御膳

营业中

休息中

觀塘工廈隱藏很多出色餐廳，呢間私房菜之前朋友提過，係我每日由港鐵站行返公司必經之地。入口係停車場，行入啲就會見到電梯在右手邊。今次訂位帶埋屋企人嚟食晚飯，訂位嘅時候揀埋餐，坐低好快有得食（前菜）麻辣滷水併盤由惹味嘅前菜開始～有牛肚、雞絲同大腸，最辣係雞絲，另外兩樣係BB辣，牛肚爽爽的，份量都唔小～東星斑豆腐魚湯12両東星斑係有二食嘅，先嚟個湯，襯熱飲～好味呀～湯入面有豆腐同菇，條魚炸過，仲有啲肉，唔好浪費呀，好食架！西蘭花炒東星斑球東星斑另一食～炒斑球。調味同火喉都好好！蒜蓉粉絲蒸特大蟶子皇好大隻～蒸得剛好，唔會韌，勁多蒜蓉，好香呀！花雕蛋白雞油蒸大肉蟹我揀咗「花雕蛋白雞油蒸」，上枱就聞到酒香，真係好大隻！另外仲有四款烹調方法：避風塘炒、四川香辣炒、胡椒炒、薑蔥炒。蛋白好滑，入口有淡淡嘅酒香好厚肉～鮮甜！流沙黃金蝦又係大大隻，脆脆外殼被咸蛋包裹著～好靚嘅金黃色。咸蛋味唔會搶咗蝦味～但我個人重口味，覺得咸蛋味再勁啲仲正！士多啤梨骨平時都鍾意食啲酸味味骨，呢個酸度好適中，而且每件都好大件，啖啖肉，突然諗起「芒享」食大餐嘅畫面肉質腍，唔乾身，好味呀！蒜蓉炒時菜嗱～我唔係特登揀西蘭花㗎，下次要

與舊同事聚舊，佢地就帶我去食私房菜，果然每次去工廈食飯都咁有驚喜！用上木枱、木椅、木牆，估唔到入面裝修都唔錯。有多種套餐options，二位、四位、六位、八位以上都有，今晚我地揀四位套餐$1740。免收加一，但有茶位$2/位，另有free Wi-Fi。香芒沙律大蝦球4份，頭盤色彩奪目，賣相吸引，已經分好上。炸蝦都幾大隻，肉質爽口，配水果和沙律菜，十分清爽健康！薑葱炒大肉蟹一只，蟹肉很新鮮彈嫩，蔥炒不會蓋住蟹本身的蟹味，讓人允指回味。蒜蓉粉絲蒸蟶子王4只，隻隻都好厚肉好Q，而且洗得好乾淨，粉絲墊底吸收晒海鮮的鮮味。生煎東星班12兩(養魚)用生煎來烹調真係好少見，一般都係清蒸，非常美味，煎過的魚特別香，時間控制得唔錯，魚肉外脆內軟，推薦！白胡椒爆炒南非鮑魚4只，鮑魚肉厚飽滿，咬下軟嫩易咀嚼，鮑魚本身鮮味就不大，店家用白胡椒提味，很惹味，這道菜我蠻喜歡的！江南百花雞半只先驚歎做工很特別，原來係傳統廣州四大名菜，今次唔駛睇"阿爺廚房"都食到傳統廣東菜，用蝦膠做面黏住雞肉做底層，注意雞肉是一塊塊連皮的，特別考功夫！蝦肉口感扎實，連軟嫩的雞肉一齊食，口感非常豐富，相當高質素的菜式。上湯浸時菜有唐芹

