廚十三老壇酸菜魚 (渣甸街) (已結業)

酸菜魚係重慶經典菜色！今次係第一次食酸菜魚！感覺唔錯，可以再戰！呢間廚十三酸菜魚地裝潢舒服，地方寬敞，係寸金尺土嘅銅鑼灣真係好難得。而且服務員態度仲好好。 我同朋友兩個人叫左兩人份嘅酸菜魚，仲加左寬粉，蓮藕片同金針菇。雖然係兩人份，但上菜時嘅酸菜魚真係好大好大碗啊！唔係誇張真係有成張枱咁大。首先試左號稱「比魚好食」嘅酸菜。聽講酸菜仲係係成都直送嘅，特別正宗。酸菜微酸，少少咸。個人比較喜歡食酸菜頭/ 莖部，因為好爽口，而且較酸！至於湯頭呢就酸酸咸咸，微辣嗆口。個人最喜歡食魚片。鱸魚魚片真係好嫩好滑正！除左嫩滑新鮮，都好入口味！咸鮮香辣配合得好好。魚片沒有想係中辣，可能是配合香港人嘅口味，只是微辣。不過就比較刺激嗆口。仲有魚片比較薄身，但就冇魚刺。魚片都好食！完全冇鱗。配菜方面最中意食蓮藕片，好爽口入味，正！寬粉就比平常嘅韌，難咬d。怕辣怕嗆嘅朋友就記得叫酸梅湯！真係好解辣好開胃好正！我地仲叫左雞腳，無骨，酸酸辣辣好入味，但都幾辣最後就有甜品！個名好特別叫左雨露均霑，其實就係紅糖糍粑，煙煙韌韌，配上黑糖同黃豆粉，唔錯！

近年越黎越興食辣野，但好多出名既鋪頭都喺大陸，有時突然想食都無時間番大陸，不過近排都終於開到黎香港喇！呢間就係由美國開過黎既🇺🇸餐廳唔算大，所以晚飯時間都預左要等位，好彩朋友醒一早訂左位座位好闊落，兩位都可以坐四人檯。酸菜魚二人份 $348 另外仲加左寬粉同金菇，上檯見倒個碗好大，不過份量就唔算好多，另加既金菇加埋都唔知有無一束寬粉一開始食無咩味，浸多陣就開始索倒啲湯汁。主角既魚片食落都算滑，不過有兩三片食落有腥味，係絕對不能接受啊！至於湯底係有酸味既，辣味就好小（無得揀辣度），同埋比較多油，但都比香港大部份食倒既酸菜魚好味！如果無時間番大陸又真係好想食都可以一試，可惜價錢同份量真係唔成對比

我見佢啲裝修好似太二 搵一搵原來係太二既美國分店開到黎香港 可能啱啱開晏晝時間去冇乜人 叫左午市二人套餐 $168 一盤酸菜魚配三款指定配料 連飯或者米線 兩杯飲品加甜品 其實幾抵食 份量唔會好多但係都夠食 魚片無姚咁滑溜 有一份真實嘅感覺😂有花椒泡椒辣椒乾係入面辣度十足 配米線吸晒啲湯 不過湯底有少少稀 甜品嘅冰粉唔錯喎 口感豐富 紅糖味幾重 比起係深圳食既好🧐 午市呢個價錢都算食得過-廚十三老壇酸菜魚 (銅鑼灣)銅鑼灣渣甸街66號亨環4樓

我就其實未食過什麼「太二」或其他酸菜魚，所以不能在此作比較，話說呢間係同一個班底組成嘅香港分店，而這間酸菜魚係由深圳揚名到美國的，我諗都應該有返咁上下！啱啱八月先係香港開分店即刻約埋愛辣嘅朋友嚟試吓先！單憑第一次食酸菜魚嚟講係有驚喜的，因為我以為酸菜魚只有酸味，但估唔到原來係又酸又辣的，好惹味！但大家留意番辣嘅程度係冇得揀已經set好咗，所以如果唔食得辣嘅朋友就要諗一諗啦！湯底以菊花瓣點綴，湯㡳濃厚而不膩，可以直接喝酸酸辣辣帶點鮮，非常開胃。魚是用上鱸魚，去骨切薄片，口感滑嫩配菜揀咗藕片、午餐肉同寬薯粉咁當然我最期待吃那些酸菜，據聞酸菜係由師傅精選優質大白菜入罎醃製，經過365天的天然發酵而成，口感好爽脆，酸味適中，但如果份量可以再多D就最好。老虎椒愛鬆花蛋，溏心皮蛋， 每隻皮蛋都帶有雪花紋，加上虎皮青椒剁成蓉，又軟又香辣，食落都幾刺激下！鉢鉢雞腳係四川嘅地道小食，雖然是個冷鍋，但一串串冇骨雞腳也很入味，口感爽脆，係一個吃不停口嘅小食！

