廚十三老壇酸菜魚 (太子集團中心) (已結業)

天氣越黎越凍，最想就係食d熱辣辣既野。今日係尖沙咀放工，就搵下附近有咩辣野食，結果俾我搵到呢間食酸菜魚既餐廳，即刻就決定要去呢棟大廈都幾多餐廳，呢間餐廳係18/F，座位好闊落，坐得好舒服。Menu其實好少野，得2頁，但一定揀到想食既野，因為主菜就係酸菜魚跟人數揀返唔同既分量就okay我地叫左個二人份既酸菜魚，再加幾份小食同甜品。首先送到黎既係個酸菜魚，真係完全冇估到係咁大份真係大過個頭D魚片好滑，仲要冇骨，唔鍾意lur骨既人就岩哂啦！同埋我地叫左小辣，酸同辣度都岩岩好，凍既天氣食辣野真係岩岩好我地仲叫左d小食，d名好搞笑好有創意刀拍前男友（$58）& 不開心的黑木耳($58)個青瓜酸酸甜甜再加少少辣，好開胃個木耳都好爽口，開胃菜食呢兩個係一個好選擇呢個小食都非常唔錯，出面係脆脆地，但入面係煙煙韌韌既，咬落去口感好正。可以點埋d黑糖食，仲好味d~我覺得最正既係紅糖冰粉！呢碗野甜甜地凍凍地好似jelly咁，解辣一流呢個必叫！

近排天氣比較凍，決定要食啲辣野暖下胃 朋友話尖沙咀有間酸菜魚樓上鋪唔錯 好食得來又坐得舒服 決定一齊去試下 位於北京道太子集團中心18樓既依間廚十三老壇酸菜魚😆-一去到見到環境好闊落 店員安排我哋坐梳化位 唔知係咪驚我哋太辣嘅關係，佢唔係比熱水反而係比茶 首先order左兩碟前菜 都係青瓜同雲耳 味道正常 而且佢夠凍😋-跟住我地試左個招牌酸菜魚 分別加咗三樣餸有土豆 寬粉同藕片 我自己就最鍾意食土豆 因為可以索到酸辣湯既味 鍾意食淋身d既朋友可以揀土豆 但鍾意食爽身就可以揀藕片 不得不提佢個魚嘅份量可以足夠四個人食 魚片好入味 一啲都唔腥 我同朋友淨係叫左小辣 味道一流😛 -其次仲嗌左手撕雞同川菜必食既甜品雨露均沾😌😌 手撕雞份量雖然唔多 但啲肉好嫩滑 最想讚既係雨露均沾 口感有啲似炸年糕 鍾意食甜野嘅朋友記得點多d黑糖 一定會食唔停口 -最後一定要試過冰粉 又解辣又爽口又足料 一個字正強烈推介依間餐廳🤪

我發現酸菜魚呢一樣食物真係會愈食愈上癮，因為上次食完唔係好耐，已經開始掛住呢隻味道，所以今次再同朋友嚟食呢一間廚十三酸菜魚。今次好咗嘅嘢係一上嚟，已經送咗兩碟前菜，好驚喜，仲要係我最鍾意食嘅青瓜同埋木耳叫完餐之後嘢飲係首先送到食物嗰方面今次我哋都當然要叫酸菜魚，仲叫咗一味糍粑同埋石鍋炒椰菜，個名有啲複雜，自己睇menu啦 haha呢味椰菜係成個石鍋連埋gas爐咁樣上，仲有個靚仔過嚟幫我哋炒。佢用咗啲好香嘅調味汁，非常之有鑊氣，炒到香噴噴椰菜好新鮮而且每啖都好香口酸菜魚到場。唔知係咪因為開始熟手嘅關係個湯比以前更惹味，更香更辣，食到我哋成個嘴都紅曬，但係都停唔到。魚肉好滑好入味，同深圳食到嘅酸菜魚味道差唔多，果然係有水準最後唔少得甜品炸糍粑。估唔到佢可以炸到咁脆，而且非常之煙韌，點埋個黑糖，仲有解辣嘅作用，口感非常特別後尾同店員傾偈，原來呢一間廚十三喺美國都有分店，嚟緊仲會喺香港開好多分店。希望佢哋能夠保持水準，以後食酸菜魚都唔洗去深圳勒

閒時本人亦都有上大陸食酸菜魚, 酸菜魚應該係近兩年內地冒起得最快嘅菜式之一.幾乎每間店舖都以老壇酸菜以及酸菜比魚好食作為招來 這間酸菜魚的菜餚頗為正宗,亦備有小辣作為選擇,適合香港人的口味. 酸菜魚湯都可以飲,此外魚肉沒有骨, 適合一啲怕辣又怕骨嘅人士.黑木耳外表一般食落有一股辣直衝上喉嚨.本人頗喜愛夫妻肺片,夫妻肺片辣中帶麻麻中帶香,比坊間一般夫妻肺片味道層次較多,而且起碟是以牛展圍邊,賣相吸引.喜歡或者未嘗試過酸菜魚的人士亦可到此間餐廳作第一類接觸.

