影片
更多
2006-05-11
17 浏览
月前重臨耀東街,百般滋味在心頭,中學年代夜夜在此打躉,在蘇記吃豬扒麵,唔夠可過對面強記叫碟海鮮,一樣會送過來.無拒無束的日子,多麼的美好.日前有朋友相約在強記晚飯,當然舉腳支持,一行十幾人,坐晒入房,避過在高溫之下坐出街的厄運.在大排檔點菜,實屬低難度,不消一會已經打點妥當,第一味的鬼馬花支膠,同蝦膠比無咁彈牙,外層油炸鬼香脆,唔會硬到仆穿頭,非常不錯的一味.煎墨魚餅,色澤金黃,彈牙可口.椒鹽生蠔外表香口,質感很Juicy唔腥.可惜份量唔多,一人都分唔到一隻.炒魚膘感覺少少似花膠,用來炒又真係未吃過.炸大腸份屬街邊巷記代表食物之一,那有不叫之理.強記做得也不錯.沙丹蝦,其實係用沙拉骨的做法,放左蝦身上.味道頗酸.椒鹽鴨舌好香口,下酒最岩,但我更愛腰果.缽仔焗魚腸,另一味很多地方也唔願做的菜式.當今尚能品嘗,已是榮幸.外表焗得金黃,蛋夠香,魚腸夠味無異味,色香味俱全的一味.過多幾十年,分分鐘失傳,有得食就要把握機會.豉油王鵝腸一般,鵝腸唔夠肥美.籠仔蒸河鮮,內有田雞同鱔,兩者肉質很嫩,用籠仔蒸能帶出本身的原味.胡椒豬肚湯同莧茜皮蛋魚片湯.兩者皆平平,後者材料足,但湯水唔多清甜.學老頂話齋
日前有朋友相約在強記晚飯,當然舉腳支持,一行十幾人,坐晒入房,避過在高溫之下坐出街的厄運.
在大排檔點菜,實屬低難度,不消一會已經打點妥當,第一味的鬼馬花支膠,同蝦膠比無咁彈牙,外層油炸鬼香脆,唔會硬到仆穿頭,非常不錯的一味.煎墨魚餅,色澤金黃,彈牙可口.椒鹽生蠔外表香口,質感很Juicy唔腥.可惜份量唔多,一人都分唔到一隻.
炒魚膘感覺少少似花膠,用來炒又真係未吃過.炸大腸份屬街邊巷記代表食物之一,那有不叫之理.強記做得也不錯.沙丹蝦,其實係用沙拉骨的做法,放左蝦身上.味道頗酸.
椒鹽鴨舌好香口,下酒最岩,但我更愛腰果.缽仔焗魚腸,另一味很多地方也唔願做的菜式.當今尚能品嘗,已是榮幸.外表焗得金黃,蛋夠香,魚腸夠味無異味,色香味俱全的一味.過多幾十年,分分鐘失傳,有得食就要把握機會.
豉油王鵝腸一般,鵝腸唔夠肥美.籠仔蒸河鮮,內有田雞同鱔,兩者肉質很嫩,用籠仔蒸能帶出本身的原味.胡椒豬肚湯同莧茜皮蛋魚片湯.兩者皆平平,後者材料足,但湯水唔多清甜.學老頂話齋簡直精神分裂.)炸生蠔比椒鹽生蠔略遜.蠔身已經炸得很乾身,無之前吃過的椒鹽般Juicy,窩貼小棠菜也不俗,始終無三姐做得咁好.
步速比平日來得更快,大排檔方面在扯快晒步速,個個局住做短途快馬跑1200米.結果一小時未夠,差不多鳴金收兵,最後要來一客咕鹵肉才能將時間浪費.上菜快,食得自然快.
每道菜最貴都係六七十,叫多幾支啤酒,可樂,所費無幾.
$90一個頭,好過你上佐丹奴式酒家.大排檔幾時都食得過.
大排檔自1973年不再發牌,兼牌照不能世襲後,執一間便少一間.三十多年後今天,已經所餘無幾,抱著而家唔食無得食之心態下,吃得幾多得幾多.呢樣,係咪政府的錯?雖然係三十幾年前立下的規例,一樣可以改架嘛.比左三十幾年時間你喇,到今日先黎嘈?係咪自作孽?)
老香港地道文化,好應該保留,呢樣始終係此小島之特色之一,政府一刀切去扼殺其生存空間,係咪真係為左衛生?
定係想一條心追倫敦,趕紐約,所以要清除呢類好食唔好睇,影響市容的"毒瘤"?
到左未來日子,年青人的飲食回憶,只係得老麥等Junk food,或者係難食到嘔的迴轉,日式放題,多麼的可悲.
张贴
