彩

营业中

休息中

之前專心寫食譜，實在很久沒寫食評了，加上工作太忙就沒再整理食許放上網頁去。現在比較沒那麼忙，又可以寫食評~希望大家喜歡我的介紹大大的一幅「彩」字氣勢十足的掛在門面，拉開門雙腳踏進店面，還真有種經過隨意門跑到了日本拉麵店的感覺。店面小小，L字型的食桌圍著開放式廚房，食客坐下便可以看著師傅準備自己點的沾麵。彩 的沾麵湯底就3款，沾麵(豬骨湯)、蝦沾麵、黑油沾麵。每碗沾麵附有2片义燒、味玉(唐心蛋)、筍和海苔一片，客人可以按自己喜好追加麵或以上配料。 另外還有不同味道的麵給客人選擇，聽說師傅不定時造出特別味道的麵限量發售呢!今次小紫點了蝦沾麵 配 黑芝麻麵，因為小紫不喜歡太硬的麵，所以下單時便要求要林一點的麵。濃湯小小的一碗精緻無比，由碗邊留空彩字海苔到置於湯上的蔥絲無一不吸引。湯汁一入口，非常濃郁的味道充斥整個口腔，沾麵軟硬適中沾上湯一起吃味道剛剛好。蝦湯的味道濃郁帶點點焦香，感覺有點像龍蝦湯，更像沒辣味的喇沙，腦中想像有數之不盡的小蝦在跟我的味蕾跳舞。喜歡濃厚味道的朋友真的不可錯過!喜歡香口的朋友，吃麵時可以加一點脆蒜和辣椒油。香脆爽口，跟爽滑的沾麵一起吃口感和味道又能帶比人別有洞天的感

今日試左大家力讚嘅「彩」， 之前聽到唔同嘅食後感，有人話好咸，有人話一般，又有人話個湯唔夠熱，所以都係抱住一試無防心態去試~ 店員好詳細咩介紹各款湯底同麵食~ 湯: 分為原味，蝦，黑蒜油三款麵: 麥，紫菜幼麵，紫菜粗麵，粟米（無記錯係呢幾款)每碗沾麵已經包括左筍，兩片叉燒，一隻味玉~ 今日我試左蝦沾麵湯底配紫菜幼麵~ 見隔離落order o固陣要加水，其實都想加~ 但又覺得可以先試味道再加都得，所以都係決定由原味湯開始試食，店內充斥著濃郁的豬骨湯味，落完order, 望住師傅細心烹調，等待食物送上~終於等到啦！先夾上一束麵輕輕沾上湯一起吃，感覺剛剛好，並唔係部分人講到咁咸，好香蝦味~ 再試埋湯內竹筍，唔會有難嗅的味道，很香很淋，叉燒雖然得兩片，但係好大片，好淋，好有肉香味，味玉是半熟，橙色糖心蛋王好味道~ 其實整體味道不錯，記完麵還可以叫店員加水沖淡濃湯，方便喝湯，如還覺得油膩，可加上枱上的柚子醋於湯內一起喝~其實整體感覺真係幾好味，好有在日本食麵的親切感，如果湯可以再熱點就更加加分最後試埋綠茶可樂去清新口腔，真係非常完美嘅一餐啊！

認著個門口，當大家以為終於可以一嘗日本小店拉麵…望下左手面既人龍先但等完你係會覺得完全值得，我初嘗試揀左原味豬骨沾麵我揀左甘筍麵。雖然味道同原味差唔多，好正既麵好實在既口感，好飽肚味玉嘩我見到有檸檬就加d落去，原來俾怕膩既客人落，但我就覺得幾清新呀綠茶汽水，都正吖全店只得十幾個位同埋受歡迎所以大家要等咁耐今次我真係期待左好耐啦因為上次來到發現佢放緊暑假，好失望，不過下次會睇定佢幾時放假再來…yeah

