得閒飲茶 (MONTEREY Place)

营业中

休息中

行完Donki去附近海邊行下，見到呢間中式點心店，居高臨下，無敵海景，即刻坐低嘆下🥰原來呢間餐廳大有來頭，背景是60年老字號米芝連「益新」，感覺新舊融合，傳統手工點心和對做食物的態度和堅持✊🏻，馬上Order幾款點心試試！窩貼蝦多士，新鮮熱辣，脆卜卜，香噴噴，真係要小心辣親嘴仔，好香蝦味，上面軟滑適中，下面卜卜脆😋蝦餃皮薄餡靚，睇得出師傅功力非凡👍🏻，蒜蓉粉絲蒸鮮魷，真心極力推薦比大家，鮮魷新鮮爽彈QQ，正🥰懷舊灌湯餃，更加係無得彈，香港已經冇乜邊度有得食，唔係真正嘅大師傅都整唔到，通通透透，裏面灌滿上湯、鮮蝦，好足料啊，真心滿足呀😋又燒腸粉，絕對係測試廚師功力嘅菜式，我就真係比足100分，絕對係米芝蓮嘅級數⭐️玉蘭沙嗲牛肉炒麵，又係呢度嘅招牌菜之一，師傅話慢工出細貨，每一個步驟都好嚴謹，麵爽口入味，沙嗲牛肉特別滋味可口，好快又比我哋K.O.埋🤣蓮蓉西米布甸，呢個係我嘅至愛，都係懷舊甜品🍮，今次飲茶嘅用餐體驗，各方面我都比足滿分💯，環境正，食物掂，服務好，真係十全十美👍🏻

定左12點鐘枱，12點半都唔入得，明明有一半吉枱（仲要冇reserve牌）！我哋前面仲有幾枱人定左枱都唔比入，個帶位嘅愛理不理，淨係睇住塊板，完全唔顧我哋企喺度等咗幾耐，最後要好似foodcourt等人執枱，先可以比侍應覺得我哋可憐，叫我哋坐低，分明趕客🤬環境係靚嘅，可惜我哋坐出面，地下成大堆狗毛，個半開放式廚房嘅設計睇落高檔，但啲嘢食擺晒出嚟冇人serve，令人懷疑衛生⋯食物質素一般，個竹炭流沙包仲要個底本身已經甩咗，味道仲要麻麻😰其他點心味道冇乜特別，份量比想像中嘅細好多，同之前媒體報道嘅size差天共地。奉勸大家一句真係唔好過嚟食，淨係為咗個景唔值得

標榜走高級路線枱面毋枱布同骨碟，亦毋筷子及羹嘅盛器枱面清潔後亦黐立立，毫無衛生可言，今天初三尚系假期，楼面只三人包括收費及安排入座，服務水平遠離水平今天点咗六樣點心，無一達標，尤其蝦蛟，外皮超厚，唐記點心尤勝一等

網上知道老字號益新美食館, 開咗新富線，主打年輕點心專店，梗係要嚟打卡啦！之前好彩訂左位，去到見到有十幾人等緊，⭐⭐要食好西，真係要訂位⭐⭐，裝修走簡約年輕人路線，望住個海食點心🌉，真係好chill, 🏝️先點了陳皮普洱, 未開始食野，飲左個茶☕己經覺得唔錯，個茶都咁認真，點心都應該靠得住，點了招牌鍋貼蝦🍤多士$68呢個蝦多士🍤，每次去益新都必點, 即叫即炸，一上菜，已經好香蝦味，加埋個沙律醬，完美！💯燒賣$42味道啱啱好，蝦🦐同猪肉🐷比例好夾牛肉球🐮$38小小陳皮，牛肉軟滑到不得了，又有少少彈牙，師傅功力深厚👍鮮蝦脆米網腸粉$48😋初時以為佢係炸兩，上菜後，滑lulu腸粉包住脆米中間係鮮蝦肉, 好有層次，必點😍手打墨魚餅🦑$42好香既墨魚🦑，食到好q彈嘅感覺，但係又食到好香嘅墨魚味，呢個秘製墨魚餅，真係唔係度度都食到， encore之選蝦餃$42中規中矩古法XL灌湯餃，一客兩隻$68而家已經好少食到冇湯浸住嘅灌湯餃，啲湯汁喺曬個灌湯餃入面，每隻餃子都有個架，方便取出時唔好整爛隻餃子，讚餃子都幾實淨，食到原汁原味，呢啲古法灌湯餃製法罕有，而家好少地方食到玉蘭沙爹牛肉炒麵$108份量唔算好

