廚十三老壇酸菜魚 (渣甸街) (已結業)

這餐廳主那一款菜式， 聽落很專門所以也抱著一些期望來試。酸菜魚來時用上大大個器皿，看上去怎有食慾！ 看到配料都頗有份量。但可惜，究竟在食水煮魚還是食酸菜魚？我也搞不清。。我覺得太過份辣，酸菜亦過咸。不過個焗，配薯粉麵，吸收哂d味好正！2人份量$328,份量唔多，唔算實惠。

我倆十分喜愛吃酸菜魚，所以不時會四圍尋找吃酸菜魚的食店。酸菜魚一直給我的感覺是酸多於辣，但今晚所吃的酸菜魚真的十分刺激味蕾。實在夠酸、夠辣、很濃味🌶️我們點了小份酸菜魚$328，加了兩個餸。豆腐$28、寬粉$28。我覺得魚質嫰滑、寬粉也十分煙靭。請有心理準備，酸菜魚頗辣，愛吃辣食、不怕肥膩，是不錯之選。我愛吃這煙靭甜點，雨露均沾$48假若是烤烘那種，更吸引。紫貝天葵百香果$28百香果香較濃，很解渴

講真,對係香港食酸菜魚, 水煮魚之類既野無咩信心,因為呢類既餸北上食真係好好食既, 但今次有人建議試呢間上樓酸菜魚, 即管又試下啦。入面既配料可以隨意添加,我地加左兩份寬粉, 一份腐竹, 辣度無得揀,但基本上唔多辣, 而係好豐富既味道。對於所有人黎講都合適既,而又野味。木耳, 呢個辣辣地,我好鍾意, 又爽脆呢個叫荀, 好爽,有麻味但又唔辣,好特別, 清新小小另外叫左2個飯, 4個人食岩岩好, 魚只係叫左大份(三人份) 都夠食, 但如果全男班既話就建議叫返足份量。最後, 原來呢間店係同十陸既太二店有關既,唔怪得水準有返咁上下啦!

同朋友喺鍋鑼灣行街，本身諗住去打邊爐，但朋友推介去咗呢間川菜餐廳，因為佢食過話啲酸菜魚好好味，咁緊係去試吓啦，一上到去見每張枱都有一大盤酸菜魚，睇嚟真係必然選擇首先點咗個不開心的黑木耳，唔好誤會，不開心只係個名啫，木耳用咗啲辣椒同埋一啲酸嘅汁撈埋一齊，食落都幾辣吓，但係就幾開胃之後叫咗個碧綠脆笋，其實係用萵筍煮成嘅，又係一款開胃嘅小菜最後就到重點推介啦，呢個酸菜魚有分大中細size，我哋四個人點左一個中嘅，入邊有兩條加州鱸魚，另外配料我哋就點咗午餐肉、腐竹同埋寬粉，再加兩碗白飯都已經好夠飽，條魚非常新鮮，而且真係好嫩滑，配上酸菜同埋辣椒真係值得回味！

今日約左老友起銅鑼灣shopping 咁耐無見 點都要聚下ge😍呢排天氣濕濕熱熱 搞到大家無咩胃口 所以朋友建議去食d酸辣菜式 醒一醒胃🍽 餐位於銅鑼灣中心地帶 地點非常方便 十分易搵餐廳裝修帶點中國色彩 座位都算寬敞 坐得舒服😃牆上仲掛左d關於食物既畫 同樣都充滿中國風除左招牌菜酸菜魚外 呢到仲有涼菜 蔬菜類俾大家選擇就算唔食辣🌶️既朋友黎到呢到都有選擇👍🏻我地由於得2個人既關係 只係點左「老壇酸菜魚小份」雖然寫係小份 但份量亦相當之多 唔好睇小鍋內既材料十足 主角係魚塊 肉質非常嫩滑 大大塊 而且仲要係無骨tim 可以放心大啖大啖咁食🥳相片可以見到辣椒同花椒🌶️ 令高湯充滿麻辣味建議大家唔好錯過酸菜 酸菜除左帶來調味 仲吸收哂魚塊 辣椒 高湯既精華千萬唔好錯過🤗我地仲另外加左土豆片 姐係薯仔🥔塊做配菜另外都叫左「上上簽」涼菜呢個主要係麻香味較濃 配料亦好多 如鵪鶉蛋 無骨鳳爪上枱時保持冰凍 絕對好適合夏天食🥰

男朋友早幾日同朋友返咗大陸食酸菜魚，覺得唔係好夠喉今日又上咗去食酸菜魚，於是我哋就去咗銅鑼灣廚十三老壇酸菜魚到食喇。呢度嘅選擇唔算好多，主要都係食酸菜魚。我哋問咗店員，二人份嘅酸菜魚，入邊剩係得酸菜同埋魚，所以我哋就加咗寬粉同埋木耳。<小份酸菜魚，$328>一黎到好大兜，嚇一嚇，不過兩個人其實都食得哂。酸酸辣辣咁，食一兩舊唔會覺得好辣，但食食下發現都幾辣。魚片都幾大塊唔會碎哂，而且無乜骨，食落都幾滑。即使係酸菜魚都有魚既鮮味。<寬粉，$28>寬粉好煙韌好好食。<木耳，$28>木耳好爽口。加埋寬粉同木耳真係好夾。整體而言，呢到性價比都幾高，不過食物款式唔多，主要食酸菜魚，如果對酸菜魚或者唔食得辣都唔洗去。有興趣嘅絕對值得去試下！

