度小月 (海運大廈) (已結業)

Happy friday的一天同同事由中環搭船去咗尖沙咀食飯我地七點半左右到冇乜人唔使等位就直接入得😁我地兩個人首先叫左珍珠奶茶 味道係好飲既！不過珍珠奶茶稍為偏甜咗啲 唔鍾意太甜嘅話可以嗌少甜迷你擔仔麵 同埋迷你肉燥飯 好平 $28蚊不過真係得兩啖😂😂無乜特別 肉燥飯唔夠肥🤣食台灣野當然唔少得食炸嘢啦我地叫咗鹽酥雞同炸蠔酥好好味尤其炸蠔酥啲蠔好鮮值得一試有時間下次會再嚟食個炸蠔酥❤️❤️

度小月在台灣出名就衆所週知，現在進軍香港，當然要去一試，位於尖沙咀，地點一流，進店後感覺好親民，以為過江龍價錢相對是天價，誰知價錢也合理，亦是親民價，當然不及在台灣般便宜，但不用飛去台灣也能品嚐地道美食，也值回了。餐具極有心思，精美圖案令我回味台灣度小月的風格，我要大讚芋頭糕，它有一層層的芋頭蓉，食落鬆化，面頭佈滿臘味，一少片已滿足了大願望。炸蝦亦非常好食，它不油膩，配合胡椒鹽更特顯味道完美。蚵仔酥也不錯，衹是台灣店好似大粒D，味道也保持水準每樣食品都好精緻小巧，可以多叫不同款式試，值得推介

曾經喺台灣總店朝聖，今次係去文化中心睇「倫敦交響樂團」前喺附近尖沙咀商埸，路經至知道香港有店。原來呢度室外個境好正😍一向鐘意食台灣烤腸，梗係要試下，一樣咁正👍🏻，雖然價錢平，不過份量又真係小到唔合理🙄炸花枝丸，夠彈牙；鹽酥雞，細粒左D；黃金蝦捲，配果個汁，又真係好好味😋至於去度小月梗係要來個「肉燥飯」至稱得上食去過啦，我認為較台灣店更好食；珍珠奶茶亦係唔小得，當然呢樣都合格嘅，整體水準可以，價格算合理，所以值得再去😄

度小月呢間台灣食店都聽過唔少人提過仲要傳聞一開始排長龍去食既好啦！今日終於同朋友黎食啦！我就諗呢間幾紅既店，我就期望食出台灣味道。點知我真係好失望，一定要講佢定價偏貴，但食物質素其差，令人憤怒。見幾多人推介既擔仔麵竟然 竟然都可以味淡又普通 呢碗唔係招牌黎咩？都咁普通其他野食點算。仲要係份量極細碗，完全似試食size，儘管佢細碗，但難食都係唔會食得哂佢。櫻花蝦高麗菜 $78呢個菜 價值$78 我又期待左下佢會有咩特別。點知!又係極普通!水煮菜一樣，但收呢個價錢，有d離譜叫左兩個豆腐 -芙蓉炸豆腐 -蠔仔豆腐(唔記得左呢個名)想講出呢到啲豆腐完全冇味！而且口感好削，甚至夾唔起。蠔仔都係冇乜味架，覺得好神奇，唔多知自己食緊咩。同朋友唯一讚賞呢間店就係佢有海景，係食海景食名氣？講真，香港地都好多台灣菜食，是但一間小店都冇呢間咁差，第一次比劣評。名大於實，好似被欺騙入局咁真係好失望，希望佢會改善。

