康年餐廳

营业中

休息中

今年開始已沒有踏足旺角, 因為早上想快快趕回公司早啲開始工作, 這個中轉站已不再是早餐的落腳點! 熱辣辣, 大大個又好好味既麵包已有好一段時間沒有品嚐, 今天在麵棧吃罷湯麵(沒有點豆漿, 因為做得並不出色, 偏淡), 口乾乾, 見到一樽樽咖啡/奶茶排在冷櫃內, hehe...見到有少甜, 又破例買了一樽凍的, $14, 價錢不平宜, 但味道跟金鳳也不會差太遠吧, 如果可以再少甜一點點就 perfect!

迫...係我對康年最深刻既印象四人卡位一定要坐四個人, 無奈... 但係唔知點解佢真係成日都咁多人, 好難明! 下午茶餐唔係平, 三十幾蚊一個, 有杯凍飲, 一碗雞蛋麵同埋一個餐飽, 一隻雞翼, 而且仲要迫... 不過味道都ok, 鍾意佢隻雞翼炸到好香, 幾好味! 餐飽都好食, 見好多人一隻雞尾包一杯奶茶咁歎, 好似好正咁服務員好忙, 但係都算客氣, 唔會迫你走咁, 但係我覺得唔會係一個成日去既地方咁

今次已經第N次黎食康年了, 朋友由原本很喜歡黎, 現在卻不常叫我黎了, 是否佢已經食嫌左??不過, 還記得第一次黎食個時, 我覺得佢地抄翠華, 所以對佢地印象唔多好。宜家已經無所謂啦~因為佢地有個餐好吸引! 尋日我又同朋友去食啦~~~個餐有兩大隻炸雞亦(疑似吉列雞亦) 很很很好吃!!!!!!! 次次吃都好吃, 佢係非一般既炸雞亦, 而係吉列雞亦, 很得意和好吃, 出面未食過~~~次次佢都炸得很好, 火控制得好好, 內裡一定不會唔熟, 雞肉又很滑, 又大舊肉,外面又唔會燶。剪蛋公仔麵正配合雞亦, 湯低清清地, 有少許椰菜絲, 另外還多了一個奶油芝麻餐包, 好一個飯後甜品,不過還是湊熱食比較好食。至於奶茶方面, 這裡的熱奶茶比凍的好飲, 今次嫌佢地多左少少奶, 不過都合香港人口味, 水準都幾好架。 伐仲有,呢度D蛋撻好正, 好多人黎食, 仲有墨西哥飽!

真係唔講得笑, 因為間舖坐到好爆!!! 好多人都會食金華, 但係我就覺得康年唔差得去邊, 四點零, 新鮮出爐菠蘿油, 即刻要左一件, 加埋杯熱奶茶, 超級歎!!佢個菠蘿包既菠蘿皮真係好脆, 咬落去既時候有種好痛快既感覺, 真係食到好開心! 奶茶好滑, 一個欺既下午茶, 就係咁架喇!

年初三，赤口，農曆年假期，平時人頭湧湧的旺角街頭也變得冷清了。大多店鋪都尚未開門做生意，首選的中國冰室休市至年初七，金華冰廳又忙得插針都插唔入，於是走到了去左金華附近的康年餐廳食個 tea。看著門外長長的人龍，相信這裡的餅點是招牌吧，逐要了拿破崙及酥皮蛋撻各一件醫肚。先試港式拿破崙，放在茶餐廳印有黑心淡奶的碟上又是另一番風味，很喜歡餅內鬆化的夾心層，加上忌廉味道更醒神，唯表層內的合桃口感麻麻，煙煙韌韌的，或是個人口味問題，實在不太喜歡。皺皮的酥皮蛋撻，賣相雖亳不吸引，唯質地軟軟的蛋芯散發淡淡的甜，水準跟銅鑼灣鵝頸橋街市的金桃麵包相若，味道相當可口，伴上一杯香滑熱奶茶，又是三點三的好選擇。值得一提是，這間位處旺角的康年餐廳，無論環境及食物選擇都是徹頭徹尾的翠華風格，難道想給人一種錯覺嗎？

今天要到新世紀廣場附近一帶購物，又是想想到那裡開餐。上次到「金華冰廳」吃了一頓美味的「孖包餐」後，在途經金華時，本想來個第二回合，但最後還是奉行「為食冒險精神」的宗旨，去另一間在位置上「差一條街」的餐廳「康年餐廳」，來一個「包茶大比拼」。上午十時半左右到達，餐廳內已坐滿了人，在服務員帶領下搭了在一張四人檯。其實在進入前，已先看過了在門外的麵包西餅櫃，發現除了一些大路的麵包或雞撻外，還有拿破崙出售。坐下來馬上點了「菠蘿油」($6.00)及「熱奶茶」($12.00)。在下單後，其實心中一直希望菠蘿包仍是新鮮熱辣，可惜這個主觀意願無法實現，因為菠蘿包連一點微溫也沒有。這點可以表示為菠蘿包的流量不高，因為客人以選擇「早餐」為大多數，同時不像「金華」般當菠蘿包一出爐便搶購一空，這點在容後可以證明。由於熱奶茶一直未有送到，再加上面前的菠蘿包已沒本事令牛油溶化，所以便一直在等著，因為想先呷一啖奶茶才開始用餐。可惜等了片刻奶茶仍未有送來，最後只好先向菠蘿油動手。未知是否菠蘿包涼了的關係，在一動之下，外而的椰蓉皮便一塊一塊地跌下來。再放入口一試，甜味頗重，麵包的彈力不算強，牛油的酥味亦不夠，再加上麵包的

