彩

营业中

休息中

星期六中午12:30排隊等了45分鐘入座，一蘭都排個半鐘，呢間值得等下，地點係又新街到尾轉右對面第一個街口建德街到尾，為了好野食，位置幾偏都唔係問題。正題野食方面，好特別既蝦沾麵，尤其我呢d好蝦之人特別中意，我男朋友簡了黑蒜沾麵，也讚不絶口，大叫“哦依試”， 自製麵底够彈，又成隻蛋上，兩位日本師父山長水遠來到香港山長水遠既地方，真係好有誠意，我一定多多幫襯，希望佢地生意愈做愈好，但如果可以有得排籌俾我行下街就更好啦

香港就是這樣，地產霸權，租金就是高得不合理，近幾年大家也不難發現很多餐廳食肆紛紛北移，落戶相對租金較便的新界區，因為某種特別喜好，元朗就是我倆常去的地方，不過香港始終是彈丸之地，交通便利，到元朗根本不是什麼難事，尤其是對於喜愛周圍找吃的我倆 其實元朗區的食肆也有挺多是卧虎藏龍的，就例如早前拜訪的壽司の神和焰拉麵也有不錯水準，今次又來，是拜訪開業不久的沾麵專店「彩」此店由日本人所開，聞說是老闆覺得香港還沒有一家令他滿意的沾麵店，遂關掉自己在日本的店來香港闖一翻，雷聲大，會否雨點小? 就來一試鋪位於建德街，不熟路的朋友會比較難找，就以元朗賽馬會壁球場作路標吧，未看到店，已先看到人龍十多人，約要等大半小時，屈指一算，鋪頭也就大概有十多個座位吧，沒什麼裝潢，就是傳統拉麵店的模樣，師傅也是來自日本，而能操廣東話和日語的店員則負責侍客店有自家的製麵機，果真誠意十足，而另一個賣點，就是會製作不同口味的麵條，就如我倆來幫襯當日，供應的就是麥味和檸檬味的麵條，聽說還有什麼菠菜呀, 柚子等等的口味會不定期推出，能否吃到自己喜歡的口味，也要碰碰運氣喇~只供應沾麵，也有三款口味選擇，分別是原味的豚骨湯,蝦湯底

在日本跟香港都有試過幾間沾麵的店，這次在<彩>點了黑蒜油味，麵質軟硬適中，但師傅只將煮好的麵篩了一下，並沒有瀝乾麵條；湯汁比較稀，麵條都不能將汁蘸上；配料充足，叉燒很薄也很肥，但半熟蛋是8成熟的.....總括味道還不錯，吃完麵最後加了清湯，全部喝掉也不會覺得膩。住在元朗的朋友說之前去<彩>的時候，湯汁是很"傑"的，不知道是否質素有下降，還是質素比較飄忽？香港的沾麵店不多，希望<彩>可以加油吧。

相信大家都知道元朗係一條食街，元朗也有好多日本菜，好似好出名嘅田中，喺五點就有勁多人排隊，但係依家去元朗出現了一間好傳統由日本人開嘅拉麵店。身為一個搵食一族嘅一員嚟講，當然要試吓佢嘅味道啦。一去到就要排隊，我中午12點去，己有五六個人排隊囉，但係彩只有六個位，所以差唔多要等一輪先可以食，不過睇住佢門面寫左大大個彩字，好有日食簡樸的風味。一去到佢就已經俾左杯凍水但我有少少失落，因為佢唔係一般普通日本餐廳咁比杯冰水今次呢間拉麵店只有四款，而且只有沾麵，沒有普普通通係日本同香港都食到嘅拉麵。今次我哋就叫咗一個黑蒜同原味沾麵加底(好大食)麵遞上你嗰陣時有個真係好香，有少少蒜蓉味，但係佔麵汁真係麻麻地，但一個喺香港其實已經好不錯，最令我讚賞就係佢個麵，同埋每一日都會出唔同嘅麵，佢一咬係好烟un同有麥香嘅氣味，係我識嗰個香港咁多間拉麵店佢嘅面係最好食嘅。日本比較：6/10同香港比較：8/10

