度小月 (海運大廈) (已結業)

度小月剛開張時，已經有一日專誠去試下，個晚7點幾去到，話已經派晒籌，真誇張！過左一段時間，今晚再去試試，去到已經可以即入，不用等位首先我地叫左兩碟前菜：古早味滷豆腐加露荀沙律 呢兩個都有廚師推介古早味滷豆腐$20：無滷味 汁仲要好咸露荀沙律$58: 就是在露荀上加沙律醬 完全無特別 不明為何是廚師推介 沙律醬亦無味 仲要成$58一碟 好伏主菜:擔仔麵$28：這是全晚最好食的，特別係加入左蒜蓉，蝦亦新鮮擔仔裸條$28: 湯底同擔仔麵一樣，只是轉左河粉祖傳滷肉飯$28: 唔夠滷汁同滷肉 不推介柯仔酥$68: 即是炸蠔仔，無蠔仔鮮味，好似食緊舊炸粉，唔掂薑米櫻花蝦炒飯$88: 只是揚州炒飯加左櫻花蝦，個名好聽d，其實係一個普通炒飯櫻花蝦高麗菜$78: 蒜蓉味炒菜 上面加d櫻花蝦 睇落靚d咁 無特別 基本上，除左擔仔麵值得推介之外，其他都不推介！

上次黎要等50張枱就走左冇，今次黎難得唔洗等位就入左去，每人最低消费60元，唔係好肚餓，就淨係叫左少少野～ 肉燥飯，都幾好味，肉燥唔算太多，好彩都算夠濃味，夠伴哂碗飯擔仔麵，影出黎就係個面個淡麵，湯下全是牙菜…我唔食牙菜，基本得一淡麵食…湯又冇味，麵又唔好食，總之好差！滷大腸依個好好食，又夠入味，口感都好好必試呀如果係提供熱茶就完美了，可惜只有凍水。位置有一半都望到海景，唔錯的～唔洗排隊都值得一試。

My first visit to this place has been nothing but disappointment . I came at 1:30pm during a weekday. No smile at first reception. I was led to a two-seat table with someone on the other side (the restaurant was only half filled with lots of empty two-seated table). I asked whether I could take one of the unoccupied table but was told that it was company policy that customers must share table ! I did think of walking out but thought I should really complete the experience by going through the me

呢日放半日假，LUNCH專登就黎嘆下度小月，享受一下攸閒的下午為左慰勞自己，我好快就擇左台南小炒﹑擔仔麵以及薑絲蛤蜊湯坐的位置望窗，但只是看著對面建築物，沒有海景薑絲蛤蜊湯，非常好飲，味道甘美，蛤蜊肉又好食擔仔麵，有隻蝦，鮮美，麵條又爽滑，不過碗麵細碗左D台南小炒呢個就真係唔合格，菜多但肉太少，雖然味道好但咁取巧唔OK總體今餐都食得過，又可以度過攸閒一日，心礦神怡，配合美食一流享受不過份量少同有取巧，要扣D分

與台灣度小月相比，員工服務態度不但惡劣，趕走客人，食物質素更是參差，只有外觀精緻，而味道方面簡直不堪入目。例如擔仔米粉，其湯底與台灣相比已是差之千里，完全缺乏湯底本來應有的濃郁香味，只有那一堆蒜蓉所散發的味道，完全不如台灣老店的百分之一，不，是萬分之一！ 另外，其珍珠奶茶的珍珠亦是差劣至極，完全缺乏嚼勁，有如在吃一堆爛泥，完全比一般奶茶店更差。而員工方面，正當我們一家打算結帳時，其員工以極細的音量且模糊不清的咬字講述所付金額。而當我們希望該員工覆述一次時，竟得到：我咪講左囉，你聽唔到炸埋，此等回覆，然後亦完全沒有覆述的意思便不了了知，此等服務質素簡直令度小月百年老店的聲譽毀於一旦。如有不認同以上所述之人，大可到台灣細味一次寶島傳統味道的度小月，以及領教一次此店員工的服務態度。

