廚十三老壇酸菜魚 (太子集團中心) (已結業)

成個12月都係圍繞出街飲飲食食， 食完生日飯就係慶祝聖誕同除夕... 不停搵地方聚腳吹水食飯（因為朋友係要見🤭），打邊爐打得多都有D厭，但又想食熱辣辣嘅嘢🤭一於食個酸菜魚醒醒個胃。依間廚十三餐廳環境舒適，侍應又有禮貌除講解酸菜魚之配料外仲會有唔同嘅辣度適合任何人食，為食嘅我又點會只叫個魚食，當然叫佢介紹多幾款小食俾我哋， 先嚟個皮旦估唔到除糖心外伴碟嘅紅椒好好食，無草青味之外仲食到紅椒嘅甜味👍🏻，手撕雞個香辣程度調配得剛剛好，令我食完又食😋，之後就到個主角酸菜魚由於我朋友怕辣只叫咗個小辣，湯底好飲魚夠大片又夠滑，自己加配咗個寬粉索灑個湯汁... 每條寬粉好食到停唔到口😍個筍夠青甜令成個酸菜魚個配搭簡直完美... 最細心係每張枱都有個差電位令我哋依D相機食先嘅人唔怕無電🤭

依家天氣咁熱梗係要食返啲辣野暖返身子啦！朋友就話想食川菜 諗諗吓香港好似都有醉菜魚食 上網search就見到依間廚十三了！我自己本身都係一個鐘意食酸菜嘅人，所以我都非常之期待！店入面座位闊落，由於我上去食嘅時候已經夜晚9:30，好多客人都已離座。兩個小食對於唔食得辣嘅我來講有少少太辣，但係朋友食得辣就覺得好惹味，因為佢唔係剩係得辣，仲有麻嘅感覺。我哋個酸菜魚最後加咗豆卜，寬粉，仲加咗兩碗白飯，因為怕兩個人都食唔晒。但係食酸菜魚唔食飯就會覺得差咁啲嘢，所以最後都係決定撈湯一人食咗一碗飯😋佢嘅魚已經編好左一塊塊，冇骨之餘仲冇雪藏味，望住佢地即叫即煮，新鮮熱辣辣！佢嘅餐牌都有好多嘢揀，不過大部份都係辣嘅，我就建議唔食得辣嘅朋友仔就唔好揀有咁多辣椒圖案嘅菜啦！

酸菜魚要加埋D米線先好食,呢度有酸菜魚一人餐,我加左午餐肉、鮮腐竹、豆卜,個餐本身有金姑,酸菜同豆腐,真係好岩無豆不歡既我呀!魚就滑不留口,好新鮮好彈形,好多酸菜,可以選SPICY既程度,我叫左BB SPICY,正呀!睇落好大BOWL,但一人係食得晒架!我另外叫左個手撕雞,係麻SPICY,都好惹味,送飯一流啦!飲品我就叫左個提子梳打特飲,好正。呢度景好開揚,有個大大既WINDOW,實在唔錯!裝修都好好,等候區有D靚裝飾,岩擺甫士打卡。呢度有好多款小食,樣樣都想試。上菜都算快。今日先知原來想食酸菜魚係唔洗返深圳呀哈哈。最正係有靚景睇,仲有得免費CHARGE電添。呢度服務都唔錯呀,下次叫多幾個人黎食先!

話說一直想食大陸個間太二酸菜魚，不過見次次都排隊排到癲，都無機會試。後尾發現左香港都有一間專食酸菜魚既，仲要新開張唔洗排隊！個名叫厨十三老壇酸菜魚，我地食個間喺尖嘴太子集團中心，好近地鐵站，仲坐窗口位，有得望到海！服務員態度非常好，會好詳細介紹辣度同叫法，前菜小食本身有青瓜同木耳，之後叫左個細份酸菜魚，最小辣，配料要左金茹豆腐寛粉等，每個配料唔同價錢，可因應自己口味自由配搭！一上菜見到成碟魚好大碟，魚份量好多，夾極都有，先嚐一啖湯，好有魚鮮味，酸菜好多好夠酸，少少麻既感覺，好味！配埋寬粉一流！小食方面，皮蛋都好正，唔太咸，同個紅糖糍粑，係熱熱地，服務員話可解辣作用，口感煙un,，同埋推介豬炸肉，好酥脆香口，送酒一流！下次會再來！

