康年餐廳

营业中

休息中

啱好係旺角附近有啲私事，就嚟咗旺角啦⋯⋯每次嚟親旺角都會過嚟康年幫襯下，因為係茶餐廳入面我覺得佢啲出品都算正宗，而且有自己出品嘅麵包係旺角嘅金魚街，仲有再隔一條街都有連鎖...最like嘅就係會有新鮮出爐嘅麵包，香港嘅茶餐廳，食嘅都係港人情懷，雖然地方唔大餐牌上面有好多中西式嘅，品種好多，霖著食下午茶，都係菠蘿油最啱菠蘿油係啱啱新鮮出爐嘎，一入門見到四人位淨係坐咗一個人，即刻跑過去拼檯菠蘿油係係真係好鬼熱啦，牛油就快融，即刻將佢一反，咬咗一大啖！！酥皮嘅香脆加上牛油香滑鴛鴦奶茶，鍾意佢嘅原因係有咖啡嘅苦澀味同奶茶嘅香濃，好飲！

每次係去花園街同花虛行完 都會去呢間茶餐廳 佢地出爐面包熱辣辣好味 不過我最鐘意佢地既炸脾沙律 西多士 雞批 蛋韃都係好正架 生炸雞脾皮夠脆但又不會油膩 配salad 清清地剛剛好無咁熱氣 可惜份量少d囉特厚鮮油西多士 推介之選 金黃色兼有內涵架 火腿芝士 雞批 鬆化內藏雞粒洋蔥足料 蛋韃我個人喜歡躂皮 即係cookie食落鬆化唔係食實實

途經太子金魚街 忽然聞到一陣好香既麵包味 原來係康年新鮮出爐康年比較低調 又比較有親切感 比某附近出名餐餐更有人情味既然係新鮮出爐 我點都要買個包食下啦 揀左我最鐘意呢到既奶黃墨西哥包佢個包面個層酥真係好鬆好香 而包身真係好軟好鬆 咬落去好似唔洗點用力咁已經可以將個包咬一啖而最令我不得不愛既原因係佢個奶黃心 並唔係好似平時出面舖既流心而係好似布甸一樣咁滑同半固體狀 食落係好有質感同厚度 同個包既鬆軟非常配合 雖然加左1蚊價 但我覺得仍然係值得我繼續食

早上起來，只有攝氏三度，下午出發去旺角，也是只有四度，是近年最冷的天氣。由於早上並未吃過東西，故來到旺角仍然感到冰冷，於是急急走進康年餐廳，坐下來食個午餐，暖暖身體。點來特餐，先來茄茸牛肉通粉，但是上桌時並不是想像中的那麼稠結，較為稀疏，然而卻把雙手放在碗邊，暫時取暖。吃過茄牛通，猶如在喝著蕃茄湯無異，酸酸甜甜，牛肉猶如沙爹牛肉般軟腍，沒有兩樣。滑蛋炒蛋蒜茸包。炒蛋呈金黃色，沒甚多蛋汁，有點乾身，蛋身亦有點挺身，但炒得較滑，蒜茸包曞有烘焙過的，而且蒜茸塗徥足夠，因此夠入口蒜茸味道足，亦有蒜香味，多士本身鬆脆但略稍稍有點硬，不過仍可接受。追加一個菠蘿包，菠蘿包最重要是個酥皮，酥皮脆當然是好，這個菠蘿包的皮當然夠脆啦，不硬，而且麵包軟塾，當兩者一併入口，其實不錯吧。再來一杯餐飲熱咖啡，為今餐劃上一個完美句號。吃過午餐，身體暖和不少。

原本想去華星冰室，但一朝早１０點幾已經要排隊，唔係呀麻，真係無耐性排，坐得又迫。轉而去隔離康年。都係翠華翠河既朋友，連鎖式茶記，但地方大，位置多，太子黎講坐得算舒服。來個早餐B牛麵，個沙嗲都幾辣，少有，我鍾意，個湯有味。出面有時d牛麪好似用清水６咁。奶茶用最喜歡的黑白奶杯，奶茶味道有質素，有茶味不老，奶不過多，剛好。一早有杯剛好的奶茶，成日都開心d.

