德國廚房 (已結業)

小弟住香港仔！住得遠都值得老遠入嚟大埔食呢間德國嘢！今日朋友生日飯，第一次嚟食...好味又唔貴服務友善。黑啤蜜糖豬手同火焰豬手都好香，唔肥好脆口，唔會好乾又唔好鹹！卡芝士蒜蓉包好香，芝士可以拉長個種，但唔會好流。咖喱軟殼蟹農夫包 正！辣度個人覺得適中（唔食得辣可以食唔到好多）想食清清地都有架！青蘋果沙拉 香草白酒煮青口配法包 香煎石斑柳配大啡菇 份量唔係細細份架，食完真係好滿足！重點係有不同口味德國啤酒，又有紅白酒。值得推介的德國餐廳

黑啤蜜糖豬手，火燄豬手，2個都勁好味😋有得睇有得食，火燄豬手絕對係呃like既必選。軟殼蟹咖喱農夫包好香!parmaham pizza 大細好好，唔會食完食唔到其他嘢。卡邦尼意粉味道好適中。蒜蓉飽真係冇得頂，青蘋果沙律好清新不同味道既啤酒，要濃有濃，要淡有淡，Happy Hour 晚飯一take過!唔鍾意飲酒既朋友唔駛擔心，仲有好多款特色既特飲。蜂蜜玫瑰蘋果茶好香好有驚喜。大人小孩都啱，價錢十分相宜。平，靚，正。

3家朋友晚飯，5大4小， 野食啱大人細佬，因為有小朋友關係地點要就番有小朋友既家庭。我好少係大埔區搵食，但今次呢間餐廳確有驚喜!今次由朋友發扳order, 覺得每樣都好好食，d小朋友又食得勁開心，大人自然更開心啦～先黎沙律(因有蘋果關係，本人好like)，火焰豬手拼德國腸，Pizza，仲有意粉(不過唔記得影相，但份量唔係好大，我地原本叫2蝶意粉，點知班仔叫encore，我地d auntie緊係話叫啦～ 最後叫3蝶佢地都食得哂)餐廳雖然細，但食物有水準，我個friend住附近，仲話下次去佢屋企開party可以叫呢間外賣

街坊小食店難得有賣德國豬手，當然要遠渡而來試一試。原本想食佢個秘製蜜糖黑啤豬手，不過已經一早沽清唯有轉戰個德國豬手加香腸拼盤。$188 呢個價錢唔會要求咁多，拼盤上既香腸係大路野，唔特別，唯一寄望既係隻豬手。豬手size 有兩個拳頭大，減去舊豬骨，肉既份量都好多，不過肉質好實好難咀嚼，大概30%肉係唔會食，反而近骨位既肉有帶脂肪同煮到冇咁實，嫩口好多，食落個味係ok 的。問題係，豬手係原隻上，餐廳方面幫你𠝹左幾刀，由於豬手皮厚，肉質又偏硬，普通刀具切落好費力，女士們可以話無從下手，一定要店家幫手切。我作為力水大既男士都要慢慢庖丁解豬半個鐘，建議店家提供更鋒利既刀具。

食完番尋味，約班朋友再去食豬手飲下啤酒吹下水的好地方。平日人流比較少，因為鋪頭位置唔算多，我地都打左去book位。佢都有唔同啤酒選擇，生啤有兩款，侍應都有介紹唔同既分別比我地揀，好專業好細心，呢款1605有少少果香味既。（$22）荔枝特飲，好清新，上面再有忌廉。（$28）黑牛，佢用罐裝沙示加朱古力雪糕。（$108）德國腸拼盤，6條款，佢應該用蜜糖煎，脆皮又甜甜地，好味。（$98）煙肉蜜糖芥末薯條，好好食，薯條炸得好脆同埋熱辣辣，加埋個汁，無得彈。（$128）香草什錦海鮮pizza，係薄底既pizza，有芝士，反而海鮮唔算多類。（$118）香脆德國咸豬手。其實本身想叫佢個蜜糖黑啤豬手上次叫過非常掂，可惜今次無，所以叫左普通咸豬手，都好好食，好脆皮，加埋酸菜同個汁。（$118）加大拿穀飼豬鞍配士多啤梨醬，豬鞍超級冧，加埋士多啤梨醬好襯。推介！（$88）墨西哥脆脆，其實係芝士粟米脆卡佢再加左少少汁同椒仔既野，本身有味既脆片，會有驚喜。5個人，坐左都有2.5小時又食左咁多野，價錢合理！

今次試左蜜糖黑啤豬手$138，好好味，真係食到黑啤味，隻豬手個皮脆卜卜，啲肉又好夠嫩，真係正，配啤酒真係一流!另外再叫左個腸拼盤$108，有7款腸，都好好味。 至於啤酒方面，選擇都多，生啤就有2款 ，問職員介紹下啤酒口味，佢都好熟悉咁介紹，好專業👍最後揀左生啤1605$48。下次可以約一班朋友去，再食多幾款菜，佢有dinner set 都大約$100內，都唔錯。呢度個環境好舒服，燈光柔和，好relax,係收工同朋友黎食飯吹水既好地方。

