彩

营业中

休息中

話就早幾日同幾位朋友穿州過省，特登走入元朗，重要排左成一個半鐘頭隊，就係為左食依碗拉麵 其實我係勁唔中意排隊既人，我一路排隊一路諗「如果唔好食我實鬧爆你🌚」，好彩佢總算沒令我失望😗 🔺🔻📌蝦沾麵🍜配自家制大葉闊麵HKD💰84:蝦湯一上枱就已經超香，飲一啖湯先！味道夠哂濃厚，好正👍🏼，闊麵超得意，好似平時食手工製既闊意粉咁，不過大葉既味道就食唔出啦，不過闊麵沾上湯後，連帶面層既蝦油，令到每條麵到有蝦油味，超正😎😎 🔺🔻不得不提佢隻溏心蛋超正，另外叉燒既油脂分佈適中，真係食完超滿足😊😊😊😊

今日山長水遠入元朗搵食！去左期待已久o既<<彩>>！！去到見佢門口得十幾人排隊，以為好快入得啦，點知一等等左成粒鐘。。。入到去發現店內完完全全就係日本小店的格局，十零個位咁，所以排咁耐都好正常的。 我地全部都點左<<蝦沾麵>>，而我選擇左配小麥麵。 今次呢碗麵，面質彈牙，蝦湯底醬汁偏咸，味道濃郁香口，再落埋炸蒜，都幾重口味，岩哂我口味！而呢碗麵最最最好味，唔係個麵，而係粒溫泉蛋同塊叉燒！溫泉蛋真係超正，咬爆粒蛋，個流心蛋黃滿怖口腔，個味道令人回憶無窮！而塊叉燒都幾大塊，肥瘦均勻，肉質JUICY嫩滑，非常正！另外，間餐廳o既沾麵係由兩位日本師傅制作，感覺好地道，加分加分！誠意推介比會去附近食野ｏ既朋友！

原味沾麵配黑胡椒麵 | 蝦沾麵配小麥麵.先說麵條 店內有製麵機新鮮製作麵條 而黑胡椒麵的確嘗到淡淡的黑胡椒味 口感彈牙 但如果再煙韌點 就更對我口味 掛湯力屬中上 原味是豬骨湯 香味早在店外就已經聞到 但吃下卻比聞起來淡 加入店方所做的檸檬醋 更有清香 而蝦湯有濃郁的蝦油味 不錯! 叉燒是整碗沾麵中最出色的 所用的部位是較瘦的 但一點也不韌 反而做到了肥肉的軟淋 雖然沒有經過炙燒 但肉香味也突出 好食! 至於半熟蛋也是做的不錯 看上去顏色淡淡 但吃下是入味的 當然可以再濃郁點吧 蛋香濃 半熟程度也拿捏得好 蛋黃呈半熟啫喱狀 而非全流心good!

說來慚愧，我身為元朗人，卻接二連三有朋友向我介紹「彩」的沾麵，就連家住港島的好友都有吃過。好奇心驅使下嘗嘗這日本過江龍。晚市於六時開始，我生怕沾麵售罄，五時半到達位置偏僻的隱世小店。嘩，已經有逾六七個食客在排隊。六時正，晚市開始。湯底有三款：豬骨、蝦、黑油。今天可供選擇的麵條亦有三款：小麥麵、紅辣椒麵、黑胡椒麵。替肉或額外配料則各人投其所好。非常簡單易明。本人嗜辣，選擇了紅辣椒麵配豬骨湯的沾麵。麵內配料簡單：叉燒、味玉、筍。先品嚐一口麵，頭湯帶有非常香濃豬骨熬出的肉骨香，這種咸香味隨口感彈牙的沾麵掛汁而上。紅辣椒麵彈牙，而且每一口亦滲出紅辣椒的辣椒皮香。叉燒肥瘦均勻，脂肪部分滑嫩。稍感膩口時，可加入店家自製的檸檬醋到沾麵汁吃，酸味的刺激感隨即提昇食慾，胃口大開。特喜歡味玉，柔軟，切開蛋白後蛋黃隨即流出。頭一次喝綠茶可樂，味道頗特白，終明白店家為何不賣最傳統的飲料可口可樂。

