得閒飲茶 (MONTEREY Place)

营业中

休息中

帶毛孩去將軍澳南飲茶，呢間Pet Friendly的點心餐廳位於將軍澳南Monterey商場，同場仲有Donki 超市。商場招牌個層入去商場有部電梯，上一樓左轉入盡頭就係餐廳，假期都比較FULL 要早D打電話訂位。DHYC係廣東話得閒飲茶的英文簡寫，係呢度飲茶除左歎點心，仲有得吹下海風睇海景茶錢每位$15本身包左普洱茶，但夏天熱辣辣我地兩個每人加左$9，叫左一支凍的四季春同玫瑰烏龍。凍茶係茶包放入獨立膠樽，玫瑰烏龍烏龍茶味濃香 ，帶有少少回甘。得閒飲茶係灣仔中菜老字號「益新美食館」的副線，雖然走年輕路線，但點心都係同傳統茶樓一樣 並非公廠式製造，而係每日人手新鮮製作，即叫即整 。推介懷舊灌湯餃($68/2隻)，一夾上手就FEEL到湯汁墜手，皮薄餡肉彈牙，入面的蝦新鮮，加埋乾瑤柱，口感豐富，點埋醋，味道清新 ，值得一試！（灌湯餃最遲上，唔記得影相）另外叫左鳳爪，椒鹽豆腐同叉燒包點心都不錯，椒鹽豆腐味道略淡餐廳除左點心, 仲有粉麵飯同甜品，除左帶狗仔去之外, 都好適合一家大細黎嘆下，飲完茶之後, 仲可以帶毛孩行行將軍澳海濱長廊。係7月1日開始新增的寵物共享公園，食完野係海邊散下步都唔錯呀！

近年真係開左唔少點心專門店，質素一般都比傳統酒樓高，亦有佢哋嘅signature，相信大家主攻客路不同，而家傳統酒樓一般都係主攻長者，反而新式點心專門店就主攻年輕一代，所以DHYC裝修好似一間Cafe一樣，而名字亦好特別 DHYC=得閒飲茶😂店舖開喺Monterey 2/F，正向南跨灣大橋海景，座位寬敞舒適各樣點心做得非常出色，亦頗為鮮味，特別係蝦多士及鮮蝦脆米網腸😍，所有點心即叫即做，新鮮熱辣👍我今日係平日中午時段幫襯，人少舒服，可以一家人或朋友一齊hea個下午，亦係一個不錯選擇😃

我平日好少劣評，但係Waitress 嘅態度差到一點，一開始就無禮貌，一直都無出聲，但keep住都係咁嘅態度，連基本禮貌都無，後尾真心忍唔住要出聲講左句「咁無禮貌嘅」，因為完全無當過我地係戶客。食物一般，偏貴！個Signature灌湯餃都好d失望，入邊唔係湯，係白米色jelly。芝麻卷偏苦。d食物無太特別，所以連影相都無心情！Overall 除咗個境係對住個海之外，其實都無咩值得再去嘅理由。不是一個愉快午餐的經驗

DHYC希望透過新式簡約既風格，再結合傳統點心既味道。令傳統點心文化可以流傳落嚟，令更多年輕一輩認識和欣賞點心文化。冇太多華麗花巧嘅擺設，只係食物方面保留最傳統的做法。佢哋嘅點心同平時嘅傳統酒樓唔同，唔係工廠整好再送到門市，而係每朝師傅提早喺店舖整。仲有一樣特別地方，除咗平時嘅熱茶之外，竟然仲有冷泡茶飲🥰仲要佢哋有幾個座位係面向海景（要提前book），真係勁chill😎 坐得勁舒服😌特別推介以下我最愛吃的兩個點心🌟鍋貼蝦多士 🦐🍞$68 平時嘅蝦多士下面都係好厚嘅多士，呢個蝦多士嘅麵包超薄，上面好厚嘅蝦滑，麵包邊炸得好香脆，會配埋沙律，可以點嚟食。🌟燒賣 $42超足料既燒賣，冬菇味好香，冇好重麵粉嘅質感。平日下午茶都幾full, 等候時間有啲長😕 但整體服務同食物其實都幾好， 店員都好Nice。📍 DHYC Dimsum Restaurant (將軍澳)將軍澳唐俊街23號Monterey Place1樓2A號舖

所謂既招牌炒飯只係咖喱粉炒飯食到一粒粒既咖喱粉之餘飯底極鹹配上無調味既蝦仁形成強烈對比百幾蚊食一個咁樣既炒飯應該係俾左落個靚景度想要睇著靚景食野記得提早book位非打手 純粹係食緊個陣真係覺得太鹹頂唔緊

1/6/2022 第一次嚟將軍澳，喺open rice 見到呢間食店裝修新派，但係是飲茶食點心，咁特別，梗係要試吓啦。環境確實唔錯，平台望出去海濱長廊，人都特別精神。員工服務態度非常好，細心安排座位。佢哋有陳皮普洱茶，正合心意。我哋今日叫咗八款點心，其中嘅灌湯餃選用傳統盛器，好懷舊呀！嘩！見到餐牌有炸芋角，必食，因為現在唔係好多地方有這個點心架喇！佢哋嘅叉燒包原來係焗叉燒包，又係一個特色。甜品馬拉糕，鬆軟可口，值得推介。廚師好手勢👍🏻

