廣成冰室

营业中

休息中

等得太耐了......食法國餐咩～ 每15分鐘上一樣野......態度不是差，是惡劣。縱使她沒有閙我。當自己係澳牛，但沒有澳牛的質素。如果不是個懷舊感覺.....真的不能想像。

又係毒男一條友食，茶餐廳不二之選。上次探完老母去呢度排隊，人多到呢...好...我就排。一排就30分鐘。叫咗三様嘢加奶茶。個侍應問我食唔食得晒，我喎?!?!?嘢係好普通細個食到大，但係就整得好正常，細個食過啲味道出番晒唻！人可能要嘅咪就係簡單正路！

重回兒時長大的地方，去廣成食番個餐懷緬一番。 下雨的星期日，等位的人不多，很快就有位 雖然下雨，但還是全場滿座。 懷舊要付代價。不論早餐／茶餐，全部$37⋯⋯ 比同區茶餐廳貴得多。 早餐的熟蛋轉了炒蛋，隨牛肉通粉上。但炒蛋未免太熟了⋯⋯ 鮮牛通粉份量比之前猛料。剛剛好熟的牛肉蠻嫩滑，但通粉略嫌太淋身。 跟早餐的菠蘿油預先夾好，不脆化、不夠新鮮。 茶餐的新鮮蛋治比菠蘿油好吃得多。 炒蛋厚厚的，生熟度剛好，juicy之餘，蛋味夠濃。 可惜奶茶不是我杯茶。茶過分苦澀，奶味不夠，稱不上香滑。 水貨圍城，附近的食肆愈來愈貴我明，但應該要保持質素。我不希望又一間老鋪被消失，但可否做番好點？

山長水遠，為既只係美食，唔係朋友駕車呢度去果度去，我都無機會食到好野！吸引我既係紅豆冰（星期日要一點後先有得叫），重要舊冰係倒轉，要自己好似食刨冰咁，自己續D續D整碎去，而紅豆、椰汁同冰既混合，比例簡直係岩岩好，因為出面有好多既豆還豆，冰還冰，椰汁味自己好重，但呢度係三合一，互相融為一體，所以企街等左廿分鐘，即飲到呢D極品，真係透心涼！之後再叫菠蘿油，企係餐廳出面等時，已經見住一個又一個咁俾人叫晒，我心諗，肥就肥啦，有我呢個咁食得既朋友陪，我當然舍命陪君子啦！一個包兩份分，一刀切落去，個面脆到聽到聲，心已經，之後既油慢慢開始溶，睇住把刀布滿流出來既油，心知肥死，但口已經唔理，入口即溶，四啖就KO左佢，再飲番啖紅豆冰，你知我想講咩！之後掛住食而忘記俾手機食先，個蛋治係無得輸，蛋厚過白麵包，雖則好多油（心已經好內疚），但佢既植物油香味，又熱辣辣，真係已經放入口，都完全無記得過要影相，再食多幾粒紅豆，嘩！人生應該如此~~~~~

小時候住在上水，升小學後搬走了，估唔多年後重踏這寸土地會真係變到。。。人非草木。。。唯有寧願行遠少少都要揾返間有啲港式感覺味道嘅冰室食返個茶餐！一進冰室 佈置 色tone 樓面姐姐都散發著本土舊式冰室味道！餐牌保留住舊式字型，可讀性唔高，因為姐姐係唔會比時間你睇你諗就要決係叫嘜嘢。雖然迫住要好快落單好快上餐好快食好快埋單，但姐姐們都保留著一份人情味，成間餐室都係姐姐們你一句佢一句嘅聲音！蛋治（茶餐可揀蛋治或菠蘿油）呢到啲蛋仲係出緊煙嫁，個包鬆軟好味！牛肉通 （茶餐一定係牛肉通冇得揀）牛肉冇咩肉味但都就淹到好林唔會un，通粉好林冇咩咬口，但個味ok嘅凍奶茶茶餐必飲，有少少茶嘅青澀味，如果唔係行到身水身汗嘅話，熱奶茶應該好飲啲！特別要介紹返呢樽辣椒油令我碗本身覺得一般嘅通粉生色不少！加左少少令成個通粉野味哂！加分！推介愛辣嘅勇士們！