元朗食店實在太多，要知邊間好味都好難。今次好在有人介紹，去到日式沾麵店，彩因為我中午去，所以比較少人，立即就可以入坐。店入面裝修簡單，無大花巧。 湯底有三款，豬骨，黑油，蝦， 而我就選了蝦，之後原來麵條都可以選，有麥麵，同胡椒麵，我就選了胡椒。喺等麵的期間，我發現店入面有製麵機，原來麵係店舖入面自家製作的，加分。 麵終於上枱，湯入面有义燒，溫泉蛋，荀，一試個湯蝦味濃郁，再沾上胡椒味麵，非常配合，麵條彈牙，個溫泉蛋都好流心，入曬味。 最後食完個麵，侍應問加唔加湯，我當然唔客氣，加左湯，無咁濃，之後就飲曬D湯。$80幾蚊就有咁既味道，真係無介紹錯

無得輸嘅沾麵!! 必食!!今日叫左蝦沾麵，小麥麵條。濃而不"漏"嘅湯，我覺得份量剛剛好！湯入面嘅义燒完全唔乾唔老，非常淋身，好重肉味，正。麵條彈牙度適中，合我喜好，不太硬亦不太淋，係有彈力嗰種口感。隻蛋!!!!好Q正呀唔係講笑!! 塘心而且好夠味!!就算湯係濃都唔會蓋左蛋味!!入去坐低到食完唔洗15分鐘，因為一食第一啖你就唔會想停，適當嘅份量就係當你食到最後兩啖你就會感覺到飽同滿足，令你願意放低筷子。總結:好味到就算喺柴灣入嚟元朗食都值得!!

近日出現了一陣寒流, 氣溫一天比一天低, 終於到了最冷一天, 原來亦是香港五十九年來最冷一天, 還好今天是星期日, 很多人也的休假的日子, 不用在嚴寒上班上課那麼辛苦, 我居住的新界西區, 最冷只有2度, 在日間, 溫度也未見得怎樣回升, 徘徊在3-4度之間, 於是就一直窩在床上。因為晚上我們都沒什麼好吃, 去到元朗 選了沾麵「彩」, 店內位置非常少 常常要等位的 師傅似是日本人。沾麵只有三款, 原味、蝦和黑油, 價錢都不算貴啊。綠茶可樂 $18綠茶和可樂原來可以做朋友的這個雪人樽好得意, 原來是波子汽水來的.水杯用上膠做的杯, 不知怎的拿上手很不舒服, 像掌控不了這隻杯, 還是用玻璃的比較好吧。拉麵選了一個菠菜麵另一個是紅椒麵兩個麵都滲出淡淡香味, 麵似是新鮮製成, 有彈性煙靭蝦沾麵 $83 有很香濃的櫻花蝦鮮味黑油沾麵 $80 豬骨湯底加上黑蒜油兩者中較愛櫻花蝦, 因為味道較突出!叉燒肥瘦適中半熟蛋十分出色, 好流心而柔軟, 並且是味付的, 每碗麵都有一隻不用去日本, 也食到似是日本的地道沾麵風味, 還要在家附近, 吃美食, 有時會令人覺得, 在香港也像到處去旅行般, 很幸福。

每年的二三月總是我最懶提筆的時候，因為忙着好好渡過一連串的農曆年、情人節、男友生日，還有週年紀念。前幾天終於空閒一點，終是找了在元朗工作的B君聚聚舊，也就想起了這間說過要去卻一直未能成事的麵店。彩主打沾麵，只賣原味、蝦和黑油三款，價錢由$78~$83不等。小店有兩位日籍師傅坐鎮，晚市18:00開始營業，我們18:15來到，雖然天氣很冷，而且下着毛毛細雨，但門外已經有11人在排隊，算是該區的人氣小店之一。店內提供的飲品只有日本產的波子汽水和綠茶可樂，擺脫了可口可樂的宿命，令人有點意外。前者其實是提子味梳打水，後者樽身呈綠色，招紙帶點懷舊感，加上寫着「靜岡縣」，自然令人產生「靚茶」的聯想。扭開瓶蓋，相當夠氣，入口茶味不算濃，但與汽水味平衡得還算不錯，挺過癮，逗得我多買了一瓶回去 (後來朋友說元朗附近的士多也有售)。來這兒的大多數是熟客，如果對麵條的軟硬度、份量有特別要求，記得跟店員說明。四月點的是原味，紫菜片像紙雕一樣呈現店名「彩」的字樣，瀟灑的形態，比一般用食用噴墨印出來的傳統長方形更吸睛。整個沾麵，其實湯汁不多，但麵的份量對女士們來說卻不少。麵條有原味小麥麵，還有一種比較特別的是胡椒麵