廚十三係香港開咗一段時間，一直都好想試！事關佢係由太二酸菜魚嘅班底開舖， 以前喺深圳食過幾次真係好好味！今晚七點半上到嚟唔使等位，店員安排我哋入座， 裝修同內地都好相似， 充滿住潮句同插畫， 重播住輕快嘅抖音音樂！我哋叫咗酸菜魚小份再加金針菇同寬粉一上到枱超級大盤入口非常之熱所以一開始唔好食得太急而酸菜魚嘅賣相都好靚除咗有大量酸菜同埋辣椒，另外有花椒八角重用左菊花做點綴而佢同深圳嘅魚片一樣都係冇骨冇腥味魚片滑嘟嘟！配埋佢嘅酸菜加寬粉食一流！金針菇同寬粉吸收咗酸菜魚嘅麻椒味， 索曬啲辣汁好好食！啲插畫潮句重寫住可以將酸菜魚嘅油撈入飯度做泡飯，多個食法！雖然論魚丶酸菜和辣度，都吾夠大陸的正。不過味道超級相似， 而且唔使排隊， 終於喺香港搵到間好食的酸菜魚！😋係止癢版的太二。

有留意開小妹既都知，小妹我雖然唔太食得辣，但都真係幾中意食酸菜魚，久唔久就會去試下唔同餐廳既酸菜魚黎止止癮呢日見返晏，就拉左女皇大人陪我黎呢度食酸菜魚做lunch xppp呢度空間感夠大多闊落，冷氣好夠，坐得舒適雖然呢度主打係食酸菜魚，但當中都有提供其他菜式小食，午市時段仲有套餐添，相對抵食好多我地就要左個“老壇酸菜魚雙人套餐”HKd$168+10%先黎既係跟餐配上既酸梅湯飲落清清地，小小酸，都幾解渴之後一大盤香噴噴既酸菜魚就送到啦魚片食落又嫩又滑，仲要去晒骨，食落啖啖肉本身會配上金菇 豆腐同藕片呢啲配料，而我地仲另外加左“午餐肉”HKd$32+10%同“青芛片”HKd$28+10%，所以整盤酸菜魚真係有好多料，超豐富我揀左配爽滑既米綫，同酸菜魚惹味又開胃既湯底好夾而女皇大人就揀左配白飯，超大碗最後我地仲要左兩碗“情誼綿綿”HKd$28+10%其實姐係平時食開既冰粉，食完辣野再食返碗爽爽滑滑既冰粉做解辣甜品，一流享受

自己一向對魚無咩興趣，基本上唔會因為想食魚而約朋友食飯。不過身邊唔少朋友都鍾意食魚，酸菜魚、烤魚等係近年更係大受歡迎。而當晚為咗預祝朋友生日，就去咗呢間佢覺得唔錯嘅餐廳食酸菜魚，同時係我第一次食酸菜魚，所以都幾好奇係咩味。我地叫咗一份酸菜魚，原來都好大份下。成碗野放上枱面個陣真係幾震撼。我地仲另外加咗寬粉。啲魚都幾多下，食極都仲有。肉質好鮮嫩好滑，真係唔使擔心魚骨問題。原本仲擔心酸菜魚會又酸又麻辣，但反而比想像中清淡好多。美中不足嘅係魚略嫌有啲油。而寬粉口感都幾煙韌，幾好食。另外都叫咗小食，有雨露均沾，即係黑糖黃豆粉糍粑。好可惜呢款真係唔好食，啲粉厚重但唔香口，加上黑糖味道竟然更怪。比起之後係深圳食到嘅黑糖糍粑，水準差太遠。反而另一款酥炸無面男，即係炸豬肉條味道就不錯。食落香脆惹味，送飯一流。

之前差唔多每個月都會番大陸食太二酸菜魚， 得悉太二美國分店班底都黎香港開左分店。雖然價錢無大陸禁抵食，但開係銅鑼灣，夠哂方便，即約埋朋友黎試下先！等左半個鐘左右終於可以入坐啦， 舖頭風格牆壁畫同太二都好相似。4個人叫左個土豪版酸菜魚😆仲加左3款配菜（午餐肉，豆腐同寬粉。）土豪版既size相當驚嚇😂成個面盤咁大，魚肉片得薄身，好鮮好滑，係無骨既，啖啖肉好滋味。而酸菜好香好爽脆，加埋個麻辣湯底，又麻又酸既感覺，好過癮！而配菜寬粉爽韌 ， 吸盡湯頭精華。雨露均沾 $48糍粑鋪滿黃豆粉，外表炸到金黃香脆 ，再點埋黑糖汁，食落脆卜卜，入面軟綿綿，甜甜地可以解辣，不錯！炸無臉男 十分香脆可口，外脆內外汁，配上辣椒粉更為惹味。