＜彩＞ ，這是元朗沾麵店的店名！小妹從姐姐口中很悉這家店，沾麵對於小妹頗新鮮的。小妹只知道銅鑼灣有所名店沾麵，本打算和朋友一嘗沾麵。昨日，姐姐傳來信息：今晚食＜彩＞好不？我說：不怕那朝聖的人龍嘛？姐：我放工會早些排隊我：好吧，我也想朝聖一下。就這樣，我倆加上姐的同事就來到＜彩＞拉麵。那朝聖的人龍在開店的半小時已經湧現，我們剛好是第二輪的頭位客人。 我們等了又等，差不多半小時終於入座了。店內的裝飾很有日本風味，全部人也是可以看見師傅在準備食材及燙麵的過程。只有十多人的位子，店內食客也是坐很親密的。蝦沾麵$83 驟眼看已覺得麵的份量多得誇張，麵條是自家製的，店內設有一部製麵機，這夜就是麥麵及紫菜麵。我點了麥麵，每條麵都帶有嚼勁。麥麵帶點啡色點，但麥麵並沒有很重的麥味。我反而欣賞麵條的彈牙口感，作為沾麵簡直一流。濃稠的蝦湯，應是用蝦頭熬製很久吧！但這蝦湯並沒有過鹹的感覺。相反每啖沾麵也能享受到蝦湯的鮮味，湯底看似油膩卻嘗不到半點油膩感。配合的食材也很也俗，兩大塊叉燒、溏心蛋、荀、蔥花及紫菜。這家的叉燒不算厚實，不過肥瘦分明，脂肪位不會膩口，反而帶點脂香。瘦肉的紋路也後清晰，叉燒入口有溶化

作為一個香港人, 其實有時候宅女都覺得幾慚愧, 皆因從小到大都只會在九龍或香港島活動, 如非必要真的很少會到訪新界. 但近年常聽見身邊不少友人都說因為香港九龍區租金越來越貴, 不少餐廳老闆都開始選擇在遠一點的新界區開店, 最主要當然是貪其租金便宜了, 但不要少看以為新界居民的消費能力, 遇著好吃的店子/餐廳, 分分鐘一樣會大排長龍. 像這家去年底才開業的拉麵店彩便是其中一個好例子. 一直久聞此店水準不錯, 但苦無機會前去試試. 正好早陣子因為要來看醫生, 所以順道來看看.這家拉麵店位於元朗的建德街, 對於在元朗區是個路盲的宅女來說, 最佳辦法還是要找GOOGLE MAP帶路. 店子原來位於元朗賽馬會壁球場對面的一條小小的橫巷內, 車子也不能駛進去, 如果不是特別前來的話, 基本上也相當難有機會會經過此地. 不過這家拉麵店由去年十月底開業至今, 風評一直不錯, 所以就算宅女周末中午來到門口時, 巳看到有條為數十人的長龍了.等了大約三十分鐘左右便可以進入店內就座了. 踏進店內才明白為何要等那麼久, 原來店子地方真的幾細, 沒什麼裝潢, 簡單的就是一個開放式廚房, 前方只有一列吧台位置, 數

用心的沾麵小店，用料豐富，湯底夠香！當日我地食左黑油湯底同粟米牛油，黑油幾清，無食左好飽既感覺，粟米牛油就較濃！不過舖頭唔大，等候時間都幾耐，大約90mins.

因為係沾麵愛好者 同男朋友山長水遠入黎鋪入面坐位唔多大排長龍 所以係門口等左70分鐘 雖然好貼心咁放左幾張櫈係門口 但係有條坑渠係隔離 所以無論你坐係到等定企係到等 都會俾蚊咬差唔多入坐之前 店員會出黎幫大家落order 我叫左黑油沾麵 麵要紫菜麵 喇喇喇 佢特別之處就係個麵有幾款選擇。個湯唔太結(好怕漿糊咁款ge湯)，雖然叫黑油 但無個種封喉感覺。份量對男仔黎講可能唔夠 因為我夾左幾住俾男朋友而家香港有好多間沾麵店 好多試過一次就算 無咩深刻印象 但係 元朗- 彩 係會令我再想去食

