廣成冰室

营业中

休息中

地獄黑仔王第一次去上水搵食, 一出發就出司不利, 一心打算去麵家山下食碗拉麵....在排隊排了around 10分鐘的時候突然有店員出現, 以為佢會派Menu比我準備點菜, 但...佢行到去我附近就開口講, 呢位小姐前面的客人都有得食, 即係點....我開始就無....即係無得食🔥🔥🔥🔥🔥🔥🔥🔥🔥🔥果然出外靠朋友, 即時問朋友, 上水仲有乜嘢美食....朋友介紹廣成冰室....仲話一定唔會失望好彩麵家山下行去廣成冰室唔算太遠, 在門口等了約15分鐘就有位喇! 第一次嚟食, 再加上真係好餓, 將佢馳名的都叫齊...紅荳冰 、菠蘿油、牛肉通粉、蛋治, 令心靈滿足一下菠蘿油 - 微暖菠蘿包夾著牛油片, 呢個配搭真係好邪惡, 聽到有食客問店家...點解菠蘿包唔係熱辣辣, 店家就答, 呢個溫度其實最適合, 包太熱只會令牛油溶晒, 其實的確如此, 最正就係將未溶的牛油連菠蘿包一啖咬入口, 牛油再在口裡慢慢溶化....perfect紅豆冰 - 賣相勁懷舊, 紅豆份量佔一半以上, 食極都食唔完咁第一啖飲落去, 嘩! 咁甜嘅, 之後等多陣...等啲碎冰溶咗, 味道變淡, 就合適得多...紅豆煲得好淋,

呢間廣成冰室每次經過佢門口都人山人海，好似人哋酒樓外面咁非常熱鬧擠迫! 今日再次經過見佢門口竟然冇人排隊第一時間入去試試! 一入到去入面全部都係復古嘅裝修 而入面淨係得兩個餐 嚟呢度嘅所有人都係食佢哋嘅鮮牛肉通粉。我點咗個快餐 ，係食牛肉通粉加一隻旦加菠蘿包， 抵讚嘅係佢呢度嘅牛肉係啱啱好熟，牛肉鮮嫩，而且湯底用免治牛肉做及好有薑味，通粉索曬牛肉嘅味!菠蘿包雖然唔係主力推介，但係都好鬆脆可口呢個仔跟餐嘅烚雞蛋呢度奶茶都夠香滑

細細個跟住屋企人黎食仲唔到再黎都保持水準裝修都冇變過同細個一樣，好多回憶早餐同常餐其實分別唔大：先揀菠蘿油 +炒蛋/烚蛋 or 蛋治今次揀左菠蘿油，包夠軟，牛油都好香雖然好邪惡但都原塊牛油配菠蘿包食晒鮮牛通牛肉夠滑夠林朋友就揀左火腿通飲埋杯香滑奶茶Perfect Breakfast後記：冰室買少見少，冰室冇茶餐廳咁多款揀但每食一啖真係食得出有人情味係老師傅一碗一碗咁整希望借呢個機會邀請大家得閒約埋屋企人朋友一齊去試下

已經幾年無去過呢間冰室，由佢未出名，食到出名，質素下降，已無再幫襯，但事隔幾年，見佢人流有增無減，就比多次機會佢，朋友叫火煺通粉，個結果係同我一樣 ; 我都係食佢嘅招牌常餐，牛肉通粉，煎蛋，鮮油餐包，熱奶茶 ; 鮮油餐包因為流量快，牛油無雪味，餐包正常軟，奶茶都ok , 但個通粉就真係 ...... 個侍應攞住過嚟，見倒有煙，諗住都新鮮熱辣，點知原來d煙係由淥完嘅牛肉散發出嚟，通粉林到近乎霉爛，完全無熱嘅感覺，暖到近乎凍，真係垃圾到呢！到我杯奶茶飲咗一半，佢已叫企門外等位嘅人入嚟，企喺我側邊 (趕我快飲) ，價錢 $ 37 ，你話收得特別平就無計啦，呢d舖頭，點解重會有咁多人會去光顧 👎

這間廣成冰室我已經光顧了超過15年 從20多元吃到現在30多元 廣成冰室的特式是它只有兩個餐分別是早餐及茶餐 而且只能吃牛肉通粉或是火腿通粉。不過通常來的只有一個目的就是為了吃它的免治牛肉通粉。 早餐和茶餐分別是選擇免治牛肉通粉後，1可以選擇配一件蛋治2.或者配菠蘿油加隻蛋牛肉通粉係必食，因為湯底 係加薑及用免治牛肉製成味道濃郁 有牛味內部嘅裝修係維持以前原有嘅舊有裝修有懷舊風味，不過如果星期六日來的話要排很久就像酒樓輪候號碼一樣，而且裏面很迫 需要人貼人。一張卡位要坐四個人。不過我都習慣了如果在下午茶時間來還有他的懷舊招牌紅豆冰