大年初二出動搵食，吃完一頓遲來的brunch後，行到咁上下，正想歸家，老婆大人忽然話想去食康年的墨西哥包，於是咪去囉，點知去到康年，人多到連隔離舖頭前面d位都攞埋做生意。外賣同樣都要排隊，真誇張！望一望個麵包柜，原來墨西哥已經賣晒，於是轉軚買菠蘿包。見老婆有得食，自己都有d心癢癢，順手買多件拿破崙餅。講真，呢度d拿破崙餅賣相唔係特別吸引，給人有點粗糙的感覺，但係其實佢的內涵一點也不賴，味道比美心等餅店好，那種半脆半軟的感覺，奶油、糖和合桃等配料產生的化學作用，令舌頭的感覺變得豐富，的是好吃！只可惜今天是外賣，要不然，再加杯香滑奶茶或香濃咖啡，便已是一餐滋味十足的下午茶了。

今日同朋友仔出嚟,佢話我知呢度既墨西哥奶皇包好好味呀估不到呢間嘢有咁既水準~ 包肉真係好鬆化又好味....下次真係要試下其他先...

一月六日(星期二)今日早餐由老婆仔負責,我又在旺角出閘,行到麵包店買早餐,本想買包點王子,不過未開,但是我專情過去看,明明是開7:30呢!?於是,就到了康年買麵包,之前試過,每次都不會令我失望!今次買了一個流沙雞尾包和奶皇墨西哥老公吃了雞尾包,他說味道不錯!而且有點"流沙"的感覺...我的奶皇墨西哥,雖則凍了,但是仍然很香,奶皇滑,有奶味!!!特別欣賞其面層焗得香軟!

12點,又未係lunch,就去買個蛋撻麫食!之前一直食開金華,今次就試下離他不遠的康年嘩!正值蛋撻新鮮出爐,當然不可錯過啦~酥皮蛋撻的蛋味不重,但酥皮還不錯始於都係曲奇皮好味d...再要個菠蘿油菠蘿油新鮮即制,可能個菠蘿包熱辣辣,食果陣時d牛油溶晒啦菠蘿包好脆好味,都算補番數啦!

12月16日 星期二因為狂歡三寶無晒糧既原故....我要特登行返黎呢頭買貓糧....咁o岩見到阿師傅好趕咁話....小心....熱辣辣新鮮出爐雞批.....見到有人排隊....我都唔知係咪買雞批....咁即刻閃入寵物店...除手攞起一包....快快比錢.....快快閃出去買....連shop keeper 找左幾錢比我...都唔理...求其放入銀包...儲埋分....即閃......找多找少錢事少....食唔到好野事大.....出到黎發現....雞批仲o係度....勁開心呀~~~叫左2個雞批.....跟住見到個拿破崙又好似幾好味....好似幾好味....即係可以收歸國有....呵呵....買完加埋只係$17...抵呀....1. 拿破崙--> 真係覺得佢幾特別....上下2層係用蛋白糖加杏仁做成....中間果層係牛油曲奇...蛋白糖口感煙un....牛油曲奇感覺就好似食緊麥維他牛油曲奇條咁....真係好好味....不過我唔太鍾意d杏仁味..2. 雞批---->放左好耐....都仲暖架....果然係新鮮出壚....因為趕住去整眼睫毛....唔可以一買到即食...結果放左佢

上次行過, 見到佢個冰櫃入面有好多凍奶茶~ 咖啡~難得唔落冰o既凍啡... 真的有點令我心動所以上個星期, 食完譚仔之後, 就行o左o黎買la~$14一枝o既"冰震咖啡"第一啖... 好甜... 超甜...搖均再飲第二啖... 好o的... 但都係比較甜...oh~ 你令我好失望lei~難得我肯俾$14出o黎, 你竟然perform得咁差... ...下次都係買返拿破侖餅好了

(30/10/08)買點東西回味回味。拿破侖是回味作,少cream拿破侖,把杏仁蛋白餅夾蛋糕。I still like it!再買d未買過既提子撻、雪山奶皇包、藍山樽仔咖啡。樽仔咖啡話係「藍山」啫,通常茶餐廳咖啡都係酸既,無諗過會得到咩驚喜,而且之前堂食飲過佢既熱奶茶,麻麻。呵!!!咖啡一飲,勁好飲,一d酸味都無,仲好似Iris cream coffee咁,奶味香,啡味濃度適中,藍唔藍山都唔理喇!o岩晒口形就係好野!提子撻,其實是沒有撻底,純粹牛油蛋糕放在鍚紙兜上焗,奇是牛油味夠,但質地好”旱”,提子只係得眼見兩粒。兩啖size,賣$5,試過就算喇。雪山奶皇包,係凍身(佢與椰絲奶油包放在一起)。雪山奶皇同墨西哥好唔同,墨西哥包太油。在此我比較喜歡雪山奶皇包,麵包好像較輕柔點,而且涼身的奶皇無咁膩。

早幾日上堂, 友人好好咁o向旺角食完lunch買o左o的好o野食返o黎慰勞我o地~之前行街經過都覺得吸引~今次幾個女仔share一件個酥皮唔單止夠鬆脆酥皮中間夾住o既仲有好香好脆o既合桃~ 正!!而o的cream唔多~ 可以接受!!下次行過都可以試o下~

說是其店子的招牌包姑且買回家一試:墨西哥奶皇包: 紙袋已變成通透,因為有很多油呢未知是否包包已過氣,吃下去很多油,奶皇餡有點膩整個下午肚子都不餓, 只覺心口有點翳悶呢!!