強記大牌檔 (已結業)

食友邀請去強記食飯,冇約就當然會去啦! 況且都好想再試大排檔小炒.一行八人,叫o左十四個菜,好似好多,但其實份量太少,再加上有啤酒送,好似食極都唔夠.炒蟶子火路剛好,唔老,有鮮味.鬼馬花枝膠係墨魚膠釀上油炸鬼後再炸,但墨魚膠好薄,份量唔夠大方. 不過油炸鬼再炸就好脆,啱哂我!蜜汁燒風鱔蜜糖味重,而鱔亦燒得好脆,直得推介.蝦子柚皮味道好,柚皮一點苦澀味都冇,好!鹽水蜆係肥美花甲好鮮味,又冇沙,下次一定再叫.椒鹽九肚魚外脆內軟,有水準.焗魚腸唔夠多魚腸,又冇香味,幾次都只有蛋冇腸,幾間有焗魚腸小店中呢間最唔得.墨魚餅又係太薄身,唔夠咬口. 而且亦唔太彈牙,有d失望. 榮興好好多喇!椒鹽蠔算唔錯,不過蠔可以再肥美d就完美喇!荷葉蒸河鮮內有田雞,鱔,同唔記得係咩喇. 不過份量太少,夾幾o下都有人冇得食田雞喇! 下次只係放一款河鮮會好d.紙包骨冇咩特別,係老o左少少,不過味道適中,算可以啦!辣酒煮翡翠螺當然係唔辣啦,不過我都照樣飲d汁,好濃,都有d辣味o既!!炒通菜一般水準啦!!生炒糯米飯就令人失望o左d,各人都覺得似美極炒糯米飯似d,而且都幾咸,同埋太濕.不過整體食物水準唔錯,只不過份量太少.

馬刺一役回來, 積壓勁多食評. 先讓這個打尖給爸爸看.一家人相隔一月先再食飯. 近日家裡有事, 更懂得珍惜的道理.這裡當然沒有裝修, 但總好過係街頭食. 又有電視睇, 算不錯了. 就要了幾個招牌.啫啫八寶煲: 7分, $58, 八寶包括鮮豬潤, 滑雞, 鮮腩骨, 鮮田雞, 馬蹄, 乾葱, 粉腸同豬肚. 雖然爸爸說我要寫食評一定要食足八樣, 但現在想來, 又好像食不到八樣, 欠了鮮腩骨同鮮田雞. 上臺係熱辣辣. 滑雞最多, 唔老, 幾入味, 馬蹄好爽, 媽媽就主攻乾葱, 食了一舊, 幾香口. 豬潤食落口都幾新鮮.不過底下的八寶浸得太耐, 好鹹, 吃不完了.沙丹脆蝦球: 8分, $58, 炸過的蝦沾上帶甜醬汁, 相當搶味. 炸得剛好, 帶點脆, 跟伴碟的蛋黃絲一齊吃幾好, 但大家好像對這蛋黃絲無乜好感. 我的意見就係不俗的配搭.粟米班塊: 6分, $48, 媽媽的評語係粟米汁麻麻, 我覺得還可以, 都給我撈了不少飯, 但班塊有骨, 亦不太鮮.砵仔雞蛋焗魚腸: 8分, $35, 幾香的魚腸, 不太乾, 大家都幾滿意.當然係好經濟, 食物整體都幾好食, 下次再試其他菜.飯後討論到巴別塔, 發覺

兩條友又去搵食，因朋友要去鴨記買野，所以在深水埗附近入手。朋友本提議去小菜王，當然也是一個很好的建議，但一想起食大排檔，我就諗起強記。只得兩條友，不吃得多，只叫兩碟餸。鬼馬花枝(即墨魚釀入油炸鬼)和西蘭花帶子，一人一枝可樂，朋友要一碗粥。西蘭花帶子賣相幾好，也夠爽口，味道都唔錯喎，可惜份量較小。鬼馬花枝外觀就有點令人汗顏，好似一舊舊咩咁.....但吃過也不是太差，幾脆，墨魚膠也幾多，口感尚可。可樂，始終是一枝枝玻璃樽的最好飲，在大排檔地方吃著熱氣野配枝枝裝可樂，人生一大快事。雖然及不上小菜王和增輝，但都是水準之作。