一個人午餐，點了單人套餐，結果等了快40分鐘？？！！其他檯遲過我的全部先上菜？搞咩啊？沒見過餐廳咁樣噶！據說係太二班底來香港開舖。沒試過咁差服務態度，點餐時話淨係酸菜魚，裡面冇任何配菜，全部要額外加，好彩沒加，其實明明就有配菜，搞邊科啊？

看過網上的介紹，知道是太二酸菜店的美國店班式來香港開的分店，本人喜愛北上吃酸菜魚的友人即刻相約去潮聖一下。雖則朋友常往大陸吃酸菜魚，但我卻是第一次吃，真是大鄉里出城，內地的食店來港開分店都方便了很多像我一樣沒時間北上的人。香港店跟內地店一樣獨沽一味只有一款酸菜魚做膽，魚就用上鱸魚，鱸經專人去骨再切薄片，片片晶瑩剔透，薄薄的一片更易吸收湯底的味道。湯底則加上酸菜、大量花椒粒、辣椒，味道是超辣，就是中國式的辣，但反而不太酸，不過足可挑戰你味蕾。除了酸菜魚外，可另外配上其他火鍋的配菜，不過配菜的選擇不多，只有數款，選好後店員會將配菜加入鍋內一鍋過上枱。酸菜魚一大鍋的上，足有半張枱那麼大，見到都超興奮。隔近鄰枱的顧客都有不少是內地來的，大都是年青的新一代，可見太二酸菜魚在內地的受歡迎程度。

呢間酸菜魚開左之後就keep住日日滿座，好彩提早訂左枱，見好多walk in 客都冇得食去到因爲唔夠魚所以經理話只能叫大份，所以就加左2款配料同幾款小食❤️酸菜魚 大份加寬粉金菇酸菜魚份量一般，冇骨，好滑！麻香味極重，幾惹味。不過魚肉應該另外有調味所以食落會重口味d🙈寬粉份量都ok，好滑好闊身，吸哂d湯底既味，所以好正！食呢個魚必點！金菇就正常，本身食落唔太見金菇同酸菜，食到一半就會發現佢地既蹤影😂😂❤️鉢鉢雞腳有6-7支，偏麻辣但唔會死咸，值得一讚係雞腳處理得好好🤤❤️酥炸無腳男酥炸肉，食落嫩滑少許偏咸，價錢偏貴，多人share試都ok🤔❤️刀拍前男友姐係拍青瓜，唔太辣bor，幾清新又爽口，解辣，唔錯🤪❤️老虎椒皮蛋有2大粒，同樣唔太辣，有切定幾易分😋❤️雨露均霑姐係黑糖糍粑，幾煙un，黑糖漿勁多，不過我覺得掂小d好食d🤣

自從係成都返黎好少食川菜。今日係時候再次挑戰自己，決定食酸菜魚！我見呢間餐廳直接以酸菜魚命名，應該有水準。裝修無乜中國傳統特色。相反，設計比較簡約，卡位非常寬敞，樓底高，空間感十足。我地一場嚟到當然要叫酸菜魚。我認爲酸菜係其賣點之一，一碗內有好多酸菜，愈食愈想再食。酸菜令湯底帶香辣，又唔會太油膩。餐廳採用新鮮鱸魚，去曬啲骨之餘又夠入味，唔腥兼肉質嫩滑。我地叫左小份但份量已經足夠。另外，我地叫左幾款配菜，包括豆腐、金針菇同寬粉。豆腐同金針菇吸收湯底精華更香，寛粉質感比較煙韌，幾過癮。凍檸茶茶底香濃，又大大杯，非常喜歡💕對比起返大陸食當然比較貴，但地理位置方便，而且環境舒適，值得一試。

