度小月 (海運大廈) (已結業)

7/10/2017, 專登去尖沙咀apple買ipad pro, 買前緊係要醫飽肚，食左lunch先啦~ 所以專登去度小月食晏，好早期都好想食，因為係台北食過好正好鐘意，到依家先有機會試下香港呢間。去到好多人，自助取票等叫no., 我地等左2 人枱大約10 分鐘，唔算太耐。我地二人因為預左晏d會再食下午茶，所以唔食太多，驚太飽 只是叫了：1. 擔仔麵 $28，擔仔米 $28, 各1 碗好好食，好好味同台灣食嘅味道一樣，好正，但可惜隻蝦係凍嘅，因為見到d蝦係成桶整好晒係到，只用黎放係麵面架 無再番熱，但隻蝦好爽。2. 黄金蝦卷食落爽口彈牙，好食嘅，但炸槳唔得，食落味道唔太夠，但一點了那小碟醬汁，效果就大不同了，個汁好好味，有d 似喼汁，有wasabi架，所以好好味3. 炸大腸炸得好夠脆，又唔肥，好好食，但無汁跟，食落好dry, 如果有醬汁跟就好了。只叫了4 樣野食，滿足下就算了，因為仲有下場* 服務態度麻麻，我地入座了10 分鐘都無人比水我地，枱枱都有樽水，真唔夠細心* lunch time食晏有限時，食個半鐘喎，最低消費話$60, 一坐低佢就咁講，我意料之外，感覺好差，我都係食左

7點鐘攞飛，等了一小時終於入得我見7:45就無得攞飛啦之前响台北&高雄都有食過，响香港都係第一次食，當然要點佢既招牌擔仔麵啦，份量唔多，食埋另一招牌祖傳肉燥飯都仲得，不過我係同Hubby share食的和風秋葵就是灑了白芝麻吧，老實說，無咩特別，底層的蕃茄幾fresh囉炸脆皮大腸好睇但唔夠脆台南芋糕表頭鋪上菇丁肉燥和蔥，下層有好多芋頭，都幾好味呢杯黑糖薑母茶有薑味但唔太辣亦唔太甜

度小月未開過黎果陣已經好期待岩岩開太多人 一直拖到而家先食平日中午食唔洗排隊直接可以入去食黎到緊係要食佢嘅擔仔麵同埋滷肉飯但係原來都幾細碗一個人食一碗一定唔夠飽但係其實唔知係咪期望太高個擔仔麵有啲失望湯底係幾好味 雖然偏淡少少不過啲麵質我就麻麻地喇係好普通嘅一個麵滷肉飯就不過不失啦味道唔算太香但係就有滷肉飯嘅油份包住啲飯都算唔錯嘅仲嗌左個滷大腸反而滷大腸好有驚喜大腸處理得好乾淨無異味爽口亦都十分入味側邊配搭嘅炸薑絲都幾特別珍珠奶茶就唔推薦喇奶茶冇奶味 珍珠口感唔夠煙韌兩個女仔食晒上面嗰啲都唔夠飽所以追加左擔仔粿條因為未食過粿條 原來其實同河粉差不多無咩特別但係最後埋單有件小插曲 令到我哋唔開心埋單總數$228 我地比咗$240正常＄12都應該要找但係我哋等左成五分鐘都冇人找錢 好似想特登唔找咁最後要提佢佢先至找 但佢都淨係找$10比我地果$2自動食左

去了兩次, 人流仍然很多, 7點去到要等一小時才排到, 證明店子真的不錯照舊叫了炙烤胡椒肉, 味道真的不錯,很有肉味,份量是兩三人的另外,  野飲也是不錯, 叫了荔枝乳酸,  很好飲, 但價錢比較上貴了一點

同事一直推薦這家的肉燥飯非常好吃，終於有機會過來一試。和朋友逛完海港城便來排隊，等了快40分鐘才入座。繁忙時間的用餐時間是90分鐘。點了肉燥飯，還有其他菜。肉燥飯真的名不虛傳，小小一碗，肉醬味香氣撲鼻，米飯也煮得剛剛好，非常好吃。其他的菜也不錯，推薦鹽酥雞和排骨，鮮蚵湯很鮮甜，朋友點了貢丸湯，說像味精湯(不建議點)而珍珠奶茶一般。總體來說是非常好的，價格也實惠。是飯堂的好選擇！

