彩

营业中

休息中

前排星期日約左人食呢間沾麵，本身知道出名所以都早左去，點知六點未到已經有十幾個人係出面，要到第二輪先入到去。其實未入去已經聞到個陣蝦湯味，流哂口水，入到去後，我同友人都叫左招牌蝦沾麵，面質就分別叫左小麥同黑椒，兩隻都試哂之後，可能因為蝦湯味濃，蓋過黑椒味，個人比較喜歡小麥味，面質彈牙，份量方面較其他鋪少，只有190g選擇，但如非大胃王，應可飽肚。配料好，豚肉嫩而濃味，就連荀亦十分爽脆。再加上獨有嘅綠茶可樂，無得彈。以沾麵論，綜合評分我會比8分，面質雖彈牙但易碎，稍為扣分，但湯及配料皆一流，如果想食沾麵，絕對係一好選擇！