又係出開尖沙咀 大約6點鐘 度小月都幾多人 需要等下位 但都幾快有位嘅☺️😄今次同行的計埋我有四個人 所以都叫左不少食物呢哈哈嚟到度小月 食擔仔麵是通識吧 真係不得了 擔仔麵上枱嘅時候 仲係好熱勁出煙嘅 同埋好香的呢♨️♨️食嘅時候 建議飲左幾啖湯先 口腔裏完全係充滿擔仔麵湯的味道 味道非常濃郁👍🏽☺️鮮蝦好大隻 蝦雖然是放在麵上 但食嘅時候有食到肉躁的味道呢😋😋然後把葱粒 肉躁碎與麵撈匀 進食時 每一啖麵都有以上嘅材料呢 食哂碗麵後 記得飲埋碗湯啵 精華都盡在湯𥚃呢🤤🤤祖傳肉躁飯也是一個很好的選擇 飯粒較腍 飯上有不少的肉躁 食嘅時候 每一啖都有均勻的飯同肉躁呢 好有肉躁的香味 不過口感上 感覺這個飯會較油 但味道也不錯的 可以trytry😊☺️不過與擔仔麵相比 小妹更愛擔仔麵呢👍🏽😍鹵大腸 不過不失吧 份糧都很多 伴菜的是魚仔 鹵大腸的味道好夠鹵水味 大腸唔算好肥 但都幾新鮮 但整體上就普普通通 唔算太特別沙茶安格斯牛肉粒 伴菜的是有紅椒 黃椒 洋䓤 大䓤 同埋鮮淮山？(質感都幾爽) 哩碟小菜嘅份量都幾多 牛肉粒好腍 好好食👍🏽😋味道都好濃 但食唔到有太多的沙茶味 不過整體上都可以蚵仔酥 小

由於係台北旅行果時食過度小月值得一試!聽聞香港開第一間就想再去回味下! 等過左排隊熱潮就即刻去試試!以開係海港城黎講，定價唔貴，最低消費為人均$60,算係咁啦！入到去即刻點左招牌肉燥飯同擔仔米粉，再點埋係台北食過好味既滷大腸!由於未夠最低消費就搞搞新既衝擊，叫左個蚵仔酥! 咁就搞到今晚個衝擊就好大啦!肉燥飯冇左豬油既香味，擔仔米粉唔夠濃味! 滷大腸就同台北食既一樣有滷水既香味! 蚵仔酥就冇咩味，粉就唔算厚! 總括黎講，唔會再試! 隻水杯仲要有飯未洗乾淨!

［ 滷肉飯 ］前幾日啱先食完西營盤「請坐」，對比好大。兩間滷肉飯價錢相若，但度小月份量、質素都明顯被比下去。好細碗，滷肉唔夠肉香 ☹️.［ 擔仔麵 ］預左細碗，但無預到咁細碗。唔係誇張，一啖食得完——空氣食感 😐 湯底還好，但遠遠唔及雲吞麵湯鮮香. ［ 胡椒肉 ］事先已經見到Openrice有負面評價，不過menu上肉嘅選擇唔多，所以都叫左。果然係伏。份量細到呢，又薄、又細塊，中午食個碟頭飯，上面啲肉都多過佢 🙄. ［ 烤香腸 ］香腸應該係特製，否則好難做到咁短 😐. ［ 鮮蚵湯 ］有啲蚵仔、豆腐食下，幾滋味、幾鮮.［ 古早味滷豆腐 ］大舊好食又唔貴 😋.兩個人$260，唔會再黎

一入去侍應就同我地講最低消費係60蚊，沒問題，之後我地叫左魯肉飯，擔仔麵，菜同小食，但份量真係細，食來食去都食唔飽，最後出去買左件蛋糕食......難怪這裡沒之前那麼多人

星期五6pm 唔需要等位，係LCX 行到尾，我哋三個食咗五百蚊，飽飽的度小月啲portion 全部都細細的，我哋都試咗好多嘢，様樣都有驚喜。膽仔麵同肉操飯一定要食，我嚴太細碗，一啖就食完。古早味滷豆腐好正，軟林林好入味。櫻花蝦九層塔煎蛋，好香，味道好特別，都有八塊，幾抵食。鹽酥雞同三杯雞煲就冇乜特別，出面其他應該好食好多，好咸，食完好口渴。另外我哋仲叫咗嘢飮，冇影到相，飲品都唔錯，跟台灣的差不多，又唔會太甜

早在台灣旅行時已見到度小月，可惜無時間試，今次約左同樣喜愛台灣菜的朋友一齊試試，平日，2人台，晚餐時段幾乎不用等位，坐位舒適，不過如果可以坐窗口海景位更好！由於鍾情於台灣地道菜，我地點左最經典的，珍珠奶茶、擔仔麵、肉燥飯、鹽酥雞仲有一個櫻花蝦九層塔煎蛋。誰知奶茶是外賣杯上，好失望，份量比台式飲品店少，味道亦只是不過不失。招牌擔仔麵、肉燥飯細、鹽酥雞份量不大，麵細細碗，微溫不夠熱，少了點台灣夜市風味，不過價錢$28都唔係貴。最驚喜係櫻花蝦九層塔煎蛋熱辣辣 有櫻花蝦香莫非度小月的fusion菜式先係強項？有待下回分解..

