彩福皇宴 (已結業)

早茶愛去荃灣"彩福皇宫"這裡座位阔落、楼底高、光猛、茶特别香、點心精美、選擇多、經常有'特價套餐推出、早午時段都好抵食、服務好……早茶特價的……鱆鱼肉餅飯 $17飯粒粒企身(蝦仔飯)爽口！肉飯唔''鞋"璋鱼有鲜味、鳳爪…………夠大隻有肉和夠淋、啖啖肉、碟底南瓜吸收了豆豉醬汁很惹味、酒楼的得獎點心……鲍鱼燒買肉質鬆軟、鲍鱼仔雖然沒什麼味、但勝在夠煙韌有嚼勁、櫻花蝦海皇煎薄餅餅皮煎得香脆、有葱花香味、不油膩小小樱花蝦煎得香脆、加上韮菜混合所有材料食落卜卜脆、xo醬石鍋腸粉……熱騰騰的石鍋令腸粉保持温度、腸粉软滑、每條都均勻沾上了xo醬汁……隔了20分鐘腸粉都保持熱的！-鍋底冇油膩！

今日中午我們去咗荃灣大鴻輝荃灣中心嘅「彩福皇宴」飲中午茶！我們叫咗彩福蝦餃皇、有機鮮蝦菜苗餃、蟲草花素粉果、海螺片滑鷄扎、特色合桃馬拉糕、鮑汁炆扣鳳爪、上湯鮮菌泡莧菜同豉椒蝦球炒河！彩福蝦餃皇嘅餃皮好薄身，蝦肉好爽甜彈牙！有機鮮蝦菜苗餃嘅餃皮好煙煙韌韌，餡料相當鮮甜惹味！蟲草花素粉果嘅餃皮都幾晶瑩剔透，味道好鮮甜清新！海螺片滑鷄扎嘅海螺片都幾爽滑彈牙，魚肚炆得好腍好入味，鷄肉嘅肉質相當嫩滑！特色合桃馬拉糕嘅糕質非常香滑鬆軟，味道好香甜，粒粒合桃令到口感更加豐富！鮑汁炆扣鳳爪炆得好軟滑同入味，醬汁嘅味道亦唔會好鹹！上湯鮮菌泡莧菜嘅莧菜好清嫩，鮮雜菌相當爽甜軟滑，而且份量都幾多！豉椒蝦球炒河嘅麵質好軟滑，蝦球嘅肉質好爽口彈牙！

今晚食梁太...sorry，食龍蝦至真落雨閒日無咩人，十枱以下，但枱枱都必叫龍蝦。做緊promo, 閒日$88一斤，任叫任食，我哋4個人叫咗3隻，每隻斤半，即約$100一隻，可選上湯焗或蒜蓉蒸，假日、伊底、粉絲底、其他煮法都要加錢。新鮮大隻爽口彈牙，蒜蓉豉油汁甜且濃。呢度唔會俾鉗啲客，因為佢啲殼開得超好，連蝦身同蝦鉗連接有少少肉嘅關節位都切開咗個殼，每個部位都輕易用叉食到，而且切到咁細緻都極少碎殼，極度推崇。呢度可能做開婚禮，所以服務超好，姐姐們笑容可掬，談笑風生，換骨碟非常密手。魚肉厚身且鮮甜彈牙，蒸嘅時間剛剛好，蒸魚豉油好夠味，物有所值。伴以南乳汁，外皮非常香脆，雞肉仍保持滑身。價位相約的連鎖酒樓之中，她一向保持上級水準，今餐四人才$620，好抵食。

今天我和媽媽來到這間酒樓飲早茶，早上11點左右不用等位便有位了。環境方面，酒樓內的裝修十分漂亮，適合舉辦婚宴。我們叫了原隻鮑魚燒賣皇，黑松露帶子餃，鮮帶子小籠包，旋風黃金流沙包，翡翠鮑片蒸腸粉和原個椰皇燉燕窩。鮑魚燒賣皇方面，鮑魚雖然是原隻，不過十分細粒，還要是罐頭鮑，但口感和味道都不錯。燒賣的豬肉和蝦都味道不錯。黑松露帶子餃方面，黑松露只得十分小，好像完全吃不到黑松露的味道，帶子不甜，整個帶子餃味道一般。鮮帶子小籠包方面，帶子都是不甜，小籠包的豬肉十分(鞋)，小籠包的皮又太厚，十分難吃！旋風黃金流沙包方面，流沙太水，太(禧)，而且味道不夠，包皮太厚，味道一般。翡翠鮑片蒸腸粉方面，腸粉味道不錯，不過鮑片太小，翠玉瓜太多。原個椰皇燉燕窩方面，燕窩十分多，燉奶份量都很多，不過沒有什麼椰皇味，奶味都不足夠，但味道都ok。茶方面，我們叫了水仙，味道不錯。價錢方面，鮑魚燒賣皇$33，黑松露帶子餃$28，鮮帶子小籠包$20(早茶優惠點心)，翡翠鮑片蒸腸粉$19(早茶優惠點心)，旋風黃金流沙包$30，原個椰皇燒燕窩$28，茶位每人$9，另設有加一服務費，2人總共吃了$194，價錢十分昂貴！總結來說，

平時去荃灣彩福都係飲茶多，呢一晚同長輩去食晚飯，仲要係長輩請（可能係股票賺到錢）。今餐飯的主角一定係龍蝦。聽阿部長哥哥介紹，彩福龍蝦係從加拿大入口。點菜紙上龍蝦有兩款食法，蒜蓉蒸或者上湯焗，長輩話事上湯焗。平時上湯焗龍蝦實係伊麵底，今次就試下配烏冬。龍蝦一上，當然係影相先。呢度的龍蝦全部開晒邊，鉗都係開埋邊，長輩都話食起上黎好方便。味道比平時的龍蝦濃郁，可以話係 juicy 添，肉質較為爽口，唔似其他酒樓煮到龍蝦硬一硬。烏冬索晒龍蝦的精華，非常正，食完大家都話好彩無叫白飯，唔夠一定飽死。其餘叫的小菜就正常酒樓水準，唔特別寫了。

今日親戚生日，於是一齊去咗荃灣彩福酒樓慶生。一入到去，發覺間酒樓既裝修好高級，好華麗！坐定咗叫咗個套餐，好快d野食就到。第一味係片皮鴨，好香好Juicy，個皮都好好食!!!之後係乳豬，d皮好脆卜卜，d肉好Yummy!!! 最吸引係條石班，d魚肉好嫩同埋滑，一流!!!最後當然吾少得大大隻ge 壽包，好好食!!! 值得推介!