對上次係度小月用餐以經係1年前係澳門嚕~~第一次嚟香港唯一分店，水準同味道無變wor 😍😍好彩今日人流無平時咁多，12點3到都仲有少量位，再晏少少就要等位了~古早味滷豆腐 (HK$20)滑嘟嘟~~醬汁甜甜地~滷鴨蛋 (HK$12)超級入味！唔會煮得太老~特滷大腸 （HK$48)邪惡大腸😈食到停不了口安平鮮蚵湯 (HK$38)唔會腥，薑味好勁，好岩女人飲😍擔仔粿粉 （HK$28)細細碗~ 好有特色，粿粉有口感，湯底濃而不油！鹽酥雞 （HK$68)脆卜卜，加埋五分香，好有台灣風味櫻花蝦高麗菜 （HK$78)大量櫻花蝦，菜鮮味紹興酒香雞 (HK$68)入味，濃濃酒香但骨位較多三杯雞煲 (HK$98)重口味之選正宗三杯雞

度小月終於黎左香港啦啦啦係台灣食過覺得勁好食 究竟係香港食有冇分別呢？個人覺得擔仔麵同祖傳肉燥飯係keep到水準但係份量一定係太少 食左都係唔飽之後有叫到特滷大腸 呢個我係推薦的超入味的 好好食嘅👍🏼至於炙烤胡椒肉就有啲失望肉質太厚 有少少鞋口😩最後有小小插曲想分享下：一黎已經要等 等左半個鐘到入到去原來要搭枱一坐落去對情侶就比說話我地聽仲傻仔到話要打對坐 傻的嗎🙄之後成餐飯西口西面 仲嫌棄我地食嘅野心諗我地得罪左佢？ 真心嬲😤_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$28+28+48+68________________________唔信我嘅可以自己去試試😂地址：海港城海運大廈LCX3 樓31號舖

「度小月」應該唔駛多講都知係台灣知名食店，初初賣擔仔麵起家，成名之後變成中高檔食店。n年前出差都係台灣食過，印象中頗一般，之後都冇再食過。直至佢開到黎香港，咁耐冇食就畀個機會大家啦。雖然位於尖沙咀海港城LCX，但定價都算親民。開業初期排隊就少不免架喇，當日周末lunch時間等左差唔多一個鐘。等的期間可以望下門口麵檔煮嘢，貫徹台灣店門口附近有小麵檔煮擔仔麵特色。台菜通常分量唔多，咁就可以叫多幾樣。最唔少得當然係招牌菜擔仔麵（$28），其實話係招牌菜，但總覺得一般，個湯有點油，肉燥（同肉燥飯的一樣）係ok嘅，麵條偏腍，加隻冇味的蝦點綴，作用不大。整體唔太突出，但未食過的話仍可一試。反而肉燥飯（$28）做得唔錯，肉燥走碎肉路線，夾雜少少肥膏同皮，味道足但唔過鹹，醬汁亦落得夠，起碼唔會食到中段變左食白飯。飯粒用返台灣米，有咬口，唔會畀醬汁浸到腍。唔好睇個碗好大，分量仍跟台灣傳統偏少，大約一飯碗左右。雖然有飯有麵，但分量唔多，可以再叫點小食。蚵仔酥（$68）係見好多枱都叫所以試下。一碟都有幾多，上枱熱辣辣，上粉唔多，外面炸得脆口，而裡面就係滑滑的鮮味蚵仔，如果嫌唔夠味，可以點旁邊的椒鹽。滷大腸（

係尖沙咀開左一排的度小月 見到平時好多人 無乜動力排 今日見時間仲早 決定黎排下隊 點知等下等下都等左成個鐘頭坐低即刻一人一碗肉燥飯先！廿八蚊細細碗 肉燥唔算好多 但足夠了 好香好好味！再叫個紅麴排骨 有十幾舊 份量合理 肥瘦適中 好軟好入味！炙烤胡椒肉 熱辣辣 胡椒味好突出 但有少少偏辣 但都係香為主！點埋個醬汁食仲突出肉味！紹興酒香雞 雞肉好滑 好入味 酒香濃 同蚵仔酥 蚵仔真係仔 好細粒 但炸得好香口既 四個人埋單一人百五蚊度 價錢十分合理！

過江龍的店在香港要等位是常識吧!這天我們六時就到達,最後等了一個多小時🙄整個用餐店員都有催趕壓力,縱使上菜快,反正感覺就不好😨點了肉燥飯和擔仔麵,售$28/碗飯是飽肚的,但擔仔麵只有一口和一隻蝦。湯底味濃,麺條口感不過淋👍🏻飯沒太大驚喜還點了櫻花蝦椰菜超級多櫻花蝦,香口,縱使知道它應該放了點牛油,也不覺膩🤤黃金炸蝦是推薦大家一家要點❤❤❤超級香口大隻,3人叫一份剛剛好share,油炸食物不適宜多食若要等一小時位就可免了,若不用等候還是可再來吃