廚十三老壇酸菜魚 (尖沙咀）食酸菜魚唔洗再返大陸啦。香港都有開左唔少專食酸菜魚既餐廳。去果時新開張！每人都會送一杯飲品。我地揀左芒果風味梳打同巨峰葡提子風味梳打，兩杯都無咩汽，味道似芒果軟糖同黑加輪子軟糖。黎得酸菜魚一定係必叫！小份夠2個人食，魚份量多而且大塊，但小心有細骨。魚肉尚算滑。酸菜係另一個重點，酸得黎左啲辣味同湯汁，某程度真係酸菜比魚好食。配料方面我地揀左午餐肉、豆腐同紅薯粉。紅薯粉夠煙韌又夠腍。豆腐豆味仲有輕微吸湯效果。午餐肉就正常茶餐廳貨。整體酸菜魚係比坊間既辣，我地就好鐘意會夠辣又夠酸。味道正宗比大陸酸菜魚更加好食。仲叫左兩個小菜。#酥炸無臉男 即係酥肉，平時用黎打邊爐多。炸得酥脆，咬口帶點煙韌。就算放左好耐都仲脆。本身已經有胡椒同鹽調左味，都幾惹味，送酒更佳。#上上簽即係串串，每串有一至兩舊食物。蓮藕、海帶雞腳、萵筍同椰菜花等等。汁係泡椒底，所以都幾辣，仲越食越麻，嘴唇都麻痺了。

呢日來到廚十三老壇酸菜魚尖沙咀店，第一感覺係地方寬敞，仲有被安排坐喺窗口位置，一眼望出去見到維多利亞港，望到對面璀璨的聖誕燈飾，連位於灣仔嘅中環廣場也望到，心情零舍開心舒暢。電梯口的文字，店裡的漫畫亦好吸晴，放二張圖片畀大家欣賞欣賞。連店名都有『酸菜魚』個名，所以來呢度冇理由唔試吓呢道『比魚好吃自家特制的酸菜』同埋配菜土豆片，寬粉，腐竹，青筍片以及新鲜鱸魚組成的好大好大(好誇，好似洗面盆咁大)酸菜魚，酸菜不太酸又開胃，而個湯真係開以叫碗白飯來制泡飯，仲有下火的菊花瓣，唔錯呀，吃多多都唔怕。同場亦嗌咗香酥雞翼及白灼菜心，香酥雞翼實在唔錯，趁熱吃好香口，自己感覺猶如吃緊天婦羅，但内里係雞翼喎而2個涼菜也好好味同埋開胃，佢吔仲有两個特别的名字，分别係『刀拍前男友』和『不開心黑木耳』。

突然想食酸菜魚，於是上網搵到間呢間餐廳～餐廳嘅座位都算多，望到海景，而且座椅都幾舒服，可以坐低同朋友慢慢傾吓計。我哋一行四人，點左土豪份嘅酸菜魚，青瓜同手撕雞～青瓜酸酸地幾開胃，手撕雞配芫荽略鹹，配白飯食應該比較適合。主菜土豪份嘅酸菜魚真係好大盆呀！見到有三個魚頭應該係三條鱸魚嘅份量！辣度我哋點左微辣，食落啱啱好，非常㘃味～另外我哋每人叫咗一碗白飯，啲湯非常之適合撈飯食，好暖胃魚片冇骨，適合我呢啲懶人食餐廳服務都唔錯，喜歡酸菜魚嘅朋友值得一試！

之前聽人講深圳太二酸菜魚係最好食嘅酸菜魚，食過之後覺得太酸同埋好油😂😂咁☹️唔岩口味。知道尖沙咀開左呢一間酸菜魚，所以即刻上嚟試吓！餐廳環境幾新淨，坐得幾舒服，我哋三個人就叫咗一份酸菜魚同埋叫咗啲小食。刀拍前男友(拍青瓜)個醬汁好好味，又酸又辣好開胃！另外皮蛋都辣得過癮，又勁蒜好香！另外重點酸菜魚，份量超大見到都好興奮！而且切得好好冇乜骨，唔會太酸，小辣岩岩好，同埋可以自己加寬粉，好彈牙好索味好好味😋

