廣成冰室

营业中

休息中

多年前已看過雜誌介紹上水這間懷舊冰室，當時已想來但那次又比較趕時間，就放棄了沒去找。今次郊遊後乘小巴返回上水，又想起這冰室，就跟著GPS尋找，由上水站行過去大約10分鐘，幸好冰室沒被水貨客入侵。但也很多人在門外等位，等了大約15分鐘。我和朋友點了菠蘿油，蛋治，和紅豆冰。菠蘿油沒想像中好吃，可能因為不夠熱，有點失望。蛋治則甚有驚喜，厚厚的雞蛋三文治非常足料，蛋煎得嫰滑，三文治又軟身，味道和口感都很好。牛肉通粉不錯紅豆冰最特別之處是那個三角圓錐體的冰，令整杯紅豆冰的賣相增添不少分數。紅豆份量亦頗多，吃完有點飽😅這間餐廳的裝飾完全保留了所有傳統裝置，食物質素亦不錯，難怪任何時候都人流不絕。

星期日放假同阿女去街街前，先食飽個肚再出發！阿女自己話想去廣成冰室食牛肉通。由於是假日，去到已經有十幾人排緊隊。但大約等左10分鐘都已經有位，叫左兩份早餐，一杯熱飲，一個牛肉通，一份蛋治。杯茶走好正，有茶香味但不會太甜，味道剛剛好；牛通既牛好軟，小朋友唔會咬唔到；成份早餐，至正既係蛋治，麵包好軟好新鮮，炒蛋份量勁多又唔會overcook，阿女至愛呢份蛋治！至於冰室既環境係懷舊裝修，地方比較迫，不過人人都係食飽就閃！價錢方面，$38一份餐，以份量同味道都可以話係好抵食！真心推介呢間上水懷舊冰室！

一朝早入左上水食早餐，去左廣成冰室，係正宗懷舊冰室既地方，，d餐牌，文字，全部都好正，，點解可以寫得咁靚，，叫左最出名既牛肉通，，味道正正常常，唔係勁特別好味，只係幾有老香港感覺，，長輩話呢間係真正既古老餐廳，因為而家已經好少餐廳整牛通落薑絲，，我諗諗下又好似係喎，佢話以前既餐廳通常都會咁做，，佢地飲既奶茶都話沖得好好飲，茶底好好，，個三文治都好足料，好厚蛋而且熱辣辣，，下次有機會想試下奶麥，奶咕，黃梅班㦸，，好有趣，唔知係咩黎嫁呢，住附近既人都幾幸福，，市區都無咩呢種冰室既選擇，得返d連鎖店，，黎呢到食好似入左片場咁

廣成冰室一間位於上水依然保留60s70s風格既傳統冰廳，入便既環境絕對令我想起小時候去冰室既時光，特別令人懷念！入返正題，我本身唔算標準吃貨，只知道好多人幫襯亦要等一段時間先入座，而今次等咗大約十幾分鐘唔算耐。一坐低已經諗好食乜啦- 菠蘿油一望就知個飽唔硬身 點知一咬落去 咦 個皮又幾脆喎😍而且牛油厚度岩岩好 唔會好漏亦唔會覺得冇牛油香 正🤤- 牛肉通粉呢個係必點 因為係常餐既主打每枱都有一碟 咁當然都要叫嚟試下啦一上枱 咦 好足料既牛肉片😳再望向佢個湯底係有大量鮮牛肉既碎粒，令到湯底帶有濃濃既牛肉香，再配有小小獨特既薑絲，而牛肉絕對有牛味，唔係個啲煮到梅晒既肉👍🏻overall係冇乜味精既感覺兼好食既😋- 超厚蛋三文治廣成呢個三文治係爆多炒蛋而且啲蛋絕對唔乾得嚟有蛋味值得一讚!

