度小月 (海運大廈) (已結業)

知道度小月開咗一排，喺台灣食過一次，今日路過見到口痕入咗去食下午茶。因為唔係好肚餓，只係叫咗啲小食。和風秋葵無加太多調味料，清清哋，秋葵本身都唔使點煮已經好正。醉雞酒味唔會太濃，雞嫩滑多肉👍🏻 都幾滿意擔仔粿條粿條加埋芽菜口感好正，個湯飲完一啖又一啖，成碗清哂。肉燥飯唔會好漏，好香。作為下午茶，或者兩個人食，食物份量啱啱好，可以試多啲唔同款。食物款式唔係好多，可能下午食唔到主菜嘅關係，有機會都會試下晚飯。