康年餐廳

营业中

休息中

上次經過食過佢的墨西哥奶皇包, 真係好好味, 幾時去買都買到好新鮮的包, 因為好多人買, 去貨好快~今天經過巳食過晚飯, 但真係唔買好似唔安樂咁, 但墨西哥包又驚太飽, 所以買左件拿破崙黎試, 因為曾經同事提過幾好味, 一拿上手巳急不及待放入口, 兩三口巳消滅了, 嗯~~ 雖然不是很鬆化, 但味道都唔錯~值得一試~ 但最好味的還是墨西哥奶皇包

今日放假游到旺角, 好掛住康年既出爐飽飽, 次次行過都要買, 但隔左夜唔好食架,都係留返堂食 沙爹牛肉飽2個 $6 : 香口沙爹牛肉亦不小, 好味 波羅紅豆飽 $6 : 香口既波羅皮, 紅豆不是太甜, 必食 紅豆冰 $18 : 紅豆多, 奶太小, 下次都係叫無冰奶茶好d 飽飽再戰聯合shopping 去

地方好似翠華個款咁上下...42蚊 一個無骨海南雞飯餐,有湯,有菜,D雞夠多夠滑, 仲要無骨添!!!一定好過去附近食個間咩泰國人海南雞啦..雞右少飯右少.湯右無,菜右無,位右唔好坐!!!

佢杯奶茶真係一流, 茶膽靚, 奶同茶份量o岩o岩好 !! 仲有佢個蛋撻又係唔錯, 皮酥蛋嫩, 少甜卻多份蛋香 !!去開魚街必到之選 !

因工作地點在附近，一早已係呢間店子既熟客了。假如您趕時間既話，呢度絕對除左「澳洲牛奶公司」以外，可以俾食客充份體驗所謂「香港精神」既茶餐廳，不過服務態度相比下就好多了。係呢度你會感受到員工朝氣同埋所謂"team sprit"既東東~由十二點至一點半呢度係一個戰場，待應速速忙忙落單送餐，麵包師傅不停叫xxx出爐，麵檔小師傅不停淥麵~除非你點粉麵檔，假如你揀午餐a/b或者咖喱餐既話.....基本上點餐後大約五分鐘內可以送到~午餐同咖喱餐味道都不俗，唯獨款色轉換比較少，所以吃了一排又覺得悶吶....另外飲了好幾次羅宋湯入面有陳皮…乜羅宋湯要落陳皮的嗎？依然百思不得奇解中… XD麵包就無乜點來吃，好久前吃過個雪山奶皇包，夠鬆軟，價錢不算貴。用來e肚不錯有次見到譚校長坐左係度，好似平凡人咁點餐，之後都未見過佢張貼d乜乜合照比較喜歡這類不依靠明星效應既店子吶~當我某日趕時間時我會返來的了~hohoho

入到去以為去左翠華,因為個格局實在太似落order一碗魚片米,熱檸水,湯底無翠華咁好,但都係魚骨湯嗰類野,白雪雪,味道唔夠濃,仲有少少魚腥味,魚片幾好味,有少少咸香,辣椒油唔係太夠辣...檸水一般,總括嚟講就係一般般咁,無咩驚喜

好耐無黎, 上星期食過吞拿魚包 + 檸水, 一樣都係夠熱, 餡料亦夠! 今日試新既....食咗個 D 餐, 腿通, 通粉唔太腍, OK! 叫蛋治黎咗腿蛋, 照食, 麵包唔得, 原來方包係來貨, 唔怪得之差咁多, 呢間成日黎....寫埋呢次, 如果無咩特別就唔再留食評啦!

吃完一個菠蘿包，再到這來個奶油墨西哥包後，應該就有8成飽了，那就可以睇完波10點才再吃其他東西了。這個奶油墨西哥包由朋友介紹，他們當晚亦吃得很滋味。因為要影張靚相所以要拎上手，誰不知個包勁油，完全始料不及呢！若之前有看過其他食評，都應有準備吧...失策。奶油墨西哥包一咸一甜，理應幾過癮。首先是個包都幾鬆軟，外皮墨西哥幾脆，咸咸地，做足本份；奶油吃落不粉，軟滑又夠熱，甜甜的份量又多，合格有餘...但點解我吃到一半覺得苦的呢？所以我吃到一半便掉左了...有機會會嘗嘗其他出品...但不會Encore這奶油墨西哥包了。

生活總要過, 要重新開始!如金鳳一樣....茶餐廳的雞批係偏細, 個皮既牛油味好香, 但餡就好少, 我比較buy ...pie and tart 既批!

