廚十三老壇酸菜魚 (渣甸街) (已結業)

幾乎每位禮拜都會上大陸一趟吃喝玩樂的我，先前聽朋友介紹說有一間名叫太二的酸菜魚很好吃，所以便到大陸排了兩個小時吃它的酸菜魚，好是好吃，但肚子餓扁了才能吃，心也太累了吧～～所以當我得知美國分店班底的太二來流開了一家名叫「廚13」的酸菜魚專門店，就馬上和朋友吃吃看！一上去光是滿牆的累白畫已經是太二的味道了～二人來了一個小份老壇酸菜魚加寬粉，味道跟本就是在吃太二一樣！！！魚都是沒有骨的很方便吃，酸菜也夠多夠入味，唯一的少少缺點是面層的油比太二多，所以湯喝起來會有點罪惡感，但整體有9成相似，更可以不用排隊等位到天明，實在是酸菜魚粉絲的好福音～～～～～

今晚終於食到傳說中既酸菜魚啦，3個人來食，食左個土豪份酸菜魚，再加埋酸菜！真係夠晒酸，魚肉都係真魚肉，唔似出面有d係用粉整既！但配菜有d貴！叫左金菇$28，同午餐肉$32，藕片$28，都真係幾貴下！每樣份量都可以！係金菇比較少！看到得幾條咁🤦🏻‍♀️！再叫多2個小食，拌肚絲我覺得麻麻地好食！好重內臓味！碧綠脆笋就好食！食落爽甜帶有麻辣味！又唔會太辣。味道是可以的！是價錢相對比較貴。3個人都食左$1084。

勁喜歡食酸菜魚，一得閑就會上去深圳食。呢排太忙，冇乜時間上去。好耐之前就睇到post話”太二”美國分店班底黎香港開店，但系點解吾用返”太二”呢個名？各樣野大致上同”太二”差吾多，牆上掛黑白漫畫，勁闊落，沙發仲好舒服。附近幾枱都系講普通話。叫左【老壇酸菜魚(小份) 】$328，兩個人食。魚肉好滑嫩，一兩塊有少少細骨，花椒味夠哂麻香，辣而嗆，酸菜再酸啲就更好。但真系好油，食完有少少濟。每份酸菜魚最多加三款配菜，今次只系加米線，好似香港店先有，一定要試下。用幼身米線，索晒湯汁，盤太大，要四處搵米線。米飯好好食，黏糯軟綿，撈汁食好正。

很多年前，經常回深圳按摩，就會去吃酸菜魚，不過當時的魚是很多骨，進食時要很小心，所以就算很好味都會少吃。近期知道有間新開的食肆，以老壇酸菜魚為主打，因為老壇酸菜聞名於世，自然安排時間來試試。店內以簡約裝修帶點中國特色。老壇酸菜魚小份$328，另加午餐肉$32。以為小份，來到時份量並不少，碟的直徑已經有60cm以上。碟內有大量泡椒、酸菜、辣椒🌶️乾、花椒、青花椒及以菊花入饌。湯頭以豬骨和雞熬製，味道清甜，而帶著辣、酸、麻和香，層次豐富。先喝一碗湯才吃魚是不錯的選擇。魚片以一斤半的鱸魚切片，沒有幼骨，令人放心食用。魚肉嫩滑而鮮甜，很久沒有吃過這麼好味道的魚了。午餐肉吸收了湯的酸、辣、麻味，令人有點欲罷不能地吃掉。

不嬲都鍾意食辣野，一路都好想返深圳試吓酸菜魚，但一路都冇時間！知道提議酸菜魚嘅friend嚟咗香港，咁梗係要去試吓啦😂😂😂同男朋友嗌左個酸菜魚，加咗午餐肉、薯、蓮藕，勁大碗！啲魚好新鮮，唔係好多骨，連唔識lur骨嘅男朋友都食咗好多！男朋友食食吓都飽到上心口😂😂😂😂😂唯有淨返我一個人孤軍作戰啦！依個就真係麻麻哋啦！有啲腥！同埋個味道都唔係好特別🤫🤫🤫可以唔使再叫！😣😣😣😣