一日三餐對無飯家庭黎講其實都幾頭痛嘅，正當媽咪又冥思苦想著今晚買咩菜煮咩餸時，就聽到老豆話係觀塘訂左張台食私房菜！ 御膳位於觀塘工廈區，一推開門就見到整潔又有D古色古香的桌椅 ，店員嘅服務好周到，好快為我地推介菜式同落單，一陣間就上左第一個菜了！麻辣鹵水拼盆 份量幾大盤！鹵水整得好入味，食落仲辣辣地幾開胃👍🏻砂鍋什菌龍躉骨湯店員很貼心的幫我們一人裝左一碗 ，一飲好鮮甜，有魚香得黎卻一啲都唔腥，最重要係無落味精非常健康！花雕蛋白蒸龍躉球蛋白帶著淡淡嘅酒香 口感嫩嫩滑滑， 而且非常易入口。龍躉肉質彈牙而且少骨，仲一啲都唔腥！蒜蓉粉絲蒸蟶子皇蟶子好大隻， 而且口感非常爽脆😍 最正嘅係蟶子嘅鮮味被粉絲充分吸收，非常好食！白胡椒炒南非鮑魚 一種幾新鮮嘅煮法， 但味道真係唔錯！鮑魚好大隻好爽口， 而且洗得非常乾淨， 加上白胡椒嘅調味，味道更加惹味！😋士多啤梨骨大大塊得黎好有嚼頭， 而且食落酸酸甜甜咁，真係有種淡淡嘅士多啤梨味~ 同行嘅表妹食得非常滋味👏🏻金華玉樹雞整得好有特色，而且賣相好吸引！每件雞件間隔住金華火腿同菜心，雞肉滑嫩無骨，而且充分吸收咗湯汁，食落juicy得黎又啖啖肉！招牌御膳炒飯

老公接我收工同我食飯，諗住簡簡單單，公司附近求其食。點知佢帶咗我去敬運工業大廈12F ,一入到去既然見到我班可愛嘅同事坐喺度好驚喜呀過咗生日仲有生日飯食，仲要係同事特登為我安排😍😍好滾動😭其實想食呢間私房菜好耐，近公司附近，見佢近期攞咗開飯熱點大獎，同事聽到就我安排😆地方算易搵，室內間隔裝修隔簡簡單單乾乾淨淨行實幹型！正所謂最緊要啲嘢好食我呢度嘅私房菜以每位人頭計，淨係收兩蚊茶位，就是實實在在👍👍老闆俾咗張大枱我哋坐得舒舒服服，枱與始之間亦有較大嘅距離唔會好似啲酒樓咁迫迫夾夾菜式在訂位嘅時間已經安排好啦！順帶一提一定要訂位喎！今晚星期四也是Full House的😊滷水拼盤麻辣青瓜絲🥗——前菜滷水金錢肚同滷水大腸很入味啊，爽得來又唔會太靱，大腸乾淨，半點肥膏也沒有滷水金錢肚亦很爽口🤩我特別喜歡麻辣青瓜絲，睇上去唔啦食落去都幾辣下，做到前菜開胃嘅效果🥒金湯海皇翅——齊來飲個靚湯先我哋大家都話嘩一聲，呢款翅好味過去飲宴嗰啲好多全部係新鮮海鮮而且鮑魚都是用新鮮鮑魚切絲，翅份量都相當多，聽老闆講湯底係用成十種材料褒成日做個湯㡳⋯⋯的確有心機用心製作，真係好好飲😎避風塘大肉蟹兩隻——三個字-不得了

早兩個月曾經到過這間食私房菜，呢兩晚有朋友問我觀塘有咩好嘢食，即時就諗起呢一間⋯⋯因為同朋友會耐D，呢間啱曬，如果揀食放題有時間限制不太喜歡⋯⋯東星斑豆腐魚湯：啖湯不會太下鹹，我連魚都食埋，因為係東星班，味道不錯啊麻辣滷水拼盤：我個人認為不是太辣，好惹味，豬腸、牛肚琳度適中，中間是雞絲青瓜，好入味⋯⋯慢慢食粉絲蒸大蟶子：非常鮮味大肉蟹我選擇用花雕蛋白蒸，貪其夠鮮味，蛋白好滑流沙黃金行：吵得不是太乾，非常適中⋯⋯仲啖啖肉呢西蘭花炒東星斑球：啖啖肉，件數亦不少士多啤梨骨：我最喜愛這個餸，因為酸味味好好味，而且琳度適中炒時菜蟹油銀牙炒面：呢碟好好味最後還有甜品，芒果布甸，夠晒凍四位食，我啲朋友非常滿意呢一餐，因為坐得舒服，而且不會太嘈雜，冇時間限制，價錢每人$330，非常抵食，質素亦不差

今晚同朋友去御膳食飯D口感D感覺真係靈犀唔同⋯家啲感覺係度搵到囉！味好色靚！黑椒鮑魚微辣肉脆把握得啱啱好👍🏻椰汁🥥紅豆甜品🍮，滑而不膩，入口即溶啲感覺真係回味無窮👍🏻