今日自己一個去左上水廣成冰室，幾乎住上水嘅人一定識，呢間懷舊冰室，去到當然一定係超多人架啦！好彩我一個，所以好快就有位，一定係同人座啦！如果知呢間野，當然知入面相當逼啦！一入去姐姐第一句就問食咩快！跟本唔洗諗，「牛肉通」唔該！好多就上了，超熱，牛肉唔會孤寒，通粉適中，所以每次都會食，雖然環境唔多好，但佢嘅風味獨特！所以又一次再去！犯賤

廣成是我由細吃到大的茶記，沒靚裝修，卻有懷舊冰室的味道。這裡也沒menu，只有牆上的餐牌。星期六放假，早上帶男朋友去吃，11點左右等了5分鐘便入坐，裡面滿是人。入坐點餐後，我倆等了差不多20分鐘，終於來了牛肉通粉吃！鮮牛肉吧？很滑！湯底也是牛肉碎的🤤❗️牛肉通粉之後再來了蛋治，蛋的水準依舊高，炒得很嫩很滑，不足之處是蛋汁令方包都浸淋了蛋治我點了熱檸水，有4塊檸檬，一點都不慳皮。雖然冰室不大，坐位也不多，但是餐廳內外的人都耐心等待，為的是吃性價比高的牛通、蛋冶、紅豆冰🙂

上次要排隊，所以走左冇排今次落雨，不用排，即衝入去！大名頂頂上水廣成冰室既牛肉通粉！全日供應！門面都好懷舊！呢隻地磚就係絶左版新鮮牛肉配通粉呢個奶茶真係！好。好。飲！有好香既茶葉味！好少地方既奶茶我會鐘意飲，多數茶記我都只會飲檸茶，呢個我好ok!邪恶波羅油！最衰個包唔熱配上凍冰冰油一定好正！門口的波羅包軍團，所以係預先整好的。。。最精彩係蛋治！勁多炒蛋！2到3隻蛋都應該有炒得好滑，亦不係好多油要左2個餐，一個配波羅包一個配炒蛋治配凍飲都係39蚊，好食！滿足！

今日友人帶我到上水食好西尼間既茶餐出晒名，幾乎大多數人來到都係食茶餐裝潢超級復古，保留到以前七、八十年代既味道，尼種舊式風扇都少之有少。雖然裝潢同傢具好古舊但保留一留風味。平日下午茶時間正常人流不多，相反尼間爆滿人，仲要來吃的主要是茶餐或常餐。因為茶餐既多士真係好厚厚厚蛋而且個蛋煮得好嫩滑仲要價錢不貴，《茶餐》只係$38《雞蛋三文治🥪》配《牛肉講通粉》配熱飲☕️尼到既《茶餐》set死左無得改野雖然好專制但就真材實料首先來左杯熱奶茶，尼到既奶茶都係傳統拉茶所以好滑茶同奶調得剛好，所以吾洗加糖都夠味啦另外《牛肉通粉》既牛肉煮得恰好不會過熟，而且牛肉超大塊真係好新鮮而且通粉煮得不會過淋一向最愛食麵包同蛋既我，尼個蛋治成份上仲要超厚既蛋睇來好多，食落吾夠喉，三文治🥪好軟身，蛋厚得來保持到炒蛋既嫩滑吾會過熟，仲有蛋汁流出來食晒成個茶餐都吾夠喉啊有機會可以試埋其他

職員上餐時，經常性手指入了牛肉通湯，職員除了要清理食完的餐具，時間右要處理上餐，上餐時手指入了湯，這樣非常不衛生。有侍改變衞生，可以考慮更換新餐具或增加盘！！ ！!!!!!!!!!!!!!!!!!!!!!!!!!!!!!!

每次來食時，職員上餐時，手指都入了牛肉通湯，非常不衛生，因為職員在每個客人食完後就會收餐具，但之後同時上餐。非常容易造成交叉感染。可以更換大的/深的餐具改善，有待改善！!!!!!!!!!!!!!!!!!!!!!!!!!!!!!!