不嬲對大排檔美食情有獨鐘，更何況是香港獨有的"鐵皮屋”大排檔。這夜在網上看到此店食評水準甚高，決定到來一試。和朋友二人點了兩個招牌菜焗魚腸、o者o者雞煲另再加多個”沙鍋魚頭煲”焗魚腸和魚頭煲味道只屬一般，而o者o者雞就簡直可以用差o黎形容，完全無雞味之餘重好”鞋”口，整體比想像中有點失望…

見甘多食評．．同男朋友特登去試叫左砵仔焗魚腸, 蝦醬炒通菜, 薑蔥雞同召鹽豬頸肉同召鹽花枝餅...根本2個人叫太多..食唔晒...d野ok既..但係唔算平...埋單都成190架...不過整體人多會好d

同個FD 睇完le 到去食,見到個環境有驚喜,地方清潔冷氣凍.伙記好好人,好過好多大酒樓.先食個椒鹽魷魚鬚,好正,唔洗講野,必食.再食個焗魚腸,冇想像中咁完美,不過都幾好食,總結係去得過,必食推介"椒鹽魷魚鬚(其他椒鹽野都好得)

21/7/2006收工前收到老友來電黎個即慶飯局,但呢班老友食黎食去都係”妹記”除左地方就腳外就只因大家懶得去搵,眼見係咁就提議下不如去”強記”試下,因大家除左喜歡大排檔小炒外最緊要有冷氣唔使好似”增輝”咁去親差唔多都要坐露天位,點知臨收工又有d急野要攪掂埋先走得,就係電話遙控下教3個路盲去呢樹而自己趕頭趕命下於9點前到達,去到時已見檯上有兩三碟餸,而自己都唔理咁多叫多幾樣……炸墨魚餅—食落好香口同彈牙感覺算出色所以清左一碟跟手再叫多碟炸大腸—冇咩味道普普通通只係炸得夠香口腰果蝦干—上碟見腰果同蝦干比例9:1要搵要摷先食到蝦干但兩者都唔夠乾身酥炸軟殼蟹—見特價叫左碟試下,見粉唔太厚食落味道都唔錯椒鹽茄子—另一送酒佳品生炒骨—咬落都脆口加上有骨落地而甜酸度就酸醋味較多,但都o.k.草茹扒時蔬—普普通通用黎清清今晚d油膩焗魚腸—蛋面連油炸鬼炸得脆脆,入口有蛋香唔會太老同濕而魚腸唔會腥同苦加上有少少果皮香,好食!椒鹽魷魚—去到時老友已清碟,但聽佢地講都唔錯節瓜章魚湯—掛住飲酒冇試過加多3支熱身啤酒堆單唔使五百,但已食到4個麻甩好似蝗虫咁食到捧住個肚重要坐足幾粒鐘又有老友飲醉酒打爛人d水杯真係

睇完openrice,即刻同男朋友黎try o下,叫左4個餸...1.焗魚腸(勁好食,面頭o個層勁香口,裡面d蛋蒸到岩岩好,好滑,魚腸唔腥,一定要食),2.炸菜肉鬆炒筧菜,(唔錯,因為未試過咁食,覺好得意)3.沙丹蝦(岩岩上o個陣麵唔錯,酸酸甜甜,不過係雪蝦,所以凍左之後最唔好味)&4.蒜溶蒸扇貝&豆鼓蒸帶子(ok,都幾新鮮)..最衰得我同男朋友去食,有好多餸都想叫,唯有下次再食啦...同埋個待應哥哥d服務好好,我地走o個陣,佢\\\落緊單都同我地say bye 啊..