沾麵最近興起，唔想去銅鑼灣排隊，就嚟元朗哩間隱世沾麵店。夜晚差唔多9點嚟到都係要排隊，前面仲有5,6個人，望住入面就更加想食。 門面好有日本feel,有少少神秘嘅感覺。好喜歡道木門，兩邊都可燙開，方便進入。大約有十個位，全部都係吧枱，可以圍住師傅望住佢地準備食物。 好喜歡可以望住師傅整食物，可以睇到師傅嘅認真。見到師傅全神貫注咁準備食物，準備湯時好似對待藝術品咁，睇到我好想品嘗一下。因為已經好夜，只有麥麵。 麥麵彈牙有咬口，而且做得好乾身，麵唔會一pat pat。一份麵都幾大份，食完會好滿足。有四款湯揀，今日試左蝦湯同黑油湯。 蝦湯真係好濃郁，雖然無蝦肉，但依然好鮮味。因為有豚骨湯底，所以感覺好日式。 黑油湯味道較濃同鹹，不過因為係沾麵，唔係湯麵，都可接受。湯底有好多炒香左嘅蒜，夾埋豚骨湯好惹味。另外食材好新鮮，筍好鮮甜，豚肉啱啱半肥瘦，但肥肉部份不肥膩，同瘦肉一齊咬，互相中和。沾麵嘅湯都比較偏濃，所以食到中途都有加入店舖自家製嘅檸檬醋，味道酸微微，好清新。天氣開始回暖，唔想食湯麵咁熱，沾麵係不錯嘅選擇。味道，質素同外貌都令人滿意，此店必定再訪。

又黎到一星期一次的假期~入開去元朗, 見依間新開, 就去試下, 一開始見到碗湯以為好少, 原來個麵底好大, 叉燒望落好多肥膏, 但食落又唔覺肥~ 整體黎講都幾好食, 只係隻蛋唔夠入味. 而且份量好多, 食到一大半已經覺得好飽~

落雨濕濕，就唔行咁遠食Lunch.知道响附近開咗間日式拉麵店！就近近地落去視察下環境！無諗到咁凍又落雨的下午咁隱蔽的小店都要等位！望入去格局同日本拉麵店一樣，L型的枱，有十個座位，客人圍住厨師食麵！厨師就在客人面前製作食物！店內有三位厨師，一個待應。响等位的時候，待者出嚟幫我落單先！小店售賣的是沾麵，沾麵汁有三個選擇，骨湯，蝦湯，黑蒜湯，而麵方面，有椰菜麵，麥麵！小店除了沾麵之外無任何其他嘢賣了！哈哈！而我選擇了，黑蒜湯加椰菜麵，等了大約十五分鐘我就可以入座了，只須要等了二分鐘左右就有麵食啦！一位厨師淥麵，一位厨師湯汁。因為係沾麵的關係，湯汁跟麵分開上，麵係熱嘅而且很乾身，湯汁內有一片紫菜，温泉糖心蛋，兩片义燒！湯味道很濃郁，而麵亦十分彈牙！义燒肥瘦適中。當你食完麵之後，待應還會在你的沾麵汁加上湯，等你可以飲個湯。順帶一提，店中我見到製面機！相信小店的麵係店家自家製的！

日本近期流行的食麵方式...已經不再局限於拉麵烏冬...而是濃濃湯味的沾麵...所謂沾麵…就是湯和麵分開…將每一口麵沾上濃湯來吃…這樣就不會因為麵放在湯裡太久而變腍變糊…雖然沾麵已流行了兩三年多...但這股颱風直迫香港而開的麵店並不多...但想也想不到的是...居然會吹襲到元朗這片鄉土來...這間名為<彩>的麵店...店子雖小...但排隊人多...店內只得10個位...相信排一round至少要花半小時以上......奈何<彩>是日本人當廚師的...日本人的要求一向是那麼高...相信會有一定質素的保證...又怎會叫人不願意等了又等！！慶幸今天天朗氣清...在沒有票子記錄底下...只有呆呆地在門口不遠處站著...好不容易過了35鐘...才可以步入狹窄的位子...這是一個角落位置...招財貓正向著我笑著揮手呢！！！由肉眼所見...師傅有2位...侍應就只得1位...店內無時無刻都是全場爆滿...實在是忙過不停...在我安頓下來不消十秒鐘...濃烈的豬骨味正從左邊的大鍋子飄過來...原來師傅每隔一段時間就要攪拌一下...這証明材料是不停地煲了又煲…才可做到這麼濃