沒搞清錯原來彩是逢星期二休息的, 白走一趟後, 今天再準時十一點半到達, 不料還是一早有食客在等, 只好等第二輪, 但也是值得的, 因為吃過後實在感到名不虛傳.我點了一個黑蒜沾麵, 麵條要了甘筍麵, 麵條和醬料分開上, 醬料上有一個紫菜切割成的彩字, 很可愛, 裡面還有大大塊的日式叉燒兩塊, 筍條, 糖心雞蛋, 全部都是我喜愛的,  將麵條沾了醬汁吃下去, 麵條彈牙又美味, 很快就吃光光, 別小看一碗沾麵, 吃完後好飽, 6個小時後也未感到肚子餓呢!除了吃麵, 還試了綠茶可樂, 不錯, 味道很特別也好喝.女侍應很友善, 會教我可以加檸檬醋吃, 不過因為個人不太喜歡醋就沒有加入了. 很希望有機會試到檸檬麵, 還會再來的 臨走時日本師傅也很友善地說多謝光臨~ 很親切的小店

位置&門面： 呢間鋪頭其實都幾難搵，唔係朋友介紹絕對唔會知有呢間餐廳，不過咁先稱得上隱世。呢間小店喺眾車房之中就好似漆黑入邊嘅螢火蟲一樣，門面唔花俏淨係雞乸咁大隻「彩」字擺喺門口 。體驗： 號碼牌黎講就冇得比你攞嘅，跟住條隊尾就得。 今日去到見到有六七個人排緊隊，等左30分鐘入坐（聽講已經叫賺左），就輪到嘅時候，侍應就叫我地落定單，基本上同一般嘅日本拉麵店一樣食品選擇較少，都係 「白」、「赤」及「黑」三個湯底配當日嘅麵種，今日係小麥麵同金荀麵；餸就已經包括糖心蛋、荀、叉燒和特色紫菜，考慮時間只有幾秒，建議諗定再聽下當天special再扑槌。 一入到去第一個感覺如上咗天堂（冷氣超大的，一眾港女可以安心），因為企喺街等又曬又熱。小店絕對係麻雀雖小，十個坐位均坐滿香港人，加埋三位操日文嘅日本廚師，彷如置身日本一樣 。食物：我哋揀咗黑蒜油味同埋原味豬骨。 先講個湯，黑蒜油味濃香滑，重口味人仕必選而豬骨湯亦相當濃郁，兩個湯都好厚身，沾麵份量頗大，麵既有𡁻頭又彈牙，糖心蛋係由心入邊甜出嚟，叉燒肥瘦適中 ，香港有咁多間日式麵店，呢間確實能夠同日本當地麵店媲美，相比起老千拉麵一x拉麵等等，這是一間值得

第一次來食, 來之前打來問過, 知道收3點, 所以12點幾就出發了.舖內只有11個座位, 每轉人入去後, 就要在門外乾煎靜候.好在門口位置比較當風, 未至於又曬又熱地乾煎.等了足足60MINS, 終於入座了.1.  麥麵配豚骨湯麥麵據說是店家自製的, 有淡淡的麥香.第一次食沾麵的我, 覺得幾有趣. 微凍的沾麵, 配熱熱的湯, 一啖一啖咁食.追加了叉燒, 十分抵食. 實際價錢忘了, 就像是$15-20左右. 有2片.美中不足就是, 就算一開始已追加, 叉燒也是另上, 亦即是凍凍的. 一旦吃到一半才追加, 叉燒就唯有凍食了.2.  麥麵配蝦湯這個我就沒太大喜好, 試了一口湯就算了.此店的味玉是配在麵里的, 不用另外散叫.而店更有幾款特色波子汽水及綠茶汽水, 每款$18, 一試也無妨.食到最後, 店內唯一樓面女仔, 會問是否需要加水落湯, 將餘下的湯飲光.不過我個人覺得, 這位女仔的數口較差, 因為她為我們埋單, 錯了3次才正確, 每次都計少了.題外話, 店舖細細, 竟然附設洗手間, 出奇地洗手間是十分清潔. 值得一讚.