從來未食過大排檔﹐見到佢D野食真係響街邊鐵皮屋煮既﹐覺得好新奇。冷氣座位都算企理﹐夥計態度非常之好﹐完全out of my expectation﹐尤其是一個好斯文既四眼哥哥﹐值得表揚。叫左﹕焗魚腸--呢個非常好味﹐魚腸好鮮﹐面頭D油炸鬼脆扑扑﹐燉蛋極香﹐配飯簡直一流。又超值wor ($28)。食左兩個禮拜﹐到而家都仲回味緊。枝竹炆魚鰾--本人極度鐘意食魚鰾﹐見到呢味直頭瘋狂左。佢D汁好惹味﹐枝竹煮得岩岩好﹐唔會太淋/太硬﹐正!!!胡椒豬肚湯--呢個有點失敗﹐唔知係唔係我地太早去(6點幾)﹐D湯無乜豬肚味﹐靜係得咸菜既味道﹐而且太鹹(同夥計反映完佢地有再拎去調味﹐抵讚!) 不過D豬肚處理得幾好﹐咬落索索聲﹐脆而唔韌。仲有個新既菜式(缽酒焗魚)﹐個四眼哥哥話因為想知客人反應﹐所以暫時特價推出。呢個麻麻地﹐始終缽酒個味道同牛﹑羊之類比較夾﹐同D海鮮一齊就怪怪地。不過個缽酒汁本身做得好好...如果係缽酒羊膝就一流啦。食飽飽﹐又好食又唔貴﹐服務又好﹐一定會番來。不過聽聞好似要拆﹖唔好呀~~~

尋日早早地同老媽,大車車一齊去食強記,睇好曬openrice d 食評先去,一去到,7 點度,冇咩人喎...可能因為太早了..個老闆好殷勤咁招呼我地..介紹d餸俾我地..最後..我地叫0左個金銀旦莧菜,d莧菜超有莧菊0個陣獨有既香味..煮得夠嫰口..個焗魚腸..係好食的..個面的油炸鬼焗得脆脆,旦夠滑..不過d魚腸有d腥同苦...鬼馬釀花枝膠,炸得乾身,花枝彈牙,不過d油可能唔太新鮮,炸起來的東西好深色...蒜蓉豆豉蒸扇貝帶子...最唔得依樣啦..食曬d野先黎到..仲要蒸得唔她,d貝同子超un..食都有困難..有機會係要再去的.

13個人65分鐘內吃清15味菜共18碟，都算幾利害。約了一班食友來吃，雖云是吃大排檔，但已如小菜王及增輝一般，不用坐街邊的了，十幾人坐了入舖，雖然是日是三十度有多，但都可以嘆住冷氣來吃。走出去循一轉，再望望牆上貼著的的手寫餐牌，在大排檔點菜是一點也不費神的，見到什麼點什麼就可以，總之不要叫「白切雞」就得。分別叫了鬼馬釀花枝膠、炸墨魚餅、酥炸生蠔、椒鹽焗生蠔、炸大腸、枝竹炆魚鰾、沙丹蝦、咕嚕肉、焗魚腸、籠仔蒸河鮮、腰果蝦干鴨舌、脆炸小棠菜、豆豉鯪魚炒油麥菜、胡椒豬肚湯及香茜皮蛋魚片湯各一。個人而言，雖說已來過幾次，但一次過叫十幾味菜，又真的是第一次。這裡是大排檔特色，幾味脆炸及小炒類較出色。鬼馬釀花枝膠炸得脆卜卜，彈牙的花枝膠跟脆脆的炸油條口感完全相反，吃落又幾配襯，必叫；炸墨魚餅現時是度度都有得食，這裡的不差，勝在夠香口又彈牙，又有粒粒馬蹄粒去增強口感，都不錯；酥炸生蠔炸皮太脆，可幸都炸得白脆，但吃一只就夠，吃多一只就太膩；相比之下，椒鹽焗生蠔應該好一點，但隻數有限，沒有吃了；炸大腸是雪藏貨色，沒有什麼味道，不過炸得香口是真的；枝竹炆的魚鰾，入味又夠軟熟，雖然沒什麼鮮味，都食得過；沙丹