要數我在「開飯喇」食評裡面，最北最接近邊境的試食地區，之前應該是「粉嶺」，由港鐵站附近的商場，到偏遠接近郊區的「聯和墟」，「聯和墟」暫時已經是食過最接近北方的地區。今次我將我試食地區再向北推上一點，去到最近「羅湖」的北區城市「上水」，「上水」是我的爺爺嫲嫲以前居住的地區，不過我的爺爺早已經仙遊，嫲嫲居於老人院。回想昔日農曆年初一，到「上水」爺爺嫲嫲家裡拜年是第一件必做之事。尋找看看「上水」有什麼餐廳食店，是值得我第一次幫襯試食的餐廳。不過我以前拜年的時候，在「上水」的足跡都被我限制於「彩園邨」、「彩園商場」跟港鐵站旁邊的「新達廣場」、「上水廣場」跟「上水名都廣場」。至於位於「上水港鐵站」另外一邊的舊區「石湖墟」，我因為人生路不熟，所以甚少一個人前往「石湖墟」觀光逛街，反而我的表姐，表弟跟姑姐們，反而會樂在其中，每次去「石湖墟」都能盡興而回。至於我在「石湖墟」的孤身前往遊覽，今日才是我人生的第一次而已。我要直到今時今，我才能真真正正地豁出去，無束縛自由自在地在上水「石湖墟」裡面逛街，找尋我的目標心水食店。今次我試食的上水「石湖墟」食店，店名叫做「廣成冰室」。「廣成冰室」從店門，到食店內容

原來廣成係意料之外地出名😂係我低估左你連住區外既男友都話要黎食！今次我地叫左牛肉通，同埋茶走！但我諗去廣成都係食環境為主，牛肉同通粉真係唔太突出，但講環境就非常懷舊！到返黎寫食評先見到原來廣成既蛋治係咁足料，下次再去試下你蛋有無蛋味先🤤牆上有用油寫上既餐牌，男友有幾樣都想試，一問姐姐之下先知道原來牆上餐牌上如果隔離無價錢既就即係已經無賣。都明既，小小老店要經營到，仲Keep到懷舊味道已經好難得，如果有齊餐牌上既野人手都比較難應付！

上水石湖墟對我嚟講係一個好陌生嘅地方， 如果唔係公司嘅新客喺呢度，我要揸車嚟送貨嘅話，我未必會到呢個地方，喺呢個我唔熟悉嘅地方，要搵食就要睇睇op， 原來廣成冰室喺出名嘅，所以我就喺呢度食嘢。入到餐廳，嘩好多人！ 不過咁墟撼嘅場面就代表著應該會係好食， 因為我曾經喺網絡媒體嗰度睇過，黃秋生話餐廳多人就大概都會係好好食，我唔信理論，但我信黃秋生！我費事睇餐牌啦，不過我見到好多人，都有一啲街坊都係有叫菠蘿油，所以我就跟隊叫埋菠蘿油，呢個菠蘿油嗰個菠蘿包個樣唔係咁靚，不過食起嚟又鬆軟，個皮又夠脆，食落係甜甜地嘅，加埋嗰件唔係太厚嘅牛油就very good香港人係一定要食菠蘿油嘅，唔鍾意食菠蘿油嘅就唔算係香港人

已經好耐都無黎過上水喇 今次特登為左睇白茅而黎 發現呢道俾大陸客完全侵佔左 行到最角落既呢邊好彩發現到呢間好有懷舊風味既港式茶記中午十二點左右到 等左5分鐘左右就可以入座 因為地方都幾迫 收錢既老闆娘就好似哈利波特捉緊巫師棋咁大聲指示士兵去邊坐低 指示非常清晰我地分別叫左一個早餐同一個茶餐菠蘿油就無乜特別 不過不失 但係男朋友無食到舊牛油 阿姐就好貼心咁提我地下次可以叫走牛油牛肉通粉牛肉微紅 不過係熟透既 食落好鮮甜 無腥羶味 通粉就好滑好彈牙最後 主角終於壓軸岀場 就係呢個睇落平平無奇既雞蛋三文治但係一拎上手望一望就會發現d炒蛋真係超級厚 一口咬落去真係好滿足 軟軟既面包外層加埋又香又滑又有小小半熟既超厚炒蛋 山長水遠黎到上水食都抵左凍奶茶比凍鴦好飲 奶味比較重

呢排上水上堂，差唔多日日放學都嚟呢間「廣成冰室」食個下午茶，每次去到都要等位，人氣唔係講笑。今日例牌叫個茶餐，當中鮮牛肉意通粉用上新鮮鮮牛肉，湯底非味精湯，入口都好清甜另外「蛋治」同樣出色，塊蛋炒到半生熟，成呎厚！係味道淡少少，要自己加鹽調味。基本上食完個蛋治已經飽哂。菠蘿油不太推介，包唔夠熱，牛油溶唔到，完全唔係果回事。三個人埋單先$117，環境唔算好，但味道風味搭救