成日都會返深圳, 係深圳食水煮魚, 酸菜魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係銅鑼灣渣甸街尾, 一座新開好靚既大廈(享環) 4/F , 新開咗一間"廚十三老壇酸菜魚" 佢話佢個度D酸菜魚都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 一D都唔似食中式野既地方, 似PUB多~ 卡位好濶, 坐得好舒服~~ 我地點咗一個必食老壇酸菜魚(小, 二人用) $328, 一份尖椒皮蛋$68, 一份拍青瓜$88, 一份糖醋馬甲線$118, 老壇酸菜魚 (開頭覺得有D貴, 上枱原來洗面盤咁大碗, 足夠4人食) 因為有朋友唔食辣我地點咗減辣, 未食聞到已經流哂口水~ 魚好滑, 但肉質好實淨好新鮮~ 仲 開始後悔頭先點咗咁多野~ 有D驚食唔哂~ 但個湯 好酸好開胃, 面頭D花椒好惹味~ 好好味~ 好辣既朋友必定要試既餐廳~~ 全給滿分~~ 正~

朋友發現香港有酸菜魚食，不過驚夜晚食會唔夠飽，所以就lunch黎試試。上到去以為自己上左大陸，東門風味重，好配合食酸菜魚嘅心情。三個人叫左大份酸菜魚，大家都好為食，加左午餐肉，金菇同最重要嘅寬粉。酸菜魚到啦，個盤比洗面盤還要大，魚肉上面鋪滿名式各樣嘅辣椒同香料，好似畫一樣咁靚。撥開啲辣椒後就搵到魚肉，已經拆哂骨，啖啖都係肥美魚肉，雖然個湯好濃味，但又唔會掩蓋魚肉本身嘅鮮味，而且個辣度可以接受，酸菜個酸味又好惹味，忍唔住令人食完又食呀！然後再叫左啲小食share，有木耳，雞腳同雨露均沾。木耳好爽脆，帶酸辣。雞腳超辣，唔敢試。雨露均霑，軟綿綿感覺好得意！最後每人叫杯酸梅湯，好冰凍，而且開胃又解渴！

一向都唔太鐘意食魚不得只仲係一個唔太食得太辣既人黎既只係朋友gathering大家話想試咁就試下啦反正平時真係唔點食魚一上到去d擺設都好eye catchy亦都安排咗d位置係出面等客人等位時可以坐下因為個日食實在太多人啦所以都要等一陣先有得入座餐牌選擇一頁睇哂 夠哂簡而精黎得食酸菜魚呢個當然必點啦因為我食得唔算多所以四個人都淨係叫咗個大份酸菜魚咁配菜可以最多叫三樣咁我哋就點咗寬粉 金針菇同埋豆腐魚係真係好滑好滑連平時唔鐘意食魚既我係咁食再加上d酸菜令到d魚好惹味不過d湯就真係飲唔到對我黎講就辣咗d有d後悔點解唔叫土豪份ㅜ...ㅜ寬粉就真係超級推介好好食如果多多少少寬粉就更好了另外仲叫咗d小食既首先就係呢個酥炸無臉男其實係炸豬黎既都好好食㗎炸粉唔會話太多亦都唔會話太油食多幾舊都唔會太封喉所以我呢個小食係食得最多另外仲叫咗雨露均霑雨露均霑其實係rice cake黎既個口感幾好唔會太lim點埋d醬汁食仲好食最後仲叫咗雞腳同埋青瓜本身兩樣我都唔食既不過個日大家都飽啦我就試下食雞腳啦個口感我就唔鐘意既本身因為我覺得會好奇怪點知食落都幾好食入哂d辣味唔會太dry整體黎講呢間餐廳既水準都好回食度都幾

同女朋友系銅鑼灣行街，肚仔餓了..突然想食魚..所以搵到間附近有魚食既地方食飯..搵到廚十三呢間酸菜魚😜係樓上舖，上到去見到全場爆滿，個環境都幾大同埋都舒服既..等左一陣都好快有位...坐底當然一定會叫返條魚先啦！老壇魚酸菜魚個賣相唔錯，試埋真係好好食呀兩人份量真係夠食，食酸菜魚最緊要係入味，而且魚肉好嫩滑，d魚仲要無骨！大大啖放心擺落口，值得再食！另外仲可以叫一d配菜一齊煮，索晒湯底既味除了食魚，當然仲叫左d小食...d名都幾得意...豆你玩兒，豆即係薯仔，將炸完晚薯仔混合避風塘味道，好惹味鍾意食皮蛋真係要試呢個老虎椒愛鬆花蛋，醬汁偏咸味，好好味，好夠味...好食到難以形容...食完會想再叫...甜品就叫左個雨露均沾，糍粑表而煎到金黃色，再沾上黑糖醬汁，甜而不膩