之前有朋友推介尼間，決定係媽媽生日去試下尼間私房菜先！餐廳支援whatsapp訂位，仲會send menu同地圖教你點去😜餐廳係工廈裏面，會有啲難搵，所以地圖對我黎講十分重要🤗餐廳環境簡單，枱同枱之間好多空位，一啲都唔迫～一早order左四人套餐set A，好豐富😍-麻辣鹵水拼盤：有豬腸、牛肚同青瓜！每款都少少麻辣，除左青瓜，啲醬係超級麻辣！好過癮！-東星斑二食：1.東星斑豆腐魚湯：好多料咖有🤤至少有兩款不同既菇，而且真係有食條魚（見魚骨就知😳）菇好香、豆腐好滑！魚既鮮味出哂黎，好甜，一啲都唔腥。份量好足，四個人，每人可以飲到兩碗有多😆2.西蘭花炒東星斑球：西蘭花炒得岩岩好，東星斑都好入味，而且冇魚骨（懶人恩物😜）！但係係咸左啲，如果送飯食會唔錯既-大肉蟹一大隻:（可選花雕雞油蛋白蒸、避風塘炒、薑蔥、胡椒炒、四川香辣炒）我選左避風塘炒蟹！好大既一隻蟹，啖啖肉！而且炒得好香好入味，蒜頭有爆過，脆脆地😍-蒜蓉粉絲蒸特大蟶子：好滿意既一碟菜！蟶子真係特大咖，而且爽口，連埋粉絲蒜蓉食好惹味-流沙黃金蝦：好香咸蛋黃味，啲咸蛋係遍佈蝦既每一寸🤤而蝦好大隻，炸到超脆超香口，我連殼食埋😂美中不足既係唔

經姑娘介紹及訂枱，我們一行十一人上到御膳享用晚餐，今晚間御膳私房菜真係好好食碟碟餸都咁大碟👍碟碟餸都咁好味👍👍可以值得介紹比各位FB朋友去試試大家都好滿意啊，又開心。間私房菜真的好多人幫襯，一枱接一枱#御膳

9月11日 精品海鮮餐兩位用 麻辣手撕雞一份青瓜絲清爽脆甜；手撕雞肉質結實彈牙，加上鋪面的芝麻粒，味道香口帶點麻辣。什菌豆腐大蜆湯鮮湯香甜帶蜆香，什菌鮮嫩、豆腐滑不溜口，蜆肉彈牙鮮甜。花雕蛋白蒸龍躉球特選的龍躉片肉質鮮嫩紮實，配上同樣幼滑的蒸蛋白同食，入口綿絮細膩，加上幽幽的花雕酒香，味道醉人。花雕雞油蛋白蒸大肉蟹一只肉蟹整隻個頭很大，肉質絲絲分明而嫩滑有韌度，味道帶花雕香而更突顯蟹的鮮味，再以蒸蛋白作底，入口嫩滑，套餐的重點菜之一。金絲翡翠鳳尾蝦2只蝦肉完整新鮮飽滿結實，咬下彈牙爽口，味道清甜雅緻，底層瓜蒸至軟腍，入口瓜香絲滑。蒜蓉粉絲蒸蟶子皇2只蟶子肉身豐盈飽滿，肉質彈牙有嚼勁，沒有半分沙石，而香脆的炸蒜亦為傳統的煮法增添口感，十分惹味。蒜片牛柳粒牛柳粒肉質同樣細嫩，嚼起來非常順滑，沒帶任何筋腱；而蒜香味則濃郁而毫不搶味，恰到好處。蟹油銀芽炒麵芽菜新鮮爽口，蟹油吸附於炒麵上，味道香濃，炒麵幼細質感煙韌富彈性，濃而不咸。芒果布甸布甸質感超水潤滑嫩，芒果味香濃帶些果粒。

觀塘工廈區真係極多隱世美食, 敬運工業大廈12F呢間御膳都係其中一員, 門口冇任何宣傳品, 完全靠口碑👍什菌大蜆豆腐湯一坐低坐左一陣就即刻有湯飲😍豆腐湯女士飲左皮膚又白又滑, 仲有湯入面有大隻蜆比你食🤤完全無加味精, 鮮甜味就靠蜆肉帶出手撕雞青瓜絲拌入雞肉絲, 混入麻辣醬料非常惹味開胃👍作為頭盤, 安排非常妥當大肉蟹隻蟹真係極極極大隻🙈2個人黎食真係有d 吃不消, 咁新鮮既肉蟹, 我地揀左薑蔥炒最能夠突出到鮮甜味又唔會蓋左蟹肉味, 隻蟹唔單止淨係大, 肉質都非常爽甜, 完全感受到係即劏即食既感覺😍蟶子炸蒜, 香蔥, 辣椒粒蒸蟶子係最穩陣既做法👍保持到鮮味又唔會太搶, 而且用粉絲墊底, 可以吸收晒蒸出黎既鮮汁, 如果個咀夠大, 一啖過食係最為理想😍金絲翡翠鳳尾蝦呢個菜就真係私房菜獨有既菜式, 酒樓係唔會咁有心機同你砌到咁靚架😂鮮甜爽滑大蝦上面配左幾條魚翅, 大大增加左美感😍花雕蛋白蒸龍躉球呢個菜式亦算有誠意, 用花雕黎蒸龍躉做法創新, 配上蛋白能夠增添龍躉球既層次感😋蒜片牛柳粒食左咁多海鮮, 係時候食番d 肉, 蒜片一向最夾牛柳粒, 所以個味道係唔會fail, 預期之內不過不失💪蟹油炒麵