將軍澳有唔少廣東酒樓，但真係好味道嘅選擇屈指可數。周末想在附近飲茶吃點心，通常都只會去其中一兩間。最近，發現將軍澳南 Monterey 商場開了一間專吃廣東點心的小店，名字「DYHC」源自「得閒飲茶」廣東話羅馬拼音的開頭四個英文字母。很特別，一於試試。這個商場的餐廳差不多全部採用半開放式設計，室內自然光充足；加上簡約又帶點東瀛風味的裝修風格，如果唔係知道這裏專食點心，兼且餐廳正中位置有一個炮製蒸點心的半開放式廚房，一定以為是間日式Cafe。餐廳其實是老牌廣東菜館「益新」的年輕副線。室內面積細小，廚房亦很細小，所以沒有提供任何廣東小菜，以蒸點為主角，另外，有少量煎炸點心及幾款炒粉麵飯。較為特別兼售幾款自家炮製醬油。雖然唔係正式酒樓，但茶錢不便宜。$15 / 位一律是陳皮普洱茶，冇得揀；還要等服務員幫你斟茶，唔會每檯有一壼。如果想自斟自飲，就要另加茶錢。點心款式選擇唔算特別多，但就有一些老派廣東點心。餐牌第一頁點名推介三款點心：蝦餃、牛肉球及懷舊灌湯餃，全部都有落單。小食鍋貼蝦多士（$68）一客四件，蘸了雞蛋漿後炸至金黃色，表面又灑上少許芫茜碎及金華火腿蓉，添加顏色後賣相更佳。咬下去方包脆

門口無人安排座位，個個訂左位嘅客都要直接入去問。訂左位要等唔緊要，但又唔安排啲客喺邊個位等（因為係無接待處呢樣野），搞到啲客都係周圍企，無位企就唯有企喺人地食緊野嘅枱隔離，真係十足舊式酒樓企後面等位。由於無接待，嘟針咭都係自己黎。但呢啲都唔緊要，食物真係令人失望。- 灌湯餃：皮好厚，味正常，但入面得湯極少料- 蝦多士：味係幾好，但好多油- 椒鹽豆腐：好多油，懷疑唔記得落椒鹽所以無味，皮好淋- 炸蘿蔔糕：又係好多油，粉多到似芋頭糕- 美極炒雜菌：又係極多油- 蝦餃： 皮極厚。味正常- 燒賣：正常- 叉燒飽：質地正常但汁太甜求其一間酒樓都好食啲！只賣形象同gimmick, 好難會keep到客

服務態度極之惡劣，三日前親身訂位，但到了卻告知沒有訂位，攪了半個小時才告知是自己的服務員睇錯，但係當中服務態度十分之惡劣，還惡言相向，然後話俾我哋聽我張枱已給了其他人，要我們再等15分鐘。然後就說因為我們未齊人，然之後更用英語鬧人，嘢食再好食也沒有用。你同個服務員講投訴，佢仲要話投訴無門，奈佢唔何，你想點啊！45分鐘之後安排一個室外的位置俾你坐。完全唔好唔好意思亦都唔打算道歉，仲大聲咁講不想與沒有禮貌的客人講嘢，始終堅持自己是對的。做為食客真係唔知我犯了什麼錯🤬🤬🤬🤬🤬🤬🤬🤬🤬🤬

企左係門口呆等15分鐘⋯⋯揮手不下10次，但依然無人理你，一句指示都俾唔到。Book哂枱但無人理，唯有見有人走就入去坐低先。環境係幾好，可惜上得慢，食物質素麻麻，服務又差！無下次

將軍澳海濱嘅餐廳已經多到數唔晒，不過而家大部份酒樓都係連鎖集團，而依間有少少特別屬於比較精緻、真 chill住飲茶，叫DHYC諧音係得閒飲茶😂有別於傳統酒樓嘅裝修反而係比較新派，有露天茶座，對住海景有一望無際嘅景色，而且可以帶埋狗仔一同用餐🐶但同時因為間中都有幾句寵物叫聲所以你唔可以當係cafe甘expect環境好寧靜，但環境都好大嘅你可以揀適當嘅位置坐。環境唔同當然價錢亦有少少唔同，屬於中價位置但食物款式同賣相係成比例😛除咗點心之外亦有粉麵飯——👓蘿蔔絲酥餅 $42其實而家好少地方有得食千絲酥餅，有時有啲酒樓會將個酥皮整得好粗鞋唔夠細膩。蜂巢外皮，酥皮整得好薄唔會太厚，整體感覺都輕盈唔會太漏，餡料蘿蔔糕多。👓焗叉燒包 $38本身以為有少少似酒樓嘅雪山叉燒包，但佢面頭只係少少菠蘿包果種脆皮，只係少少薄薄的，餡料係正常嘅叉燒餡普普通通，整體上反而稍為普通唔算太大特別👓竹炭奶黃包竹炭包都幾鬆軟，奶黃餡料係流心而且係有少許蛋黃鹹香味，都唔錯👓蓮蓉西米布甸 $42西米都多幾大粒，整體唔算太甜，餡料有好多蓮蓉，幾重奶香味同蓮蓉香，如果想食個甜品滿足下另一個胃都係個幾好嘅選擇。👓脆皮炸鮮奶 $48

