廚十三老壇酸菜魚 (渣甸街) (已結業)

係大陸同香港都未食過酸菜魚，因為見到好多網媒介紹呢間係香港開咗無耐既酸菜魚就好想去食，啱啱一開既時候怕太多人，所以等到最近約朋友食飯終於決定一齊去試試佢。個座位空間好寛闊，同隔離位既距離唔會太近，私隱度幾高，而枱面都好大，裝修既話就係牆上有好多佢地自己既插畫，感覺幾舒服。Menu～啲菜式名都幾搞鬼～兩個人食就食唔到太多嘢，所以我地就揀咗嗰嚟呢度一定要食既酸菜魚同埋一個小食就夠。好快就嚟咗呢個小食 酥炸無臉男($88)，除咗出面有一啲小辣味既粉，個肉本身都有啲花椒味，食落去會食到小小一粒粒花椒，口感幾得意。而個肉就肥瘦適中，都有啲油份係入面，皮既話雖然好乾身，但食落去又幾juicy。個粉既話都配搭得好好，又夠香又夠辣。食完呢個無耐酸菜魚就到，個份量真係有啲嚇親呀，因為我地只係叫咗小份($328)，但估唔到都有咁大碟，直頭係大過我地兩個人塊臉！配菜我地再有叫咗土豆片($28)同寛粉($28)，啲料都幾多，而土豆就切到好細塊，酸菜非常之多，由於酸菜好吸到個味，所以都好好食。魚既話都好滑，基本上份份都好大條，又吸到湯既味，酸酸辣辣咁幾得意。我地每人再叫咗本嘢飲，呢度都有啲特飲俾人選擇。藍蝶花白

早排聽朋友講呢間lunch 幾好食，價錢都唔算貴，今日咁啱附近做野就上去試下先。我地嗌在「老壇酸菜雙人餐」(即係酸菜魚)、「碧綠脆筍」、「正經的雞被撕」(即係手撕雞)，同埋「雨露均沾」(即炸年糕)，跟餐仲有飲品，酸梅湯就免費，其他加10蚊。前菜，個人好喜歡「碧綠脆筍」，麻而不辣 ，鍾意麻辣，但唔食得辣既人就啱晒，下次都一定會ENCORE。而「正經的雞被撕」，除左雞肉，配料仲有香香既莞茜，同乾辣椒，整體味道濃淡適中，有點偏辣，要小心咬到「炸彈」。「老壇酸菜雙人餐」，一大鍋酸菜魚，主角魚係新鮮魚，爽甜;大配角酸菜，都非常出色，好似係廚十三自家秘製。甜品「雨露均沾」，黏黏的甜甜的，煙煙韌韌，味道有點似煎堆呁香口，而味道就係甜味，食完辣再吃小甜品中和返!

我好鍾意食酸酸甜甜嘅嘢，，好似我今次去嘅餐廳咁樣！去咗銅鑼灣一間食出名酸菜魚嘅餐廳，雖然一入到去冷氣好猛，但係我同朋友仍然好淡定咁樣落咗order！我哋叫咗酸菜魚，因為唔知道佢幾大份，所以就叫住呢樣先！一嚟到我哋睇到眼都突，因為真係好大盆！應該係我食酸菜魚以來咁多次當中最大嘅一次！事不宜遲我即刻試吓味道，味道同一般嘅酸菜魚分別唔太大，魚肉嘅質感還不錯，而且喺盤底都有薯粉喺度。一盤酸菜魚可以4人食！同樣地，可以揀魚嘅種類，例如桂花魚！