度小月一開 朋友就話想去試因為係台灣係好出名而且好好味我自己就未試過 咁就一於係香港試下喇當日星期六約7點到 已經有好多人係門口等緊等阿等 等阿等 終於到我地(等左成個半鐘)餐廳地方頗大 走復古路線我地叫左擔仔麵 肉燥飯同三杯雞先講擔仔麵 味道唔會太濃湯底幾清 好味好味 但分量實在太少🤦🏻‍♀️而肉燥飯好特別 出面既肉燥飯通常只得肉燥但度小月既肉燥飯係有蝦米令到成個飯香口好多 而且啲米係珍珠米我好中意😋😋之後就係三杯雞 味道唔錯九層塔味比較重 而且得好少舊雞感覺唔抵食最後一定要講度小月既水我未飲過一間餐廳既水係咁難飲有陣怪味 我唔識形容 大家去試下便知總括黎講度小月係唔錯但我同朋友都一致認為唔值得等咁耐想食既可以等熱潮退去再試

好耐已經冇去尖沙咀同我老公撐枱腳食晚餐 今晚特登等佢收工去海港城食台灣嘢 去到都7點幾8點 門口已經有好多人排緊隊 等左差唔多半個鐘多d 終於可以入去食啦我地兩個人就叫左兩碗擔仔麵 係由肉燥整成嘅 仲有一隻鮮蝦係上面 幾濃味 之後叫左個貢丸湯 味道鮮甜 雖然貢丸得個兩粒 但幾彈牙爽口 我地仲叫左個柯仔酥 因為見到枱枱都有人叫 炸得香脆又有鮮味 雖然冇得去台灣 但呢d嘅野食絕對有台灣嘅水準 如果你好彩嘅話 仲有機會見到夜晚維港嘅景色 非常賞心悅目

東張西望打曬廣告 又話主打台灣正宗傳統擔仔面 吹到咁犀利 睇openrice 次次都排長龍 咁就下午茶試下老實講 去到見都少人 已經feel到少少伏首先必點招牌擔仔面 睇佢先28一碗 好似好平 睇相係得兩啖咋個賣相唔錯 但味道實在唔掂lor 個麵係冇味道 要索返d湯先有小小味 好大滾水味 都係預計中伏跟住因為最低人均消費60焗住叫咗個安平蛤蜊湯？？？寫住係招牌我先點 我想講佢係勁多薑絲 啖湯蛤蜊味食唔到 就姜味重 冬天飲同埋胃唔舒服飲就幾正 d蛤蜊即係生蠔仔都唔會腥 所以呢個還算OK總體覺得唔會再嚟

到台北度小月吃生日午餐是我欽點的地道擔仔麵分一半蚵仔清湯只有蠔仔薑絲和豆腐滿意自己指定的滷水清澈大腸完全沒有油滿分滋味家鄉小炒太油雖說蒜心入味蠟豬肉不咸也不認同我雖愛好粗野餐點但太過油一律打到冷宮愛恨分明喜歡小炒的colours 一客台南豬手58$林不貴入味而不太濃高級最緊要係抵價值觀和我我的波士請客的老朋友相對非洲精明是我幾十年老死更是會計師未夠飽她最終叫弛名台灣人肉臊飯仔小小一碗仔因太油一早我道謝不吃那麼多吃了一口都好吃😋但油漬和滷肥豬肉多得驚嚇美女為了堅持做美女 肥肉點到為止鄰桌小男孩對所有物品好奇滿意度小月雖被限時90 分鐘無損我們的目標食好野不貴明快-⋯⋯😘🤑年輕侍應手快足快但氣氛家庭家鄉做出誠品書卷氣和諧！

等號只提供一張長板凳，過3個號週後就要重新排隊。當空台很多時瘋狂叫號，一個號等五秒鐘就過，如果還有很多號才到在附近逛街的話非常容易過號，除非一直站在那傻等。不僅如此，服務態度也非常差，似乎完全不在意客人的感受，愛吃不吃。完全無法讓人相信這是來自親切的台灣的品牌。肉燥飯和三杯雞味道是不錯的，但是就餐體驗實在是太差。希望餐廳可以有所改進。我看到評論裡也有很多人提到服務不好，如果真的想好好做生意，是否應該有所改進呢