彩福皇宴 (已結業)

今晚食梁太...sorry，食龍蝦至真落雨閒日無咩人，十枱以下，但枱枱都必叫龍蝦。做緊promo, 閒日$88一斤，任叫任食，我哋4個人叫咗3隻，每隻斤半，即約$100一隻，可選上湯焗或蒜蓉蒸，假日、伊底、粉絲底、其他煮法都要加錢。新鮮大隻爽口彈牙，蒜蓉豉油汁甜且濃。呢度唔會俾鉗啲客，因為佢啲殼開得超好，連蝦身同蝦鉗連接有少少肉嘅關節位都切開咗個殼，每個部位都輕易用叉食到，而且切到咁細緻都極少碎殼，極度推崇。呢度可能做開婚禮，所以服務超好，姐姐們笑容可掬，談笑風生，換骨碟非常密手。魚肉厚身且鮮甜彈牙，蒸嘅時間剛剛好，蒸魚豉油好夠味，物有所值。伴以南乳汁，外皮非常香脆，雞肉仍保持滑身。價位相約的連鎖酒樓之中，她一向保持上級水準，今餐四人才$620，好抵食。