聽到朋友話香港都有酸菜魚食，當然要去試下啦！😍😍今日同老公去呢間餐廳食lunch, 一入到去，覺得環境都幾舒服，座位都好寬敞， 同埋有埋cushion，好細心😍😍坐得好舒服😍牆壁掛咗d畫喺度都幾特別幾有特色😍我哋叫咗老壇酸菜魚小份（二人份量）配午餐肉木耳同埋粉絲，哇！雖然係小份，但佢嘅份量都好多， 好足料，食材好新鮮， 木耳同粉絲配酸菜魚簡直一流👍👍👍 酸菜魚好入味，辣辣地好開胃👍👍 我老公就鍾意酸菜魚配午餐肉😋 我哋另外仲叫左碟 白灼菜心，都幾好食😋我地另外叫咗紫貝天葵百香果同埋檸檬c+， 估唔到飲品都好驚喜，好好飲👍👍👍份量又多， 食完辣野再飲 好正😍我地食完都覺得好滿足，好滿意呢間餐廳😍

朋友知我鍾意食川菜 特登帶我嚟食呢一間喺香港都食過好幾次酸菜魚 但好多時都唔太滿意一係就唔夠酸 一係就啲魚有腥味 但係呢間我真係十分滿意啲魚好滑 而且完全冇腥味冇骨 酸菜醃得好入味所以煮出嚟嘅湯底都好夠酸同香唯一嘅缺點就係冇得揀辣度唔係太食得辣嘅人會好辛苦另外，佢嘅飲品都做得好出色我叫咗百香果藍蝶花 大大杯又夠晒凍 飲落唔會太甜 仲有啲難香子係入面增加口感 解濟又解渴餐廳入面嘅環境都好舒適 可能因為係平日 所以夜晚都唔係太多人 唔使排隊就入得總括而言，非常推薦呢一間餐廳！

呢日同客來試下酸菜魚，佢係日本人，本來都擔心會太辣/唔岩佢口味， 但佢話係黎香港最好食果一餐我地叫左幾款小菜：鉢鉢雞腳 ：無骨雞腳啖啖都係肉唔係太辣，好香芝麻同蒜味隔壁小孩饞哭了：其實係肉末加椰菜，即時煲熟 所以熱辣辣的 煮完好香， 味道幾好 唔太咸，椰菜有天然的甜味，好食！糖醋馬甲線：糖醋口味的炸魚肚肉（？）炸得勁脆口日本朋友大讚小份老壇酸菜魚：見到d辣椒咁多，嚇到日本朋友唔敢食。但原來食落係酸多過辣，小份酸菜魚都好多魚肉同酸菜，我地竟然食得晒！！寬粉同酸辣口味好夾呀豆腐有好多舊，但唔太入味滿滿嘅一張枱，睇得出酸菜魚有幾大盤情誼綿綿：冰粉+黑糖無得輸呀！ 呢款甜品唔罪惡，而且又幾清新正！Btw, 食糖醋馬甲線配啤酒好正好滿意呢一餐，d野食唔會太辣，可能係就番香港人口味

男朋友自從北上吃過太二酸菜魚之後，一直念念不忘，但無奈每次都要排成2-3小時所以一知道銅鑼灣開左間太二班底嘅廚十三，我倆即刻果晚就衝左去試。今次其實已經係我地幫襯第1x次了。。。每次叫嘅野都係一樣酸菜魚(大份) $468 再另加酸菜&粉絲 + 白飯 其實有幾個size嘅👇🏻，只是我們都太愛吃酸菜魚了，所以都只叫一個3人份嘅酸菜魚，不另叫其他小食呢間酸菜魚個湯味道拍得住太二架，有椒麻味，夠酸夠辣，送飯一流。魚片亦都係好嫩滑，且完全無骨不過香港地就真係乜都貴。。。呢度個價錢係深圳嘅一倍多，份量又細左！佢有得book枱 time cost減返，所以我地都係會繼續支持的