我早一個星期已經book咗枱因為booking 好full但我準時到又俾唔到枱門口有一張空枱但唔俾坐因為係book咗..但係我哋都book咗..佢又話人哋早一星期book..我哋都係..結果擾攘一輪先俾坐但餐廳又要求75分鐘內交枱如果唔係唔俾枱因為下午兩點有booking..完全唔明白我哋都有book但佢地又唔安排其他人準時交枱..總之係完全唔make sense..佢哋覺得我哋有誤會但成個門口都係人..有book同冇book都唔入得我哋真係唔理解重點係以為好好食..慕名而來但真係overrated我哋全部叫餐牌上recommend嘅食物,五樣食物包括灌湯餃同沙嗲牛肉炒麵…灌湯餃個皮非常厚入面一pat野..沙嗲牛肉炒麵餐廳員工係落order時推介..首先係牛肉真係茶餐廳沙嗲牛肉落梳打粉好冧嗰啲又唔熟又咬唔到亦都冇沙嗲味..最後真係食唔落..幸好餐廳安排取消碟炒麵而我哋成碟返俾佢哋其餘三樣點心正常…包括下面呢個腸粉感覺失望亦都有少少受氣

🧘‍♀️DHYC Dimsum Restaurant (將軍澳)要打卡靚景就一定要去西餐廳？❌將軍澳呢間中菜廳都可以好Chill🌞無論係老人家👵🏻伴侶👩🏻‍❤️‍👨🏻甚至係毛孩🐶🐱相信都無人抵抗到呢到既環境，一次就滿足哂飲茶同影IGable既相既願望。🐒小食類😍👉🏻窩貼蝦多士💰$68👉🏻美極炒雜菌💰$68蝦多士勁彈牙🍤配埋個水果沙律醬，酸酸甜甜好開胃！雜菌係先炸過再炒，但食落一啲都唔油，反而好惹味，送飯一流。🐒蒸點😍👉🏻懷舊灌湯餃💰68@2😍👉🏻蒜蓉粉絲蒸鮮魷💰48😍👉🏻燒賣💰$42@4灌湯餃有半隻手掌咁大，皮薄足料，一咬就好濃既瑤柱味，精華係鎖哂係餃入面❤️一滴都唔想俾佢流走😂鮮魷又係爽彈新鮮，啲汁浸住件鮮魷，令鮮魷好入味。🐒煎焗炸點😍👉🏻蘿蔔絲酥餅💰$42@3👉🏻咸水角💰$32@3蘿蔔絲酥餅皮薄之餘仲外鬆化，內綿密，要做到咁既水準真係買少見少啦，好值得一試👍🏼。🐒蒸叉燒腸粉💰$48芫荽同叉燒真係perfect match，腸粉皮煙韌，啖啖都食到所有野combine埋一齊，真係好足料🍖。😍🐒瑤柱蛋白炒飯💰$120炒得乾身得黎又唔油，調味係偏淡，所以可以食得出食材本身既味道，份量足夠4個人食

我睇到呢度評論都好好 所以好有期望 可能咁變左失望。 我叫左六樣點心 得蘿蔔絲酥餅同奶黃包比較好 其他都係普通 尤其燒賣 好實好實 好似未蒸熟咁。最重要係有個四眼短髮姐姐 搞錯同事意思 帶錯我地去另一張枱 點知係俾四個人 轉頭返黎斥喝我同媽咪坐返第二張 仲口upup話我地 我地都矇茶茶唔知咩事 不過我地都係想食完就走 唔想搞事 所以先唔出聲 未開餐已先受氣。。。

疫情好耐冇落過街食飯，今日突然好想飲茶。喺OpenRice搵咗陣見到依間未食過，所以打電話訂枱。本身諗住book，12:30不過full，最早只有2:30。可能大家喺呢個疫情度宅得太耐，大約2:20左右去到，唔等枱同執枱個情況比較混亂☹️不過負責安排枱嘅同事都好有禮貌，大約2:45終於有枱。嘢食基本上即叫即cook ，可惜。。。整體嘢食一般😔最基本蝦餃燒賣都做得唔好👎🏻點心蒸煮叫咗三樣嘢都。。。失望😩灌湯餃，叉開少少少湯都冇😅反而廚房出嘅嘢唔錯👍🏻京汁炸蠔有驚喜🤩鴛鴦炒飯係最好食😋焗西米布甸正常👌🏻