度小月 (海運大廈) (已結業)

今日六點幾黎到，拎飛時寫住下張到，等左三個字叫到我地，咁我地六人枱有三個人等緊，門口嗰位姐姐就話要齊人先入得喎，跟手就㩒掣俾下一張喇。下一張仲企喺門口等帶位，我地就已經齊人啦，但都唔俾我地。等多五分鐘就見佢叫張七位入座啦，應機嗰位大媽就一拖三入得喇。咁我地就問問門口個姐姐做咩佢唔齊人都入得，佢又改口話夠半數人就入得⋯差幾分鐘就唔同晒喇。我地諗住時間仲早就再等下啦，結果等多大半個鐘先有⋯張四人枱俾我地六個人坐。呢個時候，我地咁啱見到出面有張四人枱加二人枱啱啱埋單可以拍埋，就問待應可唔可以轉啦，佢話叫左兩位入去坐，冇得坐六位喇⋯啲待應行過仲細細聲話我地麻煩揀位⋯但我地身形都唔細坐唔到四人枱嘛，唉，我地同呢間鋪八字相衝，無緣無份，都係扯吧啦。走嘅時候，大媽嗰張大枱仲係坐緊四個人，加多三份餐具。無謂諗咁多啦，人地三個識隱身又使同我地講咩。