上水石湖墟很多新舊食肆，燒味飯、盅飯等都很有名，其中有一間冰室吃通粉遠近馳名，就位於新成路地鋪的廣成冰室。以前冰室主要都是食冰，如紅豆冰等，但現在大多都是吃茶餐通粉之類，廣成冰室也是。那裡的牛肉通粉，重點不在於牛肉和通粉，而是在於湯底，伴那通粉的湯是用牛肉熬煲製成，當中加一點點薑絲，入口前香，入口後濃，美味開胃。其次是波蘿油，甜脆無比，可以於早餐時段，可把鮮油餐包改為波蘿油，並不加錢，依然有雞蛋。倘若過了下午一點，只能點茶餐，沒有了早餐想改三文治改波蘿油，便沒有了蛋。那裡的紅豆冰也很有名，用刨冰製成面冰。早幾年暫停一段時間，現在又重臨，實屬食客之幸事。其實，最佳的用餐時段是閒日上午11:30至下午1:00期間，因為還可以點早餐，而且可以點紅豆冰；如假日，可選擇12:30光顧，吃飽早餐已過下午1:00，順勢便點個紅豆冰。

若非因為公務，小人鮮會於上水出沒。辦完公事，路過一家冰室，順便解決午餐。冰室的環境很懷舊，好像走進了時光隧道。在場見到差不多每一枱客都吃著牛肉通，小人也來一客 ，還加隻煎蛋。原來是用鮮牛肉做的，牛肉肉質細嫩，灼得剛剛熟，湯底帶有絲絲的薑的香氣，喝後不會口乾，小人喝了大半碗。煎蛋老了些許，不過趁著湯粉仍然很和味。而通粉亦有嚼勁，不會過軟或過硬，難怪那麼多人吃了。誤打誤撞之下，嚐到一碗很牛肉的牛肉湯通粉，樂哉！

天氣非常熱，最啱飲杯冰透心涼。呢度非常有懷舊風味，雖然有常餐供應，但為了杯紅豆冰，我今日就散叫了。望住牆上懷舊嘅餐牌，步伐都放慢啲。腿蛋治（$25）方包係薄薄兩片，包住厚厚雞蛋同搽左牛油嘅火腿，蛋嘅份量比麵包仲要多呢！紅豆冰（$25）呢度嘅外型獨特，尖尖地嘅冰山碎冰，加埋目測沾了大半杯冰嘅紅豆，好搶眼而紅豆甜度亦剛剛好，仲有點起沙添！唯一挑剔係，如果幼飲管可以改以粗飲管取代，會更容易飲到啲紅豆呢！呢種懷舊風味，買少見少，真係有得飲就好飲喇！

廣成冰室係上水歷史悠久，間中都會專誠去光顧，係一個下雨天諗唔到食乜嘅時候，又再好自然咁就去咗廣成冰室。每次夏天一入到去個感覺就係好涼快，冷氣超足。照舊來咗個常餐，任揀炒蛋多士定係菠蘿油，然後加個牛肉通粉同熱奶茶，每次光顧都係依個組合。因為已經食過幾次，餐廳懷舊嘅感覺比食物味道更令我有深印象。即使只係一杯熱奶茶，每間餐廳同冰室都有自己嘅味道，呢個係唯一比較獨特之處。上水區現在開得來越多餐廳，但有時決定唔到食乜嘅時候依度確實係一個好選擇。