在上水住了二十多年，每年總有十次八次不辭 (排隊) 勞苦到廣成吃早餐，為的是真材實料的早餐--牛肉通粉有牛肉味，湯也可以飲 (還有幾條薑絲)，奶茶有茶味，蛋治夠豐厚 !但最近幾次，發現茶味開始變 (溝茶葉?還有點像大快活)，今早的還有苦澀味，簡直不能下嚥 !但最令人感到失望的，是今天吃的牛肉通粉嘅湯水得個鹹字，牛肉也失去鮮味(同樣得個鹹字)，湯連僅有的薑絲也沒有了 ! 究竟搞什麼鬼?難怪今早門外沒有人排隊...至於蛋治，質素還沒有變，只是較鬆散，未拿上手已經散晒...不過我不只為蛋治再來一次，留待明年再看看吧…

本人對老牌冰室/茶餐廳有一種莫名嘅喜愛。對我而言，懷舊嘅裝潢、店員嘅態度(有時會俾人燥底)，都構成佢哋獨有嘅情懷，係其他餐廳揾唔到。食物美味係錦上添花，味道平平亦無傷大雅。呢d冰室/茶餐廳執一間少一間，所以有機會就會去光顧下、支持下呢日就去咗上水嘅廣成冰室~下午茶時間，冰室差唔多滿座。一入到去就從佢嘅裝修、枱櫈、電風扇、手寫menu感受到滿滿嘅懷舊feel 。茶餐$37，包牛肉通、蛋治同咖啡/茶，價格合理。馳名嘅紅豆冰就只能散嗌。因為我一心嚟係想試佢嘅紅豆冰同蛋治，所以就散嗌咗呢2樣。紅豆冰($25)以高身蓮花杯盛載，上面插咗一個小小冰山(聽聞呢個小冰山係人手刨的！)，一上枱就非常吸睛。睇紅豆同花奶嘅比例，紅豆約佔3/4，就feel到佢同出面嘅紅豆冰唔同紅豆粒粒都又稔又粉又初頭食嘅時候會覺得偏甜，之後d冰溶咗，甜度就啱啱好蛋治($19)係廣成冰室嘅另一名物，但我認為還好而已。兩片白麵包夾住厚厚嘅炒蛋。炒蛋雖然唔老，但亦稱不上係滑蛋。白麵包塗了厚厚嘅牛油，多到滲到麵包嘅另一面，可惜牛油香氣欠奉。好似一開頭所講，情懷係冰室嘅重點，食物質素係其次，但呢度嘅紅豆冰確實值得推介

好多人, 出面等左半個鐘, 坐低點菜之後都要等多半個鐘....叫左個茶餐+ 一件多士。茶餐有鮮牛通 + 蛋治,我地唔食牛, 轉左火腿通, 不過火腿通就無特別, 建議大家試鮮肉通, 因為是用牛肉湯煮, 牛肉都是鮮牛肉。蛋治好厚!! 好多蛋!! D 蛋幾滑, 一D 都唔會老, 正呀! 但是無味的, 我PREFER佢地炒時加少少鹽。多士是奶醬多, 好多花生醬, 不過塊包就單薄左D, 細塊左D。見好多人食紅豆冰, 見佢D 冰成條冰柱咁, 下次一定要試!

先分幾項評分:1️⃣位置:遠離地鐵站,十分隔涉.住得遠,冇揸車唔容易去.2️⃣等待時間:常日(0-5mins):可以接受;假日(30mins up):不能接受.3️⃣服務:態度惡劣,有時會對食客指指點點,食客走後店員會大罵食客,極度冇品.經驗:➡️趕客走:本人試過堂食完坐係入面正在等外賣,佢會叫客入黎,然後趕你係出面企.(其實個時係常日,唔係話太多人)好似d客係入黎比完錢你就趕人走錦,態度又係命令式,完全不知所謂.4️⃣食物質素:蛋治夠厚牛通個湯有d濁,通粉煮得太熟,口感麻麻.其實市區好多茶記都有呢d質素.5️⃣價錢:ard$3x/1個餐,不過不失.6️⃣總結:當你幕名以一個下午時間而來,你會發現係浪費左時間,位置隔涉係上水舊區入面,夏天身水身汗,等位等餐時間長,店員態度又差嘅,分分鐘要受埋氣.其實倒不如係屋企樓下d茶記食個晏算啦.