早兩天過來買黑糖奶茶時發現這裡有酸菜魚，恰巧這天約了朋友在附近打球，打球後一同過來吃酸菜魚食店不算太大，但環境蠻舒服。牆壁上的海報設計很有趣哩！若不歡喜酸菜魚的人就不要來啦，因為這裡只有酸菜魚，其餘的都是前菜/小吃。先來一客正經的雞被撕，哈哈哈，根本就是手撕雞喔，但名字超有趣！伴著蕃茜及辣椒乾，還有麻粒，驚醒味蕾哩～皮皮蝦超好吃，有點像酥炸蝦球，熱騰騰；脆口爽肉，連蝦殼也能吃掉！蝦身沾上紫菜粉末，一點也不油膩。主菜上場啦～超超超大碗的酸菜魚，比起面盤還要大得多哩！我們點的是二人份，追加了寬粉及青芛片(即是萵筍)。大大片無骨的鱸魚混和酸菜的酸辣，好好吃啊；不過魚片較薄！我喜歡寬粉多於白飯，而且寬粉不常吃，黏韌有口感～

今天在銅鑼灣渣甸街的廚十三食酸菜魚，貪交通方便就腳，一上到去見人頭湧湧，好在有訂位，店員亦好有禮貌同我地安排就座，奉上玄米香茶！點咗一份細份嘅酸菜魚，一個皮皮蝦，一個土豆燒排骨！酸菜魚$328嘩！細份酸菜魚嘅份量都唔細喎！三人食夠有餘，因為仲加咗寬粉同埋青筍片一齊，所以成個酸菜魚就好大盆上桌！酸菜，紅辣椒乾，菊花片，白滑鱸魚片，搶眼嘅顏色配搭，令人垂涎！鮮滑魚肉，醒胃酸菜，紅椒同花椒又辣又麻，食得過癮之至！皮皮蝦$108炸香嘅鮮蝦，上面灑咗好多紫菜粉，蝦肉好鲜甜，而蝦殼亦炸脆香口，店員特別提點一定要襯熱食，否則涼了就食味打折！土豆燒排骨$108不辣的菜式，薯仔夠入味，排骨夠軟而腍，有水準！來多杯啤酒中和剛才口腔舌頭的麻辣味道，感覺特別爽！

之前見到網上報道話香港開左呢間大陸品牌的酸菜魚，由於一直未有機會返內地，所以要黎呢間試下究竟點解會咁多人都話好食!平日晚上上到餐廳竟然座無虛席，仲要等位，果然好多人都慕名而來。餐廳都算幾大，牆上掛有特式的字畫。坐低後店員為我們準備了熱茶及餐牌。黎到這裡當然要食酸菜魚，因為我跟友人只有兩個人，所以點了小份。老壇酸菜魚(小份)($328)，因為怕唔夠飽，所以還點了米飯($18)和寬粉($28)。酸菜魚個盤真的很大，小份剛剛好夠兩個人食，但如果比較大食的朋友可能就會不夠了。酸菜份量都幾多，而且我個人覺得都夠酸。湯底酸酸地辣辣地幾開胃，如果可以少返少少油的話會更好!魚肉都幾大片而且嫩滑，重點係佢冇骨，可以大啖大啖咁食!寬粉是較河粉闊的，食落很煙韌，而且吸收了酸湯的味道，特別惹味!酸湯配飯亦是一個不錯的選擇!王老吉($20)，這裡的王老吉不是一罐罐咁俾你，而是用杯盛著，內裡有冰，可以解去酸菜魚的辣。因為我仲未返上內地試試其他餐廳的酸菜魚，但如果想過下口癮，來這裡都是一個不錯的選擇!

有一段時間迷上了酸菜魚，深圳幾間酸菜魚都試勻，水準之高令人意想不到！原來在香港也有！而且還非常正宗，廚十三開在銅鑼灣，再也不用長途跋涉到邊境過關再轉深圳地鐵了！店內的裝潢很有內地的特色，而且還播著普通話歌呢這間酸菜魚專賣店菜色選擇不多，我們當然要點主角酸菜魚！另外的前菜名字超搞笑，好像刀拍前男友，糖醋馬甲線等等，不看圖片真的不知是什麼東東呢～二人份一如所料已是超大份！比家中的洗面盤還要大！非常足夠2人吃呢～在酸菜魚加了必加的寬粉，而且內涵正宗，豆腐，蓮藕，花椒，辣椒，冒求令這道菜更惹味！魚片份量多且完全沒有骨！入口超順滑，一滑就滑到喉嚨，吃酸菜魚就應該這樣豪邁呀！好好吃！超煙韌的寬粉配酸菜魚一定是絕配～不過這個湯有點油膩，所以不能喝太多呢

This new restaurant is actually one of the best restaurant for Sichuan fish dish. I’ve heard about it all the time but didn’t get the chance to give it a try. We decided to get some protein after gym so we came here straight after! the atmosphere here is very active and young with lights on the ground and the colours are full of cheerful vibes too. the menu is straight forward and specialized which is great for indecisive people like us. we ordered their famous fish dish for two. The fish itself