天氣轉冷，又是養生的時候了！ 今天不談其他，就只想跟大家分享一下今晚吃得十分滿意丶又有食療價值的這一餐。。。首先來兩杯店家的特色手調飲品：特飲1：紫背天葵百香果 $28橙色是我最喜愛的顏色，而這大杯顏色橙橙黃黃的手調飲品丶未喝下去，光是看看，已經令人垂涎欲滴！飲品喝起來酸酸甜甜，十分醒胃， 而且可以解辣， 十分適合搭配酸菜魚享用。我記得媽媽曾經說過，百香果跟紫貝天葵都是很有益的食物， 肯合秋風起丶 天氣開始轉冷的時候食用。這是因為 百香果有止咳化痰丶 消炎鎮痛丶清理腸胃的功效丶 而且含大量維生素C， 能提升身體的免疫能力，有效對抗流感。另外，紫背天葵有潤肺止咳 丶清熱解毒丶生津止渴的功效，最合秋天「秋高氣爽亅的時候飲用。特飲2：藍蝶花白桃 $28至於我的朋友，則喝了這杯淡藍色的飲料！我偷喝了一口，整體沒有很甜，但白桃的香味很出，很清新。功效方面：藍蝶花含有豐富的花青素，跟藍莓一樣，具明目丶保護眼睛的作用。另外，它還具有抗氧化丶促進血液循環的功能，對保持皮膚彈性丶抗發炎有不錯的效用。主菜：小份酸菜魚 $328（配：米線丶腐竹丶藕片丶豆腐  。。。每款$28）酸菜魚是非常有名的川菜， 今夜

由佢啱啱開張到宜家，lunch dinner 都食過四五次，覺得好好食，之前lunch 去過 $168 二人餐都覺得好抵。可惜琴日 lunch去，唔知發生咩事，個二人酸菜魚餐變左冇得加配菜，如果要加，就要叫番 regular散叫一盆酸菜魚。咁都算，d魚唔知做乜，薄過紙咁，二人餐得五六塊魚，明明之前食過都唔係咁。唔知係轉左廚師定點，大不如前。諗住搵次試下dinner去，睇下係咪都係咁，係既話以後blacklist

天氣漸漸轉涼，超級想吃北方的酸菜魚，在香港居然還沒有什麼可以選的，於是就和好友找了在銅鑼灣的老壇酸菜魚。我們點了一個雙人套餐，點了「正經的雞被撕」，「刀拍前男友」，「好虎椒愛鬆花蛋」，還有白灼菜心。酸菜魚一上來，一開始還懷疑我們吃不吃得完，但是酸菜魚真的好好吃，我們加了一些菜在裡面，口味不算太重，對於沒有吃很辣的我剛剛好，魚非常的滑嫩好下口，讓人一口接一口，停不下來。手撕雞（正經的雞被撕）跟平時吃到的也很不同，有很多的香菜，口味非常清新，就算配著酸菜魚也一點都不覺得膩，兩者相得益彰。拍黃瓜（刀拍前男友）則有點偏甜，我比較不習慣。皮蛋（好虎椒愛鬆花蛋）則是全部菜色中最辣的! 白灼菜心則是非常清甜，和每道小菜都百搭，菜心的口感還有味道跟酸菜魚互相搭配，覺得是很豐富的一餐。整體來說，用餐的環境非常的舒適，位子大，各種不同滋味的小菜配主菜酸菜魚，好吃的魚，口味不會太酸太油，真的是難得好吃又健康地道的酸菜魚。會把它放到口袋名單和好朋友推薦！

本身是酸菜魚的fans，知道有專門店，當然要試吓😜一入都店內，見到其他食客，每一枱都有一大盆酸菜魚，份量大到嚇死人😳坐低攞份餐牌睇吓，即刻O左咀，基本上成張餐牌只有酸菜魚，無乜其他菜式。最平的2人份量，都要$328😱 真係好貴。不過一場來到，無理由唔試，咁就叫左2人份量。不過我怕辣，叫左極少辣。一上菜，見到一大盆酸菜魚，真係幾興奮。不過睇真啲，成個面都係辣椒，即刻面都青左，明明order極少辣，好明顯又係呃人。咁都算喇，唯有自己撈起晒啲辣椒。辛苦左一輪，終於有得食。夾番舊魚，係辣到飛起😓魚肉其實除左辣味，就無其他味，唔夠層次。其實酸菜魚應該有的麻味同酸味都唔夠，得好少。再試吓個湯底，鹹到痴線😨魚肉係好多，但都係剛夠兩個人食。不過$328就真係好貴喇。我叫埋淥菜心，兩杯檸茶，薯粉，埋單收$488😱講真，成五百蚊淨係食辣味淡水魚，真係無下次