店鋪位置難找，晚上去到的時候已有長長的人龍。等了大概1個小時，方能就座。店子由日本廚子打理，座位不多，卻有一種親切感。餐牌沒有太多選擇，有黑蒜及蝦湯，最後筆者點了一個蝦湯沾麵。鮮！湯頭味道十足，筆者嘗了一口湯的第一感覺，能頭感受到廚師用了很多蝦頭蝦殼來出味，湯味道濃而不會太鹹。湯上的紫菜有一個彩字，正是此店的名字。麵條則較粗，但掛湯力足，韌度也不錯，是手工製的。整碗食完後則加高湯變成蝦湯，一滴不剩，完食！

要開住地圖先搵到嘅舖仲排足成個鐘先有位 好在無令人失望廚房由2位日本師傅煮理 師傅雖然少左份日本人嘅熱情 但至少係正宗當地手勢難得喺香港食得返日本嘅味道 講返麵叉燒厚 肉同脂肪比例平均 炆得林唔油膩橙皮麥麵淡淡嘅橙香浸過湯都唔會被遮蓋 有驚喜 麵質彈牙黑蒜油湯開頭試飲可能覺得唔夠味 但越食越覺得香口 味道好足 食到最後都唔覺鹹同膩黑胡椒麵略嫌唔夠突出有d淡 原本預期會有d胡椒香同辣蝦湯好濃郁 飲得出好足料 鍾意重口味嘅1定要試個人認為蝦湯配橙皮麵 黑蒜湯配胡椒麵會比較合適

小妹之前係元朗返工果陣都係"彩"既常客黎,無他既, 因為佢開係舊公司附近 哈哈 就變左公司飯堂啦 講返正題,已經幾個月無黎過食,咁岩舊同事話想食,好! 即刻就去左食!咁耐無黎, 唯一無變既... 係都係有咁多人等食  講下個麵先...我每次黎指定叫既蝦沾麵 $83店員話小小辣既湯底~ 但對我呢個都唔太食得辣既人黎講都唔係辣喎??  但就好鮮味D味好出叉燒依舊入口即溶,又唔會太肥岩哂女仔! (唔怕肥哈哈)不過最正都係流心蛋! 咬到一半慢慢流出黎!!超級正呢! 而麵身就揀左黑胡椒, 好香好好嚼口!浸落濃濃既湯底裡面真係一絕!反而試過黑油我就覺得太濃味唔岩我,豬骨未食過唔評論~食完暖粒粒~ 我同朋友都好滿足呢!

今日晚餐罕有咁有朋友話帶我去食，開車去到目的地附近，有大量咪錶位，亦有咪錶停車場，非常方便泊車，泊好車，步行一分鐘到店舖外，見店內滿座只好係門口等，友人表示，平時依家麵店排隊要排十多人先入得，今日我地早到，所以先有頭位排，友人講完無3分，已經有7，8個人排係我地後面，依刻令我覺得，依家麵店應該一定好好食。     大約五分鐘，剛好有兩個位騰出，入到店內，裝修簡單而潔淨，煮麵師父用上正宗日文歡迎，店員快速递上點餐紙，我點上最簡單既白湯加义燒，拉麵選了黑胡椒拉麵。點完餐，望望周圍，店面細，逼，之餘，見到面前既一d將會供給客人使用既碗，有不小污積，依下真係對依家麵店扣晒分。     大約十分鐘，主角出場，首先係一碗濃湯加餸，另面係大大份既拉麵，首先要一讚既係份量，麵既份量比平常食既店多好多，用$15加既兩塊义燒亦有4塊厚切。睇完之後開動喇！麵又係一讚，黑胡椒麵只係滲出好淡既胡椒味，無搶走湯味之餘，仲非常咁夾，最後一讚既係义燒，肥瘦比例均勻，咬落有鬆化同入口既溶既感覺。     今餐就係黎講非常滿足，正宗日本人煮日式拉麵非常好食，只可惜衛生上有小小瑕疵，最後又一個可惜既係，沾麵唔係人人啱食，好