講真，我係一個對食唔算好高要求嘅人。暫時來講OpenRice我寫咗差唔多50篇食評，從來都冇俾個差評人哋。但係。今次我唔得啦。我人生第一次有衝動食完飯之後，想要喺門口舉起個牌，奉勸呢個世界上面嘅世人冇入呢一間鋪頭。伏！伏！伏！我真的想說講真，我從未食過一間鋪頭係我哋三個人坐低有第一道餸開始鬧到佢最後一味餸。價格上貴，質素差過我樓下間茶餐廳，如果要我搵啲一餐嘅優點我會話出邊個海景幾好睇，如果你比$150去睇海景覺得冇乜所謂嘅話，我覺得係OK嘅。但係如果你係專登過海、千里迢迢、期待左成個星期咁嚟到食呢一餐飯嘅話你會嬲到，上OpenRice打負皮囉。那一碟菜上面擺咗啲蝦皮，話係櫻花蝦，然後下面啲生菜就用湯碌咗下，然後賣80幾蚊喎，我慘過比男人玩弄感情囉兩碗好細碗嘅面同埋飯，肉燥飯得咸味無肉味，都食得我相當燥底㗎啦，碗麵叫做相對正常我會原諒佢唔會話佢， 但都唔叫好食啦。碗麵到底係普通到咩地步呢？係佢嗰條唯一嘅蝦我哋要差包剪揼邊個贏咗要食佢，食落口嗰下覺得似懲罰遊戲多過贏咗。條蝦係冇味㗎你咬緊個橡膠㗎咋！咸都冇嘢好講，得咸味同豆腐味，咸過我腦裏面入咗嘅水。重新一次佢嘅蝦餅都係冇蝦味的！豆腐認真佢

今晚尼吾到, 聽日見, 聽日一定羅個外賣走, 哈哈, 最中意飲湯, 對比起食其他野, 除左食反, 尼到海港城, 淨係幫親度小月,，其他既吾會幫親羅, 專一, 呢度感覺最舒服, 食野最享受。

一直都好鍾意食台灣度小月，喺LCX開左之後都成日想黎食，今日就同左幾個friend一齊食。古早味滷豆腐 $20滷汁好入味，豆腐質感比較實淨特滷大腸 $48平時怕食內臟嘅我都覺得好香好食又唔臭，加埋啲炸乾蔥一齊食口感倍升！黃金蝦卷 $88招牌菜黃金炸蝦卷！金黃色嘅香脆外皮包住爽口嘅蝦膠，點埋豉油wasabi,好食！櫻花蝦高麗菜 $78櫻花蝦俾得好夠份量，椰菜都炒得好脆唔會太腍擔仔麵 $28擔仔棵條 $28祖傳肉燥飯 $28以上呢三碗嘢都好細碗，基本上一個人食一碗都唔會飽，所以大食嘅話就嗌多幾碗喇

行街行到累walk in入去醫肚膽仔麵，味道不過不失，但真係好細碗，兩啖食哂。另外叫左個櫻花蝦炒菜，呢個好食。啲櫻花蝦好脆又好香，忍唔住食哂仲叫左個醉雞無影相，很差。肉很嚡，又少肉。不推薦！

今晚和朋友吃飯，他提議這裡，所以便來到了。這裡可以看到海景，一邊看海，一邊吃飯，人生一樂也。祖傳肉燥飯 $28/碗，肉燥的醬汁，醎淡適中，飯粒亦軟硬剛剛好，最重要份量剛好適合一人，吃完還可以吃其他小食。古早味滷豆腐$20，外表看起來結實，不過其實內𥚃軟滑，配合一點像蠔油的醬汁，一濃一淡，就更加美味。櫻花蝦九層塔煎蛋$68，蛋角包著豐富的櫻花蝦，外表帶點焦香味，而內𥚃櫻花蝦味十足，令人想起了台灣的一點一滴。灸烤胡椒肉$68，烤肉肥瘦適中，胡椒味道香而不濃，又是一味地道台式烤肉。看著海景，和友人分享生活點滴，不知不覺已經過了數小時。

去過台湾，也會必去度小月。現在香港也有度小月，就要去试试。蚵仔酥:去度小月必食，今次蚵仔肥美台式小炒:普通小炒，但炒出不一样的美味烤紹興香腸:太美味肉燥飯:保持水準擔仔麫:可以一試