同fd約左好耐 終於有機會過銅鑼灣試下 我地order左一份午市二人套餐 其中包括酸菜魚同飯/米粉 嘢飲 我地兩個人都揀左飯 一開始仲擔心話兩個人會唔會唔夠食 後尾發覺自己多慮了 酸菜魚份量好足 賣相都幾靚 個魚肉好嫩滑 而且冇骨 味道酸辣適中 有小小後勁 但都算可接受 個湯底都好好味 汁撈飯一流 🍚米飯好食 好重飯香味 粒粒分明 個人感覺已經算好高質 fd都話好食 以後唔駛特登北上 係香港就可以食到酸菜魚 真係好方便 價錢又合理 同埋侍應的服務質素都OK 會約fd再去

想試最近都幾紅嘅酸菜魚好耐，不過因為大陸嘅食物安全問題，我就唔敢返深圳食，既然香港開咗一間專門店，咁我就梗係試香港呢間啦人流都幾多，好彩有訂位！感覺乾淨衛生抵唔抵食就見仁見智，我就覺得價錢偏貴～叫咗一個大份，配料揀咗金菇、豆腐同埋薯粉。金菇必點，薯粉亦都唔錯，浸到最後好入味之餘亦都保留煙韌口感酸菜魚方面，落單嗰時已經知道會有細骨，食嗰時只係得一兩條，只要小心啲食都唔係問題；魚肉好滑同埋一定要同嗰啲酸菜一齊食，呢種酸辣都幾開胃呀呢個黑木耳我就唔係太欣賞喇，雖然佢都煮得幾入味，但係我唔太鍾意乾身咁食～如果覺得辣嘅話，推薦大家叫返碗冰粉試下，如果佢嘅糖漿再多啲就更好啦如果真係想試酸菜魚嘅話，呢間專門店都係一個唔錯嘅選擇，味道貼近我想像中嘅酸菜魚，衛生同服務都幾好，係價錢貴咗啲咁啦～

呢間野都算係大陸果到幾出名既酸菜魚餐廳，今晚同班friends一齊黎試下，唔洗特登番大陸～小食雲耳，呢個有小小失望，因為雖然話夠入味，都食到d麻辣香，但係實在太dry，可能餐廳想保留雲耳既口感，怕會浸得太淋，但我個人就覺得fair la～今晚主打晚酸菜魚，超大份量，上檯時店員會提下你可能會有醉骨，非常貼心～不過食到最後都冇骨haha～加左金菇，必叫！索曬d湯好好好正～仲有滑豆腐，不過好容易會整爛～原條大魚頭～更多金菇～白雪雪又冇骨既魚肉～呢個我就當甜品咁食，基本上好似炸年糕咁，有面粉香，點上黑糖醬仲好食～真正甜品冰粉～都係用黑糖調味，不過冇d咁解～但唔知點解食到garlic既味道🙀王老吉，自動冰底～

今天細佬Victor 說他很想吃酸菜魚，他說最近有一間十分出名的廚十三老壇酸菜魚好評如潮，而且就在銅鑼灣渣街66號亨環4樓，也太容易找了，我們馬上訂枱出發!首先叫了刀拍前朋友，就是刀拍青瓜，酸酸辣辣，味道很正，也令人很開胃!另外老虎椒愛松花蛋，有着兩顆黃金皮蛋，酸上辣汁，皮蛋又鬆又軟，入口即溶，其味無窮!酸炸無臉男就是炸豚肉，熱辣辣的很香口!主角我們叫了大份酸菜魚，廚師用上最新鮮的驢魚切片，當然加上辣椒乾，泡椒及花椒，魚片很入味而且大大碟加上午餐用及藕片，我們馬上大大啖啖的吃遍不停，因為這酸菜是成郁醃製把鱸魚的鮮味更提升了，難怪客似雲來，渴着酸梅湯和紫貝天葵百香果，心情頓覺愉快，我們叫了2碗情意綿綿的凍粉，今天晚上超大滿足了!