是日放工走去食 "彩", 已經第二次光顧, 第一次是開張幾日後去食,但已經忘記味道...今天6點到達店鋪, 已經9成滿, 只得兩個吉位,於是坐低但無人招呼, 全店只得一個店員。因為不是時常光顧, 看不到餐牌, 後來發現眼前貼著一張簡單餐牌。一陣子又有一個男人坐我隔離, 店員過來介紹餐牌, 分沾麵(原味豬骨), 蝦沾麵(蝦豬骨),黑蒜油沽麵,此是湯底, 分麥麵及辣麵, 我喜歡辣但又不知幾辣, 於是選擇了蝦沾麵湯配麥麵!! 店員給了我一個杯飲水, 竟然是冰杯, 很開心, 又發現冷氣好大, 夏天簡直一流。眼見四圍的食客還沒有食物,於是擔心有排等,但是好快到我, 大約10分鐘內。兩個日本師父是企在前面煮麵, 每整完食物,就會遞給食客, 幸好店員好體貼,知道我是生客又女仔, 主動幫我遞餐。終於開動,沾麵是分開湯及麵, 麥麵份量多, 一個細食女仔是吃不完的, 而我不是一般女仔, 我當然食哂! 麵質彈牙有質感,配上蝦豬骨湯,很好味, 湯只有一少少蝦味,濃郁湯底, 飲了兩口,不是所講的超咸, 配著麵就剛好。 一開始愈食愈快,因為怕湯凍了不好吃,湯麵中有兩塊叉燒, 少肥, 厚度適中, 不鞋口, 有蔥蒜,

史這天突然說想念這裡的沾麵，恰巧我倆都能準時下班，於是又來這裡排隊吃沾麵了。每次晚上經過這附近，都會看到這裡有長長的人龍，這晚也不例外。其實史詩已經是第二次來這間店了，這次大約排了半個小時，然後就入座了。希望排隊時間不變之餘，食物水準也能保持吧。 排隊排到差不多的時候，就已經有位店員小姐出來為我們下單，所以入座後不久，吧台後的師傅就準備好我們的食物，送到我們的手上了。 史點的是蝦沾麵配今天的限定麵種－檸檬麵。蝦湯的香味聞起來首先令人聯想到蝦醬的味道，但嚐起來其實是較像西式的龍蝦湯，鮮味濃郁。另外，檸檬麵初入口的味道跟小麥麵很相似，但咀嚼後會有淡淡的檸檬皮香味回滲出來，感覺清新。  史:這間沾麵店的麵,口感真的絕佳,兩次光顧都有不同味道的麵供你選擇,能夠保持一定的新鮮感。可能因為每天限量制造的關係,最多只有三款。特別的麵的味道一般都不會太濃,以今次吃的檸檬麵為例,不沾湯吃可以清楚品嚐到店主在這麵上所下的功夫,無論味覺和嗅覺上都十分清香,但在濃湯的衝擊之下其實並不會太突出。詩詩點的是沾麵配小麥麵。略帶乳白色的豚骨湯，豬骨味濃，入口順滑，不會嗆喉嚨，配上煙韌彈牙的小麥麵，組合簡單但非常美

平食lunch，等左一陣有得食，我選麥麵，蝦沾湯，叉燒追加！麵既質地有咬口但吾會太硬，湯係湯，但果重咸味我接受到，叉燒已追加但我吾多夠喉！😝😝😝😝😝😝😝😝😝😝😝😝🤗🤗🤗🤗🤗🤗🤗🤗🤗🤗🤗🤗