真正日本師父主理。款式吾多, 主打沾麵。只有三個味道, 豬骨, 蝦及黑油。其實沾麵一直不是我杯茶, 因為一般麵質都比較粗吾夠彈牙, 而且湯底很濃。吸引我去這個地方是可愛的聖誕特別牌雪人波子汽水及綠茶可樂。試過後, 綠茶可樂其實無嘜特別, 比一般可樂味淡, 無嘜綠茶味。味道一般。反而沾麵有驚喜。由小麥自家制成的麥麵, 有淡淡的麥香味, 麵條質地彈牙。點了蝦及黑油味湯底。蝦的湯底充滿濃濃的蝦殼味道, 而黑油就充滿濃香的黑蒜味。兩個湯底都比較油。所以一般都會供應生果醋給客人自由加入去淡化油膩的感覺。總括味道吾錯, 湯上的紫菜顯出小店的心思。喜愛沾麵的朋友一定要試試。

睇到有人分享呢度既沾面好食又唔會好咸，仲話隱世面店，就試試啦！波子汽水造型好聖誕。有檸檬醋同辣椒油可以調味。醋除咗檸檬仲有橙既物體同提子，味道好 fresh.是日西蘭麵，聽聞自己麵機整出黎，質地彈口 但食唔出西蘭花味，食既係健康既感覺吧！黑蒜冇出面既拉麵店咁咸，而且有料到，個個面都跟左2塊叉燒同一隻蛋呢都算流心但唔糖心，有少少怪味。蝦麵，超好味濃濃蝦味，食左一半其實好飽，因為湯好濃郁，面份量都多， 筍清爽冇臭味，一口湯加蔥同叉燒食，好感動。食到最後可以加湯黎飲，但因為淡左所以味道冇咁出，都係中意加醋提鮮！美中不足係可能大開左門，店仔細細好食啲冷風，未食完啲湯都唔暖了！

聽聞元朗出現左一間以唔同限定口味麵條做賣點嘅沾麵店。 所以身為拉麵迷嘅小弟當然要試一試依啲特別嘢啦~~~以下會介紹店家其中一款口味嘅沾麵：「黑油沾麵」賣相方面: 自製嘅「彩」字柴菜。有心思~另外店家用左香港少有將配料放落湯度嘅做法。 雖然賣相變得單調...但係小弟就比較鐘意依種做法~咁做嘅話，叉燒同味玉吸收左湯底嘅味道，變得特別入味~讚!叉燒方面: 選用肩位部分，肥瘦比例約7:3。雖然叉燒本身冇做到咩特別處理，勝在肉身鬆軟，唔「鞋口」~加上薄切而且已浸湯嘅關係，令到叉燒多左一種黑蒜油味~唔錯!味玉方面: 流心效果尚算可以~因為味玉已浸湯嘅關係，吸收左黑蒜油嘅味道，惹味!麵條方面:自家製麵機製成嘅麥麵。為「幼麵」。當晚已賣晒限定口味嘅麵條...實在可惜...唯有試基本口味嘅麥麵。麵質唔錯，入口仲可以感受到微微嘅小麥味道，但係就俾小弟發現一個非常嚴重嘅問題!問題就係麵條有殘餘水份!處理沾麵嘅麵條係唔應該有多餘水份。因為用多餘水份嘅麵條黎沾湯就會影響湯底本身嘅味道!此舉證明篩水動作做得不足!如此好質素麵條就此浪費...湯底方面: 黑蒜油配豬骨湯底嘅組合。聞落去有陣陣黑蒜油~黑蒜油比例略嫌重左