮，我們還是要了一客煙肉蜜糖芥末薯條。煙肉味道濃郁，點點咸味配上芥末和蜜糖，味道豐富。既有德國美食，又怎能沒有德國啤酒？店裡提供多款手工啤酒，我們都選擇了味道比較清淡，適合配合味道濃郁食物的Kustritzer Kellerbier。

世界杯正打得火熱，其實一班男人追住個波走黎走去真係唔知有咩好睇。聽說上屆冠軍德國隊打破不了魔咒，早早敗北而回。在他們收拾行李回家鄉時，晴頴發現了一間德國菜小店，於是晴頴找來好友同行，一起到 Lacker's Kitchen品嚐德國菜。對於德國菜，我最深印象的當然是德國豬手，這亦是此行最必食之選。這小店裡有四款豬手，分別是港人熟悉的香脆德國咸豬手、經典的柏林炆燉豬手、滿足視覺味覺享受的火焰咸豬手。而我們最終選擇的，是店長秘製的蜜糖黑啤豬手。 晴頴曾經吃過黑啤燒雞，反而黑啤豬手是第一次嚐試。據店長所說，他們在煮豬手之前，先用黑啤把豬手浸一天一夜，所以豬手特別入味。微帶苦澀的黑啤味道，配上略帶油膩的豬手，還有香脆的豬手皮，感覺清新可口。黑啤的苦澀，加上甜甜的蜜糖，正好是美好的配搭。吃德國食品，少不了的便是香腸。晴頴是香腸愛好者，對於各式香腸都深感興趣。當看到餐牌上的德國腸拼盤，晴頴立即兩眼發亮。這裡的德國腸拼盤由香草豬肉腸、紐堡倫腸、法蘭克福腸等組成，配上炸薯皮及特別調配的微辣肉醬汁，色香味俱全。既有德國美食，又怎能沒有德國啤酒？店裡提供多款手工啤酒，這晚店主給我們推介了Benediktin

一直好想試下，今次朋友聚餐，就簡左呢度，七個人叫左2個plzza,一隻豬手，沙律，咖哩蟹包，芥末薯條，炸雞，青口risotto ，腸仔拼盆和店主介紹的黑啤，全部也十分好味，尤其plzza和豬手，非常香脆，意料之外，一定會再泥

再次黎大埔搵食, 係食街附近見到呢間德國廚房, 岩岩開業3週年, MENU有德國咸豬, 德國香腸等等, 入去同佢'損'下手先!呢間都算係清吧, 有德國啤油飲, 裝修以木色為主, 小店內有6張檯, 燈光暗暗的都幾好情調, 岩曬幾個人黎食飯傾計.MENU款色唔會太多, 沒有花巧, 小食, PIZZA, 主菜, 飲品都有齊.2個人撐檯腳, 想乜都試少少, 所以ORDER左1個德國火焰咸豬手SET, 已經包括有德國腸, 丸, 薯角, 伴菜, 酸菜等等.火焰咸豬手上檯後即場倒RUM酒, 點火! 好吸晴!!咸豬手都幾大隻, 十分多肉, 外皮勁脆, 豬手肉唔係好咸, 肉質較為爽, 完全無根, 啖啖肉好好食! 咸豬手有一半已經幫你切好, 另一半可以慢慢切, 成舊咋住食又得! 可以豪邁D! 德國腸有2款, 一隻香草豬肉, 一隻係維也納腸.伴菜係超甜粟米, 中和一下味蕾, 好夾!不得不提係個蜜糖芥末醬, 原來係自家的, 甜甜地, 沒有剌鼻的芥末味, 好正!另外ORDER左個小食 - 煙肉蜜糖芥末薯條, 比一般的薯條粗, 先炸再焗, 上面放了大量芝士, 100%香脆又香口, 蜜糖芥末味不太重, 反面條條都脆

今晚和朋友聚舊，搵到這間在太和火車站附近的「德國廚房」，有豬手食，有啤酒飲，正合我意！餐廳在小橫街中，甚具小店風味，入到去時店員正與一枱客人有說有笑，態度親切！【煙肉蜜糖芥末薯條】薯條係我同朋友最愛，坐低飲嘢傾計前菜一定叫佢！蜜糖甜甜地，放左好多煙肉和芝士喺面，越食越停唔到口，開咗個胃！【德國腸拼盤】食德國菜點都要食番啲德國腸，呢份德國腸拼盤份量兩個人食剛剛好。【特製肉醬】驚喜肉醬，諗住都係點下茄汁，點知配呢個特製肉醬，係用豬羊牛肉碎製成，好香濃仲有少少辣。點腸仔或者點薯角都好惹味！好match!【蜜糖黑啤豬手】豬手係我哋今晚非常之想食嘅主菜，店員推薦我哋食黑啤蜜糖豬手，佢個樣黑蚊蚊，但切落去豬手好林仲有少少麥香味，其實唔飲酒嘅朋友都可以食到，豬手嘅皮都炸到好脆，配啤酒真係一流。有細細兜蜜糖係側邊，方便點豬手；值得一提係呢度嘅德國酸菜，味道唔太濃，平時朋友唔鍾意食酸菜嘅呢晚都見佢密密食，我就覺得幾好味。其實都幾大兜㗎！另一個驚喜，就係泊車優惠喇！起初諗住係細舖唔會有停車場，原來喺呢度食嘢食滿＄500就可以喺隔離商場有兩小時泊車優惠！話明德國餐廳，當然就有德國啤酒啦，不過我哋係咁傾計同埋

雖然舖頭比較偏僻，唔係係好多野食既大街大巷，但其實地點都好容易搵到（因為有全能既Google Map 幫手😝）。舖頭唔算大，大概有廿幾個位啦，環境柔和舒適，如果大班人的話必須預早留位。好彩今次朋友一早訂定檯，因為全場爆滿。人整後點菜，因為人多今次可以放縱地叫🤣我地叫左一個火焰豬手，一個黑啤蜜糖豬手，兩款都好好味，味道適中，唔太咸，肉夠嫩。卡邦尼意粉超正，個個朋友都話好食👍🏻但本人更覺得個蒜蓉包仲好味，因為唔係坊間既一味只有牛油同蒜蓉，呢到仲有適量既芝士，連小朋友都食到要Encore 。仲有脆片、大啡菇、農夫包、Parma Ham pizza、青口等等，真係食到停唔到口😋另外最正既就係有不同款式既啤酒&餐廳職員推介既特飲-蜂蜜玫瑰蘋果茶，大人小孩都啱飲。呢間餐廳絕對值得再去幫襯，其待下次去食會再有驚喜及新菜式😉