康年餐廳

营业中

休息中

太子的金魚街附近，常見遊客大排長龍，為的是一嚐那個家傳戶曉的菠蘿包。其實這區好食的麵包又何止佢一間？一街之隔嘅康年餐廳，麵包蛋撻同樣出色。墨西哥麵包，表面嘅糖霜厚度比例100分，一啖入口，猶如棉花糖般，瞬間被嘴巴壓扁了，馬上又回彈起來，中間仲有層奶皇夾心，簡直錦上添花，好味到呢⋯⋯真不明白點解個個都食菠蘿包唔通個個都鍾意食包咩買埋樽仔奶茶、咖啡可以邊逛邊食，堂食又得。餐廳人流極旺，麵包不斷出爐，永遠熱烘烘的，美味指數爆燈💥💡

今朝去太子做嘢，經過康年餐廳所以便入去吃一個早餐。 一坐低伙計已經很醒目地走過嚟問食什麼早餐， 於是便叫了一個沙爹牛肉公仔麵, 腸仔煎蛋餐包和熱檸茶.沙爹牛肉麵的牛肉好像沒有沙爹， 沒有太重的味道，但牛肉還可以，不太硬 公仔麵還ok, 不會太淋。腸仔煎蛋黃餐包就非常正常, 都係熱辣辣的.這裏的夥記都很快捷, 所以就算眼見有一group八人的客人,也很快有位坐 所以如果趕時間的話，這是一間很好的選擇， 另外也有很多卡位，所以也很適合有小朋友的家庭來幫襯!

周未出旺角睇模型玩具，行開千里達，英明，見肚餓又四點幾喇，想揾個地方tea下啦。康年喺嗰頭有兩間，我吾知有咩分別，是旦入咗間，舖面有包賣。撞啱出新鮮蛋撻喎！入去食啦一個鬚皮蛋撻點夠食，加個菠蘿油再嚟個紅豆冰全部懷舊香港小食，我估我老豆後生都係食呢啲啩好食喎！個蛋撻皮真係鬆脆，蛋黄又蜜味。當然啱啱出爐呢！點會死得人呀……個菠蘿包吾係ding返熱俾你㗎！塊牛油如果再厚啲就更毒！紅豆夠林，起砂，係紅豆沙咁，吾係奶水加冰加硬紅豆。不過如果啲冰細粒啲會好啲嘅。

本黎都唔打算食呢間，但隔離蕃茄通間野太多人等左成20分鐘都入唔到，呢度有位就入左去點知就中伏喇我地一行5個人， 餐廳好快手咁安排到座位比我地係值得一讚坐低之後好快諗到食咩，但揮手好耐都無人應終於收銀阿姐大叫出黎，＂你地食D咩架, 同我講我幫你地落啦＂雖然大聲, 但阿姐落單好爽快, 語氣唔差，唔錯我地落左5份午餐, 4份 43$，炒公仔面就貴D要48$熱飲唔洗加錢, 凍飲就加3$，都幾抵等餐既同時有D唔係我地叫既野送黎，同時又有人後面大叫"喂侍應, 你地係咪唔做我生意架喇！！"當下已經心諗，估唔到Ｄ單會亂到咁樣之後我就知點解喇，原來佢轉位係唔會改單見住有個客落晒餐，野飲黎左仲飲緊，都仲可以主動轉位坐我諗有Ｄ可能係被調位既，但成件事侍應間完全無通知任何人跟住野食黎到，我食既叉燒炒公仔面幾好，唔太咸唔太油其他果Ｄ乜乜汁豬扒意粉反而遲Ｄ到質素亦都中規中舉，無特別好同差但點知開餐無耐，跟住就賴野喇同台對面個阿姐執台果時疊左3 4隻碟同碗但又唔穩跌左落台之後個碗彈起，對住我同個FRD正面淋頭，眼鏡，衫，褲電話乜都濕晒有朋友問我地有無事，又遞紙巾，又抹電話但康年既侍應就好似無事發生咁，繼續後面企o係

一行四個人去康年食早餐，真心覺得呢份早餐好抵食。蛋治夠晒滑，好正！沙嗲牛肉公仔麵，公仔麵的軟硬程度啱啱好，沙嗲味又好正。最後杯奶茶， 十分香滑，奶同茶嘅比例剛剛好，正！

羅宋湯好夠酸而且有紅蘿蔔等蔬菜在裏面，味道不錯，西冷都幾大塊，但味道不過不失，無咩牛肉味，全部都被黑椒味道蓋過，牛扒質感都算腍，但意粉比較腍。份量大份都好夠飽。

今朝送媽媽上學，趁她上課之前跟她到附近的茶餐廳食早餐。我一向覺得茶餐廳早餐，又唔抵又不好吃。一碗麵、一份包、一雙蛋，再加一杯飲品，已經要30-40元。而且味道通常都十分普通，加上平日食早餐時間一般都不超過30分鐘，所以我總覺得唔抵。但我們今日去了一間味道不錯的茶餐飲，而且早餐只是$33。雞蛋配上麵包製成了滑蛋三文治。雞蛋有香濃的牛油味，很香，而且麵包鬆軟，十分好味。麵，我選了羅宋湯螺絲粉。湯是濃郁的羅宋湯，有牛肉，裏面還有大量蔬菜。湯味道偏酸，不過甜甜酸酸的，挺開胃。華田味道正常。這家茶餐廳的早餐，好味，幾抵食！不過其實在家自己煮早餐才是最平靚正的選擇，哈哈！這家茶餐廳，值得再來！