朋友說已經很久沒有去深圳品嚐酸菜魚了，於是今日便相約在尖沙咀這間廚十三老壇酸菜茶大吃一頓。窗外環境一流，能夠望到少許維港景色。荔枝風味梳打特飲有氣梳打水本身是沒有味道的，是靠杯底的荔枝醬調味而成，甜度可選少甜較為健康。土豪份酸菜魚真不愧是土豪級的酸菜魚，從相片看到3個魚頭，即代表份量足足有3條魚，非常滿足。魚肉片已全部起肉，無骨的，吃落香滑鮮甜無比，酸菜湯底亦很足料，碟底有寬粉的呢。清炒萵筍絲每次去吃酸菜魚也愛點一客萵筍絲，因為喜歡它的外觀與口感，綠油油的賣相很吸引，吃落爽滑青嫩。避風塘魚腩喜歡吃魚的人千萬不要錯過這碟魚腩，魚油味濃，外脆內嫩，炒得很入味。雨露均沾亦即是黑糖糍粑，外皮香脆，炸至金黃色，裡面是堅韌糍粑，口感層次豐富，點一些黑糖令味道更上一層樓。紅糖冰粉最後總愛吃一碗冰粉，除了解辣外，還喜歡它滑嘟嘟的感覺。

元旦打算吃点新东西，突然想吃酸菜鱼，上网搜索到这家尖沙咀，位置方便。店面宽敞舒服，双人酸菜鱼午市套餐168包括了两碗米饭和两杯酸梅汤，比较划算（晚餐两人份酸菜鱼要338）。另外加了一份青椒土豆丝68，因为喜欢吃蔬菜。酸菜鱼味道挺香，汤头不会太油味道适中可以喝，鱼没有骨刺很嫩，自带配菜有金针菇藕片等，还不错。本来看着觉得鱼不算太多分量，但吃完也觉得很饱。土豆丝是不辣版本，也炒得不错，爽口。适合午饭回头再来。

今晚出左尖沙咁突然好想食辣，見到有間酸菜魚就入左去。餐廳都好寬敞唔洗住到密密麻麻。一坐低店員就俾左啲前菜我地，個青瓜食落好清新，之後食魚覺得辣個陣都有食下佢黎解辣。木耳口感好爽口，而且都幾夠辣。之黎店員都好好，幫我地介紹返有邊啲係出名多人叫既菜。我地叫左一個2人份既酸菜魚，隻碗大話哂兩個人既面。魚好滑而且吸收哂酸菜同辣椒既味道。我地仲加左薯仔同腐竹。要讚一讚師父既刀功，薯仔切得好薄，夾起既時候見到少少透明。腐竹都好大塊好入味。另外我地叫左2個小食，一個係雞翼，好香牛油味同埋好脆。另一個係麻辣牛展，佈滿左辣醬仲有啲花生粒，好有咬口。下次想食酸菜魚唔洗返深圳啦

最近同朋友經常北上搵好野食，而有間食酸菜魚非常出色，由我本身不愛吃酸菜魚的人都會愛上，今日我在尖沙咀都搵到間好吃的酸菜魚啦。這間位於尖沙咀的酸菜魚裝修齊齊整整，坐位亦都很寬闊舒服，首先黎個三人份量的酸菜魚，嘩！好大份，只有我同老婆兩人吃☺️但都無問題，食得曬😋，賣相又吸引，魚好肥美，帶有一點點辣，好正。除咗魚外，一定要食酸菜，只有微微的酸，同樣帶點辣，係會食到停唔到手的😓，還有要試試個湯，雖然酸菜的酸會落左個湯裡面，但真係堅好味👍🏻👍🏻，無得輸。還有一種食法，叫一碗白飯，加一口湯，一片魚，所以我食左三碗飯😋哈哈😅。另外點了小食，老虎椒愛鬆皮蛋，還有夫妻肺片，同樣出色，很飽，大滿足☺️☺️。