愈黎愈多小店進駐大埔，試一試呢間開左差唔多兩年既德國小店，順便同屋企人食餐好既，點知七點食到八點幾包哂場，居然坐左個幾鐘一個人都無。座位都幾舒服，將好多野食寫哂上版度，用左螢光既筆寫勁靚。打卡仲有脆片送，反而有驚喜，黎到細細兜但入面都有幾多塊，塊塊都夠脆，點上肉醬辣辣地好開胃。德國野一定要試咸豬手($118)，豬手都幾嫩身皮亦夠脆，加上已經切開左大部份好易食晞雖然同上次銅鑼灣食有啲距離，不過呢個價錢合格。\香草焗羊扒($108)，反而呢個羊肉真係好嫩，好易咬得開，不過食唔到有羶味。芝士忌廉虎蝦意粉($128)，虎蝦有幾大隻唔乾身，但係個汁真係好似某大pizza連鎖店既意粉汁，整體無咩驚喜。店名: 德國廚房地址: 大埔翠樂街11號美豐花園A座地下14號舖餐牌:

星期六晚同老公過黎食豬手，好好味又唔太貴，雖然餐廳細細間,但都坐滿人客,每枱客人都點了豬手，皮脆肉嫩再加酸菜,我地還點了2支果酒⋯再加大蝦意粉,份量岩岩好，會再黎食

一家大細第一次去試食，感覺不錯，老闆招呼有禮，雖舖頭面積不大，但坐得也很舒適，好有德國餐廳情調，是大埔區不錯的選擇，下次有機會再來試其他菜式.德國豬手好味，皮脆不太喊，新鮮好食，比TST德國餐廳還好,德國腸有幾款，加上脆脆薯圈好正,啤酒有多款選擇，德國歐洲啤酒 300-500ml.

order左豬手，外皮脆不過肉有少少硬! 整體OK，好中意食啲皮，好脆呀! 啲沙律菜酸酸地，好醒胃，如果比多啲我就好啦!薯條，有少少煙肉碎 加 乳酪，又一碟醒胃小菜! 雖然係炸既，不過一啲都唔膩!三文魚PIZZA，係一個薄批，唔會令我覺得太膩! 啲三文魚烤得岩岩好，唔會熟曬!會再去，好味!

係大埔想食好豬手就不得不提呢間，豬手皮香脆就唔駛講喇，肉質有咬口呢個就一流喇，隻豬手愈咬愈有咸味，送酒真係一流！除咗豬手我仲叫咗一個芝士雜菇同脆片，佢份雜菇有啲杏包菇，海鮮菇同埋一啲瓜，雜菇上面有幾大片煙三文魚，煙三文魚同芝士汁嘅咸味岀乎意料咁夾，用三文魚夾埋啲芝士雜菇一啖過用一絕黎形容絕對唔過份。仲有份脆片，佢地依家只要係facebook打卡就免費送一份，本來對免費野都唔抱太大期望，但份脆片一黎到，我就喜岀望外，對於一份免費嘅小食黎講，佢做得非常岀色，咁脆片都仲係正常脆片味道，上面有啲墨西哥紅粉（據我認知係呢個名）中間一篤肉碎，酸酸咸咸，都幾野味，上面仲有少少芝士汁，之後仲有幾個辣椒仔，個人認為都幾好味！

Leckers 我都去過唔少次數，亦係我"大埔食評" 豬手推介首位。德國豬手唔貴，嗰時初開優惠$98，到我早排食$118。有質素 脆皮 正! 跟Mustard酸菜同焗薯塊，芥末中和豬手油膩好好食。老闆都幾好人，偶爾會出黎吹2句。啤酒種類唔算多，不過有特別d嘅例如無酒精麥啤咁。呢到仲有d意粉 同小食。估唔到個蘋果鴨胸幾好食喎!(相)性價比黎講Leckers好高分(細細聲講，另一間豬手要$165呀！)

今次去都幫襯過好幾次既大埔德國菜～不過今次去食都真係有d失望之前去食豬手好脆～今次就有點失準酸菜都唔夠酸～似咸菜多d~凱薩沙律感覺好求其一碟菜加佢個facebook會送一個墨西哥肉醬脆片～不過味道都係一般般最吸引都應該係d啤酒～環境都幾適合飲下啤酒傾下計既～

香港舖租貴生意難做。正因為如此我們更加要支持小店經營，總不想早午晚三餐只有連鎖餐店的選擇吧。上回見到朋友在facebook tag了這間德國廚房location，難得在大埔有德國豬手食，一於到朋友仔去試試！位置在於美豐花園A座地下，住太和的人應該大概知道位置，是一個完全不會walk in經過的地點.....全店就只有16-18個座位左右，但因地方遍遠，估計平日晚上的話不用book枱都可以食到，但櫈子細不算話坐得太舒服。有幾款特式啤酒提供，三五知己夜晚夜share一碟豬手都好正。這晚我們沒有飲酒，就隨意來個fresh juice好了，略嫌唔夠凍，上枱時杯子的底部還是暖的，不知是否每個人都能夠接受室溫的水果飲料XD女生不應飲太多凍飲，所以我們就沒所謂啦：)下次再來的話，一定會試試那個士多啤梨味的啤酒......來這裡就必點德國豬手吧! 推廣價才$98而已，豬手不會太咸這是我最buy的，習慣重口味的男人可能覺得不夠可口，勝在雖然上菜的碟唔算好靚，配菜都幾弱，但豬手皮夠脆，以這個價錢來說還是值得再encore的！還點了一個帕爾碼火腿沙律$98，自己私心以為是配哈蜜瓜或者蔬菜更多之類的，味道同樣

價錢合理又好味嘅德國餐廳。地方細所以坐位少，他們的咸豬手放久了皮都係脆㗎！伴碟個菜絲好味！可以encore 。地方略嫌不足，空間比較小，希望店家將來可以搬大一點的店鋪坐舒適一點。