以前喺台灣食過度小月，對佢嘅肉躁飯念念不忘。前幾日經過尖沙咀，原來佢開咗喺L C X入邊，就試吓食佢啦。正正午飯時段，有午餐Menu。我哋點左一個肉躁茄子飯，一個滷水豬腳麵家底，加$00要咗個桂花烏龍茶，仲有加$28要咗個清炒時菜。首先嚟嘅係桂花烏龍茶，點解係用紙杯裝嘅？開頭以為自己點錯咗外賣，但睇返店內其他食客原來個個都係紙杯飲品。咁做非常唔環保，而且用紙杯裝熱飲其實都唔太健康，有啲失望。之後滷水豬腳麵上枱，碗麵非常細，我哋已經加咗底㗎啦，但我老公一個人食完都完全唔夠飽。之後嚟嘅係清炒時菜，雖然比較細碟但係全餐飯最好食嘅，落少少蒜蓉炒嘅娃娃菜都幾香幾甜。然後嚟嘅係肉操茄子飯，嘩！我真係有啲意外。每一嚿茄子上面只有大約五毫子份量嘅肉操，全碟大約有9嚿茄子。雖然味道唔錯但肉操份量真係少得可憐。好老實講， $190係尖沙咀食lunch唔屬於貴，但係今次質素真係幾差，唔會再試了。

今晚約咗班friend食台灣嘢，揀咗尖沙咀海港城LCX商場呢間《度小月》，貪呢度地方夠闊落，坐得舒適自在。食肆面積頗大，佈置别具特色，滿滿台灣小城風味。近窗邊的座位更可飽覽維港景色，正！天時暑熱，先來杯凍飲解解渴，餐牌上有各式各樣的台式飲料，我一眼見到有台灣啤酒$78/支，梗要叫支試試。唔！有麥味之餘，又唔澀口，相當唔錯。特滷大腸$48，夠入味亦具口感，最特别係配上炸薑絲同食，口味新嘗試。炙烤胡椒肉$68，鹹香微辣，再沾一點醋來食，味道更多層次。烤紹興香腸$28/份，配鮮蒜同食，别具風味。三杯鷄煲$98熱辣辣上枱，鷄塊子盡收各款配料的精華和滋味，而肉質仍然保持嫩滑，讚！鳳梨蝦球$118，鮮蝦外酥脆內彈牙，配鮮菠蘿同食，口感清新，再沾一點特製的菠蘿醬汁，份外美味！肉燥時蔬$78，在娃娃菜上淋上自家精製的肉燥醬汁，濃淡相配得宜。最後來一碗招牌擔仔麵$28/碗，先呷一口用鮮蝦熬成的湯，味道鮮美，麵條煙韌得嚟有點彈牙，小小一碗，滋味豐富。原来消费满$380還可以參加他們的週年慶抽奬，飽餐完畢，仲可以抽吓獎，睇吓有冇luck喇！

為食兵團又出動了，今期進攻海港城的度小月，主打台灣菜式。早聞台灣美食吸引，加上接觸不多，對我來說甚有新鮮感。入口旁邊有個半開放的小廚房，既能裝飾又夠實用，也是最有效的廚房監察器。環境寬敞，中式傢俱營造出小農舍的風格，內裏還有維港海景，甚有特色。極具競爭力的價格，忍不住的隨心點了一大堆，不輪小食、粉麵、小菜，通通不要錯過 🥰🥰烤紹興香腸 $28，跟生蒜片一起吃是台灣特色，味道很夾。擔仔米粉 $28，細細碗好味道，米粉幼滑，原來滷水米也相當不錯。雖喜歡它的一小撮蒜泥，勁香勁惹味，縱沒有追加滷肉，份量也足夠。鳳梨蝦球 $118，脆醬內是大蝦，去殼去腸，爽口彈牙；鳳梨新鮮清甜，開胃醒神。特滷大腸 $48，已謝絕內臟多時的我，這回也忍不住吃了兩件，滷水入味，跟大腸本身的味道很夾，口感軟腍，好味道。三杯雞煲 $98，較常吃到的台灣菜式，雞肉醬沾滿了惹味醬料，吃起來還有香葉的味道。肉燥時蔬 $78，娃娃菜新鮮腍滑，隨意加上百搭的滷肉碎，已經是一道美味菜式。櫻花蝦九層塔煎蛋 $68，櫻花蝦份量夠多，味道明顯，反而九層塔的味道略為低調。蔥油雞 $68，跟預的青色蔥油有點出入，雖然顏色不夠討好，但味道香濃