同老公搵咗呢間“彩“已經有3次了！一直搵唔到，原來在附近兜兜轉轉，好彩不用搵第四次一搵到就已見大约有10人在等吧！等咗约45分鐘！一入到去只見有很多食客食剩很多？心想莫非唔好食或分量太大？我要了最普通豬骨湯，老公要了黑蒜湯！分量只是一般，紫菜幾有特式！叉燒不太肥，不錯！我喜歡！麵條颇彈牙;不過兩款沾麵味道唔多啱我口味，好鹹！可惜！所以我也吃剩了很多！

一試便知難忘～😋😋😋傳聞中嘅沾麵終於試到，諗住一早未開門去到一開門就有食，點知你早有人仲早過你，好彩緊緊入到去，我鍾意日本人主理嘅小店，雖然地方細坐得唔太舒，但係呢啲就係佢哋嘅特色，可以一目了然由麵條到湯底都感覺到老板都好用心製作，只能説真係好好味，老友邊吃边說好正一定要帶老婆嚟試吓，事隔多天老友依然經常提住好好味真係好正～所以真係一試便知難忘，一試便知回味！～緊記一定要試佢地嘅綠茶可樂😋😋😋

屋企附近建德街新開了一間食沾麵的小店，好想去試一下。第一次平日放工去，七點到達，人龍已經排得很長！第二次再排，提早一些六點半到達，人龍依然很長！大熱天時於戶外排隊，雖然太陽已下沉，但高溫依舊，光是站著都已大汗淋漓，我倆自問是沒耐性又怕熱的人，所以兩次都放棄！ 星期日決定再戰長龍！六點去排隊！到達時已經有人等候中，幸好我們排第十，應該第二輪會到我們吧！更慶幸我們早排，因為十分鐘後，後面的人龍已經不斷有人加入而很長了！為節省等候時間，店員會為排前面的食客先行落單，好讓食客一坐下就可以用餐！原來此店只有三款沾麵提供：原味沾麵，蝦沾麵及黑油沾麵，麵方面有兩種，麥麵同辛麥麵，而我們選了原味及黑油配麥麵。等了20分鐘終於到我們了！門口掛着一幅鮮藍色掛布，上面寫著白色的店名：彩，簡單易認又具日本色彩！推開木框玻璃趟門進入店內，兩位師傅即以日文歡迎我們！店鋪面積不大，只有十個位，以L型bar台圍著開放式廚房，裝潢非常簡單，好日本家庭式經營的小店。只有兩位師傅和一位店員，但無損上菜速度，很快麵食已送到面前！原味沾麵，先喝下一口湯，味道不是太濃但頗為杰身，細味下還有柚子的味道！黑油沾麵，很濃郁蒜香味的湯，

排隊排1個多小時無白費。最近元朗區真係多左好多隱世小店，真係好難揾，元朗人都真係未必揾到。呢間小店近合益路，大概新b 仔後面，近24惠康附近。 過橋麵檔果條行直入，壁球場前面有間甜品店，甜品店轉角就係，好多人排隊。至少都排成個鐘，差唔多排到既時候店員會幫你點餐。這小店只係有拉麵無其他野食有黑蒜湯底同普通湯底，2個都叫晒。叫左綠茶可樂$18 黑蒜湯底，一試便愛上這味道。好地道既日本拉麵，相比一蘭拉麵，我更愛這小店的黑蒜拉麵，這味道真的很難忘，配菜的荀清甜爽口得讓我很意外，平時在美國的日本餐館我都不愛吃這些荀，因為普遍都係偏硬身。這個荀真係太好食喇。隻蛋係半溏心蛋，我幾喜歡這個質感。留意到餐廳所有調味料都是日本的，完全好似身在日本享受緊拉麵咁。麵的份量很多，女士食唔晒最好叫少麵，如果唔係食唔晒真係好唔禮貌，尤其是大廚就響正前面煮野同收碗。。友人點的普通湯底，佢無俾comment 我 日本人大廚好有禮貌，入去一定全部人同你打招呼，埋單又全部人同你講多謝。是次晚餐很滿意。

閒日早場11點半去，唔洗等位！Today's special係粟米牛油味噌，實在太太太好味了個湯底啲牛油好香、好濃，粟米係咁原條切，一排過，好特別！麵質夠爽口，夾晒個湯底！雖然係貴咗少少，但日本食粘麵都差唔多價啦！