比我搵到間環境超級舒服🍃望到海景🌊食物質素又很不錯的中菜餐廳☺️ 主打中式點心和小菜類 每樣菜式都即叫即製 造型精緻不馬虎～ 用心製作💖 周末可以和爸爸媽媽一齊嘆海景飲下茶 絕對是賞心樂事🥰🔻🔻🔻🔻🔻✨窩貼蝦多士 ($68)蝦肉彈牙而麵包金黃香脆🍤🥪 雖然是酥炸 但不會太過油膩 喜歡附上的沙律醬內有水果肉 中和膩度😉-✨蘿蔔絲酥餅 ($42)超飽滿的蘿蔔絲酥餅 酥皮很鬆化 輕輕咬一下已經感化到🤣 裡面有好多蘿蔔絲 超足料!-✨手打墨魚餅 ($42)墨魚餅彈牙有口感～ 相對下只屬正常發揮～-✨XO醬炒蘿蔔糕 ($88)超惹味的一道菜💖每次去中式酒樓我都會叫蘿蔔糕 上面除了XO醬還有辣椒香蔥 切成一口size的尺寸 絕對會吃過不停🥺-✨懷舊灌湯餃 ($68)🌟我和家人最喜歡的就是這道懷舊灌湯餃💖 這款傳統點心一般已經很少機會吃～ 職員細心提醒要趁熱食🥟 餃子超大隻 第一口咬下去已經是滾燙的湯汁 (真係要睇熱呀～🥲) 餃子裡面的高湯用上湯煮豬皮、大菜、鷄腳等的食材凝固成的半固體 是滿滿的骨膠原🥺😆 一邊吃一邊感受到師傅的用心製作 要有好好的技巧才包裹到高湯又不會漏出 而且餃子不厚👏 大推💪-✨

在他試業期間， 朋友的建議去了兩次……第一次是探路，因為預備和一個七八十歲長者去，唔想她行冤枉路。真的行了好耐才找到。 當時我手上的資料只Montery，沒有樓層,，沒有室号，亦沒有中文名。第二次去，好好多（ 現在他們地址 資料詳細好多）。交通：💥在將軍澳地鐵站原著唐俊街 一直行到近海邊，長廊，上一層。約10至15分鐘。💥 將軍澳地鐵巴士總站，乘搭綠色小巴，114A，到门口（ 不過好似開得唔太密，要15至20分鐘一班）💥 好像還有其他綠色小巴或巴士 到，不過我唔太清楚，唔敢亂講。好講回第二次的感覺。環境：💥 一流， 面對著海。💥 環境正，沒有畀樓下海邊走廊單車的人騷擾到， 因為是有一些距離。💥 因為座位不多，相對人客比較吾多，噪音自然少。當然，如果你咁唔好彩隔離枱坐咗一個高談闊論大聲講嘢嘅人，咁就別論啦。食物：💥用料新鮮，感覺到佢嘅誠意， 但仍有進步嘅空間，例如~💥蝦餃皮，稍為厚，薄些少會好啲💥 腸粉，賣相較為樸素， 加少少裝飾可以增加食慾 。💥 蝦多士， （因為是益生酒樓的分支，所以懷著非常高的期望)。蝦膠唔夠， 少咗一些飽滿嘅感覺 ，麵包，唔識講，感覺好像咬落餅乾 ，總括嚟講都是好