脆皮菠蘿包 $6每當你起身 晨早流流唔想去買普通麵包店既包 不妨去下茶餐廳門市有做包類外賣既💁🏻呢個菠蘿包大大個 重點係微溫！而且好新鮮 咬落去超鬆化 本身其實漲卜卜 但一咬落去就扁左😂菠蘿包最緊要係咩？就係個菠蘿皮！事關因為個面似菠蘿皮所以先叫菠蘿包？（好似係💂🏻）呢個皮系超級超級超級脆！睇相你都見到有幾分明脆到好似食核桃酥咁😍 薄薄一層 好香架😭雖然個包望落好大 但次次食完都唔夠喉 每次都好想一次過食兩個🙈真係好新鮮 而且係門口叫完就可以拎走慢慢食！

一到食飯時間，康年就好鬼多人，所以買外賣返屋企慢慢嘆 今次叫左個「豬軟骨雲吞米線」😋因為湯還湯，米線都能夠保持彈牙，口感良好。個湯有點胡椒粉味，但鹹！一飲就知你，「味精君」 好，到最後，豬軟骨和雲吞。豬軟骨煮得好腍，軟骨組織煮到變啫喱狀，但d肉質就變得好乾和「鞋」😅。雲吞都夠大粒，蝦肉質都彈牙，無霉，接受。女生都夠飽，但男生就應該唔夠飽😳埋單$40+，不過不失。

自己一個人係旺角區食晏, 來來去去一係M記, 一係就係女人街食啲質素好一般嘅lunch, 所以我就一心諗住對自己好少少, 去呢間賣相好啲嘅餐廳。呢間餐廳俾我嘅感覺係翠華二世, 入到去, 個裝修、餐牌各樣野都好有翠華嘅感覺, 唯獨係個價格平少少。由於我真係太肚餓嘅關係, 望左個餐牌兩眼就即刻落order。啲侍應都幾有禮貌、幾醒目, 唔會好似撞聾咁, 講幾次先落到單, 唔錯唔錯!落完order, 玩左陣手機, 跟手個湯好快就黎到, 不過佢上菜嗰一下都感覺伏味濃 -- 一眼望落去, 心諗一句, 駛唔駛咁稀呀, 稀到唔多見底, 不過如果佢好飲我都會原諒佢嘅, 但係一啲都唔好飲, 個味道酸到太啲開唔到眼, 所以求其飲左兩淡就算。擺低碗湯嘅時候係度祈求如果陣間件餸都係伏嘅話, 咁我咪就成個晏晝都無野到肚??! 不過, 好彩呢個生抄骨都算正常, 酸甜味道適中, 份量都幾多, 而且舊舊都有肉食, 而唔係得啲骨。食落去都幾滿足, 彌補到嗰個咁難飲嘅羅宋湯帶埋嘅遺憾。

自己一個晚飯，見到呢間餐廳好多好評，於是入左去一試，點左個特餐B:叉燒湯意，炒蛋，迷你墨西哥包，熱華田墨西包~外表好可愛;入面好足餡,但個外皮唔夠脆炒蛋~好味!我覺得係熟得岩岩好叉燒湯意~叉燒太硬...意粉:普通…華田~淡而無味...最簡單反而整得唔好...總括黎講::唔算差，但同好相差很遠....題外話::全餐飯最欣賞個男侍應...小妹係一餐飯時間，佢就招呼左兩枱'熟客'，記得客人既'照舊'係食d咩...諗唔到而家既餐廳仲有咁既侍應(心心眼)

if tsui wah restaurant is my generation;hong lin is to be my dad's or uncle's.  hong lin is no strangers to many patrons or people in the business. hong lin is the see fu (master) of some of the household names in the cha chan tang world.like most cha chan tang, hong lin offers a zillion things on the menu.  one thing that stands out most is their bakery.  the egg tart, the mexican bun, the pineapple bun (which doesn't have any pineapple), so on and so forth are the main attractions.  another mu

