強記大牌檔 (已結業)

屬晚飯時間,整間補內外都坐滿客人,所以都要等位,不過好彩都唔洗等好耐~面頭香脆內裡亦好多料,雖然有一啖食到苦苦地..但整體來說也是好味的~送飯gd~墨魚餅好彈牙,沙拉骨就不過不失~味道淡了點而且不夠熱..真的有點失望菲菜食落好香但就食唔出有蝦醬味..蝦都唔算細隻食落都好香口,落足喊蛋黃~雖然是大排擋但服務態度真的不錯~連幾個飯,汽水,俾酒$300

素聞深水土步耀東街有檔大排檔好出名,今晚就同老婆去一試!八點幾去到坐到滿晒,不過剛好有一檯埋單所以唔駛等.如果怕環境污糟o的就真係唔好o黎,不過小弟素來只追求食物質素,環境一於好少理.叫左一湯兩食送:胡椒豬肚湯- 好大碗,夠四個人享用,材料包括豬肚,咸菜,胡椒粒同蔥菜,用料足飲到最尾直頭有辛辣味.o者o者雞煲- 非常之夠火喉之作,食大排檔最緊要鑊氣,呢煲雞完完全全反映出來,雞件肥美不過略油,當中加入了一些豬潤,好味程度比起雞有過之而無不及.豉椒炒蟶子- 蟶子新鮮很大隻,完全無沙炒得入味,水準之作連兩汽水及白飯,埋單$13X,抵食!

呢D大牌檔，話拆話拆都幾年未拆，繼續食。同蝦頭妹睇完稿宵夜連晚飯，炒蜆辣螺之餘佢叫西檸雞我叫砵仔炸魚腸。「砵仔炸魚腸」即係一兜魚腸蛋，熟左之後成兜落油wok度炸。平時好正，不過今次水多左。辣酒煮花螺幾辣，但同個炒蜆一齊上，食唔切。西檸雞，雞扒拍上一層炸粉，香口又好脆。雞扒係薄身果種，易熟，所以只以高溫炸幾十秒便行。入面鬆軟多汁。坐在路邊食，路邊，係泊左好多車都係專燈來食的。

呢間大牌檔外星人幫襯過兩次,依家天氣涼涼地,值得一試.砵仔焗魚腸,香氣四溢,佢整得唔錯,夠滑有風味又岩送飯.豉油王炒蝦,蝦夠新鮮,炒得有鑊氣,非一般食肆可比.炒菜都唔錯.兩個人加白飯三碗開胃既一餐.雖然係大排檔但服務幾好,問有咩好介紹都會好殷勤甘答.

同朋友行完街，叫埋自已另一半食晚飯。一直都鐘意食大排檔d小菜，貪佢夠鑊氣同新鮮即炒。今次仲有朋友介紹，應該有咁上下水準。朋友一坐低即叫羊腩煲，大大煲羊腩同羊骨，白菜支竹亦不少，味道當然不及桃花源，但以幾十蚊的價錢，絶對食得喎。見其他台食串燒，唔抵得都要叫番幾串，見佢真係用炭燒，所以上台時好有炭燒味，用來送啤酒應該一流，串燒羊肉講味道同肉質，一定係好過小肥羊，雞軟骨都唔差，而豬頸肉則較肥。另外叫了個128蚊套餐三餸一湯四白飯，非常之抵。小菜其中一樣當然係生炒骨喇，又熱又脆口，甜酸道適中，而件件骨都大細相約；炒魚肚，同雞蛋芽菜一齊炒，雞蛋炒得唔老，真係食到鑊氣味，可惜魚肚較少。芥蘭炒腊品，朋友好鐘意食佢o地腊腸腊肉，芥蘭幾嫰可借炒得略淋。雖然地方坐街邊，但好食就唔會介意，下次再同多d朋友o黎，試多幾味小菜。