彩

营业中

休息中

今日剛巧細佬都響元朗放工，就拉埋佢試呢間新開的北海道沾麵。拉麵店的位置其實都幾偏僻，唔係響元朗旺區食肆一帶。一去到都有位，唔洗等。其實舖內的坐位大概得十多個左右。有三款湯底，兩款麵揀。我同細佬都揀左原味湯，係豬骨湯來的，湯不太鹹，食完唔會太口渴。我揀左麥麵，份量剛剛好。而本身碗麵已有一隻流心蛋，三塊叉燒。食完之後，店員有問洗唔洗加清湯。好味道。真心推介。

本來不是太"好"拉麵的我最近打聽到有日本人殺來元朗煮拉麵, 煮的更不是一般湯拉, 而是沾拉... 就這樣, 我就膽粗粗去會一會沾拉是什麼東西.人家說沾拉比湯拉更咸, 我反不太認為~ 來到這間小店, 門外掛了一塊大彩布就是店名「彩」~ 我覺得這店很踏實, 不花巧. 只有一張長桌給最多11人坐著食麵, 賣的亦只有麵, 沒有賣弄其他多餘的食物, 顯得師父很專心一致的鑽研他的沾麵.店內只有3款湯底, 我點了虾子湯配檸檬麵. 麵條由師父每天鮮制, 聽聞還有其他味道的麵條. 我是第一次食沾麵的, 師父煮好直接將湯和麵交給我 (好有日本風唷) 我偷看旁人怎樣食麵. HAHA 原來將一口麵沾上少許湯汁便送往口裡去~ 初時我都跟著步伐走, 中段已嫌麻煩將麵浸到湯裡去, 因為我想喝到更多的湯雖然麵條特別, 但我食不出有檸檬味道.虾湯好味, 有濃濃的虾味. 個人認為咸度接受, 還把湯喝清光 叉燒很分明的半肥瘦. 因為我看到師父是將一塊肥肉的一塊瘦的綁在一起紮實, 所以叉燒很好. 反而糖心蛋就麻麻, 不太糖心.其實我一直都不明白為何拉麵價錢要咁貴, 要成百元呢~?!

日式料理在元朗來講是很一樣普遍的事，不過大多都是以量取勝，亦即「大件夾抵食」，壽司就是最佳例子。車仔麵之類的話元朗倒是有好吃的，相反日式拉麵卻沒哪間好，而是次拜訪的，更是主打沾麵，是元朗所缺乏的。店面簡單沒任何裝飾，有的最多只是兩塊布，一塊藍色大大個「彩」字掛於門旁，簡單而搶眼吸睛，都不知該說這門面是低調還是高調。於元朗靜靜開張的彩，位置有點偏，位於壁球場旁的一條小巷，門外對出放有幾張木椅和一張木台，供等待中的人客坐下。木椅旁的小白牌上貼著是日麵條－－是的，店鋪除了基本的麥麵條外還會每日有不同味道麵條，而且全部自家製作，是日光臨為胡椒麵和蘿蔔麵。正在準備開店的店員未幾便拿出花瓶與卡片置於木台上，一旁更有一小卷以毛筆寫畫的「準備中」。店鋪於大約十一時半左右開門，當時門外都有好幾位客人，故此不多拍內在環境了，店內呈「L」型，裝潢簡單，全部都是吧台位圍繞廚房。如店鋪一樣簡單的菜單，只有三款湯底：沾麵（豚骨醬油）、蝦沾麵（蝦油）、黑油沾麵（黑蒜油），順便一提，每款湯都包括兩塊叉燒及一只蛋。台面上有自家醃漬辣醋與檸檬醋，亦有紙巾牙籤炸蒜，同時能流利說日文語的女店員會為客遞上一杯冰水。店內有三位師

本身唔係太好拉麵...但係細妹推介下一齊嚟試o下~ 店本身好細...所以要耐心等位~ 我地6點幾去到都等o左一陣...o係出面有menu...已經諗好o左食乜~ 今日有麥麵, 辣椒同檸檬麵~ 揀o左清新o既檸檬麵...黑蒜湯底 ($80)~ 等o左一陣就有得食~ 我今次係第二次食沾麵~ 就咁試o左一啖檸檬麵...真係好清新好得意~ 不過沾埋落d湯度就一定會俾d湯蓋過d味ga la~ d湯雖然都好濃...比起我o係西九龍中心食過o個間...呢度d湯無咁咸~ 雖然有dd苦...但係都超鍾意湯入面同埋可以自己加...超脆口o既黑蒜~ 我食晒d麵已經好飽...無再加水飲埋d湯lu...呢度隻溫泉蛋真係好好味好流心~ 份量都好夠~ 最鍾意佢有d自製o既檸檬醋~ 加少少落d湯度真係好開胃~ 解膩一流~ 可惜無綠茶可樂飲...唯有有機會再試...埋單起身走o個陣...日本師傅仲用日文講多謝~ So WARM~ 

係盡在元朗到見到有介紹，話由2位日本師傅主持，為左支持小店同食正宗日本沾麵，緊係要試下。是日叫左蝦沾麵配檸檬麵。 檸檬麵係當日新鮮製的。蝦沾麵湯有啲啲辣 (小的不食辣) ，但好濃，好足料。 每碗沾麵仲有一隻溏心蛋！ 溏心蛋好正，好入味！另外仲叫左綠茶可樂飲，不過佢成日都賣斷有貨，要睇下好唔好運。 小的果日就好好彩有得飲XP 好味！！ 味道唔濃， 可樂同綠茶估唔到可以咁match！總結，係元朗如果想食正宗日本野真係好難，好多都為左配合香港人口味改過。。 如果想食正宗野，呢間就very goooood !

來到元朗果然有食神，月初剛開張的新沾麵店〈彩〉給我非常大的驚喜。日本師傅來自北海道，並曾在高円寺開店，後來結束日本的拉麵生意，把做麵機也帶到香港延續拉麵夢。彩主打三款沾麵湯汁，原味豚骨，蝦及黑醬油三款。自家製麵條除固定的麥麵款式外，每兩星期會換上新口味麵條。這次到來遇上的是檸檬麵，麵條跟真中周月一樣用同一品牌麵粉，質素有保証，檸檬茸在彈牙的麵條中流露一陣清香，味道非常不錯。聽說以後會有菠菜、玉米、甘筍及南瓜口味，果然有做麵機在手，更能發揮其優點。 蝦湯濃厚度中等，簡單說是介乎別天神及Torimen之間的濃度，味道討好，吃一半後加入檸檬醋，又是另一種風味。半熟玉子及梅頭叉燒都浸藏在湯內，水準不過不失，味道偏向樸實，似乎店家還是專注做麵及湯。價錢方面$78-83不等，不設加一，如果190g麵不夠飽的話，追加當然也可以。位置略嫌偏一點，但找到元朗賽馬會壁球場就一定見到。