6點開鋪...我5點10到左 岩岩好排到最尾個個排後面既人要等我地個round食完先入得因為店好細 得11個位架咋!要食既話早d排隊吧 5點9好去到喇!!!!!!!!湯底有3類,價錢都不同的 (原味,蝦味,同黑蒜蝦味)面就分2種, 原味麥面or 甘荀面(唔係日日有)我揀左蝦味湯底+甘荀面!原來面既分量係好多... 開頭我仲以為會食唔飽湯入面有1-2塊叉燒, 1隻溫泉蛋 同少量配菜湯底很濃郁 點面食真係唔錯!但食到一半就開始覺得好"漏"同重味左少少建議你食到1半落少少醋食會好d當你食完面後, waiter會加d水定湯既野落碗湯底到佢話淡口d 可以當湯飲埋佢但因為食完全個面已經好飽 飲唔晒值得1試!

見到呢間沾面店咁出名就黎試下，但睇地圖搵都搵左半個鐘，個位真係好隱蔽，唔識路好難搵到。講下個野食先，沾面有3個選擇，我就揀左黑蒜味，而且面底呢度係自家製，今期有辣椒面揀，但我就怕辣無叫，個湯幾濃郁，但就略咸左少少，塊肉就好正，有少少燒焦味，又林，最後加埋水飲埋個湯，正！

女友最近介紹了一間元朗有名的日式沾麵店給我，倆口子便在這個炎熱的星期六出發去品嚐。當日11點半左右到達，門口已有十數人排隊，結果我們足足等到第三輪才入座。店內一共有2位師父：著白色衫的那位是日籍，另一位是香港人。日籍那位不用說，我很佩服那位香港師父，在這麼熱的環境下仍戴著這麼厚的帽子在煮麵！檯面上放了各式調味料供客人使用。(左起：熟蒜、檸檬醋、辣油。)女友說這間拉麵店除了原味之外，每日都會有特別口味的麵以供選擇，於是我便選了甘筍麵一試。甘筍麵比原味麥麵深色，更有肉眼可見的甘筍粒，看來的確是真材實料。原味麥麵看上去和一般拉麵無異，咀嚼時可以感覺到麥香。終於等到了！店內只提供三種沾麵：豬骨、蝦及黑油。我們都選擇了蝦味湯底。沾麵湯中已包括蔥、紫菜、甘筍、肉碎、兩大塊半肥瘦叉燒、整個味玉等等 (基本上已不用追加餸菜)...是我吃過最豐富的沾麵湯之一。更有一層蝦油浮在湯上，愛蝦之人一定不能錯過。和其他拉麵店相比，這款可樂比較少見，便一人一支試試。感覺不太像可樂，反而像說不出口味的波子汽水。總結：店內環境非常狹窄，座位亦只有十個左右。而且該店十分公平，若前面有4位客人正在輪候，即使店內已有2個空位

元朗愈來愈多各式各樣的美食, 隨時有間在左近。食肆多, 人口亦很多...今日來到了一間位置較偏, 建德街一間日本小店 -- 彩。好簡單的一個字『彩』, 自家制日本沾麵。店舖大門用上落地大玻璃搪門, 店內環境一覽無遺, 開放式廚房, L型的bar檯, 讓顧客與師傅更為親近,。門外掛有一塊落地大型藍色帆布, 上面印上公司logo『彩』,足足遮去半邊門面, 反令小店增加不少神秘感~開放中帶點神秘, 好一日本慣用風格,瀛!由於店舖不大, 只有十個座位左右, 店外已排上數十人...計計時間,每人用膳平均用上20分鐘....最少要排上20分鐘才到自己...為了一嚐沾麵之味,唯有叫腳仔爭氣些少吧!客人不用自己劃order紙, 因為差不多排到自己的時候, 店員就會行出門外幫忙落order, 只有三種沾麵湯底, 分別是蝦味、原味和黑蒜油味, 真的是簡單又直接! 今期手制麵條有兩個選擇, 分別是甘筍味和麥麵。朋友和我都選了甘筍麵, 選上蝦味及原味的沾湯底。店內環境簡單, 開放式廚房可見到師傅在客人面前烹調麵條, 一大煲的豬骨湯, 師傅每搞動一下, 店內的豬骨濃湯味更洋溢...上坐不到三分鐘, 師傅便遞上已