好耐冇食過酸菜魚啦，同事話帶我黎呢間回味下， 晚市7點左右開始多人，唔想排隊就早d去啦，或者book定先座位好舒服，夠晒闊餐單：我地揀左小份（2人享用），另加2款配菜一上枱就嚇一跳，勁 大 盤 ！！好多辣椒好多花椒，令d魚肉同湯都好香麻。雖然辣椒好多，但又唔會辣到接受唔到，我覺得有少少刺激之餘又唔會太辣， 反而勁麻好鐘意呢種麻魚肉份量好多，肉質嫩滑，有魚鮮味。酸菜都滿滿的配菜加左金針菇同埋寬粉。寬粉好有口感，好似寬薯粉，煙煙韌韌的雨露均沾呢款係我最愛！ 糯米糍口感，好軟熟，而且黃豆粉散滿滿，好香豆味， 再加上黑糖醬，呢個配搭贏晒酥炸無臉男即炸豬肉， 呢個炸得好酥脆，炸粉薄薄的，點埋d辣粉 就好香口辣粉係香香辣辣果種，唔會太辣。酸梅湯呢杯酸梅湯都幾濃，好飲3款野食我都覺得幾高分， 雖然價錢貴少少，但個環境都值晒，同朋友可以舒舒服服咁傾計

話說上個月北上就係為左食個揚名四海既酸菜魚，最後等位等左4個鐘先有得食 係呀係好好味，但諗起要等幾個鐘難免會令人卻步點知呢排竟然見到社交媒體瘋狂洗版話嗰間店既美國店班底喺香港銅鑼灣開舖 嗱啉啉約朋友去食預先book左位，準時上到去已經好多人等緊，但聞到咁香等幾耐都要食 因為上一輪啲食客開始陸陸續續埋單，所以都唔算等得太耐店舖座位不多，但舒適鉢鉢雞腳一客約有8隻雞腳，去左骨用竹簽拮住，食得好方便 麻辣汁十分惹味，但真係幾辣咖 雞腳好爽口不開心的黑木耳個名好得意，不開心因爲係酸既 用醋溝埋黑木耳，解辣得黎又好似幾健康酸菜魚 小份主角 小份係二人分量，原本係有少少擔心唔夠食既，但結果係食唔晒 鱸魚肉超滑，酸菜爽口 我地加左豆腐同粉絲做配菜，兩者索晒酸菜湯既味但一啲都無油膩感 個湯微酸，又係一啲都唔肥膩凍檸茶、可樂解辣就一定要叫野飲既，餐廳提供既都係大路飲品，不過用個咁既樽裝可樂又估佄唔到

朋友知道我鍾意食酸菜魚推介左一間新餐廳🤭佢話一定會坐得好舒服啱晒我嘅要求🤣餐廳座位非常寬闊兩人食都可以比張四人卡位真係超正！另外侍應服務都細心周到！所以今日真係食得好舒服👍🏻✨超讚！餐廳只有一頁餐牌🤣一目了然都係用心主打酸菜魚！我哋叫咗個二人酸菜魚真係好大好大碟😍特登擺咗部電話係隔離做對比！侍應話二人份量有機會唔夠食我哋加咗一啲配料包括蓮藕片同埋腐皮！都有幾種配料可以加酸菜自家製，非常多，亦都好好味食落都幾辣，都係越食越好味嗰隻🤣鱸魚都好新鮮好滑，冇腥味! 亦都冇骨！☝🏻豬油炒椰菜推介，食完酸菜魚再食鮮甜嘅椰菜，簡直平衡返個味道☝🏻酸梅湯、王老吉必飲，中和返啲酸辣☝🏻情誼綿綿其實都唔知啲餡係啲乜嚟不過食落係好Fresh 所以都係一款解辣甜品🤣