適逢Mr.G的生日，都是吃貨的大家決定來新開了一段時間還有不少名氣的渡小月。店鋪12時開門，半小時後小女子先行到埗取票拿位，從數字上看來要等幾張枱，但實際上前面的都是空號或沒有人認領所以都跳過了。不用五分鐘已經叫到我的號了，可是因為要過半人數才可入座，所以我只好乖乖坐在一旁等待……幸好月巴先來到，店員也馬上帶我們入座，很幸運地坐在可以看到無敵大海景的位置！遲到的人只有餐牌看~~~餐廳像酒樓一樣用點菜紙下單或可以用微信二維碼下單(但見當天鄰枱的強國人下單失敗，要還原基本步用點菜紙)，我們三人前後共點了三碗麵加三個小菜，後來一看店員的落單紙，發現只落了兩碗麵及一個小菜，於是便提醒店員，他也很客氣的馬上補回。度小月最有名的擔仔麵($28)是源於台南的小吃，雖然小妹老是說要去台灣可是卻總有阻礙去不了，反而Mr.G也去過台北的度小月品嚐過但早已忘記了台灣的味道，三個人三種不同的麵底：油麵沒有吸收太多的精華，但比坊間車仔麵的油麵少了份油膩感；粿條即是河粉，薄薄的河粉吸收了湯底精華，三爬兩撥就吃完了；米粉採用了銀絲米粉，幼細不太碎，一撮一撮很容易夾起入口，也很方便小孩進食。擔仔麵由台南師父即叫即煮，

知道度小月開咗一排，喺台灣食過一次，今日路過見到口痕入咗去食下午茶。因為唔係好肚餓，只係叫咗啲小食。和風秋葵無加太多調味料，清清哋，秋葵本身都唔使點煮已經好正。醉雞酒味唔會太濃，雞嫩滑多肉👍🏻 都幾滿意擔仔粿條粿條加埋芽菜口感好正，個湯飲完一啖又一啖，成碗清哂。肉燥飯唔會好漏，好香。作為下午茶，或者兩個人食，食物份量啱啱好，可以試多啲唔同款。食物款式唔係好多，可能下午食唔到主菜嘅關係，有機會都會試下晚飯。

今日放假諗住同太太食餐好嘅，加上早前在某飲食雜誌有提及過並強烈推介這間餐廳是正宗台灣菜，所以今天專登開車來試食，但好可惜，名大於實，好難食！我點了以下食品1。擔仔面，量少並不是問題，面半生熟，內燥太重味精，食落怪怪的2。三杯雞，味道叫做還可以，但廚師落太多糖，搶味3。上湯菜，這個完全無技術，但完全無味，毫無誠意， 衰過快餐店4。九重塔煎蛋，這個味道ok，有蛋汁， 煎得香口，是今餐點的菜式裏唯一ok的菜式5。 祖傳肉燥飯， 還可以但肉燥太甜6。 胡椒烤肉，這個上碟時接有點凍， 味道係頁咗胡椒的鹹豬肉，好一般總括而言， 超過一半都好難食， 喺街邊食豬腸粉仲好味過佢， 同我在台灣吃的味道完全有好大出入， 非常失望，衛生亦一般， 竟然畀客人用過的茶杯我哋用，唔會 再幫襯， 因為太難寫關係連影相嘅意欲都冇費事浪費memory

今日六點幾黎到，拎飛時寫住下張到，等左三個字叫到我地，咁我地六人枱有三個人等緊，門口嗰位姐姐就話要齊人先入得喎，跟手就㩒掣俾下一張喇。下一張仲企喺門口等帶位，我地就已經齊人啦，但都唔俾我地。等多五分鐘就見佢叫張七位入座啦，應機嗰位大媽就一拖三入得喇。咁我地就問問門口個姐姐做咩佢唔齊人都入得，佢又改口話夠半數人就入得⋯差幾分鐘就唔同晒喇。我地諗住時間仲早就再等下啦，結果等多大半個鐘先有⋯張四人枱俾我地六個人坐。呢個時候，我地咁啱見到出面有張四人枱加二人枱啱啱埋單可以拍埋，就問待應可唔可以轉啦，佢話叫左兩位入去坐，冇得坐六位喇⋯啲待應行過仲細細聲話我地麻煩揀位⋯但我地身形都唔細坐唔到四人枱嘛，唉，我地同呢間鋪八字相衝，無緣無份，都係扯吧啦。走嘅時候，大媽嗰張大枱仲係坐緊四個人，加多三份餐具。無謂諗咁多啦，人地三個識隱身又使同我地講咩。