由旺角店吃到太子店，每次來到旺角總會來幫襯，他們的食物茶餐廳總算比較保持水準，今次又是一樣，放工很夜，來到旺角一定是來吃它吧!他們的炒粉麵確實幾好食，點了一個乾炒牛肉烏冬丶一個海南鷄飯，烏冬炒得惹味香口，回味無窮。海南鷄飯，鷄肉嫩滑，啖啖肉，油飯乾爽粒粒香口。

點左個晚餐$65,黑椒牛扒可配飯，意粉或薯菜。我選了薯菜，但上菜時竟然只有四條薯條。。。我問侍應「唔要飯跟薯條只得4條？會唔會少左d?」剛巧我坐廚房門外的枱，廚房佬即時無禮地大叫「你可以叫飯架！」我問「4條薯條代替一碗飯？」佢黑面行開。我跟同行朋友說「算數，影低相擺上網。」侍應即時説「呀，比小左，補返比你」。另外朋友點了椒鹽肉排及雞球飯，味道也不錯。

之前係屋企附近都食過,不過已經比人取代左,而且唔係食得太多次,所以都有d掛住就黎左依到食,今次叫左茄牛通,好快就有得食喇,只係等左一陣,賣相都算好吸引,湯底一睇就好開胃,因為佢算鮮紅色，睇落都算幾稠下，再加上牛肉同通粉,真係好吸引下,首先當然要試下個湯,飲一啖依個湯真係夠哂稠同埋濃,有少少新鮮蕃茄個種酸味，之後就試下個牛肉,有輕輕咁炒過,同出面個種唔同,不過都好好食。之後就當然要食佢個滑蛋同埋依個豬仔包。依到既豬仔包真係我既最愛,成個包既表面都係白濛濛一片,全部都係煉奶,而且有少少烘燶過既感覺，加埋炒蛋同個豬仔包一齊吃,好正,包真係好脆,仲有少少煉奶既甜味。吃完包之後,再食埋滑蛋,真係一流享受,蛋都炒得好好， 

遠道而來的表妹聞味香港的港式下午茶，所以就帶她來康年試試吧。之前已經試過墨西哥奶黃包（好味👍），自己亦曾經試過翠華既菠蘿包（嫌包太硬,唔夠軟熟)星期六下午15:15康年已經迫滿很多不同的人，有上班族、街坊及很多旅客。-店員不段叫有什麼新鮮出爐的飽類，但眼見很多客人都選擇菠蘿油。賣相不錯，新鮮出爐的菠蘿油，皮真的很香脆配上一片牛油，雙重口感真的很令人回味。（菠蘿飽絕對係要新鮮出品的才好吃，放過了脆皮不再脆便沒有口感。）忌廉雞批-另一港式下午茶飽肚之選，雞批我從很多年前吃過灣仔金鳳，便偶爾會去四處試試別的出品。-康年出品的雞批脆皮面真的很香脆很好味，但內的忌廉涵卻不過不失吧，種覺得欠一點東西，不過卻不知道是什麽。（有機會再去試金鳳再告訴大家吧）港式凍熱奶茶-亦是香港旅遊書必推的吧，但真的不是每間茶餐廳也做得好。我飲的是熱奶茶，總覺得吃餅類的食物配熱的比較好。淡淡的茶香配上菠蘿包或雞批有感幸福了。（我不懂評論奶茶，但也不錯的，奶也不會過多。因為我平常是咖啡的fans,只是今天配表妹試試傳聞的港式下午茶）

六月五日，去康年食個早餐。餐包淋身，無岩岩焗完既感覺。腸仔炸既，好油。煎蛋好老，熟曬，無流心，大家留心。米粉份量足，而且味道也不賴。加杯熱檸茶，尚算一份合格早晨。