康年餐廳

营业中

休息中

$5。拿破侖：上下層是由蛋白糖和杏仁而做成，蛋白糖口感煙韌，中間的一層是牛油曲奇，真分香脆可口，而牛油曲奇的上下卻有少許奶油，配上淡淡的杏仁味整體而言真不錯，連不愛吃杏仁和奶油的我也能接受呢！

i got lost in the maze-like mongkok and finally met my frds up at this cha chen tang, as they were shopping for the aquarium and felt like having something for tea. not feeling hungry after lunch and dessert, i ordered just an iced milk tea and the ppl ordered a bo lo bao and a gai mei bao.i tried a bit of the bo lo bao and it was bad. really bad. the 'crust' on top was so hard that it was kinda piercing and hurt my gum (no joking).maybe its personal cause i have seen a lot of people ordering b

由於下午實在食得太清淡，所以晚飯想食返d濃味d既野，跟住經過呢度記得大家寫佢既野都唔差，所以就入左黎食啦。入到去都有7成人，行到好累，好彩搵到張卡位坐下休息下。見到都有好多一家大細同埋朋友黎呢度食飯，睇黎都唔差呀。不過佢既menu上面既野食真係好熟口熟面，同某某餐廳既野勁似! 最後我地兩個人叫左個菠蘿包 (純粹試下)，紅酒牛尾煲(with飯&湯)再加一個豬軟骨撈公仔麵。先講菠蘿包，呢個我覺得都ok，唔算太差，因為佢好熱辣辣，個包好軟熟，但我覺得佢面頭個層太薄啦，係夠脆，但食得唔夠過癮，哈哈，而且佢個味道無金華咁濃，所以我都係覺得金華好食dd。之後紅酒牛尾煲...呢個好味喎!!!ｇｄ!!! 佢勁入味，同埋有好多配料，d紅蘿蔔索哂d汁，超好味呀。個汁要黎配飯剛剛好。d牛尾唔夠淋，但都ok架啦，因為真係好入味，變左好好食。 佢仲有個例湯送架，個例湯感覺都ok，唔似味精湯。仲有呀，佢個飯份量超大，我地都食唔哂要拎走。最後亦都係最唔好食既就係豬軟骨撈公仔麵，因為其實佢幾辣，變左我除左食到辣味就咩味都食唔到。佢個公仔麵又係d 唔好既公仔麵，一d口感都無，食落口好淋而且完全無味.......所以唔好

外賣: 蛋撻($4) + 雪山奶皇包($6)蛋撻, 酥皮同蛋漿都好食.雪山奶皇包, 食到有少少麻煩, 因為個面既"雪"(糖粉)跌到周身都係.奶皇應該係吉士, 好食.有機會, 會再食, 同埋試下其他野食.

今日下晏係康年買咗包包俾爸爸食!!菠蘿包$4 : 買時新鮮熱辣 , 雖然過了4-5小時先食用 , 但表面仍然保持香脆 , 加上用料十足 , 絕無偷工減料!!由於小妹媽媽住係康年對面,所以經常到康年食早餐 , 也是十分好味。***不過減肥人士注意 , 有点油呢!!

見到甘多人讚個瑞士雞翼, 真係忍唔住去試一試, 夜晚入到去坐低就見常餐有瑞士雞翼撈公仔麵唸都唔使唸就揀佢, 老公就揀左海南雞飯. 上碟有3集連雞翼尖ge 瑞士雞翼 , 個瑞士汁好靚, 成碟望都覺得好好味甘. 好滿足 , 連野飲都係 HK$34 , 抵, 仲要係常餐 , 11點後,咩時間都有得食, 真係掂

好香蛋味，酥味都一層層好分明好脆好好味，可惜我唔係新鮮出爐食到，如果熱辣辣既話，一定更加好味道，而家暖暖地咁食都好味喇！

早前又食咗金華菠蘿包, 是日姐姐改在這間買, 另外再買墨西哥奶皇包及我選了流沙雞尾包回家享用.每個包都有獨立紙袋, 每個都布滿油. 尤其是個流沙雞尾包, 包底已吸滿了油, 剛吃下去還可以, 但唔算流沙, 再吃下去至差不多一半終於看見雞尾餡, 它不是流沙, 是流油, 而且個餡仲超甜, 要"倒"出來後才能繼續食, 雖然味道不錯, 但真的很肥, 如果要keep fit, 千萬別吃這個包, 因我連續2日菠蘿包及這個包已肥了2磅, 食前請三思.另此間的菠蘿包個皮偏甜及牛油味較"SO", 我家小B不太喜歡.