見金華裝修,於是走去康年開餐唔知係咪勁敵裝修,居然要係門口等位好耐冇食過佢地瑞士雞翼撈一丁,於是叫了一客.我女友則叫了魚腐米線.的雞翼好入味,而且炆得好淋,容易入口,的一丁則淥得剛剛好,爽口彈牙,加上鮮甜瑞士汁,配搭一流.可惜分量不多,好快就掃清碟.魚腐米線的魚腐則有點"un",較難入口,而且的米線好易斷,唔夠彈牙,有點失望.

今日買完魚糧肚有點餓,於是就喺呢間茶餐廳開餐!我叫左瑞士雞翼加凍奶茶,因為見到在坐好多人都係叫瑞士雞翼撈麵,都應該幾好食,唔係點解咁多人叫!個麵到左,唔算太大碟,啱我呢個細食既人食,味道都唔錯,瑞士雞翼味道甜甜地,雞翼無咩雪味,呢樣好重要,因為有時食到d好重雪味既雞中翼,想嘔!但係坐得唔舒服,撘枱好密,生意太好了,侍應都唔算太友善,所以印象只係一般!

上次食左個瑞士雞翼好好食,今日又再嚟試吓其他野!今次就試左佢地個海南雞飯餐,雞係起骨既雞,份量唔算多,但係問題係d雞好似喺雪櫃度攞出嚟咁,凍冰冰,有點怪,不過味道又唔係好難食!點雞既薑茸幾好味!但係我覺得d雞油飯淡,無物味!個湯係中湯,又唔錯播!好壞各一半,下次穩陣d都係食番瑞士雞翼

因為喜歡食新鮮出爐熱辣辣既麵包...所以時間許可的話, 我會叫老公車我黎嘆個麵包+茶餐!自己仲以為已試哂...原來還欠一款吞拿魚包, $6, 麵包軟熟, 最重要既係吞拿魚都好軟滑, 唔會"鞋"口, 仲加少少熟蛋白, 真係一流! 試了一天後昨天想要叫...可惜未出爐, 唯有叫剛剛出爐既紅豆菠蘿, 自己都係第一次被紅豆燙到...今天再叫吞拿魚時, 影埋個餡...不過, 如果大家黎既時候唔係剛出爐, 就要考慮下先, 因為我覺得所有麵包都要熱辣辣先好食!

呢間舖，生意長期好！可能係地點問題，令佢咁旺，味道呢？我自己都叫做試過！我食左個瑞士雞翼出前一丁，瑞士雞翼做得不錯，個汁唔會太甜，味道好！出前一丁唔係真既出前一丁，味道當然大打折扣啦，但係價錢都唔平，店主應該用真野！凍檸茶係跟餐的，味道ｏｋ，唔會失禮！

今天要來個總結, 事關麵包已試得八八九九! 以下是三天早餐的內容!一. 朱古力+ 豬仔包, $16, 雙豬出動, 點知朱古力又唔夠濃, 豬仔包雖熱, 但質感硬, 凱施既軟熟好多!二. 好立克+ 豆沙菠蘿包, $18, 好力唔駛加糖, 奶味濃, 唔錯, 豆沙可以少糖, 食到粒粒紅豆又唔硬, 菠蘿皮脆脆的, 食完飽好耐!三. 檸水+ 奶皇墨西哥包, $17, 飲檸水係因為睇食評知道個包幾油, 所以檸水可以去油膩感, 個包果然幾油, 熱食時...奶皇多到漏出黎...幾飽足, 麵包皮一路食一路掉下來, 一定唔可以係街食! 其實呢度同金華差唔多, 不過, 論服務, 呢排招呼我既靚姐都幾好人!