首先，今次係第二次食，上次食已經唔係覺得好食，只係因為早餐冇乜地方可以揀，跟住就入咗去食早餐，得幾樣揀，仲要冇乜選擇都算，個阿姐態度非常差！！！當自己女王咁！！！好似佢幫襯返我轉頭，我地叫餐叫遲咗，就係咁吹落單，落完單啲嘢食，超級難食冇味。啲通粉一食就知煲咗好耐，林到死，同深水埗維記根本差天共地冇得比，好心就摺埋啦，仲要請埋啲咁嘅員工對待客人，真係俾人寫幾廿篇劣評都唔夠，都唔明點解會有咁多好評，大家食過就知啦。牛肉通粉冇味，唔好俾佢嘅相片呃到，重要啲雞蛋三文治啲蛋好碎，食嘅時候跌晒落嚟，都唔知似啲咩。

廣成乃冰室老字號, 人流不絕, 排隊是十分等閒的平常事, 即使已經入座點餐, 亦需耐心等待食物奉桌。店裡還有態度一直強硬不太好的廣成伙記, 所以如果沒有充裕時間, 建議去其他地方另覓快餐, 可能會是更好選擇, 免得受氣好了說回這牛通, 牛肉嫩口不韌, 湯底加入薑絲提味去羶, 味道順口, 但近年的湯已要復再, 以前的濃郁多了

2017.05.21 😊手刨紅豆冰 $25住係上水咁多年 黎廣成的次數都不少但真正嘗試到馳名手刨紅豆冰 都係第一次提一提大家 由於是招牌 要散叫 無跟餐價嫁🤣果然紅豆冰一黎到 小小一座冰山 氣勢已經贏曬🗻飲品大概可以分為3層 刨冰 練奶 紅豆蓉🍹食客可以隨自己喜歡整碎冰柱調教甜度十分貼心而練奶及紅豆蓉的份量為超級足料😱值得一讚廣成冰室 💌上水石湖墟新成路10號Mon-Sun:0615-1700 (Thur off)

價錢一般，事頭婆同伙計好熱情，啲嘢唔錯，俾個 like。裡面大部份都係附近街坊去，無咩嘢人知道果度，帶行李同埋大啲嘅嘢擺係門口度，以免整親人(請大家唔要係高峰期去，人好多要排好耐)

簡單說食物新鮮，蛋治一流但牛通就三四流湯底太淡 為主因服務誠懇和排隊有條有理若果想週末日去嘗試一下舊香港味道這兒不失一個好選擇若果是搭港鐵就行十分鐘路程很易找到的 謝

每年清明時節定必和家人一起到禁區拜祭祖先，每年時間啱嘅話，出番上水都會嚟食紅豆冰。今年比往年早咗有得食紅豆冰，所以一返到上水即刻行去，希望唔使等好耐啦。去到已經有一堆人在冰室外等侯，即去櫃台登記人數拎飛仔。這兒沒有特定位置排隊，記住拎飞。一入門右手邊就係收銀處，牆上依舊有一排陳年電制，我諗好少地方仍保留了。冰室有高高樓底，但座位就非常非常擠迫，通道狹窄。牆上的陳年手寫餐牌哈，知否這是什麼？上檯時我都打咗個突，原來係我叫嘅公司治。 內有蕃茄片、午餐肉、炒蛋，整份是暖笠笠的，不過蛋和蕃茄水份充足加速已烘過的麵包變軟。味道是可以的，只是賣相不太討好。來冰室不是第一次，但每次也很期待它出現眼前。插入圓錐冰柱和加入淡奶於盛滿大半杯的粒粒紅豆蓉，令平平無奇的紅豆冰變得立體和吸睛。紅豆蓉起晒沙㗎甜度適中。紅豆冰只有單點，韽杯盛惠$28。哈哈，其實落單時要求其中不杯係少奶，結果呢？看得出分別嗎？鮮牛通也是此冰室高人氣食品之一，少有以鮮牛肉煮湯湯並加入薑絲同煮，但略嫌肉用了過多梳打粉令肉質失去鮮牛原有質感。有興趣的建議吃茶餐，不要單點，比較化算。這兒不容許坐耐一點，其中一杯紅豆冰還未完全喝完，已被催問