最近香港人都愛到深圳食酸菜魚， 十分受歡迎，但在香港做到正宗酸菜魚的餐廳則不多，所以一聽到這間廚十三老壇酸菜魚在香港開了後便馬上來朝聖。餐廳位於熱鬧的尖沙咀市區，地點方便，位於尖沙咀地鐵站附近。餐廳環境裝修新穎，乾淨光猛，有落地大玻璃窗。土豪份酸菜魚 加寬粉整隻碟差不多是檯面的寬度，大到令人驚喜，份量是三條魚，都是用鱸魚，新鮮即劏。魚肉切得薄身而無⻣，嫩滑鮮甜，帶有少許辣味，辣而不嗆口，吸收了湯底的精華。酸菜，辣椒和花椒十分足料，鋪满湯面，香氣撲鼻，酸味較重，和麻辣味配搭適宜。中午時段還有免費白飯任食，湯汁送飯一流。寬粉晶瑩剔透，粗條彈牙，咬落有啫煙韌質感。避風塘魚腩用了新鮮鱸魚的魚腩，特別嫩滑可口，炸得外脆內滑，魚香味濃郁。避風塘炒法的炸蒜和辣椒等炒得入味，滲入魚肉當中。清炒萵筍絲萵荀絲切得幼細，入口爽脆鮮甜，鹹度適中，味道清新而解膩。雨露均霑即是紅糖糍粑，即叫即製，熱騰騰，外脆內軟，入面是煙韌的糯米，口感軟滑，點上紅糖和黃豆粉，味道一流。甜品 紅糖冰粉冰粉滑溜爽口，有紅糖漿和果肉等配料，味道清甜而豐富。

女兒常常上深圳食酸菜魚，讚口不絕話好好味，因我工作忙不能隨行，今晚女兒就帶我去尖沙咀廚十三老壇酸菜魚，佢話這店味道也很好味，叫我試下，餐廳位於樓上18樓，近窗可以望到海景，座位寬敞舒適。老壇酸菜魚小份：酸菜魚分土豪份、大份、小份。因應客人需要點叫，辣度也有選擇，甚至可以走辣，老闆娘說因為酸菜有辣味，就算走辣都有少許微辣。我因為唔食得甘辣，所以女兒就我，叫了走辣，另加配菜，午餐肉、腐竹、米線。雖然是小份，但份量也不少，用新鮮鱸魚起肉，片片魚肉鮮嫩又滑溜，湯底加有花椒、八角、胡椒粒等，味道酸中帶麻味，酸菜酸中帶微辣，腐竹有豆香味，米線吸收左湯底的酸辣味，美味可口！正經的雞被撕：即係手撕雞，有雞絲、芝麻、芫茜、麻油和調味醬汁，撈均匀食，辣辣地甚惹味！雨露均沾：是一個甜品，用糯米飯做成長條形，炸至外脆內軟，灑上黃豆粉，再點上紅糖漿，味道甜甜的，好好味！巨峰提子風味梳打特飲和芒果風味梳打特飲，甜度適中。

<好正既辣酸菜魚 >🌶呢間廚十三 主力食酸菜魚 仲有唔同既川式小食 味道色香味夠 環境舒服 燈火通明 幾啱一班朋友一齊食野傾計🍴刀拍前男友 58 蚊🥒個名得意 其實就係拍青瓜😂青瓜十分新鮮 爽口 而且切大細適中 帶 d黑醋香同辣味 正👍🏻🍴正經的雞被撕 108 蚊🐤其實就係手撕雞 雞皮好爽，雞肉帶 d彈牙雞味香 帶有少少香辣 加上一 d爽口既葱菜絲🥬 好味🍴酸梅湯25 蚊酸梅湯酸甜開胃 凍飲好啱食辣野飲 夠哂解辣🍴柚子茶28 蚊熱柚子茶 柚子味香 暖暖地好潤喉🍴老壇酸菜魚 小份2 人加辣 338 蚊🌶🐟二人份其實都好大盤 湯底酸菜味好香 有辣椒 青辣椒 麻子 夠哂足料 😍加左土豆片28 蚊， 寛粉28 蚊 , 午餐肉32 蚊🐷 蓮藕片 28 蚊土豆片即係薯仔 切得薄身薯味香夠爽口🥔 午餐肉 應該係梅林牌 軟熟帶 d咸香 盡吸湯汁🐷 蓮藕薄身刀工好夠爽口 寛粉 比較粗身 帶 d煙靭口感 都十分入味#四川菜 #酸菜魚 #薯仔 #蓮藕 #魚肉 #手撕雞 Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍

今日lunch去咗尖沙咀覓食，揀咗呢間新開嘅廚十三老壇酸菜魚。店員安排左卡位比我哋，另外仲有啲近窗位幾好view咁。Menu上除左有主打酸菜魚同埋唔同配菜可加，仲有好多川菜小食，就算唔鐘意食魚嘅，嚟到都一定有野食。勁surprised係星期六都可以叫午市二人套餐，$168二人餐包魚&米線&飲品，抵食！酸菜魚好大盤！除左酸菜同魚外，入面仲有啲蓮藕片，豆腐同金菇，米線就係2人餐包既。魚肉無雪味唔梅又無骨，酸酸辣辣咁，好開胃。另外我地仲叫左炸雞翼，炸雞翼炸得好好，粉唔厚又入味，如果唔怕辣灑埋啲麻辣粉仲正！強烈推薦大家試。

其實香港都食到好味嘅酸菜魚，好似廚十三，之前見到介紹，係美國班底主理架wor，同內地嘅好似有分別，於是就決定試下有咩分別啦。一坐低我同朋友就叫咗幾個少食，因為知就主菜都要等陣先有，咁就叫咁d涼菜：刀拍前男友(即涼拌青瓜)、不開心的黑木耳(即涼拌辣木耳)、酥炸無臉男(即酥炸豬肉條)。菜名好有趣，好彩有圖片，唔係都幾難估到，哈哈。其中酥炸無臉男比較唔辣，同埋好特別，睇外貌以為成條會脆卜卜好似蝦條咁，但無係咬落入面係肉嚟，又脆又煙韌。到主菜酸菜魚啦，我地3個人就叫咗個大份，3個女仔嚟講份量啱啱好。另外加咗好多配料，其中寬粉同荀片真係好推介！寬粉好滑身好彈牙，配酸菜魚嘅湯一齊食好夾！至於酸菜魚真係好滑阿，件件都好大件，有別於內地細細件咁，夾起亦唔會即刻散咗，到入口仲好滑好嫩！夾一條酸菜一齊食，真係食到停唔到。可惜酸味比較淡，但係可以加酸菜提升番個酸味。最後，呢度嘅座位超寬敞！坐得好舒服，又唔會同隔離桌太近，店雖然唔係超大間，但係就係咁，無咗吵鬧聲，同朋友慢慢食，吹水好正！

大概半年前食過廚十三既酸菜魚,估唔到半年後已經開左幾間分店.咁啱今日到尖沙咀行街經過街邊先發現尖沙咀都開左分店就心郁郁拉埋朋友上去試.尖沙咀分店窗外仲望到海境成條感覺好舒服.老壇酸菜魚加寬粉.呢到既酸菜魚只用一種魚同只有一種辣度好有原則但就係呢份原則先令我回頭食.新鮮鱸魚夠薄身,起晒骨入口啖啖肉,魚肉質感鮮嫩有彈性.酸菜酸辣爽脆好醒胃.湯底微酸又唔會過油膩,內裏香料有八角,花椒,新鮮胡椒同黃花瓣.寬粉晶瑩剔透口感煙韌彈牙，索晒湯底汁好惹味.酥炸無臉男係炸肉條,炸得好酥脆又唔會乾爭爭.沾上辣椒粉味道更多層次.雨露均沾當甜品食或者用黎解辣都係一個好選擇.炸左既糯米條外層炸漿唔厚又乾身唔會油淋淋,咬開外脆內軟糯米好香.外層灑上黃豆粉再沾上薄薄一層紅糖漿甜味香濃不膩.午市飲品一律半價就點左2杯解辣飲品,酸梅湯及荔枝梳打.

廚十三酸菜魚，早前於銅鑼灣開了第一間分店，想不到一年多之後，在港九各地都可以找到她的蹤跡。適逢最近香港不同的社會問題，而是香港人番大陸意欲大減，所以來到尖沙咀這一間分店過一下酸菜魚癮。酸菜魚有分大中小份，大份的叫土豪份。而我們只有二人二人點小份剛剛好。先呷一口魚湯，份外鮮味。酸和辣也不會搶鏡，平衡得很好。而且花椒那份香麻感尤其刺激。魚採用了鱸魚，已去骨，食落去好滑，而且幾有魚味。我們點了蓮藕片和腐竹，蓮藕片已經切得薄薄的，幾貼心，食落爽口！而腐竹也吸收了湯的精華，非常好吃。白飯是必點的，一啖飯一啖魚湯真的是人生一大享受。避風塘魚腩魚腩也是無骨的。相信是鱸魚！炸得香口，不過味道比較各自各，也沾不到炸蒜和辣椒的香。總括來說，這兒的酸菜魚比較驚喜，而小食就要再問下店員的推介會比較好。