適逢在星期日晚上，風波除下後的旺角不是太多人，尤其食店內的食客也是不多，這個現象在旺角來說甚為罕見，求其找一間餐廳也容易搵到位的。這間餐廳位於旺角與太子之間，門口有一些麵包、蛋撻售賣，門面及招牌也很闊很大，很容易被吸引進入去，一進入去，已經有很多位子，完全不需等。餐廳提供了中式及西式的特價晚餐選擇，今晚我選擇的西式套餐就有這個 「黑椒豬扒拼司華力腸配煎蛋飯」+ 中湯+飲品，盛惠$65元。單睇陣容，有豬扒有煎蛋及司華力腸，在觀感上是不錯的，擺放得很企理。食物味道方便，黑椒汁不會太辣，尚算適中，豬扒及司華力腸的味道合乎標準，中規中矩。紅蘿蔔青蘿蔔中式例湯味道不錯，雖然不是太濃郁，但清清地飲後頗舒服。

有咩好得過有得嘆下午茶呢，就係嘆返個蛋塔菠蘿油，加杯奶茶既下午茶啦。菠蘿油包身香胞，外皮暖暖，再加一大塊鮮牛油，好好味！蛋塔鬆化，蛋漿香甜又夠滑，正呀。再加蛋杯熱奶茶就真係頂瓜瓜！

今次寫寫食宵夜既既店。如果係旺角,搵宵夜食都唔困難但講到明宵夜時段,一般都價錢貴，而且味道亦會降級左！所以如果玩得夜,可以去試試康年餐廳。但要記住,果邊有兩間康年餐廳！係食唔同既野,所以唔好去錯！兩間鋪只係差一條街！哩間餐廳收鋪時間好似去到3,4點所以唔洗怕太夜無野食每次夜媽媽都係食佢個通粉餐做宵夜坐既環境都不錯,係個冷氣大左d當然如果大家係晚飯時間,就唔會推薦啦因為旺角太多野食！希望幫到今晚玩得夜左既你

同男朋友睇完夜場都差唔多凌晨一點咁就沿路睇吓喺Van仔站附近有乜嘢食似乎得返呢間康年，即入餐牌格局價錢，都係類似翠華嘅我哋叫咗麻辣肥牛米線同海鮮喇沙米線男朋友個肥牛米線幾啱佢食唔算好辣但都夠味，肥牛亦都唔靱我個海鮮喇沙相對就淡左啲海鮮一向都冇乜期望一定係雪藏貨但魚蛋都冇乜味就失望左少少米線亦都煮得太淋，糊口如果其他鋪頭未閂門…應該都會選擇第二間

真係好鍾意飲奶茶，比奶茶好夥伴推薦同培養左一個到處都試奶茶既習慣。依間係佢既旺角最愛，終於可以一試，配合走杯活動就自己帶樽，值得一提係店家冇話我地麻煩，好配合。拎上手有半滿既奶茶，好香，順滑，純，唔油，真心好飲，經開花園街可以買一杯飲😋

星期六行過買左樽裝奶茶加菠蘿油外賣食落有驚喜奶茶 茶有茶味 茶同奶好夾 奶唔會太濃而搶左茶味☕️菠蘿油新鮮皮脆🍍依家已經好少呢類型既餐廳 再加上價錢唔貴 好過食翠華😂

新年放假無得拜年，要去男朋友鋪頭幫手執定貨準備聽日開倉，執執下開始有啲肚餓但有因為太忙去唔到買嘢食，所以打去樓下茶餐廳睇下會唔會送外賣，好彩老闆娘都好好人都肯送結果我點左一個楊州炒飯嚟食，唔夠15分鐘都送到黎，賣相都算唔錯，而且佢用可以放入微波爐嘅膠盒裝住，成本都算唔少但入邊都好多蝦仁，不過自己又唔食蝦，所以好多都分左比男朋友食，至於飯嘅味道偏淡，自己都唔算食得好濃味，但味道就稍為有啲淡，在濃味啲就更好啦

今日早早地11.00，係太子附近想食個早餐，所以就揀左康年喇。早餐A配蛋治 $33炒蛋非常嫩滑，份量足夠，再配搭軟熟白麵包，正啊羅宋湯螺絲粉大大片蔬菜、蘿蔔塊、香濃湯底，再配合熟度適中嘅螺絲粉，好味道好怕有D茶餐廳嘅即沖飲品會好淡，但係呢杯熱可立克味道夠曬濃，飲曬仲有層未融可立克，證明落足料