尋晚約左朋友女食飯因自己私心下想食大排檔關係就獨裁地只講幾間心水比佢簡地點,於妹記,增輝,小菜王同其他比佢左簡右簡之後就去今次目的地…..強記,原因又係果句”聽講好似話就拆喎!”8點度去到見都差唔多爆晒,見有張細臺就坐低就即叫菜,好快叮一聲就菜黎到……缽仔焗魚腸–焗得金黃同好香,食落好有雞蛋香同魚腸唔會有咩異味,好有水準椒鹽鮮魷拚椒鹽墨魚餅-- 鮮魷比較粉多而食落都新鮮,反而墨魚餅咬落彈牙同味道都唔錯感覺做得比鮮魷好生炒骨拚南乳骨–生炒骨件件都有骨落地而甜酸適中,南乳骨原來係肉排,食落味道夠香但因太大件食落比較麻煩,咬落肉質比較unn因而見朋友要好用力係咁扯同件肉排對決蒜蓉炒油麥菜–清清地當減下當晚o既油膩食間見隔離o既椒鹽生蠔都唔錯下次要試下!加多3支大啤係食下野傾下計最後埋單兩百幾,加上朋友請客就係咁又過左一個愉快o既幾小時......開心其實真係好簡單!

(9/5)唉...有些難以忘懷的感覺湧上心頭，那條街令人又愛又恨，有機會要清拆，唉...但我不清楚，那裡保證何時能突破。上菜速度驚人，食的速度更驚人，成十六碟，轉個頭已空碟，有人認為再來十碟，也一樣清場，當然會，大家身經百戰。荷葉蒸河鮮，每次來也要叫，吃到滑鱔片，配以鮮甜的田雞及冬菇，真的不容錯過。而焗魚腸，需要多人才可以叫，因為吃得多會滯，也是很多人喜愛的一環，而我認為也可以叫，長長的魚腸，不錯。圖中的生蠔，吃一隻也嫌少，鮮嫩美味，汁料入味，不過數量有限，下次再吃過。其餘的菜...算吧，總之好值得去喇！

月前重臨耀東街,百般滋味在心頭,中學年代夜夜在此打躉,在蘇記吃豬扒麵,唔夠可過對面強記叫碟海鮮,一樣會送過來.無拒無束的日子,多麼的美好.日前有朋友相約在強記晚飯,當然舉腳支持,一行十幾人,坐晒入房,避過在高溫之下坐出街的厄運.在大排檔點菜,實屬低難度,不消一會已經打點妥當,第一味的鬼馬花支膠,同蝦膠比無咁彈牙,外層油炸鬼香脆,唔會硬到仆穿頭,非常不錯的一味.煎墨魚餅,色澤金黃,彈牙可口.椒鹽生蠔外表香口,質感很Juicy唔腥.可惜份量唔多,一人都分唔到一隻.炒魚膘感覺少少似花膠,用來炒又真係未吃過.炸大腸份屬街邊巷記代表食物之一,那有不叫之理.強記做得也不錯.沙丹蝦,其實係用沙拉骨的做法,放左蝦身上.味道頗酸.椒鹽鴨舌好香口,下酒最岩,但我更愛腰果.缽仔焗魚腸,另一味很多地方也唔願做的菜式.當今尚能品嘗,已是榮幸.外表焗得金黃,蛋夠香,魚腸夠味無異味,色香味俱全的一味.過多幾十年,分分鐘失傳,有得食就要把握機會.豉油王鵝腸一般,鵝腸唔夠肥美.籠仔蒸河鮮,內有田雞同鱔,兩者肉質很嫩,用籠仔蒸能帶出本身的原味.胡椒豬肚湯同莧茜皮蛋魚片湯.兩者皆平平,後者材料足,但湯水唔多清甜.學老頂話齋

13/4(四) 7pm公司系城市花園酒店舉辦既6天課程OT生涯終於完畢,放工後會合男友,諗住近近地食完飯返屋企抖抖,於是黎左食大排檔,7點去到店舖裏面及樓上已坐滿客,唯有坐出街口.今次要左蒜蓉炒三蔬$38,荷葉蒸河鮮$58,蠔仔粥$20,紙包骨$48.蒜蓉炒三蔬---菜心,芥蘭,西蘭花夠嫩綠鮮甜,貫徹大排檔特色,油膩!荷葉蒸河鮮---用上紅棗,薑片,麵豉煮鱔片,田雞,冬菇,金華火腿,鱔片及田雞肉質很是嫩滑,味道不俗!蠔仔粥---蠔仔份量吾多,size頗細,一般貨色!紙包骨---一碟6件,味道平實,感覺跟金沙骨差不多,但無金沙骨咁惹味!埋單$164,感覺上退步左少少!