呢個星期涼左少少當然想食返啲熱辣辣嘅嘢，除咗火鍋之外我就諗到食酸菜魚約埋幾個都有興趣嘅好朋友去尖沙咀呢間分店食，見佢新開張就心郁郁想試吓！ 雖然冇訂位但係好快就被安排入座，裝修都幾靚而且啲位都幾闊落，仲有可愛嘅插畫係牆上～菜單都清楚易明，你都當然要叫主菜酸菜魚，我地因為都好肚餓所以叫左個土豪份量，仲加咗配菜：青荀片、蓮藕片同腐竹，辣度方面叫咗小辣～當然食酸菜魚唔少得白飯啦🍚仔細睇個菜單啲菜名都好盞鬼，當然齋睇個菜名唔知係咩，所以都有啲圖畫睇吓，研究咗一陣都叫咗兩個小食試吓！好快第一個前菜已經嚟咗，就喺刀拍前男友，即係手拍青瓜，青瓜都好爽脆，麻油味好香，做開胃菜啱啱好緊接着夫妻肺片就到左，雖然睇落啲辣椒油好勁，但食落唔太辣，而且份量都幾足！除咗牛舌仲有牛柏葉，最後仲有啲青瓜絲墊底，送飯一流之後重頭戲酸菜魚終於上場啦！一想枱份量已經好驚人，可能因為我哋叫做四人份量一上枱就聞到好香嘅麻辣味，而且眼見已經有好多鱸魚片，影完相我哋就急不及待試食啦鱸魚食落好滑，飲埋啖湯仲正，連埋啲粉絲食仲正，又麻又辣😍腐竹較清淡，可以去除湯裡面既麻辣味，對於唔食得太辣嘅我啱啱好！蓮藕片又爽又脆，好味😋食到最後我哋

今日2019-11-26，我係廚十三幫襯食lunch入得黎緊係食酸菜魚，所以我叫左個一人午餐有一碗酸菜魚，一碗白飯同埋酸梅湯食物既味道都唔係好，可能我係大陸食過酸菜魚，我認為呢度既酸菜魚唔夠辣，唔夠酸，總而言之係無咩味，無驚喜。一人午餐酸菜魚，入面有粉絲、魚、金菇等等因為我之後去覆診，食完就急急腳賣單走左。去到診所同等見醫生大概一小時左右，突然感到好唔舒服。於是同診所姑娘講，佢地安排左我係治療室入面張床到休息，期間好辛苦，拎起個垃圾桶就嘔曬岩岩食既酸菜魚出黎，一共嘔左2次😅嘔完即刻舒服好多...我唔敢講百分百因為酸菜魚既關係，但今次個體驗都唔係幾好，下次唔會幫襯了。

香港最近開左呢間餐廳 聽個名好特別！專城帶好鍾意食辣既媽媽黎試😎餐廳係太子集團中心 好方便！新淨裝修坐得特別舒服😆我地2個人叫左小份酸辣魚!一上碟已經聞到好香！陣酸辣味令到我地好開胃🤩食落！喂正呀！魚身勁滑！煮得岩岩好！酸辣得好過癮！真係幾辣！媽媽岀曬汗但都食得好開心🥳食到尾都忍唔住要飲幾啖個湯！🤩大讚！然後好多配菜都高質好味！酸菜醃得夠曬入味！😎葱油豬肚好香！牛𦟌都炒得夠曬火喉🥳食左咁多辣野緊係要飲凍飲啦！🤩芒果特飲解辣又好味！

尖沙咀新店有二人套餐見每一張枱嘅食客都係點二人套餐咁我哋當然都唔例外啦其實個二人餐入面都有好多嘢食我哋小食揀咗香酥雞翼原來係單骨雞翼 食落去好方便炸好香脆然後佢酸菜魚入面已經包左三樣配料分別有金菇豆腐同粉絲我覺得呢度酸菜魚嘅湯比魚還要出色真係可以拎個湯黎撈飯魚肉都結實彈牙 屬中上水準另外仲有白灼菜心同埋兩個白飯而甜品就有紅糖冰粉佢啲嘢食上得好快我哋連條魚都未食完嘅時候店員已經出咗冰粉俾我哋唔知關唔關新店開張事😂😂同埋而家佢哋仲未有酒牌如果大家要飲酒 記得自備上去🤓