同我friend既都知我無辣不歡，今晚約埋另一位一樣咁嗜辣既朋友一齊再戰廚十三平日7點鐘都仲有位置，但目測8點開始等位啦，所以要早啲去食餐牌都幾多選擇，除左酸菜魚，仲有好多小食麻辣雞爪爪無骨鳳爪，好夠辣，做小食一流 份量都幾多，兩個人食都好足夠老壇酸菜魚 小份重點依然係酸菜魚，辣度已經預計好，對我黎講岩岩好 魚肉超滑，又無骨 酸菜都一定要食，好入味，正 我地另外加左寬粉，即是闊身既紅薯粉，煙煙靭靭，同個湯係絕配

酸菜魚最近流行指數都好高，都係多得深圳酸菜魚嘅風味帶入香港，將酸辣帶到我們嘴裏。食過多間酸菜魚，終於找到了廚十三酸辣魚專門店，潢裝是現代中國風，有着極高樓底，感覺非常開陽，座位坐得很舒服。吃酸菜魚當然要有主角酸菜、花椒、辣椒，一麻一辣一酸，味道很中和，舌尖上的感覺就是先酸後辣，挺過癮的，怪不得全城也在吃酸菜魚。位於銅鑼灣渣甸街高級商業大廈上，廚十三的菜單款式並不多，來就是要吃酸菜魚，貴精不貴多，酸菜魚是用上桂花魚，肉質特別嫩滑，中午時分吃還有套餐，一份酸菜魚加上白飯，絕對醒為可口。

第一次嚟到國內火紅嘅酸菜魚🐟專門店試下, 裝修好特別, 用左好多黑白嘅插畫做點綴, 畫上面有好多關於酸菜魚🐟嘅標語, 好有自己嘅特色😍😍老壇酸菜魚🐟🐟呢度同其他食酸菜魚嘅店舖唔同嘅地方, 就好似佢總店嘅口號, 只用一種魚🐟, 只有一種辣度, 只有一種味道, 客人只可以選擇份量大小同追加配料, 佢哋用嘅係鱸魚, 白滑鮮爽, 無骨無腥味, 配料12款可以揀, 每份最多配3款, 我地只加左寬粉, 粉條口感爽滑, 配呢個酸菜魚嘅湯汁最好味🥰🥰麻辣雞爪爪😋😋麻辣味厚, 鮮而香, 鳯爪完全入味, 邊傾計邊食, 絶對係麻辣小食中嘅首選👍🏼👍🏼

期待已久 嘅太二酸菜魚 入到餐廳 我以為去鐠地方 得嗰幾張枱有人 但係唔緊要 人少少冇咁迫 總之好食就得啦 Ummmm ... 好快嚟咗土豪size嘅酸菜魚 真係滿心期待 but 油咗少少lar , 同埋好似得個辣字... 我朋友喺大陸食 佢話好食好多. 我係溫哥華都有食過 . 又真係好食過香港間太二. 唔怪之得無人食啦 😂😂

放工同朋友去銅鑼灣食飯，突然想食辣野，又唔想打邊爐，上網睇到近期好hit既酸菜魚，就即管試下啦！ 我地冇book到，7點半上去，好彩都係等左15分鐘到就有位入得我地兩個人，叫左一個老壇酸菜魚 小份，再加左約個配菜，午餐肉、寬粉、萵筍、腐竹，另加一份酸菜，全部都好吸味👍🏻 我地仲加左中辣佢另外仲有d小食，但我覺得我地食唔晒，所以今次冇叫到～個酸菜魚一黎時，我地真係嘩出黎，呢個魚真係抵！到！爛！ 大份到呢，我地兩個女仔真係食唔晒（但呢個係小份咋，想像唔到土豪size係點）魚好滑，又無骨，又入味，酸菜唔會太咸，好惹味，中辣好正，呢種辣唔會令人食得好辛苦，係正既，岩晒我地兩個辣妹👍🏻食到咁上下，餐廳突然播生日歌，噢～原來係隔離枱有人生日，好sweet ah!!! 下次經開銅鑼灣都會上黎再食，下次要試埋其他小食先得👍🏻