再到康年, 一來旺角的茶餐廳比較一般, 像銀龍越做越求其, 記得康年係一間都幾好的, 所以成為首選, 二來正好身處金魚街, 咁就腳, 那有不吃的道理?晚飯係大蝦首爾牛柳, 茶餐廳來說, 做得很有心思了, 牛柳很嫩, 口感十分好, 一點都不難"趙", 大蝦一隻擺在上面, 爽是爽, 但沒有蝦味, 不過可以接受, 只要牛柳足夠讓我吃得好已很滿足, 因為其實沒有太大期望!跟餐有白飯, 紅湯, 凍奶茶, 飲品不會失禮, 這道牛柳是長期供應, 不怕無得食!

早幾晚落旺角睇戲, 老公仔帶我去食一間叫康年餐廳的舖頭中式晚餐係椒鹽豬扒跟白飯同中湯, 個椒鹽豬扒好好食, 豬柳條好鬆化而椒鹽的確幾香, 茶餐廳有這樣的水準係好少有!椒鹽香, 因為蒜蓉落得足夠, 而且蒜蓉夠乾身, 加上紅椒絲都有足夠的辣味, 令到豬扒夠野味食物好好味, 但客人太多, 坐到好迫, 都幾唔舒服!

$4。酥皮蛋撻：超燙哦，果然新鮮滾熱辣，不能立即進食，否則自討苦吃，待一會後，已急不及待地品嚐，第一口竟咬到一粒如小石般的硬物，相信只是''砂糖''…不要緊吧…蛋撻酥皮超香，也很酥化，多層酥皮致口感十足，蛋漿豐滿，甜度可接受，總說還不錯！size相對''金華''的較大，味道亦較甜

黎間餐廳我同朋友都係第一次來, wow都成5點幾仲有好多人. 難得找到2個位可以比我地坐底. 一坐底我便馬上叫了1. 波羅油-新鮮出燼既波羅包及半溶既牛油, 好味都不知點形容. 總知正.2. 食完波羅油都未夠喉既我, 再叫埋墨西哥奶黃包, wow好中意包入面既軟軟滑滑既奶黃, 都係一句好食都不得了.3. 已有8成飽既我, 再偷食了朋友既雞尾流沙, 果真都唔錯. 不過因為我已經飽飽地, 所以無食之前2個包既時候甘興奮.

在旺角返工的朋友相信好多人都識康年呢個名, 每日無論咩時間都人頭湧湧, 好不熱鬧康年其中一個最有代表性的菜係個瑞士雞翼, 真係好多人食過都話好, 而今次撞正個特餐係瑞士雞翼配香茅油飯, 我又點會錯過呢瑞士雞翼好食在個汁實在係野味, 雞翼又炆到淋, 淋之餘又入味, 所以咁多人食係有佢個道理香茅飯都幾香, 應該係用個海南雞飯d飯嚟serve, 之前食過佢個海南雞飯, 都幾好食!坐得好迫, 成日要搭枱, 無法, 好野梗多人食

好大隻! 好大隻 大大隻的鮮蝦有五隻!我所講係晚餐於康年餐廳食到的大蝦蝦子撈麵, 三十五蚊一碟撈麵, 價錢唔貴, 因為蝦仲要係鮮蝦, 唔係急凍wor 蝦肉仲有海水的腥味, 咁著數, 我都有啲嚇親麵都幾彈牙, 無梘水味wor, 加兩條都算有溫度的菜心伴碟, 都算幾有誠意 另外附上一碗上湯用嚟食撈麵, 味道都唔錯, 唔似一般上湯太多味精同咸, 而係比較溫和的胡椒味!今餐晚餐, 留比我幾好的印象! 少年食神強烈推介

一間茶餐廳是否好, 一半在於杯"茶", 不是嗎, 茶餐廳, 茶都做得不夠好, 怎配叫這名字呢?這個午餐有三個環節, 最先來的是杯凍檸茶, 也是這間餐廳給我的第一個印象, 檸檬茶... 最重要的當然是檸檬味跟茶味了, 前者合格, 因為沒有偷工減料, 檸檬落了五大塊, "篤"完都full of lemon juice 茶呢? 頗濃的茶味是我的印象, 這個茶的水準, 我已覺得這間茶餐廳不錯了接住來是個羅宋湯, 味道不會太淡, 不會太酸, 什菜都煲得淋, 但又不會爛, 飲湯最緊要飲完不會比未飲更口渴, 如果唔係飲嚟做咩? 這個湯大至做到了要求主角是燒汁雞脾飯, 燒汁比較杰, 不會太多又不會太少, 太多便覺咸, 不少不夠撈飯食, 所以期望餐廳懂得控制份量; 雞脾當然不是新鮮雞肉, 但入口是美味的, 不鞋已經不錯, 飯粒分明, 不是在吃漿糊, 可喜可賀哈, 不知怎的今天覺得自己很想用心去欣賞食物的味道是否好, 不過, 都要這些餐廳做出一些令我有mood去欣賞的食物才令我有這種興趣呢