之前嘅我食少少辣都怕怕，但而家同朋友成日出去食辣之後就變到愈來愈食得辣，一於唔好比佢停，果時係尖沙咀睇完牙醫夜晚就去左食辣。刀拍前男友先上一道前菜-辣汁拍青瓜，一開始已經感受到濃濃嘅川菜風味，口感都幾清爽開胃，後有香辣嘅惹味。不開心的黑木耳非常爽口，下面果啲木耳浸左辣椒醋汁，味道會比較入味同辣，我就比較鍾意食無浸到辣椒醋汁嘅木耳，因為已經好入味，辣度岩岩好，而我朋友就鍾意食浸左辣椒醋汁嘅木耳，味道比較衝擊，各有各好。上上簽一道香辣涼菜，滿滿辣椒清湯中放有串串，入面有海帶、椰菜花、藕片、去骨雞腳等，去骨雞腳好爽口又入味，慢慢辣，好過癮。海帶同藕片都好爽口，另外估唔到鵪鶉蛋加埋辣汁可以咁夾，鹽焗鵪鶉蛋就食得多，凍食辣鵪鶉蛋係第一次。招牌菜-老壇酸菜魚(小份)我地就叫左小辣，一大盤酸菜黎到，用左花椒、酸菜等香料調味，先飲一啖湯之後再食魚，飲嘅時候有酸菜同花椒嘅酸辣味之餘仲有陣陣魚湯嘅鮮味，味道唔會好單一只有死辣，仲可以叫碗飯變成泡飯。魚肉去哂骨可以大啖大啖咁食，好放心，口感非常之嫩滑，完全無魚腥味，小份兩個人食岩岩好，份量一啲都唔少。原本酸菜魚配料就有酸菜同芽菜，我地仲加左寬粉同藕片，酸菜同

幾位靚女約食飯，都唔明點解會咁忙碌嘅，足足約左兩個月，大家又冇意見話去邊度食，為咗交通方便啲，我就決定尖沙咀，地鐵站附近。最近又喜歡上酸菜魚，Openrice 搜尋到廚十三，一於試新野！被廚十三吸引的其中一個原因係睇到 slogan 酸菜魚的13種地道吃法🐟 好有興趣試多啲唔同嘅酸菜魚食法。餐廳面積大有卡座，我們坐窗口位感覺更加自在，白色牆身配上玩味的漫畫，店裏座位寬闊舒服，一坐下來店員已經有介紹新開張優惠，Like Facebook 送川菜小食。《不開心的黑木耳 》平時我都喜歡食黑木耳，今次挑戰麻辣味濃的不開心的黑木耳，果然辣得刺激，真係估你唔到。《刀拍前男友 》哈哈！菜名十分有趣，前男友嘛！一生人中總認識到一個人渣，青瓜爽脆，酸辣有序。《老壇酸菜魚 》$338我們叫了二人份量的老壇酸菜魚，如果人多的話可以試一試土豪套餐。這𥚃以招牌老壇酸菜魚聞名，川味香料十足，即叫即劏，新鮮魚香又開胃。賣相十分漂亮，湯頭中有火紅色的辣椒並以菊花裝飾，顏色艷麗。先呷一口魚湯，酸度十足，辣度我們選了小辣所以比較溫和，少麻少辣更能享受到食物的味道，沒有油膩感。 酸菜魚用上原條新鮮鱸魚，份量足夠2-3人享

自從少左去深圳食野，都好少再食酸菜魚。起香港都唔覺有咩好食嘅酸菜魚，可能因為手勢冇咁正宗。難得有朋友介紹呢間酸菜魚，據聞拍得住深圳好出名果幾間！呢間分店係新開嘅，所有餐具都枱椅都好乾淨！杯野飲落似係玄米茶有種起深圳食酸菜魚嘅感覺！個menu都好似樣，食法都大致一樣，有好多配料可以加落煲魚度，仲有大中細揀，岩唔同人數黎食。同埋啲小食選擇都好多。係唔係好似去左深圳呢，正呀！主角登場！呢個係二人份量，只係$338，以香港黎講價錢唔貴，我地仲加左寬粉、木耳、腐竹同埋金針菇。配料好足好夠食，酸菜份量都夠多，魚都俾得唔少。唔會太辣，酸味幾夠，同埋幾香。浸耐左之後，啲湯味滲入啲魚度，就更好食！寬粉一定要加，索晒啲汁，好味！刀拍前男友$58，個名好誘人，唔知男友生前係點樣㗎呢酥炸無面男$88，食落似豬柳，幾得意柚子梳打同埋荔枝梳打$28，味道正常，同埋解倒辣！最後仲叫左個冰粉$28，都係解辣一流呀！好甜好清爽！好感動，連香港都食倒深圳嘅味道喇！