上星期去左深圳冇食到酸菜魚，番到黎香港都一直念念不忘! 今日去開CWB整頭就search下有冇啦! 點知就比我搵到^^ 位置算便利, 一出電梯就聽到好內地既內地歌~ 而且有2-3枱係內地人.. 成件事覺得好正宗 哈哈佢地既裝修幾簡約舒適.. 我地坐梳化位夠闊落又舒服 黎呢度mainly食酸菜魚, 但係佢地都有其他小食食既!  Lunch既時候仲有酸菜魚set 添, 份量應該細份D但可以試多D其他野~我地就一行2人order左一份 <<老壇酸菜魚- 小份>> $328 (因為當日有小小喉嚨痛, 所以問店員可唔可以要小辣 哈哈)另外仲可以加自己中意既配菜, 而我地就加左: 土豆片 $28; 青芛片$28 同埋寬粉 $28 (其實我仲想加埋腐竹同金菇架, 但佢最多只可以加3樣) 盤魚上枱果時大到嚇親! 2個人都咁大盤.. 好想睇下佢果盤土豪份會有幾巨型 哈哈~~~第一啖食果時小心熱喔~ 熱到不得了呀! 好似有個火爐係下面燒住咁! 你知架啦,又辣又熱又要lur骨係幾咁煩心既一件事.. 好欣賞幫魚片全部都挑晒魚骨，方便食用既鋪頭.. 而且呢度既魚片新鮮、薄身又滑嘟

今日收工去左銅鑼灣行街，心思思想食辣，就黎左廚十三食。呢度都唔係第一次黎架啦，我覺得佢比起同類既餐廳水準同質素都比較好，食過翻尋味。舖頭每檯都好闊絡，坐得幾舒服。照舊嗌左個二人份既酸菜魚，同朋友太肚餓，就加左三份配菜，同埋試埋個雨露均霑。上枱賣相真係好吸引🤤🤤酸菜魚冇得揀辣，有晒standard, 我就覺得個辣度岩岩好，唔會死辣到食到唔知食緊咩😹 佢地既鱸魚又厚又大舊，啖啖肉又冇骨，而且差唔多塊塊都連皮，蓮藕又係切得好薄，刀工好勁👍🏻其實重點唔係淨係刀工既，佢既魚都好鮮！一啲腥味都冇，我同朋友都食唔停口。仲有啲酸菜好多好好味，唔會太酸太咸，配埋鱸魚度食真係好夾！！雨露均霑，我地見個名咁靚於是就嗌左黎試。一啖咬落去，淥死我😹超熱，但即叫即炸又真係幾正。佢既口感軟糯，點埋個黑糖汁食，好味呀🙈🙈不過到最後先發現自己做左大曬鬼☹️ 酸菜魚加完餸，份量大到食唔晒，兩個女仔都高估左自己既戰鬥力。下次應該要帶多個朋友黎幫手，哈哈！（記得試埋杯紫貝天葵熱情果🙈）

呢間酸菜魚聽聞係大陸太二既班底嚟講開既之前去深圳放棄左去等 今次就喺香港試下la七點鐘嚟到空檯已經冇咩 七點半左右就要等位食物種類唔算好多 主要都係食酸菜魚 另外有幾款小食我地兩個人就叫左一個小份既酸菜魚 加土豆片同埋寬粉酸菜同外面食到既有d唔同口感好爽 而且酸度適中 自己都食左好多就係係小份但其實份量都好大 魚質食落係好滑 而且份量足夠 吸左酸辣既味道相當惹味土豆片夠薄 食落係我最鍾意既爽脆口感值得一讚係土豆片份量係超多 食極都仲有另外寬粉係我每次食酸菜魚都會加既呢度既粉食落夠曬煙韌 口感一流我地仲叫左一份魚露均沾 主要係想解下辣裡面既Rice Cake食落軟軟地 配上黑糖漿都唔會太甜 對戒辣有幫助但份量都幾多 兩個食其實有d多整體覺得呢間酸菜魚質數唔錯 辣度 份量都適中多d人一齊食仲可以試下d小食

廚十三都算係我食過最好食最中意嘅酸菜魚☺️啲酸菜真係好爽脆好好味，同出面嗰啲真係唔同啲，魚肉又啖啖肉唔怕有骨。酥炸無面男同手撕雞都好好味， 不過價錢真係好貴😭😭😭

以前上深圳吃過好食的酸菜魚，還以為在大陸才有得吃。聽聞廚十三是來自美國的太二，一定要來試試。一走進餐廳，看到每張桌上都有一大盤魚，看來名不虛傳，我和朋友都點了小份。小份的size已經大過我的臉，酸菜入味，份量多到吃不完。魚肉滑而且結實，喜歡牠夾起來不會散開，又大大塊食得滿足。我們沒有特別調整辣度，不算太辣，麻辣味很過癮。另外我們點了3款菜，我最喜歡腐竹，吸了湯汁很入味，咬下去又有湯流出來。土豆片也很好吃，切得非常薄，帶點爽口感沒有粉感，份量也是很多。