今晚我與姊妹們走到觀塘“御膳”食私房菜👭🏻👭🏻我哋揀了一個十全十美的4人套餐🍽究竟有咩食，真係巴閉喇有🐟魚🦐蝦🦀蟹🐚蟶子同🐥雞，十分豐富，款款菜式都夠火鍋有鑊氣， 道道菜都很香噴噴。如果唔預早book位，walk in就一定無位，今日仲要星期二，都full booking，想食就要快快訂位囉～😉😉😉1)麻辣鹵水拼盆 - 有豬大腸、金錢肚同手撕雞， 鹵水汁很入味，先甜後麻辣，層次分明，相當過癮😍😍。 2)砂鍋什菌龍躉骨湯 - 豆腐超滑，湯是乳白色的，淡淡的薑味，魚嘅鮮甜味已隨後逐漸增強，果真不錯😁😁。3)菊子魚，東星斑12兩(養魚) - 魚炸的脆粉很薄，一點都不油，而且仲有柚子蜜的香甜，好得👍🏻👍🏻。4)蒜蓉粉絲蒸蟶子皇4只 - 蟶子大大隻，而且好新鮮，粉絲索曬所有的精華，美味之極🤩🤩。 5)金絲翡翠鳳尾蝦4只 - 鳳尾蝦爽甜新鮮，配上節瓜及冬菇更清甜👏🏻👏🏻。6)士多啤梨骨 - 很香甜一點都不酸，啖啖肉，份量十足🙌🏻🙌🏻。7)金華玉樹雞半只 - 雞肉滑，金華火腿甘香，連條菜都甜過人😌😌。 8)蟹油銀芽炒麵 - 嘩，究竟點做到架，炒到一點油都沒有，而且好香口，好好味呀～🤤🤤🤤 .9)碧綠

朋友生日，又唔想去酒樓，但又想食吓中菜呀海鮮咁，揾揾下見呢間菜式特別，又係私房菜，咁就試下佢啦。私房菜多數都係厨師發辦，呢間都唔例外，先WhatsApp 訂位，然後傳幾款菜單我地揀。最後揀咗呢個：6位用麻辣鹵水大拼盆：麻辣牛肚用咗金錢肚做，爽口又有咬口，唔會好硬，麻辣味香口夠麻，咀唇好似有電咁😂，大腸鹵得夠入味唔會un, 青瓜雞絲青爽有麻香花雕蛋白蒸龍躉球：龍躉清蒸就食得多，用蛋白蒸都係第一次，魚肉有6件唔算大塊，火喉啱啱好唔會過熟嚡口，養魚無泥味，就知餐廳對食材有要求。蛋白先係精華所在，混埋啲魚汁嘅蛋白加上調教過嘅豉油，送飯一流。薑䓤大肉蟹２只：肉蟹多肉肉唔散新鮮！講真蟹我鍾意清蒸夠原味嘛，朋友要食炒蟹我都無所謂，揀薑䓤炒因為比較少調味品，想食鮮味。無失所望薑䓤爆炒非常有鑊氣，又保留到蟹肉鮮甜，師父功夫👍蒜蓉粉絲蒸大蟶子皇6只唔駛講食材新鮮梗好味啦，蒜蓉唔太咸唔會蓋過聖子嘅鮮甜，加幾粒炸蒜更添香味。士多啤梨骨：招牌菜，甜甜酸酸有士多啤梨清香，令大大舊肉都唔膩口，配合得好好金華玉樹雞半只：金腿嘅咸香味令雞味更特出，又一師父出色配搭之作蒜蓉炒時菜蟹油銀芽炒面：雖然食唔出蟹味，但味道較得好