三兩知己喺尖沙咀海運大廈行完街就去咗呢間係LCX 3樓嘅《度小月》食晚飯。餐廳裝修好有台灣風味，餐枱同餐枱之間嘅距離都幾闊落，坐得幾舒服。擔仔麵 ($28/碗) - 賣相精緻，湯底帶有好香嘅乾蔥味及芽菜的香甜味，味道豐富融和有層次，麵身滑溜帶點彈牙，加上新鮮彈身鮮蝦及惹味肉燥，相當滋味！烤紹興香腸 ($28) - 香腸衣烤得彈牙中帶點香脆，腸肉軟硬適中，味道香口鮮美，配唔配蒜片都好食。特滷大腸 ($48) - 大腸軟腍滷得入味之餘又保留得大腸本身的香味，加上炸香嘅薑絲，味道相當唔錯。鳳梨蝦球 ($118) - 蝦球表面嘅炸醬炸得鬆化，蝦肉爽口彈牙，配上酸酸甜甜嘅鳳梨醬及新鮮鳳梨塊，香甜好食又唔油膩。灸烤胡椒肉 ($68) - 肥瘦交替的豬肉爽口彈牙，肉味香濃，表面嘅胡椒粒相當香口，配上酸酸甜甜嘅醬汁，香而不膩。櫻花蝦九層塔煎蛋 ($68) - 煎蛋香口又唔會太乾身，煎蛋入面加有櫻花蝦、九層塔……等，以簡簡單單嘅食材，帶出得豐富美味。食完埋單原來惠顧滿$380可以參加抽獎，分分鐘有機會免費飛去台灣再嚐《度小月》。

今晚同朋友仔嚟到呢間位於尖沙咀海運大廈三樓嘅《度小月》食晚飯。門口裝修十分優雅，好有台式風味。適逢餐廳2週年有大抽獎，堂食滿$380即有一次抽獎機會，我們今晚幾位朋友仔，又點止幫襯$380，所以我們今晚一定有得抽獎，一於就碰碰運氣。香檳巨峰乳酸配椰果 $38味道不太甜，又酸酸地，幾好飲，再加上清爽的椰果，口感一流。鳳梨乳酸配椰果 $38味道清新，入口清甜。香根皮蛋 $48皮蛋好新鮮，沾滿自家制的醬汁，配搭一流。古早味滷豆腐 $20好香滷水味，豆腐又夠滑。鳳梨蝦球 $118皮脆，蝦球十分新鮮，沾了少少的醬汁脆得嚟又易入口，唔會太熱氣。鳳梨值得一讚，十分新鮮，肉質清甜。三杯雞煲 $98一上枱已經聞到香噴噴又熱辣辣嘅味道，配料又相當豐富，包括有青椒、紅椒、九層塔、洋蔥等等。未食之前先用匙羹攪勻一下，等醬汁和配料粘滿雞件，雞肉味道濃郁，食落十分香口，非常惹味。肉燥時菜 $78重口味的肉燥配上新鮮嘅蔬菜，味道一流。今晚食到飽飽地，再食埋呢一碗《擔仔米粉》就差唔多。擔仔米粉 $28米粉好幼細，口感唔錯。米粉底部鋪滿新鮮嘅芽菜，所以湯底有好香嘅芽菜味，再加上香口的燥肉，味道更佳。