位於香港新界上水新成路，由其第一代負責人崔先生在1962年創立，超過50年歷史，馳名於紅豆冰、牛肉通心粉及各款三文治。午餐時段就來了這間富有舊式懷舊風味濃的冰室 – 廣成冰室 吊風扇、開放式廚房、牆上掛著的餐牌設計，以及汽水櫃等物品都帶有濃厚六七十年代的懷舊色彩，像時光倒流返回過去一樣。 食物方面， 牛肉通、傳統紅豆刨冰最出名。新鮮牛肉通粉, 牛肉熟的程度剛剛好，不會太韌。 雞蛋三文治亦是必點之選，厚厚的炒蛋，超足料，十分香滑。 推介的紅豆冰必點，紅豆軟硬度適中，紅豆大大粒配以傳統碎冰。十分滿足的午餐。

一向鐘愛光顧傳統懷舊冰室，懷舊心結是重點，咖啡奶茶是亮點，奈何這家位於本居住處區分的冰室，經常性大排長龍，尤其在周末，所以搬來此區多年，只選在偶遇非繁忙時間才會光顧，而且歷久常新這概念，永不會在此冰室的餐牌上出現，總括來說大約一年也會幫襯一兩次。道明只為懷舊而來，固然也是固執地點同一款常餐：鮮牛肉通粉、鮮油菠蘿包、水煮蛋、生冰凍奶茶。十年如一日，鮮牛肉味道沒變，奶茶味道沒變，服務態度沒變，擠迫的座位也沒變...

今日突登泥到上水。人生路不熟唔知有咩出名食店！咁岩泊完車見到呢到好多人排隊。。心諗實無死啦！應該幾出名 1行4人入去試下排到我地果陣就問定我地食咩。咁我就問下有咩好食。原來得2個餐！早餐同茶餐。嚴格泥講其實無咩分別！牛肉通:牛肉開頭粉紅色。都嫩滑既。。但通粉麻麻。蛋治:普通野。係厚囉菠蘿油:微微暖既包。普通野。朱古力:幾好飲。有冰室風味。結論:真係唔明點解咁多人排隊..真係好普通既普通野。落樓下茶餐廳已經食到既質素！唔會再去食

新年長假最後一日，當然要訓到自然醒～起身梳洗再hea 一hea 已經下晝。同男友都唔想出遠門，近近地又諗起聞名已久既廣成冰室，一於起行之前都有試過去廣成，但都被長長人龍嚇退。今日星期一，去到果時見到居然冇人龍，諗緊佢係咪冇開？唔知好彩定唔好彩，原來岩岩好有個卡位，但係洗手間隔離，d 員工出出入入，對門扇哂d 怪味出黎坐左陣都係頂唔順，問下姐姐可唔可以幫手換位。阿姐好爽快，即刻幫手轉。雖然變左要搭枱，但總算可以安心食野。先上枱既係菠蘿油，一上手就有點失望，因為係凍冰冰既，但食落麵包既味道尚可，微甜軟熟。之後到牛肉通粉，見佢個湯好多肉碎仔，好混濁。樣就唔吸引，但一食，帶d 薑味，個人幾鍾意個湯最後先上蛋治，見個滑蛋勁厚，試左啖都幾滑身，加上厚厚既蛋，食落去令人好滿足

時常聽說同事介紹「廣成冰室」通粉、蛋治好好食，所以特意找星期天去一試。約1時已少人排隊，不過等候期間聞到不少貓狗惡臭，因為附近的是寵物店。半小時後終於入座，座位擠迫、冷氣好凍，不過希望仍存在。來了紅豆冰、凍咖啡、凍奶茶，只有賣相又勁甜的紅豆冰、淡而無味的咖啡奶茶。火腿通粉來了，湯底味道淡如水，最正常不過的是熱騰騰的炒蛋三文治，雖然味道平凡，但質前者相比下是美食。至於菠蘿油配上厚厚的牛油，味道也不過不失。難以明白這質素的茶餐廳仍有生存空間，吸引多人來等候，難道上水沒有選擇？！

工作中要快食，見呢間人氣店附近有得泊位，兼無人等位！即刻停低食！搭枱坐大枱！地方迫！食物選擇少（本來想散叫，可惜要等）三個人都叫茶餐（只係飲品唔同！）飲品好快到！食物要等15分鐘！如果係繁複嘅食物當然正常！但呢類冰室食物呢個時間有點耐茶餐（$35）蛋治：麵包鬆軟，蛋治餡用足料！可惜味道淡茂茂，好似無落鹽！蛋炒得乾身唔油！係爭啲味！牛肉通粉：我比啲濁湯嚇親！成個湯碗闊邊都係濁汁！牛肉粉紅色，浸下湯變成淺啡色！淋身唔韌！滑身通粉少許彈牙！加啲辣椒油，辣椒油本身好香！唔太辣但好嗆喉！攻到好想咳！最後食唔晒！熱檸茶：瓦杯上，檸檬唔澀！茶底清，飲落好味！店員阿姐爽手！收銀有禮！不過食物唔算特別！唔值特登來食！廁所非常窄，地下全是水（經過廚房仲見到廚師對住一大筲箕嘅熱通粉灑水過冷河！地下條走道就洗地咁（點解唔在廚房做？要放在去廁所嘅走道展現過冷河？）