二人行，工廈美食之旅， 同事一早預訂咗位， 今晚我哋去食私房菜。香芒沙律大蝦球， 沙律醬十足，但勝在唔係好漏， 同埋夠多沙律，食落口感好健康同清新。東星斑兩食，起肉炒球，椒鹽骨。 一魚兩食， 平時都食得多，估唔到細細條養魚， 都有咁多肉， 至於椒鹽骨方面， 完全唔油膩，住家式做法，但有大排檔嘅感覺。雜菌大蜆豆腐湯， 有一足料之選。 海鮮味十足，但完全唔腥。蒜蓉粉絲蒸蟶子皇，一人一隻。 大大隻，完全冇蒸到過火，一流。白胡椒爆炒鮑魚， 重點之選， 胡椒味十足，鮑魚啱啱好，唔會過硬又唔會未熟。士多啤梨骨， 前面嘅太吸引，令到呢個士多啤梨骨， 有啲失色， 同埋佢應該都係用啲人造色素， 加啲濃縮果汁整成，唔夠天然。碧綠炒花枝， 大大份，性價比十足。富瑤炒飯， 鮑魚，香蔥，瑤柱，金華火腿，火腿絲，蛋絲，淨係送都咁多種， 味道豐富，唔油膩。甜品， 芒果布甸， 自家製媽媽嘅味道。兩個人其實食唔曬，但係性價比真係好高，如果大食嘅都一定食得飽。

今日我同好姊妹殺入觀塘尋找美食，在工廠內有好多唔同餐廳！這間私房菜網上見到好多客人大讚，所以早早訂了品嚐一下先簡單像家庭式的格局，無特別裝修；主要有5-6張圓枱，由2位服務生全權主理，有禮又快手，讚賞我們選擇了花龍蝦餐1. 雜菇大蜆豆腐湯這個湯真的太太太好飲啦魚味好香濃，又有蜆的鮮甜，配上雜菇及滑滑豆腐，飲完這個湯真係靚咗，唔會口渴，真材實料！2.麻辣青瓜雞絲好香麻辣的青瓜雞絲，青瓜好爽脆又清新；雞絲都好香滑，配上粒粒芝麻，好野味喔3.香煎龍蝦配麵條龍蝦可以選擇香煎、上湯、芝士3種煮法，我們選了香煎，煎得十分靚，好多肉好肥美爽口彈牙，又有膏喔！超級好味，配上脆脆麵條，好脆口；另外有一碗汁是配麵條，又是另一食法，不同特色，但口感味道都絕佳4.蒜蓉粉絲蟶子蒜蓉炸香了，好脆！加了紅椒、香蔥；蟶子好新鮮好彈牙，口感一流；配下面的滑滑入味粉絲，又是食唔停口的5.花雕蛋白龍躉球It would be recommended on 29th (Wed) PM or 31st (Fri).蛋白好滑滑，蒸得剛剛好；龍躉口感一流，好彈牙有魚味，魚皮好滑，滿滿骨膠原！我最愛的魚魚！6.白胡椒爆炒鮑魚白胡椒好

今日同朋友來觀塘食私房菜，地點係位於成業街行到尾的敬業工業大廈，一上到來見到門口比較靜，原來入面已經坐咗超多客人，好满座。我同朋友今日揀咗個兩位用的套餐3, $968/兩位用，款式眾多，菜式精緻吸引。先黎一碗什菌大蜆豆腐湯，蜆大大隻，好鮮甜彈牙，湯都好濃郁美味，入口清甜。香芒沙拉大蝦球，沙律係用咗好多新鮮爽脆的蘋果同梨等，芒果嫩滑香甜，蝦球炸過好香脆爽口。蟶子，用蒜蓉辣椒蒸，大隻鮮甜，肉質彈牙爽滑，入口有嚼勁。東星，椒鹽起⻣炒，好惹味，肉質咸味中帶有嫩滑鮮甜。東星二食，起肉炒西蘭花，肉質軟稔，炒得好入味。白胡椒爆炒鮑魚，醬汁少少有白胡椒味，好香，同鮮甜的鮑魚味道好夾。碧綠炒花枝，菜心好新鮮爽脆，炒得夠入味，花枝煙韌鮮甜。士多啤梨⻣，好大份，士多啤梨醬好鮮甜，肉質好入味，咬落較結實多肉。最後食埋個甜品，芒果布